رد: حكــاية قصيــرة ❥
 

امي من اكثر الناس اللي معارضه اني اسوق..
تقولي انتي تنامين في السيارة كيف بتسوقين خخخ
ضحكتني و الله قلت الحين و انا اسوق ما راح يجيني النوم :ff1g (12):
بيكون تركيزي الف
قالت لااا و اذا دختي طيب و انتي تسوقين،،!!

امي تركز على اشياء انا ما اركز عليها،، يعني انا ما اتوقع و انا تعبانه بطلع اسوق..
ماني مجنونه لذي الدرجه،، و غالباً وقت الصباح اسوق و انا بقمة نشاطي،،
اليوم جربت اطلع لحالي مشوار بسيط الصباح.. في الحي ما بعدت
رحت لبنده و رجعت،، و انا طالعه قلت لأبوي و طلعت،،
ابوي يحمسني و يشجعني اكثر من امي.. امي جايبه فيني العيد بدعاويها خخ

بقولكم سر،، امي دعت علي ما انجح في اختبار القيادة و لا نجحت :ff1g (12):

بس رحت و رجعت و اختار الطرق اللي ما فيها سيارات كثير عشان ما انربش:ff1 (46):

للامانه كان داخلي خوف كبير،، متخيلين ساعتين و انا افكر اطلع و البس عبايتي و انزلها خخ
الحمدلله عدت بسلام..

رد: حكــاية قصيــرة ❥
 

امي قالت لي ان الناموس ما يحب البخور و يهرب منه،،
انا حبيت اجرب هالتجربه،،
لاني من الناس اللي احب اجلس في الهواء الطلق،، و النامس يضيق صدري :ff1 (169):


صرت كل ما اطلع السطح احط عندي بخور،،
و فعلا ما يجيني الا بنسبه بسييييطه جدا،،
اتوقع اللي ماخذين لقاح البخور خخخ

و الله و صرت استمتع بالجلسة في السطح،، ريحه حلوة و ما فيه شي ينكد عليك..


سالفه للبيع بس ما علينا خخخ


صباحكم جميل :11:



https://j.top4top.io/p_1821z2dc00.jpg

رد: حكــاية قصيــرة ❥
 

^
^

الموضوع حقيقي توني صدقت ميه بالمية،،
لما شفت الناموس يموت قدامي من البخور
تموت و تجف كأنها محروقه

ابي اعرف السر :130:

رد: حكــاية قصيــرة ❥
 

الحمدلله،
اليوم اخر يوم دوام و اخذت اجازة اعتبرها استثنائيه..
نهايه سنه مع بداية سنة جديدة.. من زمان في بالي و الحمدلله تسهلت لي،،

اجازة براجع فيها احداث ٢٠٢٠،، نشوف وش حققت من اهداف، وش اجلت من اهداف..
اراجع فيها نفسي و اعدل الاخطاء اللي صارت.. و اصحح من نفسي،،


نبدأ نحط اهداف ٢٠٢١،، و اللي اتوقع انها سنه لطيفة نزداد فيها بهجه و حب،
السنه راح تكون قويه بتأثيرها الجميل،،

و يارب سنه خير ع الجميع
:510:

رد: حكــاية قصيــرة ❥
 

امنيتي اعيش في منطقة باردة :118:
بس للاسف استقراري في منطقة ساحلية و حارة
يجينا نسمة هوا باردة شهر في السنه و الباقي حر..

اللي اقدر عليه اني استمتع بالجو الحلو قد ما اقدر..
بس تضل امنيه :ff1 (104):


صباحكم اماني حلوة
:510:

رد: حكــاية قصيــرة ❥
 

https://a.top4top.io/p_1824l18270.jpg


من الاشياء اللي احبها هي التدوين، سواء هنا او في الاجندة،،
بديت استخدم الاجندة من 2016
شفت الاجندة مع اختي و حبيت الشغله و قلت اجرب،،
في البدايه كنت ما اعرف وش اكتب،، شوي شوي تعلمت عليها
و صرت ما استغنى عنها كل سنه لازم اجيب لي وحدة..
في بداياتي كانت تهمني التفاصيل فيها..
تجيك صفحات تلوين و صفحات للرياضه و الغذاء و صفحات للماليه،،
بس هالسنه بغيت الاجندة تكون بسيطه مرره مرره
و لا اشغل بالي بالتفاصيل الكثير،،
حتى الاهداف بقللها شوي و بتركيز اكثر..
أخذتها من جرير.. من جوا نفس التقسيم بس يختلف الغلاف من برا..
و شي ثاني احبه من زمان و للحين،، احب الاستكرات
لازم كل طلعه للمكتبه اشتري مجموعه:67:
احسها تفتح نفسي للتدوين

بجد الاجندة تنظم لك ايامك،،


اتمنى لي و لكم ايام سعيدة جميلة
:ff1 (104):