|
رد: اكتب بيت شعر على اخر حرف قصيده الى قبلك
حق الرفيق ان حشمني عندي الحشمه
يبشر بوقفة رفيق تطلق حجاجه ومانيب ملزوم احشمه لارفع خشمه ياخذ حقوقه وحقي مانقص حاجه - عبدالله بن مرضي |
رد: اكتب بيت شعر على اخر حرف قصيده الى قبلك
هي دنيتي والقاف لعيونها انصاغ
وعن غيرها قافي منعته ولا صيغ جمالها عن غيرها زايد وطاغ مثل البدر ماجملتها التصابيغ - الأطرق بن بدر الهذال |
رد: اكتب بيت شعر على اخر حرف قصيده الى قبلك
،.
غيابك حضورٍ له بصدر البيوت شهود وش اللّي يغيّب ضحكتك والغلا ثابت ..؟! |
رد: اكتب بيت شعر على اخر حرف قصيده الى قبلك
تعبت اسرج خيول الرجاء وارفع الاعلام
افل الشراع وعاتي الريح تطويها أوردّ مشاريهي وترجع عليّ حيام ياشين الجروح ليّا تعثر مداويها حروف الهجاء لو قدرت تحطم الأرقام لقيت الجُمل محتفظةٍ في معانيها الالوان تشكي من جفى ريشة الرسام جميع المعالم جاير الوقت ملحيها - عوض الغيداني |
رد: اكتب بيت شعر على اخر حرف قصيده الى قبلك
اغيب عن الظهور احيان لكن للضروف احكام
ولا قد غبت عن ربعي وعن داعي عزاويها غيابي طال لو مالي على الساحة عدا واخصام ولا لي قصة مشهورة ومعروف راويها اراوغ واتصدّد عن مشاهد شاشة الاعلام بعد مجنونها فك الفلاش وطاح صاحيها - مساعد بن مسفر |
رد: اكتب بيت شعر على اخر حرف قصيده الى قبلك
الفضل للي يعطي الطيب والجود
ناسٍ تسددها ، ، وناسٍ تقرّب لاترتكي دايم على المال والزود والجاه والمنصب والاسم المعرّب يمكن تثوّر بالخبا وانت باارود ولا تصدّي وانت سيفٍ مجرّب |
| الساعة الآن 09:37 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2026 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~