رد: اكتب بيت شعر على اخر حرف قصيده الى قبلك
 

هاك قلب قد عروقه مضمحله
قدّه اربه على الحب يتقدا

ان صلح لك زين وان ماجاز خله
منت ب اول واحدً فيه يتردا

- علي الدعيه

رد: اكتب بيت شعر على اخر حرف قصيده الى قبلك
 

ألا ياصاح ياذيب العرب ياطول تغريبك
مع وقتٍ على مثلك تعَاوَت به ثعالبها !

تبي ذيك السنين اللّي صداها دوم يطري بك ؟!
تمنّاها عقب ما أقفت بها عنّك ركايبها ؟!

شف الأيّام وش سوّت ؟! على مجدك عقب شيبك !
عناكبها على مجدك بنَتْ مجد لعناكبها !!

ولا تعجب من الدنيا إذا خانت أساليبك
ترى الدنيا لعوبٍ والخيانة فى ملاعِبها !

تجي مرّة تغنّى لك مثل بنتٍ تغنّي بك
ومرّاتٍ عجوزٍ بالسواد إتصيح شايبها !

بها نفسك بها مستقبلك وأيامك وغيْبِك
ولاتدري وش اللّي خبّته لك فى غياهبها ؟!!

وإلى منّك سألته وش ورى غابة أكاذيبك ؟
تواعِدك ويمين إبليس تمسح به شواربها !

لعوبٍ هي كذوبٍ هي وأهلهَا صوت تكذيبك
بهم شالت أمانيّك وخَذَتهم في مراكبها !

- فالح الدهمان

رد: اكتب بيت شعر على اخر حرف قصيده الى قبلك
 

الليالي درستني دروس العظام
زلزلت تركيبتي صفعة طراقها

قالت ان الحب في غير دربه حرام
وان بعض الناس كذابة اشواقها

وانت ياللي غبت بين الزمن والزحام
جيت مثل الريح لا طاحت اوراقها

روح صدقني نفذ منك كل الغرام
المحبة جف ماها وترياقها

- عبدالله سعيد

رد: اكتب بيت شعر على اخر حرف قصيده الى قبلك
 

،.

أسياب تنبض بالخطاوي المثقلة المحبطين
ي هالمكان اللّي على قد إنغماسي "أجهله"

تعبت أمدّ الصّوت في صمت إمتلى بالتّايهين
وتعبت أدوّر لـ الجواب اللي خنق هـ الأسئله

حزين الاّ والله شي افظع من كوني حززين
حتى الفرح من ضحكه الاجواد صرت اتخيله

عايش على قيد الأمل ماني على "قيد اليقين"
أكبر من "الأحلام" وأصغر من غموض المرحلة ..!

رد: اكتب بيت شعر على اخر حرف قصيده الى قبلك
 

هذاك حظه مثل بيض الثنايا
وهذاك حظه مثل سود الضفاير

- مساعد الشمراني

رد: اكتب بيت شعر على اخر حرف قصيده الى قبلك
 

،.

راح الكثير .. وما بقى غير القليل
يالله عسى .. ما راح ينفع ما بقى

وكّل على اللّٰه ثمّ على الفكر النبّيل
و اخلف هقاوي حاسدك لامن هقى

ومن حيث ما وجهّت شوف المستحيل
ترى السّعاده تختبي خلف الشّقى

وصديقك اللّي .. ما لوقفاته بديل
ترااه يكفي .. عن مئات الاصدقا ..!