رد: حكــاية قصيــرة ❥
 

دخلت ب روح ، و طلعت ب روح مختلفه تماماً ..
احس زي الهم و انزاح ،

الحمدلله على نعمه التغيير و التجديد ..

رد: حكــاية قصيــرة ❥
 

كل الاشخاص اللي قابلتهم اليوم يفتحون النفس
غيروا لي نفسيتي ١٨٠ درجه ..

هذا بفضل الله حطهم في طريقي :11:

رد: حكــاية قصيــرة ❥
 

اليوم مختلف جداً
روح جديدة و شكل جديد ، تغيير جديد

و لوك جديد :751:

رد: حكــاية قصيــرة ❥
 

لما الشخص يتعرض لصدمة قوية ..
يفقد ذاكرته لبعض الوقت , او لوقت طويل ..
على حسب رحلة التشافي و على حسب الاشخاص حوله ..
ممكن يساعدونه في رحلة التشافي و استعادة الذاكره
او ممكن هالاشخاص يزيدون ذاكرته سوء ..

مثلها تماماً المشاعر , لما تتعرض لصدمة او صدمات عدة ..
تفقد المشاعر ذاكرتها , و تنسى كيف ممكن تعبر عن اي منها ,,
هل هو شعور حقيقي , ام ان الرؤيه اصبحت ضبابيه , و لا تستطيع التمييز

و تحتاج لرحلة تشافي مثلها مثل الاشخاص ..
ممكن ممارسة هوايات او اشياء جديده لم يسبق تجربتها .
لتخلق بداخلك شعور جديد و تبدأ تتعرف عليه
و تبدأ تكوّن حولك مشاعر جديده و مختلفه ..

امس اخترت لوك جديد ,
و بكره رحلة جديد و مشاعر جديده ,,


لذلك نكتشف انه مهما فقدنا اشياء , تأتي اشياء آخرى لتخلق شعور جديد :693:
عشان كذا الحياة مستمرة , و بما اننا على قيد الحياة لابد نستمتع و نعيش :11:


تأملات ما قبل النوم ,,
:95:

رد: حكــاية قصيــرة ❥
 

بعد ما قريت اذكار الصباح ، و وردي لليوم ،،
قريت جزء من كتابي المفضل ،
تأملت في الاجواء حولي قد ايش حلوة ، و سويت تمارين تنفس
و ضبطت بوصلة مشاعري و عقلي ،،

و نزلت الدوام ،،

فجأه اكتشف اني نسيت جوالي في السيارة :276:
و صرت ادق عليه زي المجنونه ،، كان يدق و فجأة يعطيني مشغول و ما يدق
و ارجع ادق على اختي اقول بسرعه كلمي السواق يرجع لي ..

يممه كنه ولدي و ضيعته خخخ


بس خوفي عليه ما اثر على نفسيتي
لاني قريت اذكاري و تأملت :4:
< ما يستفاد من القصه :184:

رد: حكــاية قصيــرة ❥
 

في الحياة فرص كثيره عشان تعيش و تنتعش
يقفل باب ينفتح لك باب اجمل و افضل

كذا علمتني الحياة ..


و تقابل ناس حلوة في حياتك ،
تخليك تقول لنفسك ليه انا ازعل و اضايق نفسي ..

انا احبني و احب حياتي :11:

رد: حكــاية قصيــرة ❥
 

احب الناس اللي تفكر فيني و مهتمه لأمري و تطلع لي حلول :369:
مدربه قابلتها في النادي لطيفه بشكل :11:


اتوقع انها بتكون داعم لي لروحتي للنادي دايم <-ان شاءالله :598:

رد: حكــاية قصيــرة ❥
 

احتاج شيء مثير للدهشة ،
مثير للاهتمام..
جالسه اتنقل بين الكتب ، و مافي شي لامس الروح ..
فجأه طالعت رف الكتب و طاحت عيني على هذا الكتاب ،،
من اختيارات غاده ..
قلت خلني اقراها و اشوف ..

هل يثير دهشتي ام لا ..!


https://g-lk.com/up/do.php?imgf=172812290553471.jpg


نشوف وش ورانا :667:

رد: حكــاية قصيــرة ❥
 

احتاج فضفضه عميقه ..
و مالي الا دفاتري :598:

رد: حكــاية قصيــرة ❥
 

الحمد الله الذي عافاني في جسدي ورد علي روحي وأذن لي بذكره.


الحمدلله


يسعد صباحكم :599:

رد: حكــاية قصيــرة ❥
 

غريبه الحياة ،
احداثها غير متوقعه ..
تنام على حال و تصحى على حال مختلف ..

:146:

رد: حكــاية قصيــرة ❥
 

ص
امس الحياة تقفلت بوجهي , و الحاله النفسية كانت سيئة جداً
صرت استرجع ذكريات الماضي السيئة و اسقطها على الاشخاص في حياتي
لدرجه اي كلمه منهم كانت تعصبني و ما اتحملهم ,,
حتى اعز ثنتين بحياتي وصلت لمرحله الكره لهم ..
شعور صعب جداً


قلت يانوره ما لك الا تمسكين ورقه و قلم و تفرغين كل شي ..
سواء مفهوم او مو مفهوم ,, اكتبي
صرت اكتب شعوري و ليه انا اشعر في هذا الشعور
وصلت لأربع صفحات و انا اكتب , من كثر مافيه اشياء مزعجتني

صحيت اليوم الثاني بدون الهم اللي انا شايلته الفتره اللي راحت ..
شعور غريب كأن داخلك فارغ ..

مع شعور اطمئنان و رضا ,
فجأه صارت احداث غير متوقعه
و كانت ردة الفعل هاديه و متقبله ..


لذلك مفعول الكتابه جدأ سحري ..

رد: حكــاية قصيــرة ❥
 

صباحكم خير و راحة بال ..

ودي اكتب لكم حكمه الصباح ،
بس مخي فاضي :774:

:202:

رد: حكــاية قصيــرة ❥
 

كنت بسوي لكم لعبه ،،
بس تهاوشت مع ناس و قفلت اخلاقي شوي خخ


بكرة ان شاءالله :288:

رد: حكــاية قصيــرة ❥
 

{وَيَنصُرَكَ اللَّهُ نَصْرًا عَزِيزًا}
[سورة الفتح: 3]

ايه استوقفتني اليوم ..
و الا انا كل يوم اقرا سورة الفتح الصباح ..
بس ما وقفت عليها زي اليوم ..


عشان اعرف و اتيقن ان النصر يأتي من الله
و لا احد في الحياة بيوقف معك و ينصرك غير الله ..

لذلك انا اسلم امري لله و اتوكل عليه ،،
و احارب و الله بيكون معي ،،


الله ينصرني :599:

رد: حكــاية قصيــرة ❥
 

شكرا من القلب لتفاعلكم مع العابي البسيطه ..
سويتها عشان اغير جوي و اشاركم شي من طقوسي ،،
و طبطبتكم و مشاركتكم تعني لي الكثير ،،


انا اسويها في عز الضغط ،و المشاكل و الهواش
بس باقي مضاربه و شد شعور عشان تكمل ،،
و لاني صرت انسانه ما اتحمل و لساني طويل
لازم ارد و ما اسكت ،،

بس العجيب اني فجأه اقلب طيبه و لطيفه :635:


عندي انفصام في الشخصيه و بايعتها شوي ،،:699:

رد: حكــاية قصيــرة ❥
 

تحمل في صدرك الكثيير , و لا تبوح
تحزن , و لا تعاتب , تشقى و لا تتذمر
تعيش بصدر رحب , متقبل , راضي
تبحث عن الامان و لا تجده الا في معية الله


صباحكم امان , و لطف من الله :599:

رد: حكــاية قصيــرة ❥
 

انا متهاوشه مع وحده من الموظفات عندي ,,
اصلا العلاقه بيني و بينها متوتره من 2019 ,, قد اشتغلت معها في احد الفروع
المهم صارت عندي في الفرع لها فتره طويله ..
و كنا نحاول نتقبل بعض .. نلطف اجواء بعض ..
على ان شخصيتها ما تناسبني تماما ,, و لا هو موضوع حديثي الان ..

المهم في اليومين اللي راحت قبعت بيني و بينها
الظاهر اني ما عاد اتحمل اني اسكت و اسلك زي اول
قلت اللي عندي و قالت اللي عندها ..
و كل مشاكلنا ترا تقييم و عن الشغل ..
ابدا ما بيننا شي شخصي الحمدلله ..
هي كبرت الموضوع و اشتكتني لمديرة المنطقه و لمديرتي ,, و انا ساكته ,,
مااحب حركات المبزرة اروح و اشتكي

يوم الخميس الوضع هادي بيني و بينها و نسولف عادي ببرود ,,
قلت يا نوره انتي الكبيره العاقله و سلكت المواضبع , على ان الفرق بيني و بينها 7 سنوات بالعمر .. يعني كلنا عاقلين و كبار ..


السالفه مو هنا ..

السالفه اني حلمت حلم اليوم و كان مشترك بيني و بينها
حلمت اني ماخذه اجازه و كان عندي مشاوير
و بعدين جاني خبر ان انا و هي فايزين ب اعلى تقييم في المنطقه ..
ارجع الفرع ابي اقرا الايميل .. بس رجعت لفرع ثاني مو فرعي !!
انا قالو لي الخبر و ماكنت مبسوطه مره اقول في نفسي الحين تمن علي و تقول انا السبب في ان تقييمك عالي ..
في الحلم شفت مديرتي و وحده من البنات اللي هم اعز صديقاتي
و هي ما شفتها ..

صحيت من النوم و اقول الله لا يحطني في شي مشترك معها ..
الله يستر عليها هي شاطره بس ما يناسبني شغلها , و لا عقليتها ..

يهمني في الشغل الاحترام بالدرجه الاولى ..


و بس طرا لي احكيكم الحلم :414:


احلامي كثيره هاليومين :621:
و بعضها مو حلو و احتفظ فيه لنفسي :588:

رد: حكــاية قصيــرة ❥
 

طلعت الصباح و رجعت تعبانه مرره
و طول هالفتره الى هذا الوقت احاول انام ما قدرت
ابي انام لان وراي جلسه مهمه مع مدربة تنميه بشرية ..
انتم متخيلين هالمدربه تطلبني اجيها و انا ما ادري اتهرب و الا الظروف ما تسمح ..
على اني متحمسه اجلس و اتكلم معها ..

علاقتي مع هالانسانه بدأت من دوامي ..
و تعمقنا في السواليف سوا و كانت تدعمني في فتره كنت احتاج دعم و ما قصرت معي ..

انسانه لها فكر جميل و محفزة و انا احب هذول الاشخاص ..

و لاني وحده احب اطور من نفسي ..
قبلت دعوتها :599:

رد: حكــاية قصيــرة ❥
 

من رحمه الله انه يرسل لك اشخاص
في عز الاحتياج و عز الضغط
يكونون ك طوق نجاة


الحمدلله على وجود هالناس في الحياة :599:

رد: حكــاية قصيــرة ❥
 

الله ما يمنع عننا اشياء نحبها و نتمناها بدون سبب ،
هو يعلم الخيرة في كل الامور ،
لذلك سلم امرك لله ، لا تنزعج لأبتعاد اشخاص
لا تنزعج عندما لا تتحقق الاماني ،،
كل شي يحدث بإراده الله :599:



صباحكم خير و حب :599:

رد: حكــاية قصيــرة ❥
 

كل شيء يحدث خير من الله :599:
الحمدلله دائماً و ابداً ..


صباحكم خير ..

رد: حكــاية قصيــرة ❥
 

" لا اله الا انت سبحانك اني كنت من الظالمين "


دعاء سيدنا يونس عليه السلام في بطن الحوت ،،
ايش اعظم من هذا ضيق و حزن و هم ..
و هو ما يعرف مصيره .. مسجون في مكان ماله مخرج واضح ،،
و دعا هذا الدعاء
إنه يعترف بوحدانية الله سبحانه، وأنه لا معبود بحق سواه، وتبع سيدنا يونس ذلك باعتراف آخر مهم يتعلق بنفسه، لقد ظلم نفسه حين سمح للغضب بأن يتحكم فيها، وهذا الاعتراف كان له مفعول السحر، فقد استجاب الله لهذا الدعاء المتستر تحت ستار الاعتراف "فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِى الْمُؤْمِنِينَ



و انا بعد ما تعبت و صرت ابحث عن اسباب شغله معينه..
و كيف ممكن طريقة حلها ، و اصابني الحزن و الغم ..

لزمت هذا الدعاء في كل وقت ،،
و اشوف اثره على راحتي النفسيه ..

و حبيت انقل لكم تجربتي الشخصيه :599:

رد: حكــاية قصيــرة ❥
 

اشرقت شمس الصباح ,
بتلك الامنية المعلقة في صدري ,
هي في ظاهرها باهت .. لكن باطنها متوهج ,

رد: حكــاية قصيــرة ❥
 

دائماً لنا نظرتنا الخاصة لنا احكامنا الخاصة , اللي ممكن في اوقات كثيرة ما نشاركها احد
هذي النظره و الاحكام هي اللي ممكن تأثر على قرارات معينه , و ممكن تكون مصيريه في بعض الاحيان .
و ممكن تكون ماهي مبنيه على اساس صحيح , و يتأثر بمشاعرنا بشكل كبير ..
تكون انت تايه و ندمان على هذا القرار او التصرف ..

لما تحس بشعور التضارب داخلك , و تبدأ تغلط نفسك على اشياء هي من حقك اساساً

هنا لازم تلجأ لشخص مختص ,, و احط تحت مختص الف خط
مو اي احد تقدر تستشيره و يعطيك الراي الصائب ..
ممكن لو استشرت شخص يحبك راح ينحاز لك طبيعي


تجربتي لما رحت لمدربه مختصه في التنميه البشريه و لها باع طويل في هذا المجال
و منصبها اللي وصلت له ما وصلت له من فراغ ..
انا اخترتها بعنايه جداً و ما رحت لها الا لما كلمتها و تعرفت عليها
و عرفت شخصيتها , كانت تجيني في الدوام لما كنت ماسكه ادارة الفرع
كانت تعطيني ملاحظاتها على البنات و كيف انا اتعامل معهم ..
طبقت نصايحها و ضبط معي ..

اخيرا قررت اروح لها و اتكلم معها ..
و كان اللقاء حبي ,, بدون ما ادفع لها مبلغ للاستشاره ..
كرماً منها و لذوقها و لطفها .. و حبها لي ,,

المهم جلسنا مع بعض ما يقارب الثلاث ساعات .. و المفترض هي ما تاخذ هذا الوقت في الاستشاره مع اي احد..
لكن اعطتني من وقتها و انا ممتنه لها كثييير
و بيني و بينكم انا ذا اليوم عاملتها معامله الدكتوره النفسيه :774:

قبل لا اجيها كانت طالبه مني اكتب لها نقاط القوه و نقاط الضعف ..
بس هي طلعت فيني نقاط ضعف ما كنت مركزه او منتبهه لها
او اني امارسها بدون وعي مني ,, بسبب تراكمات , ضغوطات الين تأصلت فيني ..
و قالت لي امور اعدل فيها نفسي ,, و من ضمنها سرعه الانفعال ..
من ذاك اليوم الى هذا اليوم و انا افتح دفتري و اراجع النقاط اللي قالتها لي ..
اقول في نفسي انا لازم اتغير .. لازم اتجدد ..
لازم ما اهتم لنظره الناس لي .. او حكمهم علي .. لاننا بشر و نخطيء و نصيب
لكن انا كنت اخذ الامور على محمل الجد .. و الحياة تتطلب منا مرونه ااكثر ..

من الاشياء اللي استفدتها .
اني صرت اسمع لغاده سواليفها و مشاكلها من دون اسوي لها محاضرات
من دون ما اتملل و احملها خطأ التصرف ..
فرق ان غاده صارت تسولف اكثر

انا ارتحت اكثر .. و حسيت حتى تعاملي مع الناس اللي حولي بدا يصير رايق و هادي
و لا اكبر المواضيع بداخلي ..
حتى لو مر علي تصرف ما يعجبني ابدأ احلل و افكر فيه اكثر ..


و الشيء الاهم اللي خلاني اوعى اكثر ..
لما قالت لي يانوره بطلي تشتتين نفسك و تتابعين كل الناس و كل المجالات
و لازم كل مجال تفهمينه و تدخلين فيه ,, ركزي على شي واحد
ركزي لا تشتتين نفسك ..
انا وقتها دار في عقلي كل الناس اللي كنت اتابعها و اطبق معهم اشياء بدون وعي مني
و افكر فيهم و في نفسي لاني من يوم تابعتهم و اطبق اسلوبهم
هويتي انمسحت .. ما عرفت مين انا و وش ابي ..
الغيت متابعه كل شخص يأثر فيني بشكل سلبي ..
و بديت اطبق اسلوبي انا .. سواء في قراءاتي في الاشياء اللي ابي اتعلمها و تفيديني في الحياة ..
لي اسبوع تقريباً .. عايشه نوره الحقيقيه اللي اعرفها ..

هذي الانسانه كانت المساعده و الداعمه بعد الله لي و لا يمكن انساها و لا اوفيها حقها ..
و منها عرفت ,, انه مو لازم اكون كامله و اعرف كل شي ..
الاهم اعيش نفسي انا .. اعيش نوره اللي اعرفها ..
عشت حياتي .. اخطيت كثير , طحت و قمت و لازلت عايشه و اتنفس
لذلك انا اشكر الله و احمده الف مره و لا تكفي على حياتي الناقصه ..
التي لا تكتمل الا بمعيه الله ..

الحمدلله




سولفت كثير .. بس شي في الخاطر و احتاج اكتبه
احتاج اسولف لأحد بس يسمعني ..
:599:

رد: حكــاية قصيــرة ❥
 

الغضب او الزعل ، يلغي جانبك الانساني ..
يحط على عينك غشاوة و ما تشوف ايش يقدمون الاطراف الاخرى لك ..
تبدأ تنظر الى الجانب السيء منهم و تغفل عن جوانبهم الحلوة و الايجابية ..

اول شي تسويه تكلم ، وضّح وجهة نظرك
و ايش الاشياء اللي تزعلك ..
حلل المواقف و فككها ، اوجد الحلول ..

ثانياً غذي ايمانك بالله ، تقرب له بالطاعات ..
ادعي الله يُنير لك الطريق ..
بدون الله انت ضائع تائه لا تجيد التصرف ..
استعين بالله :599:

رد: حكــاية قصيــرة ❥
 

في اللحظه التي اعتقدت انني وصلت
اضعت الطريق ..!

حاولت الرجوع من حيث اتيت ،
هبت الرياح ، و تبعثر الاثر ، و تهت في صحرائي ،

لم ارسل اشارات ليجدني احدهم و ينتشلني ،
و لا اريد العودة ، و فضلت الاختفاء ..

رد: حكــاية قصيــرة ❥
 

تأمل قدرة الله في تحويل و تبديل الاحوال ،،
ننام على حال ، و نستيقظ بحال افضل ..


الحمدلله:697:

رد: حكــاية قصيــرة ❥
 

شي ما يشوفونه اللي حولي ..
اني كل ما اشوف وجه نوره الصغيرة .. اشوف امي نوره :599:
هي ما تشبه لها كثير ,, بس يوم تبتسم اتذكر ابتسامه امي
او ان الاسم له تأثير كبير :599:

رد: حكــاية قصيــرة ❥
 

يارب راحة و طمأنينة تملأ قلبي و قلوبكم :599:

رد: حكــاية قصيــرة ❥
 

صباحكم امل ،
بأن احداث الحياة ستتغير لصالحنا ،
و تشرق الحياة من جديد

:55:

رد: حكــاية قصيــرة ❥
 

صباحكم خير و سعادة ،،
هدوء و لطف من الله ..

شرايكم في الاسم الجديد ..!
احس صرت حقيقية اكثر :599:

رد: حكــاية قصيــرة ❥
 

حلمت حلم اليوم ،، غريب ،،
من زمان عن هذي الاحلام ..
صحيت من النوم و انقهرت انه ما كمل ..
و انا جالسه افكر ف الحلم نمت ،، و رجعت شفت الحلم
بس كأنها صورة من الحلم على اخر لقطه ..
شي غريب و حلو ..

يارب دلالة خير و سعاده ، و تفريج كربة بإذن الله


احب هذا الاتصال ، و هذي الاحلام ،،
كل ما قربت من الله اكثر ،، يوريني شي في احلامي
كأنه يقولي لا تزعلين نفسك ،، ضيقه و تفرج بإذنه :599:

رد: حكــاية قصيــرة ❥
 

لدي الكثير لأقوله .. و كثير من المشاعر ممكن ان تظهر للسطح ..
لكن في كثير من الاحيان تجد انه لا جدوى من الكلام من التعبير ..
اقولها فقط لنفسي .. و اعبر عن هذه المشاعر بطرق مختلفه ..

ممكن تقرا روايه تمثل حالتك الروحيه و النفسيه ..
و تلقى نفسك داخل هذي الروايه تجسد شخصيه من شخصياتها ..
على اختلاف التفاصيل لكن يوجد تشابه خفي ..
تقول انا ما مريت بهذي التفاصيل بس احس فيها ..

:232:

رد: حكــاية قصيــرة ❥
 

رد: حكــاية قصيــرة ❥
 

المطر رحمة و سعادة ،،
يرحمنا الله فيه و يجدد فينا الامل ..
صحيت الصباح على شروق الشمس و المطر
طلعت السطح و كنت سعيده مرره .. لي فتره ما حسيت بهذا الشعور ..

جلست ادعي الله تحت المطر الين بكيت ..
و الله شعور لا يوصف ،
الحمدلله ، الحمدلله الله يزيدني رضا و طمأنينه ..

بوريكم المنظر عشان تعذروني


https://g-lk.com/up/do.php?imgf=173034883010161.jpg

رد: حكــاية قصيــرة ❥
 

:599:

رد: حكــاية قصيــرة ❥
 

يارب اعطيني خير هذا اليوم و خير ما بعده ..
يارب الهدوء و الاطمئنان ..

صباحكم خير .. :599:

رد: حكــاية قصيــرة ❥
 

https://g-lk.com/up/do.php?imgf=173060518295391.jpg

مؤنه يوم كامل ،
قران ، دفتر و اقلام ، كتابين ،
يوم يكون في المستشفى بس انا اعامله معامله الاستجمام ..
كأني رايحه يوم في فندق :681:

رد: حكــاية قصيــرة ❥
 

https://g-lk.com/up/do.php?imgf=173066338899491.jpg





يوم من حياتي ،
هذه اقدار الله ، و رضينا بها ،،
عشنا تفاصيلها ، تعرفنا على اشخاص جدد
و مشاعر جديدة ، و الآم جديدة ،،
تعرفنا كيف نعيشها ، كيف نواجهه ،
و كيف نتأقلم ،،
الحمدلله كما ينبغي لجلال وجهك و عظيم سلطانك ..