رد: اكتب بيت شعر على اخر حرف قصيده الى قبلك
 

،.

كنت احنّه .. بزعله حتى من استغرابي
كلّ ما تاهت مشاريهه .. وهدّت حيله

يوم اعْنّ له الشعور ويوم احقّ ركابي
المشاعر حاتميّة ، والظّروف بخيله

ما نسيت ؛ أعذب تفاصيلة بنص كتابي
لو ماني ب الشّاعر اللّي خاض فى تفصيله

يدري ان صدري له اوسع من فجوج رحابي
ويدري إن لى وقفةٍ دونه .. تعدّل الميله

مير يا أولّ من هويت أسمه واخير أحبابي
واحدٍ ماهو ب ياوي لك .. غلا .. يا ووووويله

لا ثقل همك تعدّى صدتي و غيابي
..!اللّٰه اللّي خالقٍ متني " عشان يشيله"

عمر الوهيطي

رد: اكتب بيت شعر على اخر حرف قصيده الى قبلك
 

هبا .. رجلٍ يعيش ولايجي للفارقه عنوان
يروح عن الحياه وكل ما يملك للانفادي

- فهد بن خالد العصيمي

رد: اكتب بيت شعر على اخر حرف قصيده الى قبلك
 

يا أعظم بلد وأغلى بلد وأطهر بلد
هذا ثراك اللي غدا ديباجنا

وهذي غيومك كانت تصب البَرَد
وغدت مع مرّ الزمن هداجنا

من فوق هام السحب دقّينا الوتد
صارت مجالسنا وروس أبراجنا

- سعيد بن مانع

رد: اكتب بيت شعر على اخر حرف قصيده الى قبلك
 

،.

الشّعور الصّادق يلين اللّي مايلين
يقدر احساسه يمرّ الحديد ويصهره

الموادع شين والفقد جامع كلّ شين
قسوته تجرح مدامع وتخنق حنجره

ما يقوي ضلعي النّاحل الاّ حاجتين
شوفته فالحلم ولا تفاصيل صُوره

ماصبرنا الانبي نكسب اجر الصّابرين
ونلتقي والشّوق نكسر قساوة خنجره ..!

رد: اكتب بيت شعر على اخر حرف قصيده الى قبلك
 

هيا اشعلي كل الشموع المنتقاه
حتى تُضيئين الجهات الأربعه

خلي بياض النور يسري في سماه
يشبه شروق الشمس لحظة مطلعه

يطرد دياجير الظلام وما سواه
ويرصّع القياء نجومٍ لامعه

مهما لهيب الشوق يحرقني سناه
برد وسلامً فوق روحي ما أروعه

- حمدان بن مقحص

رد: اكتب بيت شعر على اخر حرف قصيده الى قبلك
 

هذا يقول افلان ماعنده أحساس
وهذا يقول فلان راعي خطايا

كلام فاضي مايثبّتْ على ساس
ماغير هرجٍ فيه كذب وحكايا

واقول بعض الهرج مافيه نوماس
مايقبله رجلٍ كريم السجايا

- سعود بن عايد