رد: حائط : اللـيـل ، والـنهـار !!
 

.






ويضمنا الليل العظيم و"ما"
كـ الليل مأوى لـ المساكينِ

رد: حائط : اللـيـل ، والـنهـار !!
 

.




ألفترة اللي مضت قليل مسكت فيها الجوال بسبب ضعف الاتصال وكان شي طيب حسيت بفارق في النفسية والمزاج تمشينا وتونسنا مرينا أراضي وجبال اللي يشوفها كنها تحضن بعض منظر يبعث ع الراحة مديت يدي ابغى اصور ولكن للأسف تذكرت الكاميرا اختربت هي والكشاف بعد حبيبة القلب ❤️ماحطته بالغسالة قبل نسافر وشرب مويه لين جته شرقه / سمعت صوت قربعه سألتها وش ذا قالت جوالك من صدقك لحقته وهو يحتضر >يطفي نشفته سريع وحطيته بكيس الرز يقولوا يسحب الرطوبه بعد نص ساعة شغلته اشتغل بس راحت الكاميرا والكشاف
نرجع لـ سالفة الجبال قلت وش رايكم نشتري واحد نطل منه في ليالي القمر على أضواء القرى قاطعتني قالت وش رايك نطلع قلت تم طلعنا شي خيال أراضي ممتدة ومزارع تسر العين شوفتها بقينا لين قبل المغرب وقبل ننزل
استقر الرأي نشتري ابرعه على عددنا هههه <طلب الحبيبة ❤️
وش بقى
مبارك عليكم الشهر
وتقبل الله منا ومنكم صالح الاعمال
وليلة سعيدة عامرة بالذكر والطاعة..

رد: حائط : اللـيـل ، والـنهـار !!
 

.





.







عدنا /السلام عليكم
وطيب الله اوقاتكم بكل خير آل غلاك الكرام 🌹🌹

رد: حائط : اللـيـل ، والـنهـار !!
 

.




السلام عليكم
استدعاءلـ المدونة والا الكلام ماعدت احسنه
حتى الضجيج والازعاج باللايكات اللي كنت أحدثه
لاخبركم انني موجود شبه عاجز عنه
سافرنا مع بداية الاجازة جينا في بلاد الغبار راكد في السماء مثل الضباب ولكم ان تتخيلوا العيشة في مثل هذي الأجواء اسأل الله ان يغيثنا بالمطر
قلت لهم نرجع مصرين يحضرون كل المناسبات كلهم من القرابه ولهم سابق فضل ويد نتمنى لهم الحياة الطيبة الكريمة ..

رد: حائط : اللـيـل ، والـنهـار !!
 

.




قبل اسبوع حضرت حفل زواج قريب لي ومعي بعض الأقارب أصغر مني ولكن أكبر مني في الجسوم حتى مع التكميم اللي صار هبه قبل ندخل قالوا لي ترى ناصبين مكرفون بعد باب الدخول في الساحة وانت أكبرنا تكلم غفلت عن هذا الشي ومامعي تفكير وترتيب للكلمة اللي لازم تكون مرتجله حاولت واحد منهم يتكلم ابوا استعنت بالله دخلنا صفوا وانا اتقدم على الميكرفون نقرته نقرتين اتأكد انه شغال بعد السلام
دعيتنا يـ بو عبدالرحمن معزه وتقدير وجيت انا والنماره اللي ترون ملبين الدعوة جت ببالي كلمة نماره من النمر العربي) ومعنا مبلغ بسيط والا لو كانت المكانة بـ العطايا لعجز الناس عن الأداء هذا ما جرنا والباقي سلامتكم رد كبيرهم بكلام ابلغ واقوى
ارحبوا ارحبوا عدد ما سارت خطاكم بغوا يرافقونا لين مكان جلوسنا طلبتهم يرتاحون لان باقي كثير الوفود مقبله
قبل الدخول لمكان الجلوس طاولات ممتده عليها
أصناف من الطعام والسمن والعسل والمباشرين بـ الدلال اكلنا وحمدنا الله واخذنا طريقنا لمكان الجلوس قهوونا مرة ثانية وقدموا لنا التمر والحلويات
وانا اكلم رفيقي اللي معي بالسيارة الباقين تفرقوا اقول برد واطالع في السقف الا مسارب التكييف فوقنا قمنا قال ايوه هنا البراد اخف
على يسار شايب يخط البلاط بخيزرانة ثلاث كراسي فاضية سلمنا على راسه تقدير وجلسنا التفت على رفيقي يسأل اولاد مين وعلمه مدح فينا وفي ربعنا وحن نقول ما عليكم زود هههههه طالني طرف من الحديث استمرينا نسولف كان شخص ذو تجربة غنية في الحياة اكتسب منها الحكمة سمعه ضعيف لازم أقرب واميل حتى يسمعني رفيقي يقول ترى الطب تقدم خذ سماعات قال ما قصروا أولادي ودوني وفصلوا لي سماعات اهي تسمعكم في البيت يعني تركها في البيت هههههه نادوا للعشا وكان ودنا لو طال الحديث كانت ليلة طيبة التقينا فيها وجددنا العهد بـ الكثيرين اللي باعدت بيننا وبينهم مشاغل الحياة الله لايشغلنا الا في طاعته

وصباحكم زواري الكرام باهي مشرق مليء بالذكر والطاعة..

رد: حائط : اللـيـل ، والـنهـار !!
 

.




رب هب لي ولأحبتي حياة أسمى وأكمل
وغنى وقوة وعزيمة على مسالمة الأيام ..

رد: حائط : اللـيـل ، والـنهـار !!
 

.





.



وأصبحنا على خيرٍ لأنا
لدى الرحمن سلمنا الأماني

صباحكم سعادة ورضى من الرحمن
وآمال وأماني محققة بـ إذن الله ..

رد: حائط : اللـيـل ، والـنهـار !!
 

.





السلام عليكم
فاتني ادون ذكرى مرور خمس سنوات على تسجيلي هنا يوم 2020/9/5 وهي أطول فترة اقضيها في اي مكان مع اني لم اسجل الا تقريبا في خمسة أماكن
اللي تقفل واللي موجود وخجلان ارجع له ما معي عذر وبالعادة لمن انتقل لمكان جديد ما اعرف أشارك الا فيه والاصح اتواجد لن مالي مشاركات عليها القيمة مجرد تواجد الطاسة فاضية
وان وجد ما افكر فيه يتشتت ماالحق اكتبه
فاكتفي بالتواجد يعني شوفوني موجود في الإعجاب والتقييم
احب اقرا لكم دون استثناء وادعوا لكم
الكلمة الأخيرة والمفروض تكون الأولى لكن جت في السياق هكذا
لاختنا الكريمة رآنيا على ما تبذله من أجل استمرارية المكان وكلمة شكرا لا تفي وخير ما أقوله جزاك الله خيراً على كل جهد ووقت ومال تبذلينه
لـ الجميع طبتم وطاب صباحكم وكل اوقاتكم بالخير والسعد.. 🌹🌹

رد: حائط : اللـيـل ، والـنهـار !!
 

.




لي اكثر من سنة ونص في القن الجديد وما قدرت احفظ الطرق غير طريق واحد تهت أكثر من مررره اخرج للطريق العام حتى اتبين طريق العودة جت سالفة قال لي واحد ارسل لنفسكا لموقع في الواتس قلت ورني كيف وعلمني
وصرت اذا ضعت اشغله ارتحت وارتاحوا اهلي من القلق صرت ارجع لهم بدري خخخخ
والدنيا بخير دام نرجع سالمين
ومتصالحين مع الحياة دمتم بصحة وعافية.. 🌹🌹

رد: حائط : اللـيـل ، والـنهـار !!
 

.


هذه اللحظة
استريح في بعض محطات الذاكرة وايام الهجولة
بدت أفكار السفر تطل براسها لي شهرين ما سافرت
والسبب يمكن الشاهي اللي شربته عند صاحبي وهو يمدح فيه تاكدت من صدقه لمن شفت العرق في صنادحه هههههه
كاسه وقلت أكرم ولزم شربت الثانية
بارقد واذا قمت ونفس الأفكار باقيه معناته مال شاهيه علاقة..

رد: حائط : اللـيـل ، والـنهـار !!
 

.






الانسان لايحتاج إلى وقت طويل وجهد كي يفهم
ان لا أحد اعلم بنفسه منه نفسه
ولو كل إنسان علم هذه الحقيقة
لمالبست الاقنعة ولسارت الحياة على طبيعتها كما خلقها الله ساحرة
لكن الطبيعة البشرية تجنح إلى تشويه كل شي خلقه الله جميلا..

رد: حائط : اللـيـل ، والـنهـار !!
 

.




الجو حلو كثييير كنا نبغى نروح البحر وتذكرت ان اليوم الخميس يوم العفيس
الويكند ع قولتهم مثله الاسبوع اللي فات خرجنا ولقينا زحمة من خط الخدمة ع شان ندخل الرئيسي يمكن ربع ساعة
وانا ناسي انه خميس ما صرت اعرف وش اليوم الا اذا قامت حاجة المهم واصلنا مثل هذا الوقت بالضبط ساعة وشوي لين وصلنا كل المواقف مليانه الناس انتظار ومن موقف لموقف لين وصلنا النورس عند المبنى اللي
مثل الايسكريم انتظرنا خرجت سيارة ووقفنا وجهة الشمال مشي ماشاء الله قطعنا مسافة طفشوا جماعة الربع مالقينا مكان مناسب نجلس فيه مشينا قالوا رح جب السيارة حاولت مشيت يمكن ثلث ساعة واحد مقفل على بس سيارته شغاله شوي جا ورجع ريوس ضمن الموقف قلت له الساعة ب ٣.٥٠ ضحك وخرجت والإشارة الي قدام ثواني وتغمض خفت تقفطني الكاميرات من كل صوب جت سلامات وصلت ومشينا القن
وكانت الساعة 10بس أخذنا التعب ركبتي تحتاج دهون أكثر من 3ساعات في ظهر السيارة
جبت لهم أغراضهم وافترشنا في السطح
سطحنا أجمل من كل البحور والمحيطات
نشوف السماوالنجوم وما ابدعه الله فيهما من جمال
البحر ما كويس خلوها الأحد وباقي الايام من بعد الظهر الويكند لا اجرب اقول ويكند ما قد قلتها
الكلام اللي ما اعرف معناه اتعايب اقوله
ومساكم جمال في جمال.. 💐💐

رد: حائط : اللـيـل ، والـنهـار !!
 

.






.


حبيبة القلب تعودت ماتنام الا اذا شافتنا نايمين
عندها مدرسة الصباح ولازم تنام بدرى تناومت وهي نامت ❤️
رجعت اخذت مكاني في الصالون مدري الانتريه
الناس الفخمين يسمونها كذا
اما عندي هي غرفة عادية
اثاثها بسيط تلفزيون ومساند ظهر وتكايات
فيها السياكل والمرجيحة والالعاب
حبت المدرسة وكل اللي فيها الا الحصانية خخخخخ
موصيها ما تجلس جنب احد منهم
قبل يومين تقول لي .... يمسك شعرها اهاااا بدينا
الصباح تقوم مبسوطة تسبقنا تصحينا نفطر ونصلي واوديها..

رد: حائط : اللـيـل ، والـنهـار !!
 

@ابن الهيثم،.

‎
‎السّلام عليكم ورحمة الله وبركاته


..
ابن الهيثم ..
‎تمَّ اختيار مدونتك ..
‎المدونة الملكية لهذا الأسبوع
‎‏‎
‎الخميس 5 فبراير
17 شعبان 1447 هـ


‎‏‎:

‎‏‎سيتمّ اضافة

‎‏‎500 مشاركة + وسام + ختم وتثبيت الموضوع
أسبوعين
:835:

رد: حائط : اللـيـل ، والـنهـار !!
 

حلو كثير
لله يسعدك مديرتنا على هذا التكريم
امتناني 💐💐

رد: حائط : اللـيـل ، والـنهـار !!
 

.








غفوة رضى واطمئنان لـ دقايق
نقوم بعدها كـ نهر يعانق بحر الحياة العظيم !
طبتم زواري الكرام وطابت أوقاتكم
يملؤها الرضى والإطمئنان ..

رد: حائط : اللـيـل ، والـنهـار !!
 

https://j.top4top.io/p_3695nz6c80.jpg


بابا يـ عيون قلبي تعال ننام
وماله يالله مشينا السهر ما كويس هههه
وفي بالي اتناوم لين تنام واسترق نفسي
المهم مثل كل مره ابكش عليها قبل النوم وهي تضحك تعرف من طريقة الحكي انه كلام بق
وتطلب اعيد اجيب سالفة وتقول لا لا الديك تكفى
سالفة الديك اللي مثل الجمل يطول شرحها تخليها تضحك لين تدمع عيونها
واقول لها خلاص وتقول عيد واعيد لين جتني نعسه
ونمت ومن نص ساعة صحيت وسويت القهوة ومتقنبر في الانترية
تفضلوا حياكم..

رد: حائط : اللـيـل ، والـنهـار !!
 

.








بلغنا الله وإياكم الشهر الفضيل
وأتم لنا ولكم فيه خير الأعمال. آمين

رد: حائط : اللـيـل ، والـنهـار !!
 

.




......
ماضبطت معي الصور

رد: حائط : اللـيـل ، والـنهـار !!
 

https://j.top4top.io/p_3835xgzyf0.jpg
https://k.top4top.io/p_3835j7efg1.jpg

رد: حائط : اللـيـل ، والـنهـار !!
 

^^







لا روح ولا كيان له!
ويقول يـ بعد قلبي كلامك ذوق ويشرح الخاطر رحت فيها
من كم يوم احتجت اسأله عن امر في الأمور القانونية استفدت
منه كثير صاغ لي لائحة عليها القيمة وزيادة
والليلة السماء صافية والنجوم تغمض تفتح جا في بالي يوصف الطبيعة
وطلع فعلا مو سهل يملك أدواته

رد: حائط : اللـيـل ، والـنهـار !!
 

.







رب هب لي ولأحبتي حياة أسمى وأكمل
وغنى وقوة وعزيمة على مسالمة الأيام ..

رد: حائط : اللـيـل ، والـنهـار !!
 

.




هذه اللحظة جالس في السطح ماجاني نوم وافكر اسافر البلاد شكلى بـ استخير ما انسى السنة الماضية موقف خلاني اعيد النظر في حضور وتلبية دعوات الزواج
الموقف َمن قرية بعيدة أحدهم نعرفه ونعرف اهله تزوج من قريتنا
قبل ندخل مجموعة البعض سأل بتعطون العريس عانية المستحي قال ايوه وانا منهم والبعض قال لا ياخذ بنتنا ونعينه خخخخ
معهم حق ياخذ بنتنا ونعينه المهم حطينا مبلغ
في ظرف وقائمة وبعد السلام والمباركة اعطيناه
جا وقت صلاة العشا اللي بيتوضا لقينا مجموعة ظروف فارغة حول وداخل سلة في دورات المياة في ركن عند المغاسل ظرفنا وقائمة الأسماء في الأرض فعلا معه حق اللي قال ياخذ بنتا ونعينه هذا ما يعان ورع وش الشور نطلبهم الحق هذي اهانة ما ينسكت عليها بعد مشاورة قلت رايي كن ماهو شفنا شي هههههه الاغلبية معي وقفلنا السالفة وحذفت رقمه من جوالي
نرجع لمحور حديثنا الشمس أشرقت ومدت والجولط يف والرياح ناعمة واسمع صوت حمام بري يجي من بعيد كنا نسمعه صغار ونسأل ببراءة وش يقول
قالوا يغني يقول
احمد البدوي طلق عزيزة طلق البالية وخذا الجديدة

في كلام عن أحمد البدوي مسحته وعن الحنين للديار والصباح ات الباردة ما راقت لي الصياغة
وصباحكم أيها المارون باهي ومشرق بنور الأمل والتفاؤل 💐💐

رد: حائط : اللـيـل ، والـنهـار !!
 

.








العمر آمال..

رد: حائط : اللـيـل ، والـنهـار !!
 

.






ومضة : تغدو الحياة ربيعاً إذا ما أرهفنا السمع لكل مافي هذا الوجود
وهو يهمس في اذن الشمس أن مجي علي من ريقك طعامي وشرابي ..

رد: حائط : اللـيـل ، والـنهـار !!
 

.







نبضة : تجيء وتذهب من نجم بعيد ترسم في حواشي النفس
صوراً بديعة ومعاني سامية من عالم الليل وسحر السماء !