|
رد: لقاء مع مبدع - رانيا
من اول يوم انا جيت هنا , حسيت للمكان روح مختلف , و قلتها اكثر من مره و اقولها الان بعد ,
حقيقي هالمقابله تمنيتها من كل قلبي , و داخلي اصرار عجيب , لان فعلاً انتي انسانه تستحقين التقدير , و نستحق نحن ان نتعلم منك , الاسئلة تتزاحم في رأسي , فضول عجيب , - رانيا كما نعلم تملك عدة مواهب , و ممكن اقول انك خارقه بالنسبه لي .. كيف رانيا تقدر توفق بين هذي المواهب و تقدر تحافظ على مستواها الرائع ؟ - نعاني دائماً من التشتت بكثرة المواهب او الاعمال اللي نقوم فيها , كيف تتعاملين مع هذا التشتت , و تسيطرين عليه ؟ - ممكن تعطيني نبذة عن تعاملك مع الوقت , و التوفيق بين اعمالك و اطفالك و اسرتك ؟ - لو لاحظتي احد اطفالك عنده قدرات مختلفه عن غيره , و موهوب و مبدع , لكن هو يمر في مرحلة انه في احد جالس يأثر عليه و مستواه جالس ينزل , كيف تتصرفين في هذي الحاله ؟ - اقرب شي الى قلبك من اعمالك من اشيائك من مواهبك , شي تقولين فيه هذا انا ؟ - هل لك مساحه في حياتك خاصه فيك لوحدك و وين تقضينها ؟ احب اقولك , اني احبك و مستمتعه بهذا اللقاء , و راجعتلك :507: |
رد: لقاء مع مبدع - رانيا
رانيا كل ماشفت لها شي جديد
اقول صدق انها قطرة من بحر ماشاء الله عليك رنوش لانك مميزة وغيير حتى الاسئله مميزة وعرفتك منها اكثر ربي يزيدك من فضله ويحفظ لك اولادك وكنت بسألك عن مواهبك بس سبقتني عليها وفاء |
رد: لقاء مع مبدع - رانيا
اهلا بالشخصيه التي ارتبطت بالابداع المتجدد والاداره المتميزه والخلق الرفيع : رانيا في بدايات تأسيس المنتدى .. هل ؟ وضعتي في الحسبان ان : .. نسبة النجاح اكبر من الفشل ! .. نسبة الفشل اكبر من النجاح ! -هل انتي راضيه عما تحقق في العام الأول للمنتدى وكم تقيمين نسبة رضاك من 10؟ تملكين قلم قمه في الابهار .. ومع ذلك تتواجدين بصوره اكبر في جاليري غلاك هل السبب اكتفاءك بالاقلام المميزه المتناثره في عذب الحروف واسراب البوح . وبالتالي اتجهتي لتنشيط قسم جاليري غلاك او هو تشبع من الكتابه والاتجاه بصوره اكبر للرسم والاعمال اليدويه . يقولون (ابن الوز عوام) هل من بين اطفالك من اخذ شي من ارث أمه الجميل في حب الرسم والاعمال اليدويه ؟ - تبارك الله ماشاءالله اجد في رانيا افكار متنوعه دائما لها الاثر الكبير في قيادة المنتدى بنجاح وتساهم في خلق التجديد والنشاط المستمر .. من اين تستمد رانيا هذه الافكار ؟ هل هي : -نتيجة خبرات سابقه ؟ -استعانه بمشورة اصدقاء من داخل المنتدى او حتى من خارجه ؟ -او هي افكار وليدة اللحظه بحيث كلما هبط مستوى النشاط بالمنتدى لجأتي للتفكير في طريقه تعيده الى تألقه ؟ -او هو خليط متكامل مما تم ذكره ؟ واخيرا : تعودنا وفي الغالب في عالم المنتديات على شخصية المدير المكفهر الوجه العاقد الحاجبين :d الذي يأبى عليه مقامه الرفيع ان يتعاطى مع الأعضاء ولا يتحدث الا من علو :d ترى مالذي دعى رانيا لمخالفة تلك التقاليد الاداريه واتخاذ طريق مختلف يعتمد على القرب من الاعضاء ومخالطتهم وملاطفتهم بهذه الصوره الجميله وشكرا مقدما ي راقيه |
رد: لقاء مع مبدع - رانيا
اهلا وسهلا برنوش
ومية ورده يالغلا انت جيتي لوحدك ولا بشبكة صيد ماعلينا المهم انك جيني عندي لسموك كمشة اسئله ظريفه خفيفه ١....شلون خطرتلك فكرة انك تأسسي منتدى ٢...احتليت منصب مديرة منتدى قبل غلاك ٣....مقومات المنتدى الناجح ٤...ايهما افضل لاستمرارية الَمنتدى كثرة المواضيع ام مضمونها ٥.....رأيت منتديات تقفل رغم ان اعضائها قد قاربو على المليون ما السبب برأيك ٦....ماهي درجة رضاك عن المنتدى بشكل اعلى درجه ١٠ اكتفي ولي عوده ان سمحت الظروف شكرا لكل من صوت لرانيا |
رد: لقاء مع مبدع - رانيا
من اول يوم انا جيت هنا , حسيت للمكان روح مختلف , و قلتها اكثر من مره و اقولها الان بعد ,
حقيقي هالمقابله تمنيتها من كل قلبي , و داخلي اصرار عجيب , لان فعلاً انتي انسانه تستحقين التقدير , و نستحق نحن ان نتعلم منك , الله يسعدك حبيبتي النور على كلامك وبالعكس انا مِن يتعلم منكم واقولها صدق الاسئلة تتزاحم في رأسي , فضول عجيب , وانا هنا باذن الله لأجيب عن كل اسئلتك :11: - رانيا كما نعلم تملك عدة مواهب , و ممكن اقول انك خارقه بالنسبه لي .. كيف رانيا تقدر توفق بين هذي المواهب و تقدر تحافظ على مستواها الرائع ؟ صراحة وراء كل عمل تشوفيه تجارب ومحاولات كثيرة ما اظهرها غالبًا فالاعمال تاخذ مني وقت حتى اوصل للمستوى المطلوب واللي يرضيني لكن كيف اقدر اوفق بينها ! ، هالشي يرجع لمزاجي تلقيني مرات منغمسة في صنع الكيكات مثلا وبفترات اكون حاطة كل اهتمامي في الخياطة او الرَسِمْ يعني كل فترة اهتم بحاجة معينة وما اشتت نفسي بأكثر مِن هواية بنفس الوقت حتى انجز شيء جميل وبوقت قصير - نعاني دائماً من التشتت بكثرة المواهب او الاعمال اللي نقوم فيها , كيف تتعاملين مع هذا التشتت , و تسيطرين عليه ؟ مثل ماذكرت فوق واضيف اني بالفترة اللي اكون مهتمة فيها بمجال معين كمثال الخياطة تلقيني ابحث او اقرا في هالمجال فقط وحتى لو شفت قدامي شي مثلا عن الرَسِمْ اتجاهله الين انتهي مِن الشي اللي قاعد يثير رغبتي في الانجاز - ممكن تعطيني نبذة عن تعاملك مع الوقت , و التوفيق بين اعمالك و اطفالك و اسرتك ؟ صحيح اني مش دائماً فاضية ومش كل يوم اسوي حاجة جديدة بالعكس يمكن في الشهر مايطلع مِني الا عملين او واحد احيانا لكن انا دائمًا ومن زمن اذا صحيت اردد هالدعاء " اللهم بارك لي في وقتي " فالحمدلله رغم ضغط العمل اللي يكون علي في يومي الا اني احس وقتي فيه بركة الله يديمها علي مِن نعمة لكن كيف اوفق بين كل شي طوال ما انا مشغولة او فاضية اطفالي معي في كل شي حتى بوقت الطبخ اشغلهم بمساعدتي الله يحفظهم :54: وأما اعمالي فأنا اعشقها ومالها وقت محدد يعني ممكن تلقيني حاطة الطبخ ع النار وانا ماسكة شي احاول اخلصه او اني اكمل سهر لان فبالي شي ودي اسويه غير كذا انا بيتوتية ولا اتواصل مع احد ولا عندي اي شي يشغلني غير البيت وممكن هالشي هو اللي يساعدني في ترتيب وقتي واعمالي - لو لاحظتي احد اطفالك عنده قدرات مختلفه عن غيره , و موهوب و مبدع , لكن هو يمر في مرحلة انه في احد جالس يأثر عليه و مستواه جالس ينزل , كيف تتصرفين في هذي الحاله ؟ هالشي يرجع لشخصية الطفل وكيف اقدر اتعامل معه لكن عن نفسي اذا كان بمقدوري ابعده عن هالشخص فذي اول حاجة راح اسويها اما اذا كان مجبر انه يقابله فاستخدم معه اسلوب الانغماس وهو اني اخليه ينغمس في الموهبة اللي يمتلكها واشغله بها ، كيف ؟ ان كان كمثال موهوب في الرَسِمْ اعطيه مكتب خاص واعطيه زاوية خاصة له واوفر له كل شي يدعم موهبته + اشجعه انه يبحث عن افكار تخص موهبته بطريقة غير مباشرة وامدحه دائمًا لان المدح يأثر في الطفل كثير وهالأمور راح تشغله عن الشخص السلبي اللي قاعد يأثر عليه لأنه مِن شدة فرحته بالاشياء اللي امتلكها ماراح يهتم له - اقرب شي الى قلبك من اعمالك من اشيائك من مواهبك , شي تقولين فيه هذا انا ؟ صنع المجسمات بالجبس او عجينة السراميك - هل لك مساحه في حياتك خاصه فيك لوحدك و وين تقضينها ؟ بما اني بيتوتية فأكيد مساحتي الخاصة راح تكون في البيت وبوقت نوم الكل احب اغمس رجليني في موية دافية بملح وليمون وانا اتابع فلم ومعلومة عني انا ما اتابع ولا شي لا بتلفزيون ولا غيره الا اذا كنت في هالوضعية اعتبر هالوقت خاص لراحتي :d احب اقولك , اني احبك و مستمتعه بهذا اللقاء , و راجعتلك :507: وانا احبك والله ومِن عمق قلبي كل الشكر لدفء حروفك ومشاعرك التي عجزت عن الرد عليها الله يسعدلي قلبك يالغالية ويجعلني عند حسن ظنك وظن الجميع ~ |
رد: لقاء مع مبدع - رانيا
اقتباس:
ىالف شكر على كلامك بحقي صراحة مثل ما ذكرت ما اعرف انا ايش مواهبي لاني احب اتعلم اي شي لكن اظن اقدر احصرها في الرَسِمْ والاعمال اليدوية والطبخ والتصميم بس سعدت بتواجدك :11: ~ |
| الساعة الآن 07:10 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~