رد: • أكتب بيت شعر عـلى ذوقك •❥
 

،.

احب الصمت في ظل اندفاع النفس للتعبير
واشوف ان الفرح خصلة حميدة والحزن عورة

يكبرني الهجر سن ويرجعني الحنين صغير
وأشوف يدين محبوبي طريق وضحكته نوره

وآثر صلف الزّعل ب الذّات ما يشبه نسيم عصير
كسر غصن الشّجر وأركى عليه وطار عصفوره

رفيق اللّيل تذّكرك الليّالي الموحشة بالخير .
وعين لا تناست شافتك .. وسط القمر صوره

لك الله ما ذخرتك عن مدارات الهوى تقصير
اخافك دون هقوات الشّعور ويانع زهوره

على إنّي كنت مؤمن في كفاح الشّخص للتغيير
كفرت أن " قلبك " يغير مع الايام دستوره

تمتّع و أضحك ب وجهي كبر ، و اللّي يصير .. يصير
أبيك تغيض حزني لين .. يطلع عن مدى طوره

يصبّرني على بعض الشّعور إنك لازلت بخير
أنا أحوالي ليا منك غديت بخير .. مستوره ..!

رد: • أكتب بيت شعر عـلى ذوقك •❥
 

تعلّم.. تغانم فرصة الوقت إذا امكنك
وكن في حياتك معتبر لا تكن عبره

وإذا كنت تجهل من تكون اختبر معدنك
كفيل الزمان إنّه يبيّن مدى صبره

على شان تعرف تحتقر شخص ما ثمّنك
وتثبت لمن يفخر بك إنّك على خُبره

لو إنّك تصديت لهوى النفس ما وطّنك
على الاتكال وضيعة الحال والثبره

فكم ميّتٍ ودّك لو مكفّنه كفّنك
وكم حي ودّك تذبحه وتحفر قبره

الانسان لو كفّه بطاقة وجيبه بنك
على جرّته في الأرض ما يلتقي شبره

لا ترقب سعة غيرك تجد حالتك في ظنك
لو انك بقصر تشوفه أضيق من الإبره

تندّم على ما فات لكن لا يحزنك
الانسان ما تغسل قذى عينه العبره

- إبراهيم الشيخي

رد: • أكتب بيت شعر عـلى ذوقك •❥
 

‏تربعي بين الحشى و الأزارير
‏و أخذي على ترويقة البال فلّه

‏و إلا أصبري بطيّر القلب تطيّير
‏و أنتي تعالي و أجلسي في محلّه

‏- مطلق بن شويه

رد: • أكتب بيت شعر عـلى ذوقك •❥
 

في غيابك غابت النجمات عني
مابقى لي غير طيف لك يلوحي


م/ن:730:

رد: • أكتب بيت شعر عـلى ذوقك •❥
 

لا تحسب انك يوم تذهب بحاتيك
لا والله الا ( ما حسبنا حسابك )

رد: • أكتب بيت شعر عـلى ذوقك •❥