رد: اكتب بيت شعر على اخر حرف قصيده الى قبلك
 

،.

فوق ظهر المسرجة مالي ومال اعذاري
الشّجاع يذود لو ينطح داوهي .. كسرى

ليه ادرج عثرتي من تحت سقف أقداري
والأماني بيتها مسموك .. وأجمل وأذرا

وما يلام اللّي يضيق اليا طراله طاري
الهوى غلاّب .. والشّر الشرير الذكرى

لا يوسع خاطري .. ويشد حبل افكاري
غير ذعذاع النّسيم اللّي يجي .. من حدرا

وجهت اللّي من غلاه تقول داره؟ .. داري
في وصاله يطرب البال .. ويزين المسرا

ان وقفت وقلت احبك قال داري ..داري
وان سألته قال لا تسال كذا ! .. وانت ادرا

أزبن طيوفه لاجيت اطلق عنان اسراري
والمحة .. مع النّجوم السّارية والقمرا

همت فاشراقة حلاه وضعت ضيعة ساري
كيف أضيع القايلة ؟ .. وانا دليلة غدرا

يا عسى من قللوا قدره ومقداري
فدوةٍ " لـ جروحه " ، اللّي جعلها ما تبرا ..!

ناصر بن مفلح

رد: اكتب بيت شعر على اخر حرف قصيده الى قبلك
 

الليل هذا نجومه كيف صارت عيون
ولا عيوني من الضيقه يخيلها

كن امنياتي خذت من كل الالوان لون
ياكثر ماضعت في دروبي وانا ادلها

راحت حياتي ماغير امشي واردد تهون
واظاهر تهون ماكانت على حلها

المشكله عقلي سنافي وقلبي حنون
وجروحي ضيوف وانا واجب اجلها

- نواف ابونيان

رد: اكتب بيت شعر على اخر حرف قصيده الى قبلك
 

اختلاف الراي عيا يقلل من غلاك
انت من بين المحبين لك تقدير غير

- سيف بن جرمان

رد: اكتب بيت شعر على اخر حرف قصيده الى قبلك
 

،.

راح الوعد وان زاد صدري تناهيد
جعل المحبه .. ما تروح مراحه

بفرد جناحي للهوى واطوي البيد
خلّ الهوى والوقت يفرد جناحه

ما احتاج في بعض المهمات تأييد
ما دام لي .. وجهه وفكر ومساحه

الوقت خلاّني مثل هاوي الصّيد
اللّي ما يذخر طلقهٍ من سلاحه

تنقص مع الدّنيا وجيه الاجاويد
وتزيد بعض النّاس ظلم وبجاحه

واللّي كسر عرف وتجاوز تقاليد
يصبر على نهج الزّمن وانفتاحه

لاجا الصّباح يمجد الوضع تمجيد
وفاللّيل يزعج كلّ صاحي صياحه

نايف السراهيد

رد: اكتب بيت شعر على اخر حرف قصيده الى قبلك
 

همي وانا ادور على "ونس بالي"
هم الشجاع الي من الهجر؟ خايف

تبكيني (الفرقا) وهي في خيالي
وشلون لا صارت حقيقة ولايف

- سيف بن جرمان

رد: اكتب بيت شعر على اخر حرف قصيده الى قبلك
 

هم الفراق اشد واثقل من الدين
خصوصاً ليا شلته من البدايه

مازلت اطالع فالمرايه الا الحين
يمكن يحن ويلتفت للمرايه

- سيف بن جرمان