رد: لقاء مع مبدع - الجميلة النور
 

اهلاً و سهلاً..
يسعدني و يشرفني، اكون معكم هنا، و عل و عسا نرضي فضولكم،

اسمي: نوره..

مواهبي اي شي له علاقة بالفن،
اولها كان التصميم بديت فيه من ٢٠٠٣،،
و بعدها التصوير،، من ٢٠٠٦ و انا اتعلم التصوير الى الان..
ارسم من ٢٠١٨،، بالتعلم ما كان موهبة،، لكن حبي للرسم دفعني لتعلمه..
احب الاعمال اليدوية.. ما اتقنها كثير بس احاول اتعلم،،
و مؤخراً صار الطبخ هوايتي و استمتع فيه خصوصاً الحلويات و بالذات الكوكيز





مستواي متفاوت لكل موهبه، التصميم افضلهم مستواي ممتاز ..
و لاني لازلت هاويه فما طورته عشان اوصل للاحتراف
و البقيه مستواي فوق المتوسط الى متوسط و راضيه فيه


حاولت استثمر هواية التصوير و بديت في مشروع تصوير اطفال..
بس ما كملت توقفت في بداية المشروع لظروف اعاقتني و بعض من الخوف و التردد.. بس لازال في بالي و انتظر الفرصه عشان اغتنمها..


حبي للكوكيز دفعني لتعلمه،، و حالياً عندي متجر كوكيز بدأته في رمضان
لسى صغنونه


مافيه شخص بعينه تعلمت منه،، التصميم.. كنت اشارك في منتديات خاصه بالتصميم و نعرض الاعمال و نستفيد من بعض..
و التصوير،، حضرت دورات في التصوير،، مع مصورين محترفين،، و تعليم ذاتي و بالمتابعه..
الرسم : من شخص انا ما انسى فضله علي،، بالصدفه لقيت له اعلان انه مسوي دورة رسم في السناب و مجانيه،،
و قلت اجرب معه دامها مجانيه،، بس انبهرت ب اسلوبه و طريقة تعليمه
و كيف احدث فرق من اللاشي،، الى شيء رائع اكتشفت مع الايام انه معلم تربيه فنيه..
بس جزاه الله خير حقق لي امنيه..
و الاعمال اليدويه بالتعلم و متابعه اعمال يدويه كثير و التطبيق




بعد خمس سنوات اكون انا ثبتت نفسي في مشروع و باديه في الثاني :ff1 (133):



الملهمين كثر، اي شخص مبدع يقدم الفائدة و المتعة في آن واحد..
اي شخص عنده فكر و توجه خاص فيه، اي شخص لا يتوقف عن المحاولة مهما فشل..
من لا يبخل على غيره بمعلومه ب فائدة، من يعطي بسخاء و لا ينتظر مقابل سوى ان يرى العالم يزدهر،،


:10ل0:

رد: لقاء مع مبدع - الجميلة النور
 

اكثر لون مفضل، الوردي و الاخضر،،

ممكن كتب تطوير الذات هي المفضلة عندي،، و الكتاب اللي غيرني
هو السماح بالرحيل

البلد اللي اتمنى اروحه،، هم دولتين،، اليونان و المكسيك،،


و شكرا ي جوري :10ل0:

رد: لقاء مع مبدع - الجميلة النور
 

اهلا و سهلا

منور الجنرال،، سعيدة بوجودك هنا

رد: لقاء مع مبدع - الجميلة النور
 

اهلاً استاذ رايق،، و انت بخير يارب..
لي الشرف و الله يكون لكلامي و احاديثي العفويه قبول عندك، و تأثير،،
شاكرة لك كلامك الطيب، و اهلاً و سهلاً بأي وقت

رد: لقاء مع مبدع - الجميلة النور
 

اهلاً اهلاً، نورتي ي جميلة
يختي روحك الحلوة اللي لازم تشوف ما حولها جميل و مبهر،
و انتي بخير يارب و ايامك سعيدة :lo2:



الكوكيز حكاية عشق لم و لن تنتهي،، انا من محبينه كثيييير و متذوقه ممتازه له،،
محاولاتي لصنعه في البدايات كان فاشلة جدا،،

https://h.top4top.io/p_1963vkdvo0.jpg

كانت تقريبا من ١٠ سنين،، و حرمت بعدها اسويه..
للامانه كانت التجارب في ذيك السنوات تحبطني،، و بطلت مرة حتى ما اكرهه
في ٢٠٢٠ حطيت من اهدافي اني اتعلم اسوي كوكيز،، و كانت لي محاولات لاباس بها.. بس ما توصل للطعامة اللي الحين وصلت لك
بعد ما اخذت من خبرة من هم اعلم مني في هذا المجال،، و انا ممتنه لهم :lo2:
يعني لا تستحيين تطلبين المشورة و تتعلمين و تجربين و تفشلين بعدها راح تنجحين
يعني انا قبل كنت استحي اسأل و اطلب الناس،، لكن هالنقطه تجاوزتها و هي اللي خلتني انطلق
<- لازم من المواعظ و الحكم خخح


يسعد لي روحك سمو المجد،،

رد: لقاء مع مبدع - الجميلة النور
 

اهلا ي برنس.. شاكرة ذوقك و كلامك الطيب..


سيارتي الحين و الا بعد خمس سنين 🤭
الحين سيارة البيت اطقطق فيها..

بعد خمس سنين ان شاءالله بيكون معي اودي عشبي او كحلي
لوحتها. ن و ر ١٩٨١
يعني لو شفتوني في الطريق انتبهو لي خخخ

و انا الثالثه بين اخواني،،


و بالنسبه لميولي الرياضيه.. انا هلاليه من الصغر بس اخر مرة تحمست و كنت اشجع ايام المتوسط.. بعدها صرت هلاليه بالاسم و الذكريات فقط..
ماني يم الكورة ابد


و شاكرة لك ي زعيم..