رد: اكتب بيت شعر على اخر حرف قصيده الى قبلك
 

،.

سامح اللّٰهُ من تركني على سكّة جفاه
ضامي لا لاااح برقه ولا حنّ رعده

تختلي به سود الافكار وتبيّح خفاه
تاركه ف الحلق عبرة وف الكبد لهده

الحزين يشوف في بسمته سترة نجاه
لو ورا البسمة من الحزن قومة وقعده..!

عبد الله السراهيد

رد: اكتب بيت شعر على اخر حرف قصيده الى قبلك
 

هذي وجيه اللي خذولني من الناس
شفها على شكل التعب في .. عيوني !

- نايف الحجيلان

رد: اكتب بيت شعر على اخر حرف قصيده الى قبلك
 

،.

يارجاء ردّ الجميل من الزّمن ، وين أنت غادي..؟!
كفيّ المجرود في أطراف الهواء ضاع معروفه ..

ما عذلت النفّس يوم أغترّ في بعض المبادي
الضّمير الحيّ نوب يمره الغيّ ويطوفه..!

بين طيّات القصور عن الإجاده ، والتّمادي
لجري ما طمّنت ضرب الحتوف العوج نوفه ..

ولا على الباقي خلاف اليا دفن جمري رمادي
في ليال البرد يغني عن حرير السّلك صوفه..

وأنت يا مبلغ طموحاتي ، وشفيّ ، وإجتهادي
والله أني عاذر أحساسك على قلّ الكلوفه..!

،.

رد: اكتب بيت شعر على اخر حرف قصيده الى قبلك
 

هاك صوتي وأسأله وشـ كثر نادى ؟
يا كثر ما نبرته بـ أسمك … تموت ؟

الصدى حتى على الضحكه تمادى :
انت وحدك لك صدى من غير صوت !

- نايف الحجيلان

رد: اكتب بيت شعر على اخر حرف قصيده الى قبلك
 

ترى الحب بين اللي يحبون مثل الغرس
له الموت لو ما سقيك منه وتسقيني

فقدتك وأنا ما لي سوى المحبرة والطرس
ثواني غيابك كلها مأثرة فيني

أخذني معاك بكل خطوة مسير وهجس
معك عن جميع العالم الله مغنيني

على كيفك إشرح ما تبي جهر ولا همس
أنا كل كلمة من شفاياك ترضيني

أتوه وعلى وجهك من النور قطعة شمس
تدل الشعور إن خانت العين رجليني

- عبدالمحسن خميّس

رد: اكتب بيت شعر على اخر حرف قصيده الى قبلك
 

يجود العمر، ويحطّ الرحال، وتثمر الأحلام
وصبحٍ يستردّك في الخيال السالي؛ أحبّه

- صالح بن حمد