المشاركة الأصلية كتبت بواسطة مختلف..! (المشاركة 689716)

اهلاً اهلاً


المعتفس طيب عكس ما ينشره من ردود
اخلاقه عاليه وصريح ولا يجامل
احسه بس زعلان الفترة الاخيرة
يحب الرسم خياله واسع

بس هذا ما لدي
تحياتي ..

المشاركة الأصلية كتبت بواسطة شذى الهلالية (المشاركة 691247)

صباحكم سعادة ورضا يارب


ونبدأ تحليل شخصية المعتفس مع اني ماعرفه زين بس بقول اللي لاحظته :d
احسه طيب وحنون مره بس مايبين
ذكي واحسه متمكن بالحوار والمناقشات
يحب يحلل الشخصيات ويتعرف عليها
ومتنمر وصياد للاخطاء درجه اولى :d :8:
تعجبني فيه صراحته وعفويته
شخصيه مرحه واجتماعيه وتسوي جو بالمكان
احس عقله بعالم ثاني ويفكر كثير وشخص خيالي
ذا اللي جاء على بالي حالياً
وان شاء الله اكون اصبت فيها :d

المشاركة الأصلية كتبت بواسطة آلنـور (المشاركة 691271)

المعتفس :

شخص عايش في زمن الطيبين , يحاول يتأقل مع العالم الجديد لكن مو ضابطه معه
بس هو , قاعد يقول لنفسه يا ابن الحلال مشيها ,,
كل شي يمشي بمزاجه و اللي ما يبيه يمشي ما يمشيه لك لو تموت

من الاشخاص اللي يجمعون بداخلهم شخصيات كثيرة , و انت و حظك من تقابل

دمه خفيف و مزحه حلو للناس اللي تتقبله بس اللي ما يتقبلونه ما يعجبهم
بس بعد فترة من الزمن تلقاهم يتقبلونه

حكمه يكون اوقات متسرع , بس الحلو فيه يعترف سريع ,,


شاعر من الطراز الفخم


هذا تحليلي و يقبل الصواب او الخطأ لحد يهب فيني خخخ

المشاركة الأصلية كتبت بواسطة خفايآ روح~•• (المشاركة 691534)

المشاركة الأصلية كتبت بواسطة رُوح (المشاركة 691869)

المعتفس يبيله قعدة عشان أحلله

بس من الشخصيات المألوفة هنا

أنا بكتب الأشياء اللي لاحظتها وأنت شوف إذا صح ولا ..


أسلوبه يبين أنه عفوي وتلقائي
بس أحسه يفكر بالكلام كثير قبل ما يكتبه

متفهم غالباً ويتعامل مع كل حد حسب اهتماماته
و يعطي الناس على جوهم
مرات يسلك ويسلك إذا ما عجبه شي بس آخر شي يعصب
أحس لازم يعبر إذا شاف شي ما عجبه
وانفعالاته واضحة

إذا عصب يصير أسلوبه حاد وكلامه لاذع > يعني اهربوا هههه
وصدق أحس أنه يصير شرس مثل ما يقول عن نفسه
بس يعصب بسرعة ويرضى وينسى بسرعة
إلا إذا الشي كبير اتوقع يكون له تصرف ثاني

يهتم ف الناس ويسأل عن اللي يعرفهم
و يحاول يفيد بأي شي يعرفه وعطوف على الضعيفين

وفي لأصدقائه ويتغاضى كثير

إذا تعود على شي ما يتركه بسهولة مثل رمزيته واسمه
وعنده إرتباط كبير ف الماضي وذكرياته

وأحس أن عنده جانب غامض ف شخصيته
يمكن محد يعرفه عنه ولا حتى المقربين منه ويحب الخصوصية
وأحسه في الواقع متحفظ كثيير وما يسولف كثير

وبعد أحس أنه من الأشخاص اللي مروا بظروف وأحداث قوية
ووصل لدرجة اللامبالاة وما صار يتأثر ببعض الأشياء نفس قبل


دقيق الملاحظة في الأشياء اللي تهمه فقط
غير هذا يطنش وما يهتم بالتفاصيل

من موضوع الرسم
اكتشفت أنه ذكي في قراءة الملامح والوجوه
وبعد لما قال أن رمزية ابن الهيثم عجبته حسيته فاهم صح

ينفع يكون محقق أو دكتور نفسي
أحس بيكشف المجرمين بسرعة وبيفهم النفسيات

وبعد أحس أنه شخص مسؤول في الواقع وكريم
ويعتمدون عليه ويفزع وقت الشدة لما حد يحتاجه
و مجتهد في عمله ومتواضع مع الطيبين والمتواضعين
بس مع المتكبرين غير

لما يكون مستانس ورايق يسولف كثير ويكون مرح وشقي وطفولي
ولما يتضايق يصير هادي وكلامه قليل ومنزوي


وبس
مدري شو أقول بعد :d > ما خليتي شي ههههه

المشاركة الأصلية كتبت بواسطة نبض غلاك (المشاركة 692126)

المعتفس
مااعرفه كثير بس بشكل عام
انسان طيب وحبوب ومثقف

:399: