المشاركة الأصلية كتبت بواسطة نايف (المشاركة 1076125)

القويه ذي حطوها رئيسة امن المنتدى
وعطوها دوريه ومسدس مويا
صدمتيني راما .. فار مره وحده
شلتك خلاص من قائمة
الهاربات من الصراصير :d

المشاركة الأصلية كتبت بواسطة المعتفس (المشاركة 1076127)

كان عندنا عشا والاطفال ملتمين علي
عشان معي هذا اللي انفخه ويطلع فقاقيع صابون
فجأة الا يوم جت بنت حلوة من جماعتنا
هالبنت كل ماشوفها اتخربط خخخخخ
مدري وش خلاني اتحمس واقول لهم تتحدوني اوريكم سحر وعيني على البنت وهي تهز راسها ب إيه
بعدين قالوا كلهم بصوت واحد ايييييييه
انا كان مافبالي شي اسويه بس فجأة وهم ينتظرون حركة السحر مدري وش خلاني اشرب الصابون
ماكان معي حل ثاني والا كيف اصير ساحر :m1:
وما امداه ينزل لبطني الا يوم استفرغت):
عبيت الدنيا
ومع صياح الاطفال جت امي وعلموها اني شربت الصابون عشان اسوي اني ساحر
صفقتني امي قدامهم وجلست تمسح مسكينه
ايه تذكرت مع كل كف كان استفرغ هع
كانت ليلة لاتنسى
رقدت بدون عشا ولاعاد شفت احد الا اليوم الثاني
المشكلة اللي شربت الصابون لعيونها حتى بعد السالفة كل ماشافتني تتقرف مني خخخخخخ

المشاركة الأصلية كتبت بواسطة بيلندا (المشاركة 1075909)

يوم من طفولتي إستحالة انساه
كووونت حركيه في البيت وازعج ماما واختي كانت تعبانه وتتعالج
وكانت ماما تروح معها للشيخ يقرا عليها
ظلت اختي فتره طويلة من الزمن مريضه
وانا كنت قبل سن المدرسه مافي مدرسه تستقبلني
واشغلت المسلمين بإزعاجي
فماما اقترحت ع بابا يصير ياخذني المحل داخل البلد
يبغون يفتكون من شري :540:
لانو جيت بالوقت الغلط جابوني في اخر عمرهم
اخواتي اكبر مني بكثير عمر
الموووهم رحت مع بابا يوووووه كان جوي المووهم
ذاك اليوم بابا جبلي فطور سندويشه وعصير
وعندو في المحل عامل افغاني
وله ولد صغير مفروض يدرس ابتدائي
وعجبني الولد ودايم احاول فيه يلعب معي ويرفض
ماستسلمت
صرت كل يوم اقسم السندويشه بيني وبينو وافطر معاه
والحياة سهله والسنتوب احطه بيني وبينو وااخليه يشرب معي
ماعرف كيف كانو اهلي متحمليني :122:
بعدين صار الولد يجلس معي ويلعب معي
وابوه شافو جاء ابوه وهوو ضخم ضخم ويدووو كبيرة
وضرب الولدكف شاله من مكانه وضرب الولد بالجدار من قوة الضربه
وطاح بالارض وصار خشمو يصب دم
ياني حزنت عليه حووووزن عظيم
ياني كرهت ابوه ليش يهاوش الافغاني الصغير كانت عيونو زرقاء
جميييل جمال رباني احلى من حياتي كووولها
ليومكم هذا ماتخطيت الموقف وكنت صغيره قبل سن المدرسه
بس عاطفه الامومه قويه كووونت اشتاق للافغاني :337:
الموهم قبل كم سنه سالت عنو قالو تزوج مديرة مدرسه
وهو في العشرين وشنيتوووو الحمدلله :540:

المشاركة الأصلية كتبت بواسطة راما (المشاركة 1076089)

،.

لما كنت بصف ثاني إبتدائي
وقت طلعة المدرسه نمشي مع بعض بيوتنا متقاربه
وكان طالع من بين البيوت فار هارب :571:

صدته ووديته أوريه أمي وانا فرحانه قيه
وأمي كذا:423:

طلعت ركض أرجعه مكانه هههههههههههههه

المشاركة الأصلية كتبت بواسطة المعتفس (المشاركة 1076127)

كان عندنا عشا والاطفال ملتمين علي
عشان معي هذا اللي انفخه ويطلع فقاقيع صابون
فجأة الا يوم جت بنت حلوة من جماعتنا
هالبنت كل ماشوفها اتخربط خخخخخ
مدري وش خلاني اتحمس واقول لهم تتحدوني اوريكم سحر وعيني على البنت وهي تهز راسها ب إيه
بعدين قالوا كلهم بصوت واحد ايييييييه
انا كان مافبالي شي اسويه بس فجأة وهم ينتظرون حركة السحر مدري وش خلاني اشرب الصابون
ماكان معي حل ثاني والا كيف اصير ساحر :m1:
وما امداه ينزل لبطني الا يوم استفرغت):
عبيت الدنيا
ومع صياح الاطفال جت امي وعلموها اني شربت الصابون عشان اسوي اني ساحر
صفقتني امي قدامهم وجلست تمسح مسكينه
ايه تذكرت مع كل كف كان استفرغ هع
كانت ليلة لاتنسى
رقدت بدون عشا ولاعاد شفت احد الا اليوم الثاني
المشكلة اللي شربت الصابون لعيونها حتى بعد السالفة كل ماشافتني تتقرف مني خخخخخخ

المشاركة الأصلية كتبت بواسطة ابن الهيثم (المشاركة 1075849)

.






في سنة رابع او خامس ابتدائي
احد المدرسين من جنسية عربية
كثير يطلب مني ومن ولد عمي نجيب له بيض بلدي
من القرية ( قريتنا فيهاا كم شخص يربون الدجاج وسمع عنهم ) استمرينا نجيب له لين طفشنا من كثر طلباته واحيان ما نلقى
في احد الايام قبل الشروق وحن نمشي نقطع الفيافي والقفار كعابي
مع مجموعة يتقدمون عنا والارض طين ووحل بعد السيل الذي عبر في الليل
واخرج الحيات والهوام
وكنا حذرين لاننا نعرف طبيعة الارض شاف ولد عمي حية منقطة تسرع تختبي في المرخ
عاجلها بحجر
واثنين وثلاثة لين تاكدنا انها ماتت
قال وش رايك نشتلها في راس عصا واذا وصلنا ندور كرتون نحطها فيه ونقول يـ استاذ جبنا لك بيض
وافقته غير مدرك للعواقب
لما وصلنا لقينا في المرمى كرتون وهو واقف على باب المدرسة الجنوبي هذي شغلته يجلد المتاخرين هههههه
قلنا يا استاذ جبنا لك بيض واعطيناه الكرتون رد شطار اولاد مونس <جدنا
رفع الغطا وهو يخور خوره مثل الثور وحذف بالكرتون
وهو يرتعد سمعه كل اللي في المدرسة خرج المدير ومن معه من غرفة الادارة مسرعين وعر فوا السالفة ضربونا ضرب الله لا يوريكم لين بغينا نفقد العافية
الضحية مجموعة من اللي خرجوا تجمعوا حوله جيبوا مويه جيبوا مويه يرشونه بغى يموت بالسكته
واستلمونا دروس ليه وكيف تسوون كذا لومات بيقصونكم
قلنا اذانا بكثر طلباته وقلنا نهب له توبة خخخخ
كان رعب في رعب كنا نسمع عن القصاص الله لايعيدها من ايااام
عرف عمي وابوي وراحوا له بيته ومعهم بعض الاقارب يعتذرون له وان هذولا سفهان ما يفهمون ومن ذا الكلام
لين رضي وطاب خاطره
المهم سلم وسلمنا
وانتم طبتم ودمتم سالمين ..