رد: اكتب بيت شعر على اخر حرف قصيده الى قبلك
 

يجوز يقوى قلبك البعد ويغيب
لكن يبي يبطي وهو مانساني

- زعل الرشيدي

رد: اكتب بيت شعر على اخر حرف قصيده الى قبلك
 

،.
يانديم الليّل ما للصّبح صيت!
وش جرى في شمس بكرا وش جرى ؟!

أتحرّى الشّمس تشرق ماغفيت
واستكنّ الليّل والسّاري سرى

لا تراخى جفن عيني للمبيت
هاجرت من موقه ، طيور الكرى ..

تعتريني لهفة الشّوق المميت
في غضون السّاعة اثنعْش وورا ..!

رد: اكتب بيت شعر على اخر حرف قصيده الى قبلك
 

رد: اكتب بيت شعر على اخر حرف قصيده الى قبلك
 

،.

تمرّك ذكريات العام نوقٍ شدّها المسراح
وأمرّك ليلةٍ تتعب رجولي من مسارِيْها

غريبٍ ما لَمَح وَجْهك وجيه وطبْعِه اللمَّاح
خذا كفّ القصايد لين سلّم لك نواصيْها

ركض والأرض ترتابه وقدّامه؟ ظمأ، ورياح ..
يشوفك وجهةٍ "ماطالها لكن يبارِيْها.."..

تحادى من دهاليز السّنين وقام، قام، وطاح
عسى ما شرّ يا عينٍ تموت السّالفة فيْها؟

على بالي سنا بدوٍ تشوف الصّبح للمرواح
وعلى عيني طيوفٍ تنتظر صوتك يناديّها ..!

رد: اكتب بيت شعر على اخر حرف قصيده الى قبلك
 

رد: اكتب بيت شعر على اخر حرف قصيده الى قبلك
 

،.

كيف ما انتبه لك .. مثل ما تنتبه لي
وأنت مصدر شغف هذي الحياة القصيره

عقب ما تهت بالأيّام ، حصّلتك الضيَ
من عرفتك عرفت إن كلّ ما راح خيره

جابك اللّٰه حلم يكمل .. ويكتمل في
كنّك آسف .. عن أحزان الليّالِ المريره

عقبك . . يمرّني غيرك وكنّه ولا شي
فيه إنسان عنده أنت ويشوف غيره ..؟!!