|
رد: اهدي بيت شعر. للي في بالك. ،،!
كل لحظة كانت بقربك عظيمة عيّا يكررها الزمن بعد ممشاك ما عاد لـ التاريخ معنى و قيمة عدّا على قلبٍ عجز ما تعدّاك مشاعري بين إنتصار و هزيمة من ليلةٍ فيها عرفتك لـ فرقاك |
رد: اهدي بيت شعر. للي في بالك. ،،!
،.
"على البال لك سجّه و لك سيره و تذكار أضيّعك بـ الواقع .. و ألاقيك في بالي..!! |
رد: اهدي بيت شعر. للي في بالك. ،،!
كلن على صبره يلقى السعآده وكلن على نيته يلقى توآفيقه |
رد: اهدي بيت شعر. للي في بالك. ،،!
تعانق ظلام الليل والهم والهوجاس
دجى الليل لظلم هاجس الفكر يسريبه حوادث زماني ماحصاها عدد وقياس أشوف الهدف وأرميه وأخطيه وأصيبه أجامل زماني وأتقي من كلام الناس وأخاف الصديق يقول يامطول الغيبه - سعيد ابوديه |
رد: اهدي بيت شعر. للي في بالك. ،،!
ماني بعاجز ياحصان الأطاليب
مير احترم وش قلت لي وانت خابر والا المدايح كلبوها مناديب بيني وبينك ياسليل الأكابر - يوسف الشنيني |
رد: اهدي بيت شعر. للي في بالك. ،،!
حي الله اللي زاد في نوره النور
واستبشر الصدر الشمالي بكله اللي حضور الشعر لاجاله حضور غيمٍ تفيا ذوقنا تحت ظله يومٍ لفى اللي بالجزيلات مخبور الشاعر اللي بالحنايا محله ..! مشهور لو ماهو بالاعلام مشهور مازينوله .. صورته بالمجله .! الله مزيـّنـْه .. بنظر كل منعور له بصمة ٍ عن غيرها مستقله ماهو عصا اللي بالملازيم مكسور لاوالله انه سيف عز ٍ نسله ماللفطاحل في ميادينه شبور جزل الشعر لاتاه عنهم يدله دكتور شعر ان كان للشعر دكتور يسطي بقيفانه على كل عله مجنون / عذب لهامته / صادق شعور الياجدلو جزل القصايد يفله ماهو مدور من معانيه جمهور له مذهب واضح ومبدا ومله - خلف المشعان |
رد: اهدي بيت شعر. للي في بالك. ،،!
لنا على قولة سهالات منوال
ويمرّنا حشد الخطا ويتعدّى الله خلقنا من وقار وسعة بال حتّى مع اللي نكرمه ويتردّى .! - سند الهليّل |
رد: اهدي بيت شعر. للي في بالك. ،،!
وليفة الروح .. يا خشف الغزال النحيل
يا فتنةٍ .. تتعب أفكاري .. بتصويرها وش حلوة الجوف عندك ، وزعبل والنخيل؟ والمارد .. اللي تمرد .. عن مواكيرها ؟! صوتك من الريح .. وإلا من غريد الهديل؟ وإلا من المغفرة .. صوتك .. وتكفيرها ؟! ريقك من الشهد .. وإلا منبعه سلسبيل ؟ وإلا من الغيم .. يقطر مع .. تباشيرها ؟! رمشك طبيعي من الله .. انخلق لك كحيل ؟ وإلا بكحلك .. وزاد العين .. تكبيرها ؟! شعرك من الليل .. يسدل فوق ظهرك جديل ؟ وإلا خصاله .. من السدرة ، مظافيرها ؟! وجهك جميل .. ووجه اللي يشوفك جميل مثل القمر .. لا سطع يجلي دياجيرها ! خصرك قصيدة غزل .. معنى ووزنٍ ثقيل وأنا وشعري .. غدينا .. من جماهيرها ! وردوفك .. الويل والموت الحمر .. والدليل تقضي علي .. مثل ما تقضي مشاويرها ! يا ويل حالي .. ليا مرت .. وهبّ العليل تضيع كل البصاير .. في مداويرها ! وعز الله إني .. بحبك صرت حي وقتيل لو مابيدينك .. حياتي مع مقاديرها ! والحسن ماله حدود .. ووصفك المستحيل عجّز حروفي .. وتاهت في تعابيرها ! |
رد: اهدي بيت شعر. للي في بالك. ،،!
|
رد: اهدي بيت شعر. للي في بالك. ،،!
الاقتراب احيان من صالح نتَاج المبدعين
والابتعاد احيان ميزه من مزايا الاذكيا..! - فالح بن قشعم |
رد: اهدي بيت شعر. للي في بالك. ،،!
لا تحسب أن الليالي كلبوها ربيع لازم تلوفك هبوب القيض وسمومها . |
رد: اهدي بيت شعر. للي في بالك. ،،!
كبرت نفسي على نهجٍ يجنّبني العيوب ولو إنّي على بعض المواقف عظيم اهتمام وإن قالوا الترفّع باب جهلٍ بلا دروب قلت الجهل ما يجهل مقامه غير ناقص مقام |
رد: اهدي بيت شعر. للي في بالك. ،،!
الكوكب اللي تقول الناس ياصغره
من كثر ماهو بعيد وشوفهم قاصر! - بدر بن عبدالمحسن |
رد: اهدي بيت شعر. للي في بالك. ،،!
ملح بعيوني احطن ونسة حتى النوم اخافن بالمنام طيوفك تجييني اذا شافتك عيني وفرحت بملكاك والله اتبره منهه وهاي موعيني واذا صافحك جفي بحجة الخملان اكص اثنين اديه يساري ويميني واذا كالولي حبك يسري بالشريان ثق بالله اكطع كل شراييني |
رد: اهدي بيت شعر. للي في بالك. ،،!
زول الرجال أحيان يخدعك بالزي مثل الوجيه اللي تزين بمكياج لو تطلب الله رازق الكاين الحي اللي ماحط لباب الارزاق مزلاج خير من عبداً ماهو مالكاً شي لو يعرف العله ماقدم لك علاج لو قال من العين هذي قبل ذي وابشر بخاطر سمح وفلة حجاج لا مرسلاً غيمة ولا باعثاً ضي و لا قابل دعوات صايم ولا حاج مير اطلب الله دام حالك كما هي والله كفيل برزق عبده اذا احتاج |
رد: اهدي بيت شعر. للي في بالك. ،،!
،.
فقدت أنسامك بـ صبحٍ هدوءه غاية المسكين و وجهك كان عنوان الصباح .. وموعد إشراقي ..! |
رد: اهدي بيت شعر. للي في بالك. ،،!
أحبّك . . كثر ما قالوا هَنيك يا خلي البال و أحبّك كثر ما أخفيتك عن رُبوعي و عذالي حفظتك سرّ ما يظهر على العالم ولا ينقال زرعتك بين تنهيد الضلوع و بين غربالي لك الله مال غيرك فالحَنايا و الضمير ظلال أقرب من قريب الخلق و أقرب لي من ظلالي |
رد: اهدي بيت شعر. للي في بالك. ،،!
والله اني قبل اعرفك مستريح
لا هموم ولا عذاب ولا جراح ٰ كنت ماصدق اذا قالوا يصيح الهواوي لين جربت الصياح ٰ من عرفتك صرت انا مثل الطريح الصويب اللي نهار الكون طاح ٰ من صوابه لابغى ينهض يطيح يلتفت لعداه منزوع السلاح ٰ عقب ماهو يجبر العظم الجريح صار مثل الطير مكسور الجناح |
رد: اهدي بيت شعر. للي في بالك. ،،!
كان أنت في دو الخلا تمتنينـي فأنا تراني كـل يـوم أتمنـاك وإن كان بالخافي تجر الونيني ونيني أكثر نعنبو بطنن أضناك حبك حرم عن كثرة النوم عيني ريفي مراعاتك وشفي بطريـاك لا عاد عرف ٍ صار بيني وبينك أخاف حبك يوردنى حبل الإدراك |
رد: اهدي بيت شعر. للي في بالك. ،،!
فؤادُ ريمٍ منَ الأشواقِ يستعرُ
لهُ دُخَانٌ كبركانٍ سينفجرُ انظر إليهِ تشظى من جوانبهِ يكادُ من زحمةِ الأشواقِ ينشطرُ واااو واااو شرارةُ شوقٍ منهُ قد خرجت ياويلَ محبوبها قد جاءهُ الخطرُ انظر إليها إلى المحبوبِ قد ركضت كركضِ ومضةِ برقٍ بعدها المطرُ |
رد: اهدي بيت شعر. للي في بالك. ،،!
اي الذي من قاعة البير يظهرك
اياه واي اللي تراكا على الجال قدرك وتقديرك لمن لايقدرك غبن ولايصبر عن الغبن رجال راقت لي |
رد: اهدي بيت شعر. للي في بالك. ،،!
تذكّرني ليا ضاق المكان وشانت ظروفك تراني مثل طيّات الذهب ما يختلف لوني . |
رد: اهدي بيت شعر. للي في بالك. ،،!
،.
مرني لا تاه دربك . . من زحام الحياه الغلا اللي رحت منه على حطة يدك ..! |
رد: اهدي بيت شعر. للي في بالك. ،،!
في ذمتي انك عن الناس تفرق
وانك ملاك بهيئة انسان كامل |
رد: اهدي بيت شعر. للي في بالك. ،،!
لو كـثـرت جــروحـي فلآ نـيب مـــكـســـور أنـــــا أكـســر اللـي قــال إنـــه كـــســــــــــــــــرنــي مـاهــو حـــكـــي زايـــف ولا كـبـــــر وغـــرور لآ بدّ مـآيــصــحـــى غــشــيــــــــم خـــســـرنــي |
رد: اهدي بيت شعر. للي في بالك. ،،!
،.
ياللي الوفا هو بعض اصغر مزاياك حملي ثقيل و وافيات كتوفك تشيل همي دوم كني انا اياك صارت ظروفي مو ظروفي ظروفك ..! :85: |
رد: اهدي بيت شعر. للي في بالك. ،،!
أعطيتك من صآفي المشآعر تباشير ومن الوفــــآمــا يعتــــــلي كل قِيمه وفرشت لك درب المودّة نواوير وأصبحت روحي للوفا مستديمة واليوم ما ينفع حديث المخاوير إذا غدت بعض النوايا سقيمة عسى سنينك روض وردِِ مزآهير وتبقى بعيد عن دروب الهزيمة |
| الساعة الآن 03:22 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2026 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~