رد: اكتب بيت شعر على اخر حرف قصيده الى قبلك
 

،.

يجوز الدّرب في ريف إنتظارك ماعليه أغبار
‏وأكيد إنّي غريب إن ضيعتّني وارف أهدابك

‏لمحت الماء صباحٍ فيه وجهك ما غشاه ستار
‏سرابٍ جاب وجهك كمّ لي أترجاه ما جابك ..؟!!

رد: اكتب بيت شعر على اخر حرف قصيده الى قبلك
 

كل ماقلنا تزين ونحسب ان الوقت زان
جات خيبات الظنون بعكس تيار الشفوف

- رائد بن هلال البديري

رد: اكتب بيت شعر على اخر حرف قصيده الى قبلك
 

،.

في رجاء اللّٰه تلتمس من جيّتي عذر ابتعادي
جعل شي ردّني عنك مساعيه مخلوفه

مدّ كفّك ، سلّ من غمد السهر بيض الهنادي
كمّ لوجه الصّفح وردون الحيا تطوي كفوفه..؟!

والله أني شفتك بعين الرّضا، وإلاّ أنت عادي
مكنّتك من السّنين الماضيه ، لحظة مروفه

ورحت غالي ، والرّضا ريّض وعد، وأنا مفادي ..
والمفادي ما يمل ّمحايل النفّس العيوفه..!

رد: اكتب بيت شعر على اخر حرف قصيده الى قبلك
 

هروج الناس مثل الميسم اللي يلمس الشرشوف
وطرايف هرجتك من صادق الامزان مغروفه

على طول رقبتك الحرف ياخذ راحته معزوف
يا حظ اللي على اذنه كل يوم تجر معزوفه

تهيّا كل ما زان المساء وابذل لي المعروف
ليال ابريل منها ليلة(ن) غرّا و معروفه

طلوع البدر فيها وجهك اللي يبري المكفوف
اشوفه قبل يطلع في سماي ،،، يسوّي بروفه

- فارس السميري

رد: اكتب بيت شعر على اخر حرف قصيده الى قبلك
 

هبو على طايح اللقمه وحب الظهور
وخلولي النسخه الاولى وتصويرها

أنا ومن بعدي الدنيا تلف وتدور
وفالناس تقديمها وفالناس تأخيرها

رد: اكتب بيت شعر على اخر حرف قصيده الى قبلك
 

الأجابات صارت من سؤالي تشابه
ليه صارت موازين الزمان امعكوسه

يهدر الحاشي اللي مابعد شق نابه
والمعلم من التلميذ ياخذ دروسه

- ثواب بن زيد