|
رد: طفولة عضو •
.
هل كنت مشآآآآكس أو كنت على نياتك وهادئ؟؟ ج/ بين البينين 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ ج/مميز عند صديقي ورفيق دربي ابوي رحمة الله عليه ورضوانه كان يأخذني معه في كل تنقلاته وتعرفت على اماكن كثيرة وحبيت السفر والتجوال من صغري وصار هوايتي المحببة 3-موقف حصلّك وأنت صغير وللحين مأثر فيك؟؟ ج/حادث مروري لسيارتين وجهاً لوجه على طريق الجنوب في منطقة اسمها الفوقاء في خثعم تمنيت ما اشوفه اذا صادف ومريت من نفس المكان تقفز صورته لذهني كـ شريط يعرض الحادث بكل تفاصيله 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ ج/ طقم قلم باركر من خالي على اول ايام دراستي الشعور فوق الخيال 5- من أقرب طفلـ/ـة من الجماعة كانـ/ـت أقربلك؟؟ ج/ ولد اختي العوده بـ اعتبار فارق السن بيننا شهور عشنا وتربينا مع بعض 6- كم كف اخذت وانت صغير؟؟ ج/ما اذكر بس الضرب والكفوف على باب المدرسة اذا تاخرت عد واغلط 7- وش اكثر حلاوة كنت تحبها في طفوولتك الرائعه ؟؟ ج/الحلاوة الطحينية عشق هههه 8- ماهو مستوى العصبية اللي كنت فيها " مرتفعة / متوسطة / منخفضة " ؟ ج/ متوسطة 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ ج/ الثالث ولظروف ولادتي اللي جات بعد سنوات منحنتي حب ودلال زيادة كادت تفسدني 11-ماهو اكثر مكان كنت تحب تروح له ؟؟ " مدينة العاب. حديقه ... الخ ج/ الوادي والمزارع لصيد الجراد ههههه ومغافلة اهل الابار للسباحة 12-ماهي اكثر لعبه كنت تحب تلعب فيهاا ؟؟ ج/ المراجيح حبل نمده بين قائمين وفي الوسط مخدة واحيان بدون واطلع يـ اسطه ههه 13-هل كنت تبكي كثير ؟؟ ج/ كنت ابكي واشاهق خخخخ لا لا امزح ما اذكر اني كنت ابكي كثير 14-ماهو اكثر فيلم كرتوون كنت تحب تشووفه ؟؟ ج/ ماكنا نشوف افلام كرتون لان ما كان عندنا تلفزيون البث وقتها ما كان يغطي قريتنا 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ ج/ اختي الصغيرة اللي جات بعدي لان اختي واخوي اللي قبلي كبار بيني وبينهم فارق سن كبير 16-موقف صار لك ولحد الحين اذا ذكرته تضحك ؟؟ ج/ في مجلس كنت ابغى اسأل عمي عن شي ابا تفلسف وغلطت قلت عم سعد وش اسمك وانا اقصد اسأله عن اسم شخص وينفجر كل اللي في المجلس بالضحك قال قم يـ عروق بن خزامى < جد لي من جهة امي يقولو كان فيه فهاوه وحلف اني ما اقعد وطلعني برا وكل شوي اطل عليهم ويعود الضحك من جديد 17-كنت تحب الحليب والا تشربه بالغصب ؟؟ ج/ما اطيقه لحد الان 18-كنت شاطر بالمدرسة او لا ؟؟ ج/ مو مدح كنت الاول والثاني بلا منازع حتى خرجت من الابتدائية وفي المتوسطة تبدلت الامور بالكاد اخذت الكفاءة التي اهلتني للالتحاق بـ احد مراكز التدريب الصناعي ومنها بديت مشوار العمل بعد التخرج وعمري 16 سنة 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ ج/ اتذكر اصوم لين الظهر واتظاهر بالصوم اذا حضروا الفطور 20-كلمه دآآيمة على لسآنك!! ج/ باتقع سهاله 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ ج/ ما اذكر 22-ما هو اقوى عقاب في حياتك عوقبت به ؟؟ على مدخل القرية كمنت لـ احمد التوم < في عمري وراء شجرة قبل المغرب قصدي امزح معه وافاجئه ولما اقترب اخرعت حمارته وهي ترفع قوايمها وتحذف به هو والخرج والبردعه هههههه وتنكسر ايده اليسار وهو يجغر يبكي ياذا المصيبة سندته ارتعبت يوم شفت ايده شبه مفصوله ما يمسكها الا الجلد فزعوا من القرية شالوه وفكرت في طريقة انجو بها من العقاب ولو مؤقتا وكنت نحيل ولا زلت قمت حشرت نفسي في خلية نحل فارغة مهي بـ بعيده عن بيتنا وقامت حالة استنفار في القرية للبحث عني ومن الغباء ما دسيت الزنوبه خليتها عند باب الخليه خخخخ كنت اظن ما احد بيفطن لحيلتي من حسن حظي ان خالي هو من لقاني نمت عنده ذيك الليلة وبقيت في وجهه وضمنت اني لو تعاقبت ماراح تكون عقوبة شديدة جات سهاله وايد احمد بقيت في حلقه قرابة اسبوعين خخخخ 23-نشيد كنت تحبه أيام الطفوله ؟؟ ج/ بلاد العرب اوطاني ههههه 24-ماهي الموآقف اللي عرضت فيها اهلك للاحراج؟؟ ج/ كان عندنا ضيوف من السراة ارسلني ابوي اعزم عمي وخالي عزمت نص اهل القرية اللي قابلتهم اجودي هههه 25-كيف كان اول يوم مدرسه لك بكيت ولا لا ..؟ ج/ بالعكس فرحان اذكر كنت لابس ثوب جديد وشماغ وبدلت الزنوبه بشرقي قمة الوناسه 26-ضعت في مكان؟ .. سوق او حديقه .. اذا اي قول لنا السالفه ..؟... ج/ ابن القرية الفضاء كله له كيف يضيع 27-ماهي اجمل هديهـ خذيتها في طفولتك...ومانسيتها ابد...؟! ج/ طقم قلم باركر من خالي 29-بصراحهـ من كنت تحب بطفولتك اكثر امك ولا ابوكـ....؟! ج/ اثنيهم احبهم وكل واحد له محبته الخاصة ما اقدر اقول بالتفاضل 30-موقف سويته ..والى الحين مااحد يدري عنه ؟ ج/ يبقى سر ما يصلح اكتبه ههههه 31-مين اعز صديق طفولة و الى الان متواصل معه؟ ج/ ولد اختي الباش مهندس فيصل اللي ومن محاسن الصدف ان يصبح رئيسي في عملي الحالي وهو من عرض علي الوظيفة الحالية بعد تقاعدي المبكر من عملي السابق 32- نقدر نشوف صورتك وانت صغير ؟ ج/ للاسف ما املك مثل هذي الصورة ماكنا نشوف صورنا الا في الماء شكراً صحافة غلاك ع الموضوع اللطيف شكراً ام غاده على اختياري .. |
رد: طفولة عضو •
.
نسيت اختار اللي بعدي اترك الخيار مفتوح لـ اللي يحب يشارك .. |
رد: طفولة عضو •
شكرا لك ابن الهيثم على اجاباتك
نختار امير الشوق |
رد: طفولة عضو •
اعتذر سامحوني اعتذر عن الرد
|
رد: طفولة عضو •
نختار المنادي
~ |
رد: طفولة عضو •
ماشاء الله تبارك الله ... اختيار موفق ... يالله وين المنادي ....!!
:01: اكيد جالس يجمع قراطيسه واقلام وصور عشان يجاوب ... :152: |
رد: طفولة عضو •
السلام عليكم ورحمة الله وبركاته ... كيفكم .. إن شاء الله طيبين ..
لا يكون تاخرت عليكم ... آآسف لاني تاخرت ... جالس ادور صوره لي وانا صغير ما حصلت شي لاني مولود قبل اختراع الكمره هههههههههه يالله نبدلاء ................. بسم الله -هل كنت مشآآآآكس أو كنت على نياتك وهادئ؟؟ ـ لا والله كنت على نياتي ..!! 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ ـ لا والله كنت مميز خاصة عند الوالدين رحمهم الله ..!! 3-موقف حصلّك وأنت صغير وللحين مأثر فيك؟؟ ـ وفاة الوالد رحمه الله 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ ـ اكبر عيديه كانت الف ريال ... من جدتي رحمها الله .. طبعا مبسوط ..!! 5- من أقرب طفلـ/ـة من الجماعة كانـ/ـت أقربلك؟؟ ـ ابن خالتي في سني تقريبا ..! 6- كم كف اخذت وانت صغير؟؟ ـ ما اذكر شي الحمد لله .. 7- وش اكثر حلاوة كنت تحبها في طفوولتك الرائعه ؟؟ ـ حلاوة اللي يسمونها ( حلاو بقر ) :ff1 (46): 8- ماهو مستوى العصبية اللي كنت فيها " مرتفعة / متوسطة / منخفضة " ؟ ـ متوسطه .. 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ ـ في المنتصف .. لا ولله الحمد 11-ماهو اكثر مكان كنت تحب تروح له ؟؟ " مدينة العاب. حديقه ... الخ ـ حديقة بجوار المنزل .. نلعب فيها كووره ..! 12-ماهي اكثر لعبه كنت تحب تلعب فيهاا ؟؟ ـ لعبة في الاتياري قديما ... باك مان:35: 13-هل كنت تبكي كثير ؟؟ ـ لا 14-ماهو اكثر فيلم كرتوون كنت تحب تشووفه ؟؟ ـ النمر الوردي ( بينك بانثر ) :152: 15- من اكثر واحد من اخواانك كان قريب منك ؟؟ يعني اللي تحب تلعب معاه ؟؟ ـ اللي بعدي مباشره ... هو اللي معطيني وجه ههههه 16-موقف صار لك ولحد الحين اذا ذكرته تضحك ؟؟ ـ ما اذكر شي 17-كنت تحب الحليب والا تشربه بالغصب ؟؟ ـ لا من محبي الحليب حتى الان ...:16g7: 18-كنت شاطر بالمدرسة او لا ؟؟ ـ خير الامور الوسط ... لا شاطر ولا كسره 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ ـ الحمد لله كنت ..تمام التمام ...اصوم 20-كلمه دآآيمة على لسآنك!! ـ ما فيه كلمة صراحه ... 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ ـ لا ولله الحمد 22-ما هو اقوى عقاب في حياتك عوقبت به ؟؟ ـ يوم كنت صغير ... مره ما سمعت كلام اهلي .. سكروا علي باب البيت ما اطلع اسبوع :ff1 (23): 23-نشيد كنت تحبه أيام الطفوله ؟؟ ـ بداية الشارة .. لمغامرات بشار ..هههههه:ff1 (104): 24-ماهي الموآقف اللي عرضت فيها اهلك للاحراج؟؟ ـ الهروب من المدرسة ... ثم استدعاء ولي الامر من قبل المدرسة ..!! 25-كيف كان اول يوم مدرسه لك بكيت ولا لا ..؟ ـ طبعا .. شي جديد علي .. بكيت ما ابي المدرسة .. 26-ضعت في مكان؟ .. سوق او حديقه .. اذا اي قول لنا السالفه ..؟... ـ لا والله ...ما ضعت ابد ولله الحمد .. 27-ماهي اجمل هديهـ خذيتها في طفولتك...ومانسيتها ابد...؟! ـ بلاستيشن جديد ... 29-بصراحهـ من كنت تحب بطفولتك اكثر امك ولا ابوكـ....؟! ـ كلهم احبهم زي بعض .. 30-موقف سويته ..والى الحين مااحد يدري عنه ؟ ـ جربت شفطت حبة زقاره ... ثم قمت اكح اكح لين قلت بس ....الله لا يعيد الشر 31-مين اعز صديق طفولة و الى الان متواصل معه؟ ـ ما فيه كل اصدقاء الطفوله ... فرقتنا الدنيا عن بعض ...!! 32- نقدر نشوف صورتك وانت صغير ؟ ـ ما فيه صورة للاسف بس حبيت ارسم لكم رسم تقريبي هههههههههه https://sites.google.com/site/childa...-wttwrh/rr.jpg وبهذا خلصنا ... من التحقيق :23: اختار ...... فطوووم :99: |
رد: طفولة عضو •
اشكر لك مشاركتك وننتظر فاطمة
|
رد: طفولة عضو •
هل كنت مشآآآآكس أو كنت على نياتك وهادئ؟؟
كنت مشاكسه جدا وعنيده ولا يعجبني العجب ولا اسمع الكلام احد:r-q-7: 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ كنا انا واخواني واخواتي في منزله وحده .. 3-موقف حصلّك وأنت صغير وللحين مأثر فيك؟؟ موقف امممممممم مواقف الفزعه والخوف وانت غافل اعتقد هي اللى مأثره فيني الى الان صاير خوافه من كل شي .. 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ دائما عيديتنا وحنا صغار مئه ريال من امي وابوي ويوم كبرنا صارت الف العيد بكبره فرحه ماهو بس العيديه كنت افرح بملابسي ولعبة العيد اكثر من العيديه .. 5- من أقرب طفلـ/ـة من الجماعة كانـ/ـت أقربلك؟؟ بنت عمي في نفس العمر .. 6- كم كف اخذت وانت صغير؟؟ لاني مشاكسه اخذت ثلاثه مستحيل انساها اثنين من ابوي واخوي الكبير وكنت استاهلها وبجداره لكن الثالث ظلم الله وكيلك ههههههه واخذت حقي من معلمه اشتكاها ابوي بالتعليم .. 7- وش اكثر حلاوة كنت تحبها في طفوولتك الرائعه ؟؟ حلاوة غزل البنات وحلاو بقره ابشرك الى الان هههههه احبها 8- ماهو مستوى العصبية اللي كنت فيها " مرتفعة / متوسطة / منخفضة " ؟ مرتفعه جدا جدا جدا 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ كنت بالنص الوسطه ..لا عادي ما اثر فيني 11-ماهو اكثر مكان كنت تحب تروح له ؟؟ " مدينة العاب. حديقه ... الخ مدينه الالعاب 12-ماهي اكثر لعبه كنت تحب تلعب فيهاا ؟؟ سوبر ماريو .. ناسيه الجهاز اللى كنت العب فيه هو العائله او سوني ون 13-هل كنت تبكي كثير ؟؟ ما اتذكر 14-ماهو اكثر فيلم كرتوون كنت تحب تشووفه ؟؟ هايدي والى الان بعض الاحيان افتحه وفارس الفتي الشجاع .. 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ كل اخواني واخواتي بمنزله وحده 16-موقف صار لك ولحد الحين اذا ذكرته تضحك ؟؟ مافيش او ما اتذكر 17-كنت تحب الحليب والا تشربه بالغصب ؟؟ لا ما حبه كان ابوي الله يسعده يغصبني قبل اروح المدرسه .. 18-كنت شاطر بالمدرسة او لا ؟؟ شاطره وذكيه الحمد الله 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ لالا اصوم بذمه وضمير 20-كلمه دآآيمة على لسآنك!! وجع .. 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ اخواتي الكبار انا اسوي المصيبه وهم ياخذون الخصام هههههه ما تصل الى الضرب 22-ما هو اقوى عقاب في حياتك عوقبت به ؟؟ حفلة بنت عمي امي عاقبتني بس ناسيه وش مغبره انا بس وقتها زعلت .. 23-نشيد كنت تحبه أيام الطفوله ؟؟ في قصص الشعوب طرائف لا تنتهي ههههههه هذا مقدمه فلم كرتون قصص عالميه 24-ماهي الموآقف اللي عرضت فيها اهلك للاحراج؟؟ موقف واحد يوم امي عاقبتني ما اروح حفلة بنت عمي فتحت الشباك وصبيت علبه دواء فيفادول ع راس ضيوف رايحين الحفل وامي كانت هناك وهم يخبرها ان الدوء نزل عليهم من بيتنا هههههههه 25-كيف كان اول يوم مدرسه لك بكيت ولا لا ..؟ لا ما بكيت كنت رايحه مع خالتي معلمه بمدرستي 26-ضعت في مكان؟ .. سوق او حديقه .. اذا اي قول لنا السالفه ..؟... لا الحمد الله 27-ماهي اجمل هديهـ خذيتها في طفولتك...ومانسيتها ابد...؟! من ابوي الله يخليه كان ع طول يشترى لنا ..العرائس _الدميه _ مره جاب لنا وحده تتكلم تقول ماما وبابا يالله ع شكلها كان حلو حبيتها 29-بصراحهـ من كنت تحب بطفولتك اكثر امك ولا ابوكـ....؟! الاثنين ربي يخليهم لى 30-موقف سويته ..والى الحين مااحد يدري عنه ؟ ههههههه لا انا اسوي المصيبه واروح اعلم هذا طريقتي هههه 31-مين اعز صديق طفولة و الى الان متواصل معه؟ بعد مرحله الابتدائيه تركنا الحي وانتقلنا لحي ثاني وماعاد ادري عنهم صديقاتي 32- نقدر نشوف صورتك وانت صغير ؟ افاااااااا فيها علوم قبايل ههههههههههه ........... انتهيت الله يسعد صاحب الموضوع بعثر ذكريات طفولتنا وكل الشكر لصديق المنادي ع اختياري .... |
رد: طفولة عضو •
اختار ..خفايا الروح ..
|
رد: طفولة عضو •
اقتباس:
خفايا يا خفاااااايا العالم في انتظار طلتك من عام 2020 والألفيه الثانيه على الابواب وين الناااااس يا ارق من بتلات الورود 🌹 |
رد: طفولة عضو •
كم لبثنا :199:
معليش هههههههههههه والله م دريت ولا احد نبهني والا صفق لي والا غمز لي شددددعوه عليكم :d لولا سافانا والله م دريت ابد :82: يلا شويات وراجعه . |
رد: طفولة عضو •
هل كنت مشآآآآكس أو كنت على نياتك وهادئ؟؟
كنت مشاكسه ولا احب اهجد واركد بس كنت ع نياتي والله :d:11: 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ عند جدتي ولازلت حفيدتها الوحيده المدلعه ولمَ كنت صغيره كنت عند عيال خوالي واعمامي مدري ليش والله ي كنت ابطش بالمبزره الباقيين اروح اتشكى عندهم ويروحون يدبغونهم الى م جغيرهم يسمعه سابع جار 3-موقف حصلّك وأنت صغير وللحين مأثر فيك؟؟ قاعده انتظر ابوي برا البوابه وفجأه وانا اتمشى قدام البوابه وقفت سياره وفيها رجال وحرمه ويفتحون الباب ويأشرون لي واروح ادربي خشتي يمهم يوم قربت خفت من هيئتهم والا القى ام من بعيد حايه تمشي بتاخذ بناتها من المدرسه واروح اتشعبط فيها وهاتك جغير وترجي وحبحبة يدات ولا فكيت عبايتها الا لمَ جاء ابوي ومن بعدها بدون مبالغه م عاد اقدر اطلع من المدرسه الى م امي تدخل تأخذني صرت اذا وقفت عند البوابه يجيني خفقان مو طبيعي احس قلبي بيوقف ومشاهق ونحيب وللأمانه للحين اذا انتظرت باي مكان برا يحيني خفقان واحس بخوف من ولاشئ 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ اكبر عيديه 200 من ابوي اوووف اجلس 3 ايام اخليها بشنطتي بدون محفظه عشان اتفشخر فيها :d:11: وفي النهايه اختي تضحك علي تقول هاتيهااخبيها لك والتخبيه هي هي م عاد اشوفها :54::54: 5- من أقرب طفلـ/ـة من الجماعة كانـ/ـت أقربلك؟؟ بنت عمي وبنت خالتي 6- كم كف اخذت وانت صغير؟؟ والله م اذكر اني انضربت لان كلن يهاب من جدتي وعيال خوالي واعمامي لان اي احد بس يلمسني واروح اتشكى يلعنون خير خيره ف ممشيتهم ع الصراط ولاعبه فيهم لعععب :d:11: 7- وش اكثر حلاوة كنت تحبها في طفوولتك الرائعه ؟؟ مصاصة غندور وللحين احبها وام اند امز 8- ماهو مستوى العصبية اللي كنت فيها " مرتفعة / متوسطة / منخفضة " ؟ منخفضة 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ قبل الاخيره لا الحمدالله بس لان قبلي قبيلة كامله وكل واحد عصره غير ف صرت كبش الفداء وكلن يبي يحفظني ويخليني اتقن ابرز م عاصر 11-ماهو اكثر مكان كنت تحب تروح له ؟؟ " مدينة العاب. حديقه ... الخ العاب - وبيت جدتي :11: 12-ماهي اكثر لعبه كنت تحب تلعب فيهاا ؟؟ كنت احب الحركيه اللي فيها ركض وركيض وي حبذا فيها هبد ومهابد :d:11: واكره لعبة بيت بيوت ع قولتهم كنت اختار اكون بنت صغيره توها مولوده عشان م اتحرك وبس منسدحه واحيان انام صدق :d:11: 13-هل كنت تبكي كثير ؟؟ لا م عرفنا البكاء الا بعد م هرمنا :(:11: 14-ماهو اكثر فيلم كرتوون كنت تحب تشووفه ؟؟ Toy story 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ خالد :11: 16-موقف صار لك ولحد الحين اذا ذكرته تضحك ؟؟ كنا نسوي فيديو كليب ونقلب الادوار انا السي سيد وخالد الخائنه ليش مدري الحمدالله والشكر :d:11: 17-كنت تحب الحليب والا تشربه بالغصب ؟؟ اشربه بالغصب ولازلت :( 18-كنت شاطر بالمدرسة او لا ؟؟ اي :11: 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ لا والله اصوم وافطر قدامهم عادي م كانوا متشددين بس كانوا يرغبونا بالصيام ويعطونا محفزات 20-كلمه دآآيمة على لسآنك!! لااااااه مع ميلة راس ومسكة خصر ع اي شئ شين زين سالفه ماره ونفسي افهم شمعناها :70: 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ لا والله بالعكس احيان اضحي واتحمل الخطأ وانا مالي دخل بس عشان ادري ان ظهري قوي واقصى الامر هواش بس :d:11: 22-ما هو اقوى عقاب في حياتك عوقبت به ؟؟ لمَ عمي شرى لاختي تيشرت ديزني وانا لا :(:11: 23-نشيد كنت تحبه أيام الطفوله ؟؟ طائر النورس حلق حلق امي كم اهواها انا واخي :11: 24-ماهي الموآقف اللي عرضت فيها اهلك للاحراج؟؟ من المواقف مررره ابوي مصرف رفيزه انه مو بالبيت وجاء هـ الرفيز للبيت ودق الجرس واروح له واقول تبي ابوي تراه بالمقلط والله م درى ابوي وهو بقميص النوم ومدد رجوله الا بهالرفيز فوق رأسه وانا عندهم فاقه خشتي لاني متعوده ع هـ الادمي الله يذكره بالخير وابوي وجهه ينقلب اسووود محمر ويحاول يرقع مير الشق اكبر من الرقعه هههههههههههههههه ومن بعده جت توصيات م افتح الباب لو الجرس يحترق :d:11: 25-كيف كان اول يوم مدرسه لك بكيت ولا لا ..؟ يوووه شهر او اكثر وانا م اقفل فمي نحيب متواصل وامي تداوم معي لازم جنبي :11: 26-ضعت في مكان؟ .. سوق او حديقه .. اذا اي قول لنا السالفه ..؟... اي نسوني اخواني وخواتي في مول ورجعوا البيت وانا اتشعبط لي ف رجال وزوجته الرجال ي حرام حن علي وبعلته بس تخزني ومتكتفه وتقوله يلا تأخرنا فلان يلا وانا اخزها واعييط وف الاخير قال لي تعرفين رقم ابوك قلت اي وانا اعطيه رقم امي ولا اعرف الا هوو ويكلمها ويخبرها وامي م خلت تحد م دقت عليه خوالي وخالاتي لانها كانت مسافره وبعد ساعتين شرفوا الموكب المبجل م تذكروني الا بعد ساعتين والله جلست تعبانه وخمووول مسيطر يمكن يومين وهم يزطوني من العصفر ع بالهم صكتني روعه :d:11: 27-ماهي اجمل هديهـ خذيتها في طفولتك...ومانسيتها ابد...؟! من صديقتي هديل ب 5 ابتدائي سوت لي اسوارة من خيوط عاديه كنت اشوفها الماس باحجار نادره :11: 29-بصراحهـ من كنت تحب بطفولتك اكثر امك ولا ابوكـ....؟! كلهم والله بس امي غير ولازالت غير :11: 30-موقف سويته ..والى الحين مااحد يدري عنه ؟ ضحكت علي بنت بسادس وانا برابع جايبه حلويات وخرابيط وعييت تعطيني الى م اعطيها اساوري الذهب وعطيتها مقابل كم علك ونسمه عليه صورة ميكي وعصير سن توب وجالكسي ويوم رجعت وتسألني امي عنهن قلت مدري فجأة م لقيتها ( ي رب تغفر لي بس) واخذت كم محاضرة عن قلة التركيز واللامبالاة والاستهتار 31-مين اعز صديق طفولة و الى الان متواصل معه؟ هديل مع انها راحت الجنوب الا انها لازلت مستشاري الخاص . 32- نقدر نشوف صورتك وانت صغير ؟ هههههههههههههههً والله م عندي صورنا الاثريه كلها ف الامانات ( عند جدتي ) واللي فيه خير يتجرأ يلمسها لمس ولاتطلعها لنا الا من سنه لسنه وتحت مراقبه مشدده ولازم العدد محدود عشان تقدر تمد النظر:d:11: :d: |
رد: طفولة عضو •
اختار عينيا وحشاشة يوفي أم عنبر :11:
|
رد: طفولة عضو •
-
هادئه ولا لي لسان ، فيه مشاكسه و شطانه لكن قليل .
هـ الله هـ الله ، اختي الكبيرهـ كنت اقول مين فيهم امي بـ الضبط :d:82: .
ماذكر ، او بـ الاخص ماكان عندنا عيد كان اهلي يروحون يسلمون بس مدري وين كانت المشكله فيه مع ان عائلتنا كبيرهـ ..! فـ الآن صرت اعوض في احفادنا كل عيد افلس و افلس اهلي معي عيد و عيديات وياويل اللي مايعيد الكبار قبل الصغار :84: .
بنت اختي :82: .
ماعندنا نظام كفوف عندنا نظام خيزران ، نظام القبص والدارج بـ الغالب واللي أسرع مفعول نظام اقرب شيء عندك خذهـ و ارجمه فـ اذكر مرهـ امي لحقتني بـ الجزمه بس مدري ليه :d:82: .
توفي و توتي فروتي مع انه ينشب بـ الاسنان و مرات يكون قاسي بس طعم :12240::82: وبعد فيه بطاطس جحا و حمارهـ كنت احبه عشان الفلوس اللي يحطونه فيه :84::82: .
منخفضة .
الصغيرهـ ، لا أبداً .
مدينة الألعاب :82: .
مويه ثلج و الحبشه :d:82: .
لا .
عبقور و توم وجيري و سندريلا و مازلت :82: .
اخواني كبار مو جوهم لعب .
اكرهه بشكل مو طبيعي لكن الآن عادي اتقبله .
دافورهـ ولله الحمد و يضيق صدري إذا ماطلعت من خمس الأوائل بـ الفصل :d .
إلا والله افطر على حلاوة كندر الاصابع و إذا جاء وقت الفطور اهلي يدقون بـ النعمه و أنا منتفخه و شبعانه :d .
لا ، بس كنت دائم اتهاوش مع خواتي اللي اكبر مني وانحاش لـ اختي الكبيرهـ يـ تمنعهم عني يـ تجلدهم :84::82: .
ماكان في شيء محدد بس كنت استمتع بـ ألبوم طائر النورس كامل ، و ريمي و سالي .
لما اتفقت أنا و صديقتي إذا خلصنا من الاختبار و طلعنا من المدرسه تركب معي و نروح للبيت اهل البنت يتصلون على المدرسه و المدرسه يدورون البنت و البنت عندي باسطه و موسعه صدرها وكنت اضيفها بعد قهوهـ و حلا يقال يعني ان احنا كبار و اني راعية بيت و اني سنعه :84: و اهلي لما طبو علي المجلس مسكو راسهم ماعاد يدرون هذي مين ولا وش تسوي عندي ولا كيف يرجعون البنت لاهلها :54: .
لا مابكيت ، لأني دخلت بنفس مدرسة خواتي و كانت فيه زوجة اخوي معلمة و امي حضرت معي اول يومين فـ أنا داخله المدرسه و معي الجماعه كلهم فـ عيب ابكي بعد كذا :d .
لا ، اهلي حريصين جداً .
الاثنين :82: .
صديقه من أول ابتدائي علاقتنا رسمية لكن مازلنا متواصلين .
للأسف ، خواتي كلهم عندهم صور وهم صغار إلا أنا ليييه مدري ..! ويقولون اني كنت مدلعه مبين انهم مدلعيني :95: كلهم حاطينهم بين القدور و مصورينهم إلا أنا ولا صورهـ ولا حتى قدر واحد مصوريني معه :(:ff1 (181): . شكراً خفايا على الاختيار :82: اختار بعدي @رُوحٌ منِ النُّور - |
يسعد صباحكم
والله من يومين أشوف هالموضوع وأقول فخاطري ودي أعرف طفولة طقاقة وسبحان الله اليوم أشوف مشاركتها طلعتي طفلة هادية نفسي وتحبين سالي وسندريلا ومدري ليش كنت متوقعة أنج الأخت الكبيرة بس طلعتِ الصغيرة حبيت طفولتج الهادية 👌🏻 شكراً على اختياري 🌸 وإن شاء الله لي عودة للرد 😊👍🏻 |
اقتباس:
يعني كنت أفهم اللي أكبر عني بس أعطيهم وضعية اللي مدري عن شي لأن شكلي يساعد وإذا حد استفزني أعصب جداً وأمسك أقرب شي وأرميه عليه أصير أنا مو أنا ومافي رقة ولا لطافة اقتباس:
كان يهتم فيني أكثر شي وإذا يبي شي ما يطلبه إلا مني أذكر مرة سألته اشمعنى تطلب مني أنا دايماً قال لأن أنتِ تسوينه أحلى ودايماً يناديني يالشيخة > يعني يالأميرة و يحب يمزح معاي وكنت أعانده وأتدلع مرات بس يضحك معاي وعادي مو نفسية اقتباس:
على غلط تافه جداً من يومها صرت أتوتر وأرتبك كثير لما أبي أتكلم قدام الناس وخاصة إذا ناس ما أعرفهم اقتباس:
بس الحين أحصل عيدية أكثر اقتباس:
وبنتها كانت أكبر مني بسنة وهي اللي كانت أقرب وحدة اقتباس:
اقتباس:
كنت أحب الكاكاو هذاك اللي فيه لونين أبو ملعقة وبسكوت ساندو و حلاوة القهوة وتوفي يعني مجربة كل شي وايس كريم التوت والبرتقال والحليب بالفانيلا وكنت أحب عصير التوت المثلج وكنت كل يوم لازم أشتريه اقتباس:
يعني مرتفعة اقتباس:
أحس أثر شوي لأن أخوي كان مسيطر اقتباس:
وكنت أحب ألعب بالماي وأمشي على الشاطئ وأجمع الأصداف ونقعد هناك لين تغرب الشمس اقتباس:
أصمم ملابسهم بنفسي وأخيطها لهم وألبسهم وأسرح شعرهم وأصنع لهم أكسسوارات بالخرز وبعد كنت أسولف معاهم وأتكلم بالفحصي نفس سالي كيف لما تتعامل مع دميتها بالضبط وبعد كنت أحب أشتري أدوات الطبيب وأصير طبيبة ومرات أصير معلمة وأشتري أدوات الطبخ وأطبخ وأشتري أثاث وأسوي بيت مع الغرف وأنسقه وأرتبه يعني لعبت بكل الألعاب اقتباس:
أهم شي كنت أكره أحد يشوف دموعي أبكي مع نفسي بعدين أروح أغسل وجهي عشان محد يدري أني بكيت وإذا حد شافني أبكي أكرهه مدري ليش اقتباس:
و قرية التوت ومدنية النخيل وكل شي بس بعدين حبيت كونان أكثر شي والقناص اقتباس:
كنا نلعب بعدين نتضارب وبعدين نتصالح ونرجع نلعب وهكذا اقتباس:
اقتباس:
حتى كنت أروح المدرسة بدون ما أفطر لأن الحليب يسد نفسي اقتباس:
دايماً أكون في وادي ثاني ومدري شنو تقول المعلمة مع هذا ولا مرة رسبت وكانت علاماتي من جيدة إلى جيدة جداً بدون ما أذاكر ولا أشد حيلي أذكر كنت أذاكر بمزاجي أشوف المعلمة لو طيبة أحب المادة وأذاكر وإذا ما كانت طبية أكره المادة وما أذاكر ما أحب أخضع للأشرار اقتباس:
اقتباس:
اقتباس:
العكس أخوي يسوي المصايب وأنا أنضرب معاه وأنا ما سويت شي بس كانت أمي تقول ليش ما تشوفينه وليش ما تقولين من هالشي تعلمت أن الساكت عن الغلط كأنه مشارك فيه ويمكن ل هالسبب كنت أنضرب لأني دايماً أسكت وأستر على أخطاء غيري كنت أخاف عليم ينضربون وأنا ما أحب أشوف حد ينضرب قدامي اقتباس:
ضرب عادي وبس بس بالنسبة لي الكلام يجرحني أكثر من الضرب اقتباس:
اقتباس:
كنت لاصقة في أمي وأقعد عندها مثل الشطورين وما أسوي مشاكل اقتباس:
اقتباس:
اقتباس:
بس كلها ألعاب اقتباس:
بس أبوي كان بيني وبينه مزح وسوالف أكثر اقتباس:
بس أذكر كنت كتومة إذا حد ضايقني أو شي مستحيل أقول لحد اقتباس:
هي تحب تسولف معاي وأنا أحب أسمع وبعدها موجودة اقتباس:
ـــ يعطيج العافية ع الموضوع الجميل وشكراً طقاقة على اختياري =) وأختار من بعدي @متأمل أحس طفولته أكشن :d |
رد: طفولة عضو •
ياسلااام الموضوع مره حلووو
عجبتني الاجابات هههههههه |
رد: طفولة عضو •
يا الله يا متأمل هههههه
اكيد كلها شقاااوة |
رد: طفولة عضو •
متأأامل
وييييينك متحمسييين هههههه للشقاوة اتوقع كل الجيران مبلطين على باب البابا يشتكون منك هههههه وإلا البزارين الا كان تطقهم بالحجر :63354: ياللااا |
رد: طفولة عضو •
ً
ً منك لله يا روح من النور >>> اسمها طويل :d انا قاعد اتهرب وانتي ورطتيني لا والاخت سماء تعزز لك :123: يلا راح اسدح اجاباتي الان وامري لله :ff1 (63): |
رد: طفولة عضو •
ً
ً 1- هل كنت مشآآآآكس أو كنت على نياتك وهادئ؟؟ لا والله الا مشاكس مع مرتبة الشقاوة 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ امممم كنت مميز وكنت مصفوق :d 3-موقف حصلّك وأنت صغير وللحين مأثر فيك؟؟ من كثر المواقف ما اذكر صراحة 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ خمسين ريال وكانت من خالي الله يسعده شعوري شعور واحد كل تفكيره في البقالة :d 5- من أقرب طفلـ/ـة من الجماعة كانـ/ـت أقربلك؟؟ اخوي الله يحفظه 6- كم كف اخذت وانت صغير؟؟ ههههههه ياما اخذت من كفوف وياما عطيت لان اخوك ما يسكت ولا يتوب 7- وش اكثر حلاوة كنت تحبها في طفوولتك الرائعه ؟؟ ماكنتوش وحلاوه بقره وحلاوه عود مدري مصاص 8- ماهو مستوى العصبية اللي كنت فيها " مرتفعة / متوسطة / منخفضة " ؟ عصبيتي مثل الجمر تحت الرماد 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ قبل الاخير وهنا قمة الغبنة يعني لا دلع لا حب لا هدايا لا بوس لا فلوس لا شيء >> يمسح دموعه 11-ماهو اكثر مكان كنت تحب تروح له ؟؟ " مدينة العاب. حديقه ... الخ اكون معاك صادق الاماكن كلها مشتاقه لي :d طبعي اتكيف مع المكان اللي اروح له 12-ماهي اكثر لعبه كنت تحب تلعب فيهاا ؟؟ بربر هههههه الجد كرة القدم والسباحة والمقالب 13-هل كنت تبكي كثير ؟؟ هنا المشكلة صراحة .. ما اعرف ابكي زين :d بس ما كنت بكايه 14-ماهو اكثر فيلم كرتوون كنت تحب تشووفه ؟؟ سالي هههههههه السنافر 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ اخوي اللي اصغر مني 16-موقف صار لك ولحد الحين اذا ذكرته تضحك ؟؟ ههههههههه والله ياكثر المواقف بس فيه موقف راح اقوله كان عندي بس يعني قط يعني هر المهم كنت متعلق فيه لدرجة ما انام الا وهو معاي اطرب على صوته وهو على وضعية توفير الطاقة :d المهم صار بيني وبينه عشرة عمر وتونه وملح وفي يوم من الايام رجعت البيت ولقيته تعبان وما صار ياكل ولا يشرب وتردت حالته حاولت اسوي له شي بس ما قدرت وصرت اجيب له مويه واقطرها بحلقه المهم بالاخير مات :( واخوك يقوم بتغسيله وتكفينه ويستدعي اخوانه وبنات عمه ويصفهم وراه والميت قدامه ويصلون عليه :d لا والمشكلة ما كانت صلاة الميت كانت ركوع وسجود وخرابيط وبعدها اخذناه ودفناه وسويت له نصب تذكاري ههههه امزح طبعاً اكتشفت فيما بعد بان سبب الوفاة سم فيران حطوه الجيران ببيتهم والاخ طب في مفاطيح الفيران واكل هوى >> مقهور الى الان عليه كان اسمه خليد 17-كنت تحب الحليب والا تشربه بالغصب ؟؟ انا مو لهان عبدالله اقصد مو ولهان انا دنيا من الوله :33: كنت ولازلت احبه بس اخلطه بشي ثاني 18-كنت شاطر بالمدرسة او لا ؟؟ نعم ويس بس مشاغب واتعاقب 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ حدث ولا حرج :d شرب المويه عند المضمضة سرقة السمبوسة من المطبخ يا زين الاكل من وراهم هههه استغفر الله 20-كلمه دآآيمة على لسآنك!! يصير خير .. مع اني ما التزم في العادة بكلمة دائمة 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ ههههه يا كثرهم ومن ضمنهم اخوي في مره سويت مصيبة عند ناس وفي اليوم الثاني راحوا لابوي يشتكون من اخوي ههههههههه اخوي داخ على الفور :d لانه هادي ومو راعي مشكلة ابداً وانا كلمت اخوي وقلت لا تخاف انا اللي سويت المشكلة قال طيب وش ذنبي انا >> مقادير يا قلب العنا ومره ضربت ولد الجيران وهددته لو يعلم احد <<< ظالم وقاسي :d وجا اخوه الكبير واحنا مع بعض وقال وش عندكم قلت اخوك ضربني اخوه كان بيصيح بس تذكر التهديد وسكت طبعاً لما كبرنا قلت له يسامحني وسامحني بس ما هددته لو ما يسامح يعني سامحني عن طيبة نفسه :d 22-ما هو اقوى عقاب في حياتك عوقبت به ؟؟ كل انواع العقابات مرت بي >> معفنه :d بس اقوى عقاب السجن في غرفه حمام بدروم هنا اموووووت يعني عادي اتعاقب باي شي الا السجن .. احسني مخنوق اني اتنفس تحت الماء اعطني حريتي اطلق يدايا 23-نشيد كنت تحبه أيام الطفوله ؟؟ سارعي للمجد والعلياء ههههه مافي شي محدد 24-ماهي الموآقف اللي عرضت فيها اهلك للاحراج؟؟ اممممم بلاش احراجات 25-كيف كان اول يوم مدرسه لك بكيت ولا لا ..؟ كان يوم الملاحم يوم الجن :d من اول ما يصحوني والملاحم شغاله مضاربات وسعابيل وصياح ويجروني جر عشان اطلع من البيت وانا انشب في الباب وبالقوة اطلع وفي السيارة انواع الونانات والنياحة بس يوم دخلت المدرسة توقف كل شي لان قلبي اصلا توقف :d طبعاً الصياح والبكا والمضاربات كلها مو خوف بس مافي راسي شي اسمه دراسة المهم عندي الفله مدري العمارة اقصد اللعب وبس 26-ضعت في مكان؟ .. سوق او حديقه .. اذا اي قول لنا السالفه ..؟... الى الان لا :) 27-ماهي اجمل هديهـ خذيتها في طفولتك...ومانسيتها ابد...؟! الظاهر اللي صاغ الاسئلة عايش حياة مرفهة ومن ذوي الطبقات المخملية ومو داري عن الطبقة الفقيرة البائسة المدعوسه :ff1 (137): 29-بصراحهـ من كنت تحب بطفولتك اكثر امك ولا ابوكـ....؟! ابوي وامي بس ابوي اكثر وامي اكثر واختلفنا مين يحب الثاني اكثر :d الصراحة ابوي كان انسان طيب وهادي وامي قوية شخصية وهيبة لذلك اميل لابوي خوفاً من امي :) وبعد وفاة ابوي صارت امي كل شي بحياتي :26bdd2fd66: 30-موقف سويته ..والى الحين مااحد يدري عنه ؟ لا الجد ذكي يا راعي الاسئلة :d يعني الى الان ما احد يدري عنه واجي هنا اقوله اقول العب غيرها ههههه 31-مين اعز صديق طفولة و الى الان متواصل معه؟ مو صديق واحد عدة اصدقاء بس فيه واحد الى الان متواصل معاه بس مو صديق طفولة لان اصدقاء الطفولة تفرقوا 32- نقدر نشوف صورتك وانت صغير ؟ انتظروني اتصور واسدحها :d اختار سماء .. نشوف وش عندها بالضبط :) ِ |
رد: طفولة عضو •
طلع بينا شي مشترك يامتأمل "ماكنتوش"
وسبحان الله لايقة عليك حلاوة البقرة :m1: اجابات روعة وبانتظار سماء |
رد: طفولة عضو •
اقتباس:
امزح والله بس جت على لساني لما قريت البقرة :d96438ba01: حسيتني بقرون وذيل وديود:d |
رد: طفولة عضو •
اقتباس:
|
رد: طفولة عضو •
طفولتك أكشن مثل ما توقعت
بس أحلى شي الشقاوة والله ترى حتى نحن كنا نفس الشي أي كائن يموت ندفنه ونصلي عليه وبعد لما أي حد يطيح سنه ياخذه ويدفنه >> مدري شنو الحكمة :ff1 (59): شكراً على التواجد والمشاركة يالمتأمل >> زين أنك ما هربت :d ننتظر سماء =) |
رد: طفولة عضو •
اممممم
طيب بعد التراويح بكره بس طفولتي هادئة وحالمه وللآن اعيشها |
رد: طفولة عضو •
-هل كنت مشآآآآكس أو كنت على نياتك وهادئ؟؟
على نياتي وهادئة لها الحزة :494: 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ إيه عند ماما 3-موقف حصلّك وأنت صغير وللحين مأثر فيك؟؟ وفاة بابا بحادث سياره وانا بصف ثالث ابتدائي 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ اممم ما اذكر بس دوم ماما تجب لي هدايا للعيد ذهب وفساتين مره حلوة واختي نوف الكبيره 5- من أقرب طفلـ/ـة من الجماعة كانـ/ـت أقربلك؟؟ لما كنا بالمدينه كان بنت عمي بحكم انها قريبه من سني بس بعد وفاة الوالد الله يرحمه رجعنا هنا صار ولد خالي واخوي بالرضاعه الأقرب لي وللآن وبحكم ان ماعندي اخوان ذكور من أمي تعلقت بيه جدا 6- كم كف اخذت وانت صغير؟؟ من أمي لا ههههه بس كان بيه عمه لنا شرسه جدا دوم تطقنا 7- وش اكثر حلاوة كنت تحبها في طفوولتك الرائعه ؟؟ سنكرس وللآن حبيبتي 8- ماهو مستوى العصبية اللي كنت فيها " مرتفعة / متوسطة / منخفضة " ؟ منخفضة جدا 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ بالنسبة لماما آخر العنقود ايه دلعتني دلع ههههههه اذكر وصلت صف خامس وبعدها تحطني بالهزاز واشرب حليب في بزازة الأطفال هههههه وبالنسبة لبابا رقم 4 هههههه لن عنده عيال من زوجة ثانيه 11-ماهو اكثر مكان كنت تحب تروح له ؟؟ " مدينة العاب. حديقه ... الخ طول عمري احب البر ..أحسه مكان هاديء جدا وأعشق لحظات الغروب الساحره بيه 12-ماهي اكثر لعبه كنت تحب تلعب فيهاا ؟؟ صراحه العرايس ..وكان خواتي يضحكون علي لن ما العب البلاستيشن معهم ..وللآن تستهويني وأنام بها معاي .. 13-هل كنت تبكي كثير ؟؟ لا اصمت ويضيع حقي كثير 14-ماهو اكثر فيلم كرتوون كنت تحب تشووفه ؟؟ للآن كونااااان واتابعه مترجم وكنت اتأثر جدا بأنا وأخي وايملي خاصة كتاباتها 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ أختي الا قبلي 16-موقف صار لك ولحد الحين اذا ذكرته تضحك ؟؟ كثير جدا بس اكثرها يوم داومت بجزمة وحده وتذكرت وانا بالطابور وصرت مستحية بس الأبلة لاحظت واتصلت بأمي وعلى طول جابت لي الثانيه ههههه سندريلا بس من دون أمير ههههه 17-كنت تحب الحليب والا تشربه بالغصب ؟؟ أحبه بس بالنسكافيه 18-كنت شاطر بالمدرسة او لا ؟؟ ايه شاطره وللآن بالجامعه الحمدلله 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ لا أمي كانت ماتخلينا نصوم الا لما تحس انا مستعدين أو بعض ايام وتقلنا لا تكذبوا على ربي لجل كذا انغرس بعقولنا كلنا 20-كلمه دآآيمة على لسآنك!! فديتك لبيييه عشان امي دوم ترددها 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ ههههههه الا يتبلون علي خاص أختي الا قبلي 22-ما هو اقوى عقاب في حياتك عوقبت به ؟؟ يوم قاطعتني أمي أسبوع ماتكلمني ولو جلست على السفرة تقوم والسبب قصيت شعري وهي غير راضية كنت بمووت والله أمي نظرتها إن الشعر الطويل نصف جمال البنت 23-نشيد كنت تحبه أيام الطفوله ؟؟ انشودة أنا وأخي كلماتها ولحنها هادي وحزين 24-ماهي الموآقف اللي عرضت فيها اهلك للاحراج؟؟ حنا كنا بالمدينة المنورة وهناك مولدي حتى صف ثالث بعد موت بابا انتقلنا هنا كان ماما وعمتي وزوجة عمتي يروحون الجمعه وايام رمضان التراويح وحنا نلعب بالساحة يااااه لازلت اذكر هاللحظة وقلبي متعلق بالمدينة جدا المهم تعرفون زحمه ايام رمضان وكان الحارسات يفتحون السلالم بس طلوع نزول يقفلوها بس مدري ليه المهم كنا نلعب قرب دورات المياه قالت بنت عمي اتحداك تضغطي الزر الا عند الحارسة وانا رحت ركض واضغط الزر وتوقفت السلالم والناس طالعين وعصبت الحارسة وصارت تقلي وين اهلك وانا من الخوف ماقدرت انطق الا شوي وامي وعمتي جو وصاروا يعتذرون ومعهم ناس من جيراننا المهم امي حلفت ماتاخذني معها كل فترة رمضان 25-كيف كان اول يوم مدرسه لك بكيت ولا لا ..؟ بالروضة جلست شهر اخاف وامي تداوم معي بعدها حبيتها المدرسة لا لن غالبية الا معي في الروضة درسنا نفس المدرسة 26-ضعت في مكان؟ .. سوق او حديقه .. اذا اي قول لنا السالفه ..؟... أيوه بالحرم المكي .. وقلت للعسكري وين بوابة ملك فهد .. قلي وش تبي يابنتي .. قلت له بابا هناك لن سمعت بابا يقول لماما انتظريني عند بوابة الملك فهد احسبها وحده بس هههههه المهم خذوني لمكان الضياع وشوي الا اهلي جايين يسالوني لقوني قدامهم اشوه ماحد خطفني 27-ماهي اجمل هديهـ خذيتها في طفولتك...ومانسيتها ابد...؟! كانت سلسال ذهب من ماما اول مانجحت من الصف الأول .. وجهاز جوال وانا بالصف الرابع من ولد خالي يوم عيد .. 29-بصراحهـ من كنت تحب بطفولتك اكثر امك ولا ابوكـ....؟! طبعا ماااما 30-موقف سويته ..والى الحين مااحد يدري عنه ؟ ما اذكر 31-مين اعز صديق طفولة و الى الان متواصل معه؟ بنت عمي وبنت جارتنا بالمدينة المنورة وكثير من زميلات الابتدائي 32- نقدر نشوف صورتك وانت صغير ؟ |
رد: طفولة عضو •
أختار بعدي رنوووش:75yh:
رانيا |
رد: طفولة عضو •
ونعم الاختيار :d
خلينا نشوف ام قرون وش كانت طفولتها :341: قاعد اضحك على ساندريلا :m1: |
رد: طفولة عضو •
رنوووش
شكلها مشغووولة |
رد: طفولة عضو •
اعذريني ما انتبهت لاسمي
راجعة للرد :11: ~ |
رد: طفولة عضو •
-هل كنت مشآآآآكس أو كنت على نياتك وهادئ؟؟
كنت هادئة لكن اتصرف مثل الكبار بالأصح كنت أتأمر وكل الاطفال يسمعو كلامي :d 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ مميزة عند الكل الصغار والكبار والتعامل معي كان مختلف الكل كان يحبني :11: 3-موقف حصلّك وأنت صغير وللحين مأثر فيك؟؟ مافي 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ 100 ريال من جدتي جدتي تبدأ تزيد في العيدية كلما كبرنا بالعمر فكان شعوري نفس شعور القزمة اللي تلبس كعب :d 5- من أقرب طفلـ/ـة من الجماعة كانـ/ـت أقربلك؟؟ بنات خالتي كلهم 6- كم كف اخذت وانت صغير؟؟ كف واحد واذكره من معلمة الابتدائي تضاربت مع بنات خالتي ومن الزعل جلست بمكاني وقت الفسحة وماعرفت ان الفسحة خلصت طبعا كانو يقفلو الباب اذا خلصت الفسحة وجلست انا بمكاني الين طلعت لي معلمة واخذ ذاك الكف اللي عمري ما اخذته :( من قوة الاحراج وعشان لا احد يعرف جلست افرك خدودي عشان تبين الاثنين حمرا ومحد يلاحظ :ff1 (51): :ff1 (181): 7- وش اكثر حلاوة كنت تحبها في طفوولتك الرائعه ؟؟ حلاوة كرز 8- ماهو مستوى العصبية اللي كنت فيها " مرتفعة / متوسطة / منخفضة " ؟ متوسطة نوعًا ما 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ قبل الاخير بس اعتبر كني انا اخر العنقود لاني اخذت كل الدلع عنه :54: 11-ماهو اكثر مكان كنت تحب تروح له ؟؟ " مدينة العاب. حديقه ... الخ من صغري كنت اعتبر القرطاسية والمكتبة ملاهي ومكاني المفضّل 12-ماهي اكثر لعبه كنت تحب تلعب فيهاا ؟؟ عروسة امي خيطتها لي 13-هل كنت تبكي كثير ؟؟ لا 14-ماهو اكثر فيلم كرتوون كنت تحب تشووفه ؟؟ سالي انا واخي كونان هزيم الرعد 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ اصغر اخواني العب معاه واتضارب معاه :d 16-موقف صار لك ولحد الحين اذا ذكرته تضحك ؟؟ ماينقال :d 17-كنت تحب الحليب والا تشربه بالغصب ؟؟ احبه 18-كنت شاطر بالمدرسة او لا ؟؟ ايه 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ ذا شيء غصبًا عنا :54: 20-كلمه دآآيمة على لسآنك!! كلمة ياربييييه ، لان ابوي الله يرحمه كنت كلما اقولها يضحك وانبسط 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ والله للاسف كنت اسوي المصيبة والكل ينضرب الا انا :d 22-ما هو اقوى عقاب في حياتك عوقبت به ؟؟ انا صغيرة ماقد تعاقبت 23-نشيد كنت تحبه أيام الطفوله ؟؟ طائر النورس اغاني سبيستون 24-ماهي الموآقف اللي عرضت فيها اهلك للاحراج؟؟ كنا في بيت ناس واطلع كل اللي بشنطة امي يعني اني بنظفه لها من الداخل واتهزأت :d 25-كيف كان اول يوم مدرسه لك بكيت ولا لا ..؟ من الحماس رحت مواصلة 26-ضعت في مكان؟ .. سوق او حديقه .. اذا اي قول لنا السالفه ..؟... لا 27-ماهي اجمل هديهـ خذيتها في طفولتك...ومانسيتها ابد...؟! دفتر من اختي لحد الان موجود عندي 29-بصراحهـ من كنت تحب بطفولتك اكثر امك ولا ابوكـ....؟! ابوي الله يرحمه 30-موقف سويته ..والى الحين مااحد يدري عنه ؟ اشياء كثيرة :d دام اهلي هنا خلوها مستورة :d 31-مين اعز صديق طفولة و الى الان متواصل معه؟ صديقة تعرفت عليها بالتحفيظ ولحد الان اتواصل معها وتعتبر اقرب شخص لي 32- نقدر نشوف صورتك وانت صغير ؟ ماعندي صور كثيرة لي وانا صغيرة شكرًا لك سماء على اختياري :11: ~ |
رد: طفولة عضو •
|
رد: طفولة عضو •
|
رد: طفولة عضو •
اقتباس:
|
رد: طفولة عضو •
اقتباس:
اوكيك من عنوني ^ |
رد: طفولة عضو •
الأسئلـــــهـ
-هل كنت مشآآآآكس أو كنت على نياتك وهادئ؟؟ لا بالعكس كونت مرا هاديه و خجوله بس اللي يغلط عليه ياويلوه ياسواد ليلوه :ff1 (224)::ff1 (224): 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ ايوا كونت مميزة و غاليه عند ابويه الله يرحموه و ماما و أخواني و اخواتي الله يحفظهم ليه :82: 3-موقف حصلّك وأنت صغير وللحين مأثر فيك؟؟ مواقف كتيره بس اصعبها كان وفاة ابويه و اخويه الله يرحمهم 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ صراحتن ماافتكر كم بالزبط بس ابويه كان يعطيني عيديات :82: 5- من أقرب طفلـ/ـة من الجماعة كانـ/ـت أقربلك؟؟ مافيه 6- كم كف اخذت وانت صغير؟؟ كف واحد من ابويه الله يرحموه عشان ضربت ولد جيرانا الكبير و فقشت راسوه:ff1 (91): 7- وش اكثر حلاوة كنت تحبها في طفوولتك الرائعه ؟؟ حلاوة القطن و البقره و الى الان احوبها :82: 8- ماهو مستوى العصبية اللي كنت فيها " مرتفعة / متوسطة / منخفضة " ؟ صفررررر 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ اصغرهم :ff1 (11): بالعكس كوونت دلوعة البيت كووولوه وطلباتي اوامر :ff1 (11): 11-ماهو اكثر مكان كنت تحب تروح له ؟؟ " مدينة العاب. حديقه ... الخ اكيد مدينة الالعاب :ff1 (91): 12-ماهي اكثر لعبه كنت تحب تلعب فيهاا ؟؟ العرايس و السيكل كوونت العب فيه مع اخواني :82: 13-هل كنت تبكي كثير ؟؟ لا 14-ماهو اكثر فيلم كرتوون كنت تحب تشووفه ؟؟ ساااالي :82: 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ كوول اخواني قريبه منهم بس اخووية اللي توفى كان غير الله يرحموه 16-موقف صار لك ولحد الحين اذا ذكرته تضحك ؟؟ ايام المدرسه كونت مع البنات عند باب الفصل نتزحلق وفجائه البنات صارخو الابله جات انا جريت معاهم وتطير جزمة من رجلي و انتم بكرامه و تدخل في غرفة الوكيله وقتها اتهزئت من الوكيله و الابله وقفتني اخر الفصل :8888: 17-كنت تحب الحليب والا تشربه بالغصب ؟؟ لا مااحبوه و اللى الان /: 18-كنت شاطر بالمدرسة او لا ؟؟ الحمدالله شاااطره :ff1 (11): 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ ماافتكر اني قد افطرت بالعكس كوونت اصوم واهلي كانوا يشجعوننا نصوم و نتحمل ^ 20-كلمه دآآيمة على لسآنك!! زمان و انا صغيره ماافتكر بس دحينا لا حول ولا قوة الا بالله :82: 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ لا كوونت هاديه و مؤدبه ولا احوب اغلط ع احد :) 22-ما هو اقوى عقاب في حياتك عوقبت به ؟؟ مافيه >>اقولكم كووونت مؤؤؤؤدبه ^^ 23-نشيد كنت تحبه أيام الطفوله ؟؟ صراحتن ماافتكر >_< 24-ماهي الموآقف اللي عرضت فيها اهلك للاحراج؟؟ لما ضربت ولد جيرانا جاء ابوه يشتكي عند ابويه ويقول بنتك ضربت ولدنا و فقشت راسوه هههههه انا كوووونت مرا فرحانه و حسيت اني بططله ^_^ 25-كيف كان اول يوم مدرسه لك بكيت ولا لا ..؟ عادي جدا لا احساس ولا ضمير ^_^ 26-ضعت في مكان؟ .. سوق او حديقه .. اذا اي قول لنا السالفه ..؟... لا وين اضيع ذيبه ماينخاف عليه :) 27-ماهي اجمل هديهـ خذيتها في طفولتك...ومانسيتها ابد...؟! سلسال من ابويه الله يرحموه ولسه محتفظه فيه . 29-بصراحهـ من كنت تحب بطفولتك اكثر امك ولا ابوكـ....؟! كلهم بس ابويه الله يرحموه و ماما الله يحفظها ليه :82: 30-موقف سويته ..والى الحين مااحد يدري عنه ؟ هههههههه من جدك > علينا الحركات دي يعني محدا يعرف عنوه شي اجي هنا و اقولوه ههههههههههه لا مووووستحيل ^_^ 31-مين اعز صديق طفولة و الى الان متواصل معه؟ ماعندي اصدقاء . 32- نقدر نشوف صورتك وانت صغير ؟ واااااخرياااه وعيباااه ووجع راساه اكيد مابقدرشي لو بقدر ع عيني ^_^ ودمتم بحُب:82: |
رد: طفولة عضو •
وراك ما اخترتي احد بعدك يا رماد :d
|
رد: طفولة عضو •
ههههه اسمها جمر
يمكن نسيت هالحين تتذكر وترجع |
| الساعة الآن 04:43 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2026 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~