|
رد: حالة اكتئاب
اقتباس:
دائماً مواضيعك متشابهه ودائماً ردود الأعضاء مفيده مافكرتي مره تتعاملين مع الردود بجديه ؟ انا خلال قراءتي الآن مدري وين الإكتئاب ف الموضوع التساؤل اللي لازم تراجعين نفسك فيه : إلى متى الحلطمه حنا ماعندنا اي مانع نرد او نساعدك لكن : هل تعتقدين انك لوحدك اللي مريتي بتجارب فاشله او علاقات فاشله لولا الخذلان لما عرفنا ماذا يعني الصديق الحقيقي لولا الخيانه ماعرفنا وش يعني الحب الحقيقي لولا تكرار المشاكل ماعرفنا كيف صرنا مانمنح الثقه ونفرط بأنفسنا لولا الاموات ماعرفنا معنى الفقد وقيمة الأحياء الله يرسل علينا اقدارنا لنتعلم منها ونتقدم إلى الأفضل أما الكبر والغرور مااعتقد انه موجود فيك لأنه لو كان فعلاً ماكان شفنا هالموضوع وبالنسبه للأكل وزيادة الوزن هذا أمر طبيعي ف البعض لما يعصب او يتضايق يحط حيله ف الأكل لكن لابد يسترجع نفسه ويجلس مع نفسه ويبداء من جديد بعد كل سقوط وأخيراً الله هو السند وهو اللي عليه الإتكال وبيده كل شي والحمدلله على كل حال وفي كل وقت والله يرحم امواتنا واموت المسلمين آجمعين ويارب نشوف موضوعك القادم ونشوفك كيف صرتي قويه وناجحه أعتذر ع الإطاله وبالتوفيق للجميع تحياتي |
رد: حالة اكتئاب
هلاومرحب ياسعيده علاجك بيدك انتِ لازم تساعدي نفسك عشان تتغيري للأفضل مافي شخص خالي من هموم او مشاكل اوحتى علاقات فاشله انتِ حبي نفسك عشان تبدأي التغير مارسي هوايات بتحبيها اشغلي وقتك بشي مفيد مارسي الرياضه مفيده جداً حتى اليوجا مفيده واهم سبب التقرب من الله عزوجل عليكِ بصلاة القيام والدعاء فيها كل ليله راح تشعري بالفرق وتتحسني خلي القران ونيس الك بترتاحي نفسياً وحتلاقي ايامك حلوه وسيعده. :233: |
رد: حالة اكتئاب
شلونك ؟ اول شيء ما ادري من وين ابدأ, ماودي اتكلم وش صارلي ولا احب الطاقة السلبيه لنفسي وللي حولي, لكن لو اتكلم وتسأليني اكثر وحده تعرضت بالحياة من اشياء صعبه انا اول شيء فقدت بابا اعز واحن واطيب قلب بحياتي وكنت شايلته بحضني وهو ينازع الموت متخيله!! , مرضت وجاني مرض خطير والحمدلله تغلبت عليه وصرت قويه بفضل ربي:82: صارت لي حالة نفسيه وراجعت اخصائيين , بسبب مرضي انعزلت ايام واسابيع وشهور بالمستشفى محد يشوفني ولا اشوف احد بيني وبينهم شباك قزاز:ff1 (36): وكنت مثلك بالضبط واقوى . . وماكملت دراستي بحكم تعبي من كل شيء نفسياً وجسدياً, صارت لي اشياء ف حياتي قويه وقلت ماراح اعيش احس بموت من التعب النفسي والجسدي والتفاكير والصياح :ff1 (169): كل شيء كان ضدي . . بس تغيرت 180 درجه اول شيء تقويت وخليت الناس اللي حولي ناس إيجابيه, اولهم ماما:82: ودعائها , والاخصائيين اللي معي , وصديقاتي اللي فعلاً يحبوني او احد من بنات خالاتي :82: كملت دراستي:82::82: واستمريت بالدعاء والقران :4::82: , بس الشيء الوحيد بابا اللي مستحيل انساه :82: الباقي الحمدلله تعالجت , غيرت من نفسي ب اشياء كثيره اقرأ كتب , اتفرج فيلم , اجرب طبخه , اتعلم التصوير ارسم او اشتري اي تلوين واللون :82: اجرب ترندات تنفعني اشياء كثيره جربي وتعلمي وحبي وسوي كل شيء حلو :82:, الله يشرح صدرك وين ما كنتي ويرزقك السعادة الراحة والطمأنينة, واحنى هنا كلنا خواتك:82: عين غطى وعين فراش :82: |
رد: حالة اكتئاب
الله يسعدك ي سعيدة ، و يهون عليك ..
زي ما قال محال انتي لو قريتي ردود الأعضاء بعناية .. كان استفدت، ، و الله اني اجي مواضيعك بس اقرا ردود اخواني و خواتي .. أحداث الحياة كثيره و صعبة و مؤلمه ،، بس ما ننسى أن فيه جانب جميل للحياة .. و احد هذي الجوانب وجود الناس الداعمه ،، الناس الطيبه اللي ما تبخل عليك بكلمة طيبة ،، استعيني بالله اولاً و اخيراً ،، قوي صلتك بالله و الدعاء دايماً هو النجاة من كل هم و ضيق اخيراً قوة ارادتك اللي بتساعدك.. أن فقدتيها فقدتي كل شي الله يقويك |
رد: حالة اكتئاب
تعلمي من تجربة ستيلا
وانتي كل شوي طالعه بمرض مره انفصام مره وسواس ومره اكتئاب والمشكلة انك انتي اللي تشخصين نفسك تعوذي من ابليس و جربي تنزلين مواضيع غير الشكاوي والتحلطم وتتفاعلين مع الاعضاء يجوز تتحمسين تطلعين من هالقسم ..احسك منتي متخيلة اننا نرد عليك فاقسام ثانية جربي وفيدي واستفيدي والعبي وانبسطي فقسم الالعاب وكوني صداقات يمكن الصداقات اللي تكونيها هنا تكون حافز لك تكونين صداقات في الواقع وبتعرفين كيف الناس تصادق بعض وويش متطلبات الصداقة احس مشكلتك انك ماتعرفين تكونين علاقات ..لذلك انتي وحيدة وشكواك وحلطمتك كثيرة |
رد: حالة اكتئاب
حياك الله سعيدة
فيه اختبار في وزارة الصحه ادخلي على الموقع و جاوبي ع الاسئله المطروحه وراح تعرفي اذا فيك اكتئاب او لا .. وبعدها توجهي لأخصائي نفسي واعتقد تحتاجي جلسات سلوكي معرفي .. الشراهه في الاكل او العكس التخبط ف التفكير الفرح او الحزن الشديد بدون اسباب ربما تكون علامات انتكاسة نفسية سواء اكتئاب او قلق او غيره تمنياتي لك بتجاوز الأزمه و التمتع بالصحه النفسيه والجسديه :68: |
| الساعة الآن 05:59 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~