رد: حكــاية قصيــرة ❥
 

هناك من يدخل لحياتك , ليغير مكان الاشياء , و ينسف ماضيك المُنير , ليستبدله ببشاعة الحضور ,
تتخبط في ظلام دامس , و هو لا يحرك ساكن لينتشلك , لينقذك , فقط يقف كالمتفرج على مسرحية مضحكة
تنتهي المسرحية و تنتهي معها ضحكاته , ليبحث عن مسرحيه آخرى ,



و هناك من يمسك بيدك , يرشدك و يتأمل لمعان عيناك , و فرحتك ,
يشاركك السقوط و يشاركك لتعانق الغيم , لترسم حلمك و تحققه ,
يُلمّع نجمك لتضيء و تزهر روحك :lo2:



و لك انت ان تختار بين النور و الظلام ,
و بكل يقين ستختار النور

رد: حكــاية قصيــرة ❥
 

لما تنشر الحب، و تحب رغم كل شي
تناضل في سبيل هذا الحب و تبين للي حولك حبك و اهتمامك

بعد ثمانية شهور من الحب المتواصل و عدم الانقطاع عن التعبير عن مشاعرك بكل الوسائل،
بدأو يظهرون لك حبهم المكبوت،، و تبان مشاعرهم الرقيقه

هكذا ينتصر الحب،، :507:

حبو بكل ما اوتيتم من حياة



و صباحكم حب :lo2:

رد: حكــاية قصيــرة ❥
 

https://l.top4top.io/p_19861tkk80.jpg



ذكرى هذي الصورة مؤلم جداً.. ذكرى التخبط و الترنح،،
كنت بالقوة اقدر اكتب في الجوال،، و احارب حتى اوقف او امشي زي الناس
و واضح اني ابي اكتب كلام بس مو قادرة،،
ظهرت لي في صور الذكريات في الانستقرام
و تذكرت الحاله اللي كنت انا فيها.. و لا كنت اعرف وش فيني،،
غير اني كنت احاول اتقبلني و مو قادرة،، احاول اصمد و انا احس بتشتت
ايام انا عمري ما انساها،، شهرين على هالحاله و انا ما اعرف وش فيني،،

صعب جداً،، تحس ب الم و ما تعرف وشو.. و لا احد عارف وش فيك..
ما تشوف الا نظرات الشفقه و الاستغراب،،
ايام غريبه بس الحمدلله بفضله و كرمه عدت على خير و صرت على بينه
حقيقي اثرت فيني الصورة.. و حسيت بقوتي و صمودي :507:


نشارككم الاحساس :ff1 (101):

رد: حكــاية قصيــرة ❥
 

بعض المواعيد سعادة،، :507:
بكرة موعدي مع بنت خالتي،، و اول مغامرة :97:
متحمسه و خايفه بنفس الوقت 🤭

رد: حكــاية قصيــرة ❥
 

https://e.top4top.io/p_1989rrvtr0.jpg


حتى انا متحمسه احكيكم.. بس خلوها تعدي على سلام :ff1 (198):
جالسه اراقب الساعه متى يحين الوقت:507:



و يسعد صباحك :ff1 (38):

رد: حكــاية قصيــرة ❥
 

اهلاً ,, كيفكم ؟! ..
من زمان ما سولفت هنا و نسيت كيف السوالف :ff1 (198):

https://k.top4top.io/p_19897sy5d0.jpeg

اعرف نفسي لما اتشتت مره وش السبب بس ما اتوب و ارجع اكرر و اتشتت ..
قررت اليوم ارجع اكتب اهدافي الاسبوعيه و الشهريه .. لان فيه اشياء في بالي و لو ما كتبت ما انجزها ..



خلصت منها و احس ودي احكيكم عن تجربه اليوم .. قبل لا انام
اليوم مغامرتي مع بنت خالتي ,, رحنا نغوص ,,


ما جا في بالي و لا واحد في الميه اني ممكن اجرب هالتجربه و اغوص ,,
لكن لما قالت لي بنت خالتي ,, قلت خليني اجرب و نوسع منطقة الراحه
او ما يطلق عليه Comfort Zone


بعيداً عن اني ما احب البحر و لا اسبح فيه و اقرف من الاشياء الهلاميه و الشعب المرجانيه
,, بس كانت التجربه فوق الرائعه
اول كان حدنا بحر مافيه امواج كثير ,, بس اللي واجهته اليوم جداً مرعب بالنسبه لي ,,
كان الموج مررره قوي ,, و لا تقدر تتوازن و اللي سباحتهم اي كلام مثلي ما يقدر يصمد
بس لولا المدربه انا ما تجرأت و نزلت تحت .. لانه لما وصلنا مكان خلاص ننزل وقتها قلت لها لا رجعيني
كان فيه رعب غير طبيعي , غير انه ما تحملت الهواء اللي من الاسطوانه ودي افكه عني ابي اتنفس هواء طبيعي ..
و كان فيه صوت داخلي يقولي خلاص انتي وصلتي كملي ,, على انه فكرة التردد جاتني ثلاث مرات اليوم
نزلنا تحت ,, في البدايه كنت خايفه و شوي شوي بدا الخوف يروح مني لما شفت البحر من تحت و الاسماك اشكال و الوان ,,
ودك تمسكها بس ما تقدر .. اخر شي فليتها معها و جلست اتصور و نسيت خوفي ,,
كان الخوف اني اتنفس من خشمي ,, لو تنفست من خشمي شفطت المويه
بس خليت تركيزي على التنفس من الفم ,,
نزلنا لعمق مو كثير .. كنت ارفع راسي و اشوف سطح البحر


صحيح التجربه رائعه جداً .. و عمري ما تخيلت اسويها ,, بس الان ما افكر اعيد التجربه ,, ممكن اعيدها في المستقبل مدري !
و احس خلاص حسيت ب احساسها و اكتفيت منها لانها مو مودي ابد
غير كذا فيها خطوره مره كبيرة .. حتى الغواصين المحترفين ما سلمو منها ..


https://d.top4top.io/p_1989eg9c01.jpg

تجيني قشعريره من هذا المنظر ,, و اليوم كنت اواجهه بس احاول ما اقرب منه :ff1 (101):


بس كانت هذي تجربه اليوم ,,
تستحق صراحه :507: