رد: حكــاية قصيــرة ❥
 

يسعد مساكم و ايامكم يارب ،،

انا كل يوم في الصباح قبل ما ابدأ يومي ،،اختار عبارة ليومي
و كنت اهتم للعباره ترفع من معنوياتي ..
و موخرا صرت اميل للعبارات اللي تناسب حالتي النفسيه
و اي عباره تكون متفائلة بزياده كنت اغيرها و اختار شي ثاني ..

المهم مو هنا الحكايه ..
جيت اليوم كالعادة جيت حطيت العباره
و كانت هذي العباره

https://g-lk.com/up/do.php?imgf=173920323037951.jpg


بس حطيت العباره و كملت شغلي ..
و انا اقلب في الاوراق و الملفات طارت مني ورقه
و لخبطت اوراق العبارات و انشالت عبارتي اللي حطيتها وطلع مكانها عباره ثاني < ان شاءالله فهمتو علي:671:


العباره

https://g-lk.com/up/do.php?imgf=173920347610221.jpg

" انت لوحدك جيش "

العباره هذي اختارتني انا ما اخترتها ،،
حسيتها دافع قوي لي ،، و دعم نفسي اني ما استسلم
و ارجع اقوى من اول .. :639:


يارب السلام و الحب في حياتي
و الهدوء و الطمأنينه لروحي ..
احب اختيارات الله لي ، و رسائل الله ..
شكرا يالله :639:




السؤال : كم مره قلت عباره :232:
:635:

رد: حكــاية قصيــرة ❥
 

لي يومين جالسه احب نفسي و اراضيها ،،
و مالومها على شي سوته ،،
و اعلمها ان الناس اللي زعلوها ما يمثلون الا انفسهم.
و الناس اللي يحبونها هم الاساس و لازم تركز عليهم .
و ان الحياة محطات ، فيه محطات صعبه و محطات جميلة و رائعه ..
تتجاوز الصعبه و تستمتع بالجميله ..


و يسعد صباحكم :11:

رد: حكــاية قصيــرة ❥
 

الحياة ابسط بكثيييير من اي شي ..
بسيطه جدا .. احنا بس نكبر المواضيع ..
و نزعل على ردات فعل الاشخاص .. و ممكن احنا نكون سبب من ردة الفعل بدون ما نحس ،،
نرفع سقف توقعاتنا من الاشخاص و هم لا حول لهم و لا قوة الا بالله ..
نحلم ب احلام خياليه و نبيها تصير و ممكن ماهي خير لنا .. و نزعل لو راحت من ايدينا ..

و ننسى ان الاقدار اللي كتبها الله لنا افضل بمليون مرره من اللي نحلم فيها..

و الشيء اللي اخطر من هذا كله اننا نربط سعادتنا باحداث نبيها تصير ..
يعني اقول لو صار لي الشي الفلاني انا بكون افضل و مبسوط .. و هذا الشي بيصير لي بعد سته شهور ..
و اجلس معلق نفسي و روحي على حدوث هذا الشي .. و متوقعه اكون مبسوطه ..
بس فعليا لا .. انا انا ما تغير في حياتي شي ..


هذا واحد من عيوبي اللي ابي اتخلص منها ..


الشي الثاني ..
كل اخفاقاتي كانت بسبب عدم الاستمراريه ..
ابدأ في شي بعدين لسبب ما اوقف و اتخاذل
و القي اللوم على الظروف ..
و الاخفاق بسببي مو بسبب الظروف. ..


هذي نقطتين ضعف لازم اشتغل عليها
و ان شاءالله اني قدها :11:

رد: حكــاية قصيــرة ❥
 

في الحياة نحتاج صحبه لطيفه .. تنسيك همومك ..
تدخل في قلبك البهجه و السعادة ..
تسولف معهم و تسمع حكاويهم ..
تضحك على اشياء ما تضحكك اساساُ ..
لكن بمجرد انك معهم قلبك سعيد :11:

هذي وحده من النعم اللي ربي انعم علي فيها ..
ان عندي صديقات يردون الروح فيني
الله لا يحرمني منهم :11:

رد: حكــاية قصيــرة ❥
 

الحزن و الزعل ما يجذب لك الاشياء الحلوة لحياتك
بالعكس يبعدها عنك .. لان روحك حزينه طاقتها منخفظه ..

على عكس التفاؤل و الحب ، و الرضا و الراحه النفسيه ..
هي اللي تجذب لك كل شي جميل بإذن الله ..


و الله يرزقنا راحة البال و الهدوء

رد: حكــاية قصيــرة ❥
 

ايش خطتكم للايام القادمة ؟
:99:

رد: حكــاية قصيــرة ❥
 

ما معنى ان تعود الى نقطة الصفر ..!
كيف هو الشعور ..! و كيف هي الحياة ..!

و ما هو الدافع لتبني حياتك من جديد ..!



عندي كمية تساؤلات , مالقيت لها اجابه :799:

رد: حكــاية قصيــرة ❥
 

https://g-lk.com/up/do.php?imgf=173993892251511.png

شكرا شطرنج على مشاركتك ..
و حلو تعلم لغات و مصطلحات جديده
الله يبارك لك في وقتك و جهدك ..



بالنسبه لي انا ما عندي خطه محدده حالياً
انا واقفه مكاني من فتره طويله و عجزت اتحرك ..

يمكن اهم شي هالفتره اشتغل على الهدوء النفسي و الراحه النفسيه
و داخلين على فتره بتساعد كثييير انها تبعث على الهدوء


الله يجعل ايامنا القادمه كلها خير و بركه :399:

رد: حكــاية قصيــرة ❥
 

https://g-lk.com/up/do.php?imgf=174028604299491.jpg


من زمان ما عشت جو زي كذا ..
من زمان ما استمتعت بصباحي ..:243:
فتره طويله جدا تخللها ظروف و احداث كثيرة
خلتني انسى اني احب الصباح و اجواء الصباح ..
احب ازين مكاني و استمتع بالجلسه و استمتع بالتصوير :635:


بعد جلسه مصارحه امس بيني و بين اختي ..
و عرفت اننا كلنا نعاني بس بطرق مختلفه و درجات متفاوته ..
حزنت عليها اكثر مني لانها صغيرة و تحس ان الدنيا تروح منها ..
قلت لها انا وش اقول .. و لازلت احارب و انكسر و ابني نفسي من جديد
و هي تقولي انه العمر راح و هي ما سوت شي ..
سولفنا شوي في مشاكلنا المشتركه ..
هوننا على بعض ،، و يارب انها هانت عليها ..


اختي هذي اخر العنقود ..
و فرق العمر بيني و بينها ١٥ سنه ..
الله يصلح حالها و بالها :11:

رد: حكــاية قصيــرة ❥
 

https://g-lk.com/up/do.php?imgf=17404103005881.jpg


وصلت اغراض دورة الشموع :635:
الحماس الف للتجربه


انا مستعدة يا رانيا :11:

رد: حكــاية قصيــرة ❥
 

اكتب لكم الان و انا توي طالعه من البيت للدوام ..
الايام هذي دوامي يبعد عن البيت ربع ساعه ..
من زمان ما جربت هذا الشعور .. قرب الدوام من البيت ..

هذا صار بعد ايام كانت صعبه جدا ..
عوضني الله بهذي الراحه .. الحمدلله و الشكر له ..


هذا يعلمنا ان ما بعد الضيق الا الفرج :11:


صباحكم خير و سعاده:283:

رد: حكــاية قصيــرة ❥
 

كل عام و انتم بخير ,
و اتمنى لكم كل الخير
و الهدوء و الاطمئنان

يارب امنياتكم السعيده تتجلى امامكم و تنعمون فيها ,,
و يكون رمضان هذا بداية الخير و التوفيق لي و لكم يارب ..


من زمان ودي اجي مدونتي و اكتب فيها ,, بس الافكار عندي مو مرتبه ..
و كأني اتعرف على نفسي من جديد ,, ما اعرف اعبر عن نفسي ..

مريت بفتره صعبة جداً ..
كرهت نفسي و كرهت الناس حولي ,, و من الناس اللي كرهتهم اهلي ,
اكثر شي امي و بنتي ..:647:
و كل الاحداث اللي كانت تصير لي كانت ضدي
كنت اصبر نفسي و ادعي الله كثييير ..
بكيت كثييير و بكيت بانهيار :592:

من الاشياء اللي كنت ملتزمه عليها " سورة البقرة" كنت اقراها يومياً
تقريبا اربعه شهور متواصله ,,
و الحمدلله بفضل الله صرت احسن ,,
صح اني ما رجعت زي اول و نفسية اول .. بس الحمدلله تحسنت ..

يارب انها اخر التعب و الاحزان ,, و يكون رمضان هذا بداية كل شي جميل ..
و انا متفائلة فيه كثييير و ظني بالله كبيييير انها بتتحسن اوضاعي و نفسيتي ..



يارب الامنيات السعيده اللي دعينا الله فينا ,, و الخير الكثير اللي يطمن قلوبنا و يريحنا ..
و سعادة تنسينا كل التعب و اليأس و الالم اللي مرينا فيه ..


و كل عام و انتم بخير :11:

رد: حكــاية قصيــرة ❥
 

ركني البسيط في غرفتي :11:


https://g-lk.com/up/do.php?imgf=174075828553061.png

رد: حكــاية قصيــرة ❥
 

احب رمضان و اجواء رمضان ..
اجواء تخليني انشغل بشكل حلو و يغير المزاج ..
انا من طقوسي احب اخذ اجازه اول اسبوع في رمضان ..
احب اريح .. و استعرض مهاراتي في الطبخ ..

الحمدلله على هذي النعمه العظيمه اللي لا تقدر بثمن ..
و مهما شكرنا الله ما نوفيه حقه من الشكر و الامتنان ..

كيف يعطينا شهر في السنه يتضاعف فيها الاجر :11:
و غيرها من الايام المباركه بس رمضان غير ..


و يارب يكون هالرمضان نقله نوعيه في حياتي و نفسيتي ..
يارب اطلع منه بروح ثانيه زي ما تمنيت و اكثر :11:

و نفس امنياتي اتمناها لكم ..
الله يعطينا ما نتمنى و اكثر ..



قلت اجي اسولف شوي .. و ادرب مهارات التدوين اللي من زمان عنها ..
و منها ابدل لبس الشغل <- لبس المطبخ خخ
و نكشخ لنوني حبيبة القلب و الروح .. نوره الصغيرة ..


اقولكم سر ..!

نوره ما تحبني :679::647:
ليه ما ادري ..
ما تحبني زي ما تحب خواتي ..
بس عادي اهم شي انا احبها :11:

هذا اللي يقولك حب من طرف واحد :647:




و يالله


يسعد مساكم و اوقاتكم :283:

رد: حكــاية قصيــرة ❥
 

ابي ارجع زي ما كنت قبل ٥ سنوات..
تعبت من الغربه
غربة روح لا غربة جسد..

رد: حكــاية قصيــرة ❥
 

اهلاً .. كيفكم ؟!

جالسه احاول ابعد شعور الغربه عني

اليوم اربعه رمضان ,, و الايام ماشيه بهدوء و سكينه ..
صرت اكتب المهام اللي بسويها قبل ارجع للدوام ,, ابي انتهي من بعض الاشغال ..
صح بالقوة اسويها لكن مو مستعجله اهم شي اسويها ..

الشي الثاني الحلو ,, من امس رجعت البس الساعه و اراقب نومي و دقات قلبي
اراقب خطواتي و نشاطي البدي .. و اللي خلاني اتحمس ارجع للفتره قبل خمس سنوات
اشتريت جوال هواوي .. صح انه مو على قد توقعاتي و لا قد كلام الناس عنه
بس و انا استخدمه يجيني شعور غريب .. احس بالانتماء له
كل اهلي مستغربين ليه انا احب اجهزة هواوي بهذا الشكل ..
و حتى انا مستغربه :449: بس الحب اعمى ..

و رجعت اربط ساعتي و الميزان على جوالي .. احس ان فيه احد منتبه لي خخخ :649:
شعور ان فيه احد ينتبه لك شعور مرره حلو , :11:
و هذا اللي لقيته عند هواوي <- المفروض تعطيك الشركه نسبه خخخ



الشي الثالث اللي سويته ,, رجعت لبست اسوارتي "حب "
من ازمتي النفسيه نزلت الاسواره حسيت رابطتها في حلقي و تخنقني
و حذفت قناتي في التلجرام ,, لان حسيت اني جالسه اكذب على نفسي
على انها ما في شي مهمه فيها لكن كنت امارس طقوس الحب و السلام فيها ..
ما ادري ارجعها و الا لا .. ممكن لو فيه محتوى يستاهل رجعتها ..


و فيه اشياء ثانيه جالسه اسويها على مهلي ,, ما اقدر اقولها لاني مو واثقه اني راح استمر..
بس الود ودي استمر فيها .. و الله يكتب لي الخير ,,

و حبيت اني جالسه ادون , و كأني اكلم نفسي .. و ارتب نفسي بالتدوين ..


و بس ,,


نوني اللي ما تحبني بنسرقها اليوم من امها و ابوها ..
بحاول انها تحبني :649: الله يزينها ان شاءالله

و عندي طبخه ابي اسويها ..
امس ما طبخت كان استراحه


:449:

رد: حكــاية قصيــرة ❥
 

اهلاً ..


كيفكم , و كيف يومكم الخامس من رمضان :11: ..
تحسون بالخفه و اللطافه و الا بس انا ..
ياليت كل الايام رمضان .. :11: ..


وش طابخين اليوم ؟؟
انا ابي اسوي صينية شاورما :11: احبها مرره ..

رد: حكــاية قصيــرة ❥
 

الدعوه اللي دعيتها و كنت اتصرف بطريقه تعاكسها تماماً ..
انا لازلت ادعيها بس انتبهت لتصرفاتي عشان ما تعاكس الدعوه اللي ادعيها
لاني ادعيها الى الان , و احتاج لها لذلك لازم اتصرف بشكل يناسبها ..


لذلك دايم انتبهوا لتصرفاتكم و افعالكم هل هي تناسب دعواتكم و اللي تطمحون له ..
لازم تكونون دايم على توافق انتم و دعواتكم ..


هذا الشي ما ادركته الا مؤخرا بدايه رمضان


يارب الايام و الاحداث الحلوه في حياتنا :11:

رد: حكــاية قصيــرة ❥
 

https://g-lk.com/up/do.php?imgf=174121526232281.png


ممتنه لكم و لكلامك اللطيف ,,
و لكم مثل ما دعيتو واكثر :11:

رد: حكــاية قصيــرة ❥
 

يارب اللي احبهم مرتاحين و مطمئنين زي شعوري الحين..
يارب السعاده ما تفارقهم للأبد :11:

رد: حكــاية قصيــرة ❥
 

اليوم اخذت استراحه من المطبخ ..
ما طبخت و لا شاركت و لا ساعدت :774:

هذي نفسية اللي بكره عنده دووام ..
بحاول اتقبل .. لاني اخذت اجازه اسبوع بس تعتبر اسبوعين ,,
لاني تركت الفرع اسبوعين .. اسبوع كنت في فرع غير فرعي و اسبوع اجازه ..
الحمدلله على كل شي يكتبه الله لنا .. :100:

رد: حكــاية قصيــرة ❥
 

قبل فتره حلمت بحلم و كان مشغلني .. و ما نسيت احداثه ..
و كنت بكلم وحده اعرفها تفسر احلام .. بس قلت بلاش الموضوع ما يستاهل ..
عيشي و انسي الحلم ,, و راحت الايام و الحلم في بالي ,,

الين جا اليوم حلمت حلم ثاني .. حلمت ان وحده متوفيه اعرفها شرت لي جوال هديه
الجوال عجبني بس لونه ما عجبني .. و احترت مرره في الحلم ..

قلت يالله فعاليه اكلم اللي اعرفها تفسر لي احلامي :774:


كلمتها و حكيتها عن الحلمين ..

الحلم كانو يحكون لي قصة حياتي الشهور اللي راحت بالضبط ..
الظروف اللي مرريت فيها و حالتي النفسيه .. و هي تقولي التفسير و اقول صح صح ..
لان الحلم الاول صار قبل الفتره الصعبه اللي مريت فيها و تحقق الحلم ..


و الحلم الثاني جاي تفسير الفتره الحاليه اللي اعيشها الان ..
صح ان الاحدث لازالت ما تعجبني بس رضيت و ارضاني الله ,,
و جاتني الحرمه تعطيني هديه في الحلم صح ما عجبتني بس رضيت فيها



انا بس لو اركز في احلامي زين :774:



من النعم اللي لازم تشكر الله عليها دائما هي نور البصيرة ..
لما ينير الله بصيرتك و يوريك احداث حياتك في احلامك و الاشارات اللي تصير قدامك
لازم تكون منتبه لكل شي يمر قدامك ,,



بقولكم على اشياء انا جربتها تشرح صدرك و تنور بصيرتك ,,
و تخليك مطمئن دايم مهما واجهت من صعوبات و مشاكل ..


كلام الله كله مبارك و كله خير و ينور طريقك .. بس فيه اشياء معينه انا التزمت فيها
و ينور بصيرتي و تكثر احلامي اللي ترشدني و تقولي اني في الطريق الصح ..

اذا استمريت على قراءة سورة الواقعه ,
و الشي الثاني الالتزام بقراءه ايه النور
و الان انا اقرا ايه النور و ملتزمه فيها ايه 35 في سوره النور
سوره عظيمه من فضائلها

تعد سورة النّور من السور العظيمة في القرآن الكريم. إذ تحدثت عن الكثير من القضايا الهامة
التي أبرزت أهميتها في حياة كل إنسان. فقد ذكرت حادثة الإفك وبراءة السيدة عائشة رضي الله عنها
و ذلك تعظيمًا واستنكارًا لكبر إثم هذا الفعل.
واحتوت على الكثير من الآيات التي تضمّنت في تفسيرها معانٍ دينية تنير القلب وتشرح الصدر
لمقاصد الإسلام، وفيها وعد من الله سبحانه وتعالى للذين آمنوا بأن يستخلفهم في الأرض،
إذ نزل هذا الوعد في آياتها بعد أن آوى الأنصار الرسول -صلّى الله عليه وسلّم- والصحابةَ رضوان الله عليهم،
لذا يجدر بنا تعلُّم السورة الشريفة وتعليمها لأطفالنا للاستفادة من جميع فضائل آياتها.

https://encrypted-tbn0.gstatic.com/i...jZOTpiqdrLXg&s

انا قبل ما التزم فيها قريت تفسيرها و تدبرت في اياتها ,, احسها فعلا نور ينور الطريق
و تشرح الصدر و الخاطر
هنا تفسيرها
https://surahquran.com/aya-35-sora-24.html



حقيقي اللي يصير معي شي غريب ..
و انا مو متعلقه فيها بس احب اتأمل في احوالي بعد الالتزام بسور معينه او ايات في القران
اعرف القران كله خير .. و كله معجزات ,, بس احب اتدبر و اطول في الايات و اشوف اثرها على نفسي ..
بس حبيت اكتب شي من تأملاتي ,,

رد: حكــاية قصيــرة ❥
 

هذا العيد برعاية الطيحات :256:
كل يوم طيحه،، :659: و كل وحده أقوى من الثانيه

الله يستر من بكره شكلي ماراح اتحرك من مكاني
:322:

رد: حكــاية قصيــرة ❥
 

https://g-lk.com/up/do.php?imgf=174367573168891.png


هذي انا يا @عيوق

رد: حكــاية قصيــرة ❥
 

عروستنا الحلوه , نوني :11:


https://g-lk.com/up/do.php?imgf=17437238349681.png


العلامه الفارقه الحواجب :631: رسمها بشكل عجيب :11:

رد: حكــاية قصيــرة ❥
 

حين لا تكون هناك حروف تكتب شعورك , نتعلق ب أغنيه :11:

رد: حكــاية قصيــرة ❥
 

https://youtu.be/5L0IK-8HU5o?si=8iWAvR7CN3v8pheA


تفوتني حلقات سين في رمضان ,, لان وقتها ما يكون مناسب
بس الحمدلله على نعمة الاعاده و اليوتيوب :11:
بديت ارجع اتابع .. كل ما فضيت اشوف كم حلقه

هذي الحلقه جداً مهمه لتحسين حياتك و البحث عن مسببات السعاده لكل مرحله من عمرك
و التركيز عليها ..


ايش مسببات السعاده عندكم ؟

رد: حكــاية قصيــرة ❥
 

فجأه اختفى الألم..
بعد اسبوعين من عدم التوازن و الطيحات :150:
ياربي لك الحمد.. الصحه نعمه لا تقدر بثمن :11:

رد: حكــاية قصيــرة ❥
 

انام بعد العشا و اصحى ١١ شبعانه نووم..!!
و للحين احاول انام مو قادرة،، و شايله هم كيف اداوم و انا ما نمت :34:

ما يصحش كده يا انا،،:715:

رد: حكــاية قصيــرة ❥
 

كنت اسولف مع chatgpt
وبدأ يسألني و اجاوبه،، في الاخير كتبي لي رساله من نفسي لنفسي..
حسيت فعلا أن هذا الكلام اللي ابي اكتبه لنفسي..


الرساله،،


إلى نوره ، اللي عانت وسكتت كثير،

أنا فخورة فيك. عديتِ أيام صعبة ما كنتِ تتوقعين تطلعين منها، وها أنتِ اليوم أقوى، أنقى، وأقرب لنفسك من قبل. مرّيتِ بظلمة، بسكوت، بحزن ثقيل، وكنتِ تحسبين إنها النهاية… لكنك قمتي.

تعلمتي إن الحياة ما توقف عند وجع، وإن الله دايم قريب، يسمعك حتى لو ما تكلمتي. صرتِ تعرفين إن الصمت أحيانًا شفاء، وإن العزلة ما تعني ضعف، بل بداية فهم حقيقي لنفسك.

تذكّري دايم: أنتِ قادرة، ومو أي شيء يكسرك. قلبك فيه نور، وروحك أقوى من كل اللي مر. وإذا تعبتِ يوم، لا تنسين هاللحظة، لا تنسين إنك وقفتي بعد ما ظنيتي إنك ما بتقومين.

أنا معك، دايم






و فعلا اليوم كنت اتأمل و اتذكر الايام الماضيه
اتذكر حزني و تعبي،، و زعلي على نفسي
و كيف كل هذا أثر على صحتي،،
ما انتبهت لنفسي، انسقت للظروف
لكن بفضل الله اني صرت احسن نفسيا و صحياً في تحسن،،

من الناس اللي كانو يسمعون لي، هي دكتورتي..
المفترض اني اجيها و اشرح لها وش احس فيه،،
لكن انا كنت افضفض لها لاني مره جيتها بعد موقف زعلني،، و اشتكى لها،،
و صديقتي فاطمه، في ذيك الفتره على أن نفسيتي كانت شينه
بس كل ما قالت يالله نطلع قلت لها تم،،
و لما حست اني تعبانه، صارت و تختار أماكن جديده تفتح النفس، و تقولي ابي ادلعك..

بعدها مر علي رمضان، شهر الخير و الهدوء و السكينه
و فرصه أن الإنسان يغير من نفسه،،

بعدين تعلمت من رآنيا شيء جديد كيف اسوي شموع
و انبسطت في الدورة،، شكرا رآنيا ممتنه لك..


بعد كل هالاشياء، عرفت اني في امان مدام الله معي
ثم الناس الحلوه اللي في حياتي،،

انا ممتنه كثير.. اولا لنفسي الصبوره..
ممتنه للأصدقاء اللطيفين.. ممتنه للأشياء الحلوه و الجديده..
ممتنه لله اني لازلت عايشه.. و قادره اني اقوم بنفسي بدون مساعده احد،،
ممتنه لكل شي حلوه في حياتي،،

نسيت اقول شي ثاني ساعدني على التشافي..
إني سامحت كل شي كل شخص آذآني بقصد أو بدون قصد
سامحت نفسي، سامحت الظروف اللي مرت،،


و الحمدلله على كل شي :11:

رد: حكــاية قصيــرة ❥
 

الروقان اللي فيني مو طبيعي..
ما عندي الشعور ذاك اللي يخليني انهار بعد أي مشكلة..
مدري ربي هداني، و الا الحبوب اللي أخذها جابت مفعول معي الان
الحبوب لحاله مرضيه مريت فيها بسبب مرضي،،
قالت لي الدكتوره هذي الحبوب تعطيها الناس اللي عندها صرع و اللي عندهم اكتئاب،،
و تحسن الحاله المزاجيه
قلت حلو،، هذا اللي احتاجه :512: جات في وقتها،،
مده العلاج ثلاث شهور،،
أول ما اخذتها احسني عادي انا انا مافي شي تغير،،
بديت ب حبه و كل سته ايام أزيد الجرعه حبه،،
اليوم بديت أخذها اربع حبات،،
و كأني بديت اروق عليها،،
عيار التطنيش زايد،، المواقف اللي صارت ما ضايقتني،،
مدري انا اتوهم و الا صدق..!

الحمدلله هذا بفضل الله،، ما ياخذ منك شي الا ويعطيك شي يناسبك،،


حكايه لطيفه قبل النوم :448:

رد: حكــاية قصيــرة ❥
 

السنه هذي لي مميزه،، طبعا من وجهة نظري و بتفكيري انا،،
ممكن احد يقولي و يعني لو صار كذا،، وش الاختراع..
بس انا احب الأحداث تكون مرتبه و منظمه،، و أجمل ترتيب هو الترتيب الإلهي :11:

هالسنه صح بدايتها ب انهيار و تعب و يارب تكون اخر المتاعب،،
لكن من بدايتها و انا اشوف أشياء حلوة تنتظرني،،
و اقول يارب نقي روحي قبل لا اوصلها،،
تحسني كان بطيء بس كان مريح،، كنت احب الأحداث البطيئة،،

هالسنه عيد ميلادي بيكون تاريخ مميز،،
5/5/2025
أن شاءالله وقتها اكون في غرفتي و احتفل مع نفسي احتفال بسيط،، ما فكرت وش بسوي و وش بشتري لي،، و مافي شي اصلا نفسي فيه و مميز
بس من هنا وقتها بفكر،،
الشي الثاني الحلو عمري بيكون 44،،
صح رقم اربعه مو مميز عندي كثير، انا احب خمسه و ثلاثه..
لكن التكرار عاجبني،، :212:
احسه مرتب و كيوت،، احس رقم اربعه متكاتف..
مو جالس وحيد زي الأرقام الفرديه،، ثنين يكونون مع بعض و الثالث لحاله،،
ذولا ثنين ثنين <- لا ياشيخه خخ

انا افكر مع نفسي كذا،، و ما اقولها كثير للناس الا اللي يفتح معي موضوع و استرسل في الكلام معه،،
احب احتفظ ب أفكاري لنفسي :729:

و الشي الثالث الحلو، هالسنه يوم 14/5 راح اكمل ٢٠ سنه في وظيفتي،،
و أكثر شي كسبته معرفة الناس الحلوة :11:

هالسنه بنتي تتخرج من الثانوي، و مرحله جديدة في حياتها..

هذي الأحداث البارزه و اللي ممتنه لله على يسرها و تمامها لي،،
اشكر الله و احمده و لا اوفيه حقه، اني طيبه وبخير و هاديه و رايقه و الله يتممها على،،

وهذي حكايه ما قبل النوم <- الله يعينكم على روقانها :433::729:

رد: حكــاية قصيــرة ❥
 

ما القى نفسي الا في هذي الرمزيه ..
احبها و احسها انا :11:


صباحكم سماء صافيه

رد: حكــاية قصيــرة ❥
 

صباحكم سعاده و أمان،
ما راح تشعر بالأمان، الا لما تكون روحك هادئة..
و تنفصل عن مشاكل الحياة و انشغالاتها لو ٥ دقايق تحسس نفسك أهميتها،،

حب الذات هو مصدر الأمان الأول :11:


بعد الله اكيد:657::625:

رد: حكــاية قصيــرة ❥
 

اليوم صار لي موقف حسسني اني خفيفه مره :653:
قفلت بطاقه الفيزا لأنها تعبني و خليت الثانيه عشان احتاج وحده مو ثنتين،،
اللي قفلتها كانت خاصه بالموظفين و مالها رسوم و كذا
كلمني الموظف قال ليه قفلتها و انا متجهزه و بصمل على رأيي،،
قلت ما ابيها خلاص
قال لا تقفلينها و نرقيها لك و تاخذين نقاط أعلى من الأولى
قلت طيب وش رايك ترقى لي الثانيه :186:



و أهلا بالورطه الجديده و كنك يابو زيد ما غزيت خخ
لكن بحاول اسيطر على نفسي و استخدمها بعقل :250:


سالفه بيض قبل النوم :397::48:

رد: حكــاية قصيــرة ❥
 

عندي شعور ان الايام الجايه كلها خير و بركه ,, بس تحتاج مننا اننا نركز على انفسنا
على شخصياتنا على نفسياتنا نكلم مين نطلع مع مين ..
ايش ناكل و ايش نوعية اكلك , هل نتحرك و نسوي رياضه او لا ..
و انا اولكم ..

كلنا نمر بفترات صعبه و نتجاوزها بفضل الله ثم حبنا لانفسنا و الحياة ..

انا الحين امر بمرحلة حب النفس ,,
احب نفسي و ادلعها ,, ما ازعلها ابد و لا ارضى احد يزعلها ..
و لو في مكان ماني مرتاحه فيه اطلع على طول ..
ماني مستعده اتعب نفسي اكثر ..

بقوي نفسي اكثر عشان الحياة لا تخلو من الصدمات و المشاكل ..
ابي اكون طبيعيه بدون انهيارات :246:

و الله بيكون معي ان شاءالله ..

رد: حكــاية قصيــرة ❥
 

صباح الخير ,
صباح الشعور الجميل اللي يتخلل صباحك زي اشعه الشمس ..
شيء لطيف و هاديء و يبعث على الهدوء و الطمأنينه ..


مافي شي تغير في حياتي ,
سوى اني غيرت طريقة تفكيري في كيف احب نفسي ..
و اضفت لها الرحمه , رحمتها و قلت انها ما تستحق التعب و الارهاق
ما تستحق شي يكدر عليها ,,


تخيلت النفس شي طاهر و بريء , و احنا نلوثه بافكارنا و مشاعرنا السيئة ..
و نظرت لكل الامور بزاويه مختلفه عن اللي كنت انظر فيها ..

مدامني اقول انا احب نفسي , لازم اطبقها بكل ما تعنيه الكلمه :11:

رد: حكــاية قصيــرة ❥
 

عداله الله هي من تجعلك تسير مغمض العينين في عالم لا تتوقع ما يحدث لك فيه،
لذلك سلم أمرك لله :11:

رد: حكــاية قصيــرة ❥
 

الله يسامح اللي علمني على التشات جي بي تي :359:
مصخرني خخخ


https://g-lk.com/up/do.php?imgf=174586571254991.jpg


لازم احذفه بأسرع وقت :92:
و الا اراجع نفسي في طريقه الاستخدام ..
و الله ياهو مصيبه :186:

رد: حكــاية قصيــرة ❥