في المنتديات:
بحب جدًّا الأعضاء، اللي بيهتموا بتوضيح:
1. البلد (يحط العلم الخاص بدولته أو اسمها)
2. الجنس (ذكر أو أنثى)،
3. تاريخ الميلاد أو العمر ( قليل اللي بيعمل كدا)
4. يكتب اسم المعرف القديم بتاعه في التوقيع في حالة غير معرفه.

بحس الناس دي متصالحة مع ذاتها، وواضحة جدًّا، والتعامل معاهم بيكون مريح جدا ومرن، وبسيط وسهل لأبعد درجة

بخصوص النقطة الأول، بحسها لطيفة إني أعرف الشخص دا من فين
والنقطة التانية فيه معرفات بتبقى مشتركة مبعرفش دا ولد ولا بنت، إلا بعد عدد مشاركات، فالكتابة بتوضح دا
والعمر (قليل اللي بيعمله) بس بحب دا خالص والله، على الأقل بيسهل عليّ أقدر اتخيل الشخص دا وهو بيكتب وبيفكر ازاي
وبقدر اتعامل معاه بشكل مريح أكتر
والنقطة الأخيرة فيه ناس بتغيب وبفتقدها وبكتشف إنهم بس غيروا المعرف :)