|
رد: حكــاية قصيــرة ❥
كنت افكر بعمق في موضوع ما ،
تقريباً كان موضوع مصيري نوعاً ما ،، و في اللحظه اللي كنت متردده اقول لا ،، ارسل لي الله شي يخليني ارفض ،، و رفضت بهدوء ،، و في قلبي سكينه ،، |
رد: حكــاية قصيــرة ❥
لا اعرف لما انا حزينه اليوم ، و اقلب في الملفات الحزينة و اثير ذاكره اصابها الصمم منذ زمن طويل ،
اثير حرف ظل يدندن على روحي ، يخرجني من دائرة السكون ، و يثير ضجه الصمت في داخلي روحي التي كانت تتأمل بأنها هدأت ، افتضح امرها ، عند اول لحظة هروب هي تجيد الهروب ، و هو واضح لكنها لا تستطيع الوصول إليه ، خائفان من حلم وشيك الحدوث ، |
رد: حكــاية قصيــرة ❥
اريد ان اختبيء هنا ..!
من يبحث عني ، اخبروهم ، بأني فقد الجزء المهم من روحي ، ضعف سمعي و باتت الرؤيه مشوشه و فقدت جزء من عقلي حتى يكاد يصيبني الجنون ، اخبروهم بأنني سافرت الى اللاوجود ، تلاشت معالم الحياة امامي ، و اني احاول ان اعقد هدنه مع الحياة ، و اخبروهم ، بأنني سأعود بروح جديدة ، |
رد: حكــاية قصيــرة ❥
" قَبْسٌ مِن نُور "
بعض الاشخاص في الحياة نكديين بطبعهم ،، و المشكله العظمى يكون هالشخص مرتبط فيك ،، يعني شخص لصيق بك ،، تربطك فيه علاقة زواج ، اخوة ، صداقة .. من هؤلاء ..! يعني مهما تسوي لهم ، يضلون متذمرين و يكسرون مجاديفك ،، يخلونك تتراجع عن اي خطوة حلوه انت جالس تصنعها لنفسك ،، يحدثون شرخ كبير في روحك من ناحيتك ، بعدها الحياة معهم تصبح مستحيله و انت ما تقدر تنفك عنهم ،، نصيحتي و كلامي ممكن يكون غريب شوي ،، بس هو مجرب من ناحيتي ، و مجرب على بعض الصديقات ،، الا و هو " الاستهبال " :ff1g (12): ترا الاستهبال فن عظيم لا يجيده الا العظماء <- ترقع لنفسها :ff1 (46): تقولون لي كيف الاستهبال : بحاول اشرح لكم و ان شاءالله اني اقدر اوصلكم الفكره ،، ذولا النكدين لما تسوي شي حلو ، او تقدم لهم شي ،، على طول عباراتهم لك سيئه ،، مثلاً : فرحانه بنفسك ! ، من زين وجهك ! ماخذه مقلب بنفسك ! اتوقع وصلت لكم الردود السيئه ! ردود تخليك تقول في نفسك انا وش خلاني اسوي لهم كذا تخليك تندم على الشيء اللي سويته لهم ،، فيه فئة من الناس ردودهم اقوى شوي ،، بس الحمدلله ان ما عندي احد بهالنوعيه بس الاستهبال بيعالج المشكله ،، يعني خل ردك لهم يكون فيه لطافه فيه مزح ، ضحك لكن بنفس الوقت تكون مبتسم و تبين له انك على نياتك الموضوع في نوع من الخباثه شوي ،، بس خباثه لطيفه خخخ مدري كيف اعطيكم امثله ،، مثلاً بقولكم لما اخواتي اسوي شي و اجي فرحانه اوريهم و يبدون يكسرون مجاديفي ،، اوقات من باب المزح بس لها تأثير ترا ،، مثلا يقولون لي فرحانه بنفس انتي ! اقولهم و الله اني اهبل ،، يازيني بس ،، ابدأ امدح نفسي ببراءة و استهبال ،، تخلي الموضوع يقلب مزح و ضحك ،، و ما اتوب و اجي اوريهم من باب ان رايهم مهم عندي ،، لابد تجي بعض الردود اللي مالها داعي بس تكون اخف من المره اللي قبلها .. و بعض المرات انا استهبل و اسوي نفسي مو فاهمه عشان اكبر من رايهم شوي و يكون فيه حديث استفيد منه يقومون يعطوني رايهم بشي ،، ترا الاستهبال مو يعني تكون اهبل و ردودك دفشه ،، تسوي نفسك مو فاهم ، و تحسسهم انهم نبهوك على شي مهم و انت عارفه اصلا و ممكن بعض الناس ما يفيد معم هالاسلوب ،، يبيلهم تزيد عيار الاستهبال شوي خخخ سبحان الله شوي شوي انتم بتبدون ترقعون لبعض ،، و تسلك الامور ،، و ممكن الطرف الثاني يفهم اسلوبك و يبدأ هو يسويه ،، الين تصير الحياه هبله <- و الله من الراس الاهبل خخخ لا بجد اتكلم ،، ترا الحياه حلوه ما تحتاج اننا نضايق بعض ،، بس التغيير يبدأ من انفسنا ،، و اتمنى لكم استهبالاً لطيفاً و يومكم سعيد |
رد: حكــاية قصيــرة ❥
اعترف اني عندي تشتت , ماني قادرة اركز على شي محدد ,, على اني اعرف وش ابي بس ماني قادرة ارتب افكاري ,
عندي افكار كثييير ودي احد يدخل عقلي و يرتبها لي , و انا اعرف ليه مو مرتبه ,, لان ببساطه غرفتي مو مرتبه خخ اذا انحاست الغرفه تلقائي القى نفسي احوس معها :ff1 (46): و من زمان ما غيرت ترتيب الاثاث ,, و حاجه ثانيه من زمان ما مسكت ورقه و قلم و خططت ,, شي مهم الواحد يخطط و يكتب اولوياته و الا ايامه تروح و ما يستفيد منها ,, و هذا اللي صاير معي هالفتره ,, لي شهر و انا على ذا الحال يمر الويكند و ما استفدت شي يالله ارجع اعيد الهيكله و نرتب الاولويات ,, :ff1 (104): و صباحكم سعيد \\ :531:: |
رد: حكــاية قصيــرة ❥
اهتم بنفسك كثيراً، و كثيراً جداً
لان الجميع يذهبون و تبقى انت تواجه الحياة.. صباحكم سعيد، و يومكم جميل :ff1 (104): |
رد: حكــاية قصيــرة ❥
ما اتوقع فيه احد يداوم قبل دوامه ب ثلاث ساعات..
اوقات اطلع من البيت و انا ما انتبهت انه بدري مررره صرت انزعج لو عندي شغل كثير و مو قادرة انجزه،، ف اضطر اجي بدري و اشتغل برواقه.. صباحكم سعيد.. و يومكم جميل :ff1 (104): |
رد: حكــاية قصيــرة ❥
من مهاراتي... لف السمبوسة،،
استمتع فيه بشكل :67: الف بطريقه مرتبه و بسرعه هائلة بسم الله علي يعني في ساعتين سويت ٢٠٠ حبه و في جلسه وحده بس بموت من ظهري :r-q-7: و عندي اشياء مخططه اسويها بس امي كانت مجهزه حشوة السمبوسة تنتظرني يالله لجل عين تكرم مدينه اجلت اشغالي عشان امي و السمبوسة :ff1 (46): تدرون وش نفسي فيه.. نفسي اكل و انا منسدحه خخخ |
رد: حكــاية قصيــرة ❥
كيفني و انا ورديه :ff1 (104):
:510: |
رد: حكــاية قصيــرة ❥
اشكر كل من بارك لي ,, و ممتنه لوجودكم اللطيف ,,
و انا طلبت الاشراف لحبي للمنتدى و صاحبته ,, من الاشياء اللي ساعدت في تغيير شوي فيني ,, عشان كذا حبيت اكون جزء من هذا المكان الجميل :510: |
رد: حكــاية قصيــرة ❥
اقتباس:
<- تاخذ نفس عميق .. و تغمض عيونها عشان تتأمل :ff1 (46): نرد على القدير المعتفس قبل لا يعلقني في المروحه و يشغلها على اعلى شي و بعد ما يطفيها بيخليني معلقه عبرة لمن لا يعتبر \و يقولهم شوفو اللي يروح قبل دوامه بثلاث ساعات وش يصير فيه .. الله يعطينا كلنا بشيول السعادة و راحة البال , انا اصحى قبل دوامي بساعتين تقريباً اروق عشان اروح بنفسيه حلوة .. لكن ما اروح بدري الا في الحالات الصعبه اللي يكون الشغل لشوشتي و مو قادرة انجز ,, لانه مجرد ما يبدأ الدوام انسى انك تركز في شغلك .. سبق و اتكلمت في برنامجي قبس من نور عن كلمة " ما عندي وقت " و كيف انها كلمه تخلق بداخلك شعور ان ما عندك وقت و انت ممكن عندك الوقت بس عقلك الباطن صدقها ^ مقدمة " قَبْسٌ من نُور " كلنا عندنا اشغال و مسؤليات تاخذ من وقتنا الشي الكثير ,, و ممكن اوقات يخلص وقتنا و ما ننجز شي و اغلبنا دواماتنا طويلة ,, تقريباً يروح نص يومنا فيها ,, كأن الدوام صاير بيتك و البيتك دوامك <- يمديكم ع التشبيه خخ المسألة في تقسم الوقت و كيف انت تخلي لحياتك روح و حياه حلوة اخلق تفاصيل جميلة , حتى لو ما كانت موجودة بس انت صدقها هي مع الايام بتتكون في حياتك انت لما تقسم يومك و تشوف ساعاتك وين راحت و تكتشف ان وقتك لنفسك و لبيتك اقل بكثير من اللي قضيتها في الشغل للامانه هذا راح يسبب صدمه و من الاشياء اللي تخليك تصدق ان ما عندك وقت ,, و اصدقكم القول ان الساعات اللي اكون فاضيه فيها لنفسي ساعتين او ثلاث ممكن تزيد او تقل على حسب الانشغال بشي للاهل او مشاوير مهمه ,, نظرتنا للموضوع و للساعات القليلة هي اللي تحدد استفادتنا من هذي الساعات نظرت بضجر لها راح تشوفها مرررره قليله و ما تكفي لشي نظرت لها بتفاؤل و انك راح تنجز اشياء فيها راح تنجز و تبدع ,, المهم في الموضوع انك تنظر لها بصدق ,, كون صادق و اعطي هالوقت حقه ,, قسمه بطريقه تفيدك و تفيد اشغالك و المشاريع اللي براسك ,, و هذا ما يعني انك في كل الايام راح تقسمها بالمسطرة و تكون فنان و ما يفوتك شي و في الاخير انت بتتعب .. في ايام تكون للاشي ,, انت مالك خلق لشي .. ودك بس تنسدح و تطالع في السقف حرفيا انا مابي اسوي شي ,, و عااااادي طبيعي جداً ,, لنفسك و لروحك عليك حق ,, المهم في الموضوع انك تنجز ما تحس حياتك رايحه هدر ,, تشتغل على شي يدخل في روحك السعادة لو كان وقت فراغك ساعه ,, ساعتين ,, ثلاث \ انت تقدر تقسمه بالطريقه اللي تناسب , كل ربع ساعه شغله , او كل نص ساعه و تحط لهذي الشغله مؤقت بحيث لو انتهى وقتها خلاص ترجع تكملها بكره مو لازم تضيع وقتك الباقي عليها ارجع اقول : كل ما كانت نظرتك للحياة واسعة , و ان الله اهداك هذي الحياة عشان تنعم فيها انت تلقائي بتهدأ روحك , بتقدر تقسم وقتك بطريقه مناسبة لك و مفيدة .. في النهاية نصيحتي ابتعد عن الحلطمة و النظرة التشاؤمية .. في نهاية الحلقة اشكر الاخ و الصديق القدير " المعتفس " اللي كان ضيف هالحلقة .. و اثرا تفكيري بموضوع اتكلم عنه لكم جميعاً كل الحب كانت معكم مشرفه قسم عدسة مبدع : النور ^ كشخه صح :ff1 (46): |
رد: حكــاية قصيــرة ❥
جاري ترتيب الغرفة , ليناسب توجهي الجديد
<- متى ربي يريحها من المشاريع الفاشله خخخ انا زي النملة اقوم و اطيح ,, امشي و اتراجع , <- في الاخير تندعس خخخ بسم الله علي :r-q-7: لا ان شاء الله نطلع من الدنيا ب اثر جميل :ff1 (104): |
رد: حكــاية قصيــرة ❥
انا من الناس اذا نمت متأخر،، احس فيه شي غريب بجسمي،،
ما عاد استحمل اسهر،، امس ما نمت من القلق،، ارسلت باقة ورد لخالتي و مفروض التوصيل من ٥ الى ١١ نمت الساعه وحده و الباقة ما وصلت :r-q-7: يالله حلو تصحى من النوم و تلقاها مرره تنكدت بغيتها تفرح فيها في وقتها :ff1 (104): و صحيت بمود مو زين،، و سويت كوكيز الصباح و احسه ما ضبط.. بس راح اخذه معي على النيه :67: الاشياء اللي اسويها و انا مروقه تضبط اكثر حتى لو هي بنفس الطريقه.. حبيت افضفض لكم و اقولكم السهر مو زين،، نفسياً و جسمانياً و صباحكم روقان :ff1 (104): |
رد: حكــاية قصيــرة ❥
لما انت تسوي شيء بحب و تحبه.. بعدين تلاقي مدح عليه،،
يالله ايش الشعور اللي يوصلك من هالمدح،، :510: حقيقي هي رسائل حب انا استقبلها بحب و انسى اي شي ضايقني من امس.. حالياً اي شي يضايقني ما صار ياخذ يوم معي، اتجاوز سريعاً و لله الحمد :ff1 (104): و من الاشياء اللطيفه، ان احد يقولك انا سهران على كلامك الليل كله نوري،، صنعتي يومي :ff1 (104): |
رد: حكــاية قصيــرة ❥
الحمدلله و الشكر على نعمة الراحة،،
امس بكل ما تعنيه الكلمة قضيتها في النوم :67: رجعت من الدوام،، و استرخيت انام و اصحى و اقوم اصلي و ارجع انام حتى سوالف و جلسة مع الناس مابي ابي اعوض نقص النوم اللي صار و خرب مزاحي،، صحيت اليوم الفجر و انا بقمة نشاطي،، سويت كوكيز كالعادة خخخ و ضبطته بكل حب،، لاني راح استقبل اليوم نوري الحب :ff1 (104): و اي احد احبه استقبله بالكوكيز،، سواً يحبه و الا ما يحبه مو شغلي انا احبه :ff1 (61): ذكروني بعدين ما اقلق و لا اسهر :ff1g (12): و صباحكم رايق.. و يومكم سعيد :510: |
رد: حكــاية قصيــرة ❥
حلمي اليوم كله عتاب :ff1 (169):..
رسايل طويلة .. و لوم و عتب .. على اني نايمة بدري .. بس الحلم كان ثقيل لدرجة اني خلاني اتعب في النوم صحيت و انا شبعانه تهزيْ خخخ المشكله كان من اشخاص انا مفروض اعاتبهم ,, بس صار العكس هم يعاتبوني :r-q-7: يالله ,, الله يجعله خير .. و صباحكم هادي :ff1 (104): |
رد: حكــاية قصيــرة ❥
بعد سنه و عشرة شهور، مدري اصمل على هذا القرار او لا :ff1g (12):
اكتب هنا عشان اوثق اللحظه و ارجع له بعد المدة المقررة هو قرار مصيري و يبيلي افكر الف مره من الان الى ذاك الوقت،، ما اقول الا الله ينور بصيرتي :ff1 (104): |
رد: حكــاية قصيــرة ❥
" لن يصيبنا إلا ما كتب الله لنا"
عبارة فيها من الطمأنينة ما يجعل روحك تهدأ، كل شي حدث لك بأمر الله، و كل شي صرفه الله عنك هو خير لك.. و تصبحون على سعادة :510: |
رد: حكــاية قصيــرة ❥
" قبْسٌ مِن نُور "
يسعد صباحكم ,, نمر في هذي الحياة بمشاعر عده .. منها المحزن و المفرح .. تجاوبنا مع هذي المشاعر هو اللي يحدد لك اسلوب حياتك ,, و كيف تكمل الحياة و تكون اثرت فيك تأثير ايجابي .. بتكلم اليوم عن " التجاوز " كيف تقدر تتجاوز مشاعر , تتجاوز اشخاص ,, و مواقف .. عن نفسي اشتغلت على التجاوز من فتره ما قررت اني اتغير ,, ان تكون شخصية حساسة , تشيل هم , تشعر بالذنب تجاه اشخاص و مواقف , ما تقدر ترفض طلباتهم لو على حساب نفسك .. هذا يولد بداخلك مشاعر سلبية و تبدأ هذي المشاعر تتراكم و تكوّن بداخلك حاجز بينك و بين نفسك .. و تخليك ما تقدر تتعامل مع نفسك او غيرك بطريقة صحيحه من الاشياء المهمة اللي تساعدك في حياتك هي التجاوز , التجاوز مو نطنش و نتخطى القوانين ,, و نكون لا مبالين لأنفسنا و الناس اللي معنا , التجاوز , مو يعني ما نهتم و لا نحس ,, بالعكس التجاوز انك تشعر بالمرحلة اللي انت فيها , تشعر بالمشاعر و لا تتجاهلها , تحللها و تفهم ليه انت شعرت فيها , تحلل موقفك من الشخص و ليه هذة المشاعر و الانفعالات تصير بينكم , و هل هذا الشي له تأثير على اسلوب حياتك باختصار اجلس مع نفسك و هذي المشاعر جلسة مصارحة , بعدها راح تعرف انك عايش فيها و الا بدونها اجلس مع نفسك و هذا الشخص , راح تعرف ان مشاعرك ما هي الا نتاج مواقف او مشاعر ممكن تنتهي بأي لحظة لما تعيش هذي المشاعر و تعطيها من الوقت اللي تستحقه بس ,, و تكون عارف انك عايش فيها او بدونها .. انت مستمر في الحياة ,, مستمر مع ذولا الناس ,, ليه انا اتعب نفسي و روحي على مشاعر سلبيه الآن انت شعرت فيها و عطيتها وقتها , انتقل الان من الشعور السلبي الى الايجابي , فكر في نفسك بعد ما تخطيت هذا الشعور , و ايش النتيجه الحلوة اللي صارت , كيف هذا الشعور ما اثر على حياتك , و انت مكملها ناجح و منجز .. طبيعي جداً ترجع لك هذي المشاعر .. و ذولا الاشخاص .. و طبيعي جداً انك ترجع تشعر بهذي المشاعر , بس هنا يجي وقت التجاوز , انت بينك و بين نفسك عارف انك تجاوزت و ان هذي المشاعر ما اثرت على حياتك .. وقت التفكير فيها راح يكون اقل من اول بكثييييير .. مره ورا مره ,, راح تكون هذي المشاعر زي الخيال .. كأنها ما تعنيك اصلاً .. لانك عارف انك تجاوزت و عشت حياتك .. \ هذا التجاوز : يعطيك ثقة بالنفس اكبر , يعطيك قوة شخصية , و القدرة على المواجهة ,, لما كنت اشتغل على التجاوز , وقتها صادف و قريت كتاب " السماح بالرحيل " https://2.bp.blogspot.com/-Sl1lVy0CY....com-rahil.PNG حقيقي هالكتاب عزز فيني مفاهيم , كيفية التعامل مع المشاعر , اثر فيني بشكل كبير , من الكتب اللي قريتها و احدثت فيني نقله نوعية , فهمت مشاعري و كيف اتعامل معها , بعدها عشت بحب لنفسي و العالم اللي حولي , حب لمشاعري بجميع تقلباتها , و تقبلتها \\ :10ل0: ان شاْالله اكون افدتكم , و كنت خفيفة عليكم , اتمنى لكم حياة سعيدة و جداً :507: و يومكم سعيد |
رد: حكــاية قصيــرة ❥
https://f.top4top.io/p_1911vp0j01.jpg
لما احس نفسي تايهة و تعدي الايام بدون انجاز اعرف اني ما كتبت في الاجنده اليوم قررت ارجع لها و اكتب الافكار و الاهداف اللي ابي انجزها ,, و من الاشياء اللي قررتها .. اني اكتب هدف او هدفين لكل شهر ,, حتى يسهل علي انجازها .. كذا اكون مرتاحه و متطمنة ,, و ما احس بالتشتت :ff1 (166): |
رد: حكــاية قصيــرة ❥
أهلاً ,,
كيف اصبحتوا !! اليوم و من فتره طويله ما نمت هالنومه ,, كان حدي سته ساعات و اصحى ,, هالمره نمت 10 ساعات ,, نومه وحده بدون منغصات و لله الحمد .. كنت اتمناها بس ما قدرت عليها ,, و الله جابها لي .. امس جلست اشتغل على شي ,, و متحمسة له و تأخرت في النوم <- التأخير عندها الساعه 10 و توقعت اصحى بدري لكن الحمدلله نمت نومه محترمة :507: يالله كل ثلاث شهور ننام هالنومه الحلوة , عادي راضيه فيها :507: و يسعد صباحكم :10ل0::lo2: |
رد: حكــاية قصيــرة ❥
اليوم فيني هدوء و راحة مو طبيعية..
بالرغم ان اللي مسبب لي قلق لازال موجود و ما انتهي،، تعرفون السر وين!!! اولا : سلمت امري لله، رضيت و قبلت بأي شي ممكن يصير لي بسبب هذا الموضوع،، و السر الاعظم في " لا حول و لا قوة الا بالله" حقيقي مالزمته الا فرجها الله علي مهما ضاقت اشياء بسيطة احنا نسويها و مردودها عظيم.. عظيم بمعنى الكلمة :lo2: الله يجعله يوم سعيد علي و عليكم :lo2: |
رد: حكــاية قصيــرة ❥
http://g-lk.com/up/do.php?img=5446
اشكرك على كلامك ,, دافع لي اني اكمل و اني على الطريق الصحيح ,, و كلامي هنا ,, بكل عفويه و اشياء انا استفدت منها و حبيت انقلها لكم بالمفهوم البسيط و بدون تكلف يوم من الايام راح اتكلم عن رحلة التغيير , و قريباً جداً ,, و اللي راح تجاوب على كل هالتساؤلات ,, |
رد: حكــاية قصيــرة ❥
كنت انتظر هذا اليوم بفارغ الصبر،، و انتظاري حسسني ان الاسبوع طويل مرره
لكن احمد الله على كثير فضله و جميل عطاياه،، جهزت هذا اليوم بالورد و الاشياء الجميلة استقبالاً لاجازتي اللي راح اقضيها في ربوع غرفتي، و اغير جو في السطح :ff1 (101): تعمدت انها تكون هالوقت بالذات عشان لما يدخل علينا رمضان و انا اجازة و مروقه.. لي طقوس خاصة لاستقبال رمضان، الله يبلغنا اياه لا فاقدين و لا مفقودي،، ما احب اداوم اول ايام رمضان،، احب اكون هاديه خاليه من قلق الشغل على الطاري اذكر لك سالفه السنه اللي راحت،، كالعادة ادخل اجازتي حقت رمضان من بدري لكن اراد الله في ذيك الفترة اني انقل من فرع لفرع،، و صادف ان اجازتي تتعارض معهم و اضطريت احذفها.. صح اني حاولت ارفض و بكذا طريقه ابي اخذ اجازتي لكن في النهاية حذفتها و داومت لظروف العمل توقيت الاجازة ما يعجب احد،، و مستغربين ليه انا متمسكه فيها،، و اقولكم سر،، انا جلست ابكي عليها،، كأنهم سلبوني شي من روحي،، و لاني طيبه و رضيه <- مداح نفسه خخخ لا بجد لاني تنازلت عشان الشغل و عشان اشخاص كان ممكن يمشون الشغل بدوني.. لكن تمسكو برايهم و شافو صعب يمسكون الفرع لحالهم اذكر ذيك السنه كان ربي يرد لي حقي من هذول الاشخاص، و انلغت لهم اجازة كانو يبونها،، المهم في الموضوع ان ربي ما ينساك :lo2: كل عمل خير انت تعمل سواً كان من صالحك او يخالف مصالحك الشخصيه محفوظ عند رب العالمين،، و راح يعطيك الله مقابل اي عمل خير تعمله سالفه تجر سالفه ، و روقان يجر روقان،، و الاشياء السعيدة تأتي تباعاً الله يجعل يومكم سعيد،، و صباحكم اجمل :lo2::10ل0: |
رد: حكــاية قصيــرة ❥
:97:
اعلن لكم بشكل رسمي بداية اجازتي و اللي راح تكون مدة اسبوعين متتاليه :566: استقبل التهاني و التبريكات و لا مانع من باقات الورد على طاري الورد <- كل شي يجيب لها سالفه خخ اليوم اخذت للبنات باقات مصغره لكل وحده،، و كنت من امس اشتريتها.. قلت لأبوي مر على محلات الورد بشتري ورد <- لاحظو انها ما تسوق و الرخصه مبروزتها خخ المهم قال ابوي ليه الورد.. قلت بعطيها صديقاتي عشاني اخر يوم دوام و عشانهم محققين.. و اليوم يوم جا اخذني من الدوام.. يقولي باقي ورده ليه ما اخذوها<- حاسبها خخ قلت لا هذي حقتي ادري السالفه بيض بس اعذروني عشاني اجازه خخخ :ff1 (101): يلا يومكم سعيد :lo2: |
رد: حكــاية قصيــرة ❥
" قبْسٌ مِن نُور "
يسعد مساكم , اليوم تغير موعد البرنامج , لظروف متعلقة بموضوع اليوم .. و اشياء آخرى ,اللي هي اني وديت امي للسوبرماركت الصبح بدري ,, تعرفون انا ما اسوق الا الصبح ويوم الجمعة , خوفاً من زحمة السيارات :ff1 (101): .. \ يعني الرخصه مو ع الفاضي <- ترقع لنفسها \ يالله ما علينا ... و نرجع لموضوع اليوم .. " التخفف " التخفف ,, او ممكن نقول التخلي .. كلا المصطلحين يقودنا لمفهوم واحد ,, الا و هو التخلص من كل شيء زائد عن حاجتنا ..او يثقل علينا ,, و ممكن يكون يؤذينا و يؤذي مشاعرنا ,, كل شيء في الحياة تحسه ما يفيدك بشكل ايجابي ,, تخلى عنه بحب ,, اتركه و انهيه من حياتك , اقولكم انا وش سويت اليوم ,, من زمان ودي اتخلى عن ملابسنا الزايدة اللي نكومها في الدواليب و يمر عليها سنين و احنا ما لبسناها ,, بحجه ممكن تجي مناسبه و البسها ,, ملابسي و ملابس غاده .. اللي ما نحتاجها و زايده عن حاجتنا ,, جمعتها و غسلتها \ كويتها و رتبتها بشكل حلو , حتى اتبرع فيها لجمعيه خيريه ,, فيه اشياء نظيفة مره لبسه او لبستين ,, و كبرت عليها غاده ,, الشيء الحلو انها بتروح لناس في حاجتها ان شاء الله ,, و اشياء كثيييير احنا نحتفظ فيها ,, ما ندري ليه ,, و نقول في انفسنا يمكن يجي يوم و نحتاجها و احنا فعلا ما نحتاجها بس تتراكم عندنا بدون فايده التخلي ممكن يكون لمشاعر انت جالس تستهلكها في روحك و هي ما تجيب لك فايده مشاعر حب , مشاعر حزن , مشاعر ندم , اي مشاعر ممكن انها ترهق روحك بدون فايده ,, مشاعر انت تعطيها بدون تحصل على مردود يفيدك و يفيد نفسيتك ,, اي مشاعر حاس انها تستنزف طاقتك ,, تخلى عنها ,, و اكون صادقة معكم , ابد الموضوع مو سهل , و يحتاج له تدريب و ممارسه ,, و يحتاج تدرج في التخلي او التخفف يحتاج له , حب لنفسك قبل كل شيء اولاً تعلم كيف تحب نفسك , بدون ما تكون اناني مع اللي حولك , بدون ما تجحف في حق احد , بدون ما تقصر مع احد ,, لما تحب نفسك , وقتها راح تبعدها عن كل ما يؤذيها ,, سواً بالتصرفات , بالاشياء اللي تفكر فيها ,, و كون صادق مع نفسك قبل كل شيء ,, ,, و اقولكم سر : الكتابه في الصباح لها طعم مختلف ,,و احب اكتب الصباح بس اضطرينا اليوم نكتب هالوقت ,, كنت بأجله لبكرة الصباح بس اكتشفت ان عندي مشوار الصبح <- بدت الاجازه و بدت المشاوير:ff1 (101): يالله ان شاءالله عجبكم الموضوع , و اتمنى لكم الاستفادة :162: |
رد: حكــاية قصيــرة ❥
http://g-lk.com/up/do.php?img=5492
فعلاً الجميع الا من رحم ربي يشتكي من هذي المشكله تكديس الاشياء بحجة اني ممكن احتاج لها ,, من هالناس امي : مستحيل ترمي شيء حتى لو ما تحتاجه ,, تراكم المواعين في المطبخ بشكل عجيب , مره من المرات قلت بدخل المطبخ ارتبه لك , و كل ما مسكت شي قديمه برميه تقول لا عندها من بعض الاشياء ثنين او ثلاثه ,, غير بعض المفارش اللي مكومه عندنا بدون فايده فيه ناس تتعلق ب اشيائها بطريقه عجيبه ,, و من الناس هذي امي , لازال عندها تعلق ,, |
رد: حكــاية قصيــرة ❥
من سَرق النوم من عيني،
و اهداني، طيفاً اطاردهُ من وضع يدهُ على قلبي.، و ايقظ دمعاً، كنت اداريهُ.، كالحلمُ اتآني، سكن روحي و ظللت طول ليلي اماريهُ هيهات انسى، الليالي و ايامي و حزن قلبي، ساكنٌ و اجاريهُ :128: |
رد: حكــاية قصيــرة ❥
https://k.top4top.io/p_1920f4esg0.jpg
اليوم كان جميل و انجزت اشياء ابي انجزها،، و بديت اكتب اهداف هذا الاسبوع يوم بيوم.. عشان بستغل الاجازة بكل ساعة فيها.. :lo2: و الله يبارك لي فيها :lo2: |
رد: حكــاية قصيــرة ❥
يسعد مساكم ,
اليوم كنا في حديث عن السعادة ,, و كان كل شخص فينا مفهومه مختلف , و كل شخص يلقى سعادته في اشياء معينه ,, كنت اقولهم انا سعيدة بنفسي اول شي , و سعيدة بالاشياء اللي اسويها و جالسه انجزها , على انها ممكن تكون اهداف بسيطة بس انا مبسوطة فيها ,, شدني فكرة اخوي عن السعادة , يقول هي عدم وجود هموم , يعني هو شايف الشي و ضده , قلت له مو شرط اكون سعيدة يعني ما عندي هموم و اشياء مزعلتني ,, انا سعيدة حتى لو هي موجوده , انا صايرة انظر لها من بعيد شعرت فيها و خلاص مو بالضرورة يكون شعورها ملازمني , مو لازم انا ازعل نفسي طول الوقت عشان هذي الهموم ,, و لما سألته وين تلقى سعادتك , ما عرف يجاوبني , يقول لسى جالس ابحث عنها قلت له الفرق بيني و بينك , انت لسى بتفهم نفسك , و انا فهمتها خلاص و على هالاساس انا سعيده فيها و سعيدة بهذي المرحله اللي و صلت لها , عمرياً الفرق بيني و بين اخوي 10 سنوات انا القى سعادتي لما اخطط على شي و اشوفه قدامي يتنفذ , سعادتي في التصوير , انا لما اصور صورها و انبسط فيها و انشرها مره اكون سعيده و ارجع اتفرج فيها اكثر من مره .. سعادتي في الاشياء اللي احبها , غرفتي , كتبي , جوالي , لابتوبي , كل شي خاص فيني سعيده بالناس اللي احبهم :lo2: سعادتي في هدوئي في بساطتي , و اختلافي اوقات , انا ببساطة مواكبة هالعصر بكل مافيه , مع محافظتي على طابعي القديم .. لازلت صامدة و سعيدة فيني , يالله ابي اسمع منكم وين تلقون سعادتكم ؟:507: |
رد: حكــاية قصيــرة ❥
انا الان في حالة مواجهة بيني و بين نقاط ضعفي و مخاوفي ,,
قد ايش هالمخاوف تلعب في نفسية الشخص , و اتوقع ما راح تروح الا بالمواجهة , من الاشياء اللي انا اخاف منها : السواقة , مجرد ما يجي في بالي اني اطلع اسوق يجيني قلق مو طبيعي ,, او احد يقولي ممكن توديني ,, وقتها ممكن اقول انا ما اعرف اسوق خخ على انها شي طبيعي و كل الناس تسوق ,, و اشياء ثانيه جالسه اواجهه الان , اشياء انا ابيها بس هذا الخوف جالس على قلبي و كاتم عليه اشياء ابيها و احارب عليها ,, بس انا طبع فيني و نقطة ضعف , اني اخاف من التغيير , اخاف من اي شي جديد في حياتي على اني احارب هالخوف و اجلس اجرب اشياء جديده بس في داخلي خوف غريب كلام داخلي لو اسمعه انا ماراح اتقدم , و الله شي جالس يسحبني لتحت ,, ما اعرف اذا في احد يجيه هذا الشعور , و الا انا بس هل فيه احد ممكن يعترف في نقاط ضعفه ؟ و المعوقات اللي ممكن تخليه يتراجع ؟ اتمنى اوصل للمرحله اللي ما احس فيها بهذا الشعور ,, او على الاقل يكون اخف من اللي احسه يالله انا رايحه اواجه شي من مخاوفي , و اودي اختي تقضي مشاويرها <- طبعاً في داخل الحي, :ff1 (101): ادعوا لي ,,:lo2: |
رد: حكــاية قصيــرة ❥
لما يكون عندك حلم , و كنت تحلم فيه من زمان :507:
ودك تجرب هذا المجال بأي شكل من الاشكال , و تحاول و تحاول ,, فجأة الدائرة اللي كنت تطالع منها لهذا الحلم جالسة تكبر و تتوسع , و انت مو مصدق هل فعلا بيصير او لا , بس انت مكمل و ماراح تتوقف :507: يالله اخذ شكولاتاتي و انزل اتقهوى مع امي :507: |
رد: حكــاية قصيــرة ❥
https://i.top4top.io/p_1924xudqo1.png
مسافرة إليك , عبر الاثير , عبر نسمات الهواء الرقيقة , يحملني شوقي , و الاحاديث الكثيرة , و التفاصيل الجميلة , خذني , لا اريد ان ابقى وحيدة , بعد الآن |
رد: حكــاية قصيــرة ❥
على طاري الصورة اللي فوق <- الطواري عندها ببلاش خخ
انا اعشق و مهووسة بشي اسمه خرائط , مرره احب اتأملها احب اتأمل الدول و مساحاتها ,, بيني و بينكم اقول لو صارت حرب بين الدول مين يفوز خخ و يشدني اي شي فيه خريطة :lo2: حلمي الف العالم :lo2: من الدول اللي اتمنى اروحها : المكسيك و ودي اروح اليونان تضارب ثقافتين :ff1 (198): <- طول عمرها متضاربه :ff1 (101): و هذا جدار غرفتي , كل يوم اتأمله https://e.top4top.io/p_1924chnyg1.png ما عليكم من 2020 ماشلتها للحين خخ :ff1 (122): |
رد: حكــاية قصيــرة ❥
" قبْسٌ مِن نُور " يسعد صباحكم , هذا الصباح مختلف جداً , اولاً بالروح الجديده اللي جالسه تنمو بداخلي , ثانياً برسائل الاصدقاء , " العلاقات " كلامي اليوم , كيف تكون لطيف , كيف تجمع حولك قائمه اصدقاء ترجع لهم وقت الضيق تلقاهم قدامك و يطبطبون عليك و يدعمونك .. يطبطبون عليك , مو شرط تكون زعلان او شي , يكونون معك وقت الفرح و الحزن , انا بقولكم كيف تكون قاعدة اصدقاء لطيفه و تشبهك ان الاصدقاء يشبهونك , مو شرط بتصرفاتك او اسلوب حياتك , يشبهونك , بروحك ,, يعني ارواحكم تتآلف مهما اختلفت طباعكم , او اسلوب حياتكم ,, اول نقطه ممكن تلتقون فيها : حب الخير, جمعيكم تتفقون على الخير و على الطباع الخيرة , كلكم تحبون الناس الطيبة و اللي تبعث فيكم الروح الجميله و تتمنون الخير للي تحبونهم و اللي ما تحبونهم , اذكر فترة من الفترات كنت مع مجموعه زي العسل , و تحب الخير و تعمل الخير ,, و لازلنا نتواصل مع بعض لاننا اتقنا على الخير , الفتره هذي كانت بين 2007 و 2009 ,, انا طلعت من عندهم و هم استمروا مع بعض فترة هذي المجموعه كانت فيها بنات زي العسل , تحب الخير و تقدم الخير كنا نتفق على صيام الاثنين و الخميس و الثلاث البيض , اول ما عرفت اني ادخل الفرع و اصافحهم , من هذا المكان تعلمت كذا ثاني نقطة : الصدق , يكونون صادقين مع نفسهم و مع الاشخاص اللي يتعاملون معهم , يفرقون بين الناس الطيبة و الناس الخبيثه , بالصدق , ربي ينزل على قلبك الطمأنينة , مهما الناس كذبت معك ,, انت تعرف انك صادق تعرف انك طيب , و لازال فيك الخير , ربي ينور لك بصيرتك , معها انحرفت عن طريقك , ربي يرجعك له , لانك صادق مع نفسك و مع اللي حولك ثالث شي : الحب , قدم الحب تلقاه , اعمل بحب يرجع لك الخير الكثير , ربي يعطيك اضعاف اضعاف , انت لما تحب الشخص اللي معك و يظهر حبك في كلامك معه و اهتمامك فيه و سؤالك عنه راح يوصل له هذا الشعور و على حسب طبيعته و شخصيته راح يتقبل هذا الحب , راح يتترجم هذا الحب , بتصرفات , ب اهتمام , بحب الخير لك , وقت ما تقدم الحب لشخص , و تحس بشعور الحب يكون متبادل بينكم , باهتمام , بسؤال , اعرف انكم متشابهين في نقطة ما , مو شرط التشابه يكون في كل الاشياء , يعني انا و كذا وحده متشابهه معهم في اشياء و اختلف في اشياء كل وحده لما اقابلها , اكون عارفه في ايش تشبهني و ابدا اتكلم و اركز على النقاط اللي نتشابه فيها عشان يكون الحديث معها ممتع و مفيد ممكن هذي تكون اهم ثلاث اشياء , لازم تركز عليها , حتى تكون لطيف , محب , ممكن فيه اشياء كثيرة و صفات كثيره بس انا هذي من وجهة نظري هي اهم الاشياء في علاقاتك مع الاخرين , و اتمنى لكم يوم سعيد :507: |
رد: حكــاية قصيــرة ❥
تجيني حالات.. اكون نايمه في موعدي من بدري، و مافي شي يشغل بالي
و تلاقيني صاحية الساعه ثنين في الليل، و احاول ارجع انام ما اقدر :ff1 (69): شكلي اقوم ادور لي شغله اسويها :ff1 (198): |
رد: حكــاية قصيــرة ❥
بكل الحب،
دعواتي لكم ب ايام مباركة و جميلة و جعلنا الله من صوامه و قوامه.. https://g.top4top.io/p_1928rcgn70.jpg |
رد: حكــاية قصيــرة ❥
في كل مره احاول ان اكتب رحلة التغيير في حياتي , تتأجل بشكل او بآخر , كأن الله يريد لي ان اكتبها في موعد محدد , اختاره الله لي لحكمة , اللي عنده وقت و مهتم يقراني , و اللي ما عنده وقت تعال وقت ثاني , و اللي مو مهتم انا اتقبل بكل صدر رحب :507: نورة اللي تتكلم معكم الحين , غير عن نوره قبل عشر سنوات من الآن , صفات غيرتها فيني , و صفات عززتها فيني , هذا يدل ان كل الامور لا تبقى على حال لكن انت من تحدد هذا الحال , و انت من تحدد اين تسير , السنوات الاولى من عمري <- لا اقصد فيها سن الطفوله , الاولى من عمري حين بدأت افهم العالم من حولي , و تغيرت نظرتي للحياة من نظرة طفله الى نظرة فتاة , بدأت تعي ما حولها , لكن لا تفهمه كثيراً , بالعربي : كنت قطة مغمضة , هاديه جداً جداً , لطيفة لحد السذاجه , مطيعه , ما تقول لا ابد حتى على حساب نفسها , ابداً ما عشت مرحلة العصيان و التمرد , و لا كانت الفكرة تجي في بالي , هذا ممكن كون عندي خجل زايد من الكلام , من التصرفات , او الطلبات , مرت ايامي على هذي الوتيرة الى منتصف العشرينيات , في هذا العمر بدأت حياتي تتقلب بشكل انا لا افهمه , الحياة الوردية اللي كنت اتصورها ما شفتها , و لا زال فيه خجل , و اني ابدي الناس على حساب نفسي , لكن الشي اللي انا اعرفه بس , ان شخصيتي هذي الآن كانت موجوده من اول , ايجابيتي , روحي الحلوة , ابداعي , مهاراتي , كل شي كان موجود .. لكن تحت غطاء , شيء لا افهمه , كنت استحي الناس لا تعرف اني اصمم مثلاً , اكتب شعر و خواطر , و اشياء كثيرة , كأني كنت اقابلهم بالشكل اللي هم يبونه مو انا اللي ابيه,, يعني عادية جداً مرت فتره العشرينات بتقلبات انا كنت احاول اجاريها , فيه اشياء كنت اتمناها و تصورت قدامي و اشياء كنت ما ابيها و وقفت في طريقي , صرت انا و نفسي عكس بعض , تشتت , ما اعرف وش ابي , ما كان فيه احد يوجهني نفسياً و هذا اللي كنت احتاجه ذيك الفترة , واجهت كل الامور اللي كانت تحاول تغييري و انا ما كنت اعرف كيف اتعامل معها , و زي ما قلت كنت اجاري الظروف و الاحداث , مابي ادخل في تفاصيل دقيقة , من 2013 الى 2014 , كانت حالتي النفسيه و الصحية في تدهور , و انا ما كنت مهتمه لها ما كنت اخذها بعين الاعتبار لانه بكل صدق انا ما كنت احب نفسي بدرجه كافيه , ما كنت اهتم فيها كفاية شهر سته 2014 مرضت مرض مزمن , للحين موجود المرض لكن حبي لنفسي و اهتمامي فيها خففه كثيييير لدرجه انا صرت ما احس فيه .. بعدها جلست مع نفسي جلسه طووووويلة , و ما اخفيكم انها فترة طويله امتدت لسنه كامله و اكثر شوي , 2015 , هالوقت كانت تجيني مشاعر كثيرة , و افكار كثيرة , كنت افكر في الاشخاص اللي مرو بحياتي , و اتأمل علاقتي فيهم , كل شخص اثر فيني بطريقه معينه خلت من شخصيتي و مشاعري متذبذبه , مو ثابته و مو قادرة اتحكم فيها , وقتها انا قررت اتغير , اول شي بدأت فيه , اني قررت اقرا , و ابد ما كان الموضوع سهل لي , مو سهل لوحده تمل من القراءة , بديت اول شي اقرأ في التويتر , التغريدات اللي ما تتجاوز 140 حرف , اتابع ناس تكتب كلام ايجابي و اقرا لهم كثيير , و ما وقفت رغم صعوبة الموضوع بالنسبه لي بديت اشتري كتب في كل مجال ممكن تتوقعونه , بس عشان اتعرف على نفسي و وش احب اقرا بدايه قرائتي للكتب ما كانت سريعه ظليت اقرأ في التويتر الين حسيت ان 140 حرف ما تكفيني , بعدها بسنه بديت اشتري كتب و انوع في المجالات و المواضيع حتى اكتشف نفسي كتب امل منها و كتب احبها و ارجع اشتري كتاب ثاني للكاتب , مشواري مع الكتب و القراءة جداً طويل , و احتاج مني فترة حتى اتعود على هالجو و نمط الحياة , كنت لما اقرا كتاب احط لنفسي منبه حتى اتلزم فيه و اكمل قراءة ,, القراءة توسع مداركك , و مفاهيمك للحياة , تخليك تتعرف على نفسك , و تفهمها , غير القراءة , بين فترة و فترة كنت اتعلم اشياء , تعزز الثقة , تعلمت الرسم , تعلمت اطبخ بطريقة المحترفين , يعني طبخات ثقيلة , طورت في مهاراتي في التصوير , سويت اشياء كثيرة حلوه و تحسسني بالسعادة , اعطيت بحب , عطاء خالص لوجه الله تعالي , ابد ما انتظر وراه مقابل لانه عطاء بحب , و تعلمت كيف اتكلم مع نفسي بطريقه صح ,, الشي الثاني اللي اهتميت فيه : نفسي , بديت اعتني بشكلي اكثر , ببشرتي , ب اكلي و بكل شي له مردود جميل و فعلي على صحتي , الاهتمام بالنفس يحببك في نفسك و منها تحب الحياة و العالم حولك , و من الاهتمام بالنفس , اني ما اعرضها لشي يضايقها , ما اكبر المواضيع و اعطيها الحجم اللي تستحقه ,, تعلمت ان اي شي تفقده , ربي يعوضك غيره و افضل منه و بطريقه انت ما تتخيلها , و تعلمت ان الدعاء شي سحري , لكن احنا نغفل عنه كثير , و ممكن تدعي ب اشياء انت تبيها و ربي ما يحققها لك , و تجلس تصر عليها , الى ان يصير شي يعلمك ان اصرارك خطأ , بعدها صرت اثق في دعائي , اكثر من الاشياء اللي ابيها ,, هذا النهج كنت انتهجه من 2015 الى الان , مره ينجح و مره يخيب , و ما اتراجع لاني اعرف اني الان على صواب .. البدايات كانت صعبه مرة , زي اللي يكون متمسك برايه و هو خطأ ,, و ما يبي يغيره و لا يعترف ان فيه شي افضل منه تميت في هذه الحرب الى نهاية 2019 , الى ان عرفت الحب , عرفت كيف احب نفسي بجد , كيف احب الاشخاص حولي بدون استثناء كيف احب الاشياء حولي و الاشياء اللي اسويها ,, و لما حبيت اشيائي بديت اظهرها للناس , بديت اشارك الناس كل شي انا اهتم فيه و كل شي اتقنه , ما عاد انظر للاشياء انها ما تكون مناسبة للعرض , بالعكس انا افرح فيها و افرح ان الناس تشوفها , مشاركة اشيائك الحلوه مع غيرك هذا بحد ذاته حب لنفسك و لاشيائك , هذا الحب يولد عندك ثقه بالنفس اكبر , انت متقبل نفسك لذلك الناس متقبلتك , انت متصالح مع نفسك راضي فيها و بعيوبها , متصالح مع ماضيك و متقبله لذلك هو مو جالس يأثر على حياتك , صار تقبلي للصدمات , لطيف و خفيف , ما صار يأثر على النفسية بشكل سيء , ايماني بالله , و ان كل شي يصير لي كاتبه ربي لي من قبل ما انولد , هذا من اهم الاسباب اللي ساعدت في التغيير , اقتناعي بحياتي , بظروفي , بشغلي , نفسيتي , اهلي , الناس اللي حولي ,, هذي من الاشياء اللي تكوّن بداخلي رضا عجيب ,, و من اهم اسباب التغيير : اني ما كنت ابي اوصل لعمر معين و انا ماني مستقرة نفسياً اتمنى اني قدرت اوفي هذي المرحلة حقها , و ان شاءالله اكون افدتكم لو بشيء بسيط , و اعطيتكم اضاءات ممكن تنور حياتكم , هذا كان المختصر المفيد <- اي مختصر الله يهديك :ff1 (198): و يومكم سعيد :507: |
رد: حكــاية قصيــرة ❥
و بدأ العد التنازلي و تنتهي اجازتي ..:ff1 (198):
الصراحه ما ودي ارجع اداوم , الايام كذا حلوة , لكن هذي هي الحياة , كذا احاول اقنع نفسي و اقول لها مو حلوة الحياة تمشي على وتيرة وحدة لازم تتقلب و تتغير مجرياتها , صح هي اسبوعين بس كانت جميلة جداً , استغليتها بكل الاشكال , بدايه من قبل رمضان و تجهيزات رمضان , ثانياً في حاجة جالسه اشتغل عليها للآن و ان شاْالله الله يتممها لي , كذا ارجع اداوم و انا مسويه فورمات لمخي حتى عن معلومات الشغل ,, حرفياً نسيت كل شي :ff1 (198): شهرين و اخذ اجازه ثانيه <- لعبه هي خخ بس الحين جالسه افكر فيها , هل اخليها اسبوعين مع اجازة الحج و الا اسبوع ,, بس حبيت انقل لكم شعوري بالسعادة خلال الايام اللي راحت :507: و اشارككم ايامي الجميلة :lo2: |
رد: حكــاية قصيــرة ❥
صباحكم خير , صباح آخر يوم في الاجازه :ff1 (198):
اليوم كنت مخططه انزل موضوع طبخ , بس انشغلت في تجهيز اول طلبيه :507: اشغلت بنت خالتي بالتجارب , و هي يازينها تعطيني على جوي بما انها اول وحدة تطلب من متجري , اللي سيتم الاعلان عنه قريباً جداً نسقت لها هديه رمضان مع طلبية الكوكيز :507: https://a.top4top.io/p_1933v7oxq1.jpg https://b.top4top.io/p_1933tvyek2.jpg مبسوطة بالنتيجه , :507: |
| الساعة الآن 05:54 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2026 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~