|
رد: انثى معجونة ب ماء الحب
كنت قاعدة حزينة ومفقوعة
ومش طايقة ولا شي بالدنيي صار هيك شي صغير هههه. قام قلب مودي ٣٦٠ درجة ورجعتلي ضحكتي حتى من كتر م انبسطت واتحمست رحت ساعدت اختي بتعزيل غرفتها وعلقتلها البرادي قام حكتلي سبحان الله اللي بشوفك الك يومين م بصدق انو هاي انتي هههههههههههه ايه يسعدهم وم يبعدهم عن حياتنا اللي بغيروا مزاجنا وبرسموا البسمة ع وجوهنا وبخلقوا السعادة بقلوبنا |
رد: انثى معجونة ب ماء الحب
https://scontent.famm11-1.fna.fbcdn....Sw&oe=65872845
رح نقي منهن شو انت بالنسبة الي يا روحي وراحتي وحبي الابدي:241: ما خلق الحب الا لك واليك:241: لو امتلك دولة باسمي ساجعل ضحكتك النشيد الوطني:241:لك تؤبرني ضحكتك تمطر السما وردا عندما تضحك :241: انك الضياء الممتد بين قلبي والحياة:241: اجده في روحي ك انما لا شي بي الا هو:241: احبــــــك يا الطف شخص بالحياة :241: وانك بسمتي وابتسامتي وسبب تبسمي:241: مكفي هيك |
رد: انثى معجونة ب ماء الحب
هدية اختي لالي
:ff1 (160):كانت ب قطر عند اخوي ومرته ورجعتلنا بالسلامة اليوم https://scontent.famm11-1.fna.fbcdn....Tw&oe=65AC41EA https://scontent.famm11-1.fna.fbcdn....tg&oe=65AC61FB بس الخاتم صغير ع ايدي هههههههههههه كلو من الاندومي:21::216: |
رد: انثى معجونة ب ماء الحب
بس رحت استقبل اختي من المطار
اشرتلها هاي الوردة :r-q-7: https://scontent.famm11-1.fna.fbcdn....4A&oe=65AC3B98 https://scontent.famm11-1.fna.fbcdn....fw&oe=65AC3A24 https://scontent.famm11-1.fna.fbcdn....Qw&oe=65AC5195 https://scontent.famm11-1.fna.fbcdn....RQ&oe=65AC5E4B https://scontent.famm11-1.fna.fbcdn....1A&oe=65AC385F |
رد: انثى معجونة ب ماء الحب
بحياتك يا ولدي امراة
عيناها سبحان المعبود فمها مرسوم كالعنقود ضحكتها انغام وورود |
رد: انثى معجونة ب ماء الحب
قل لقلبك انني أحببته
فلعل صوت الحب يبلغ مسمعك رفقا بحالي ان قلبي موجع وشفاؤه في ان يراك ويسمعك |
رد: انثى معجونة ب ماء الحب
لقد كان حزنها اعمق من ان يعالج بالتودد لها يا ترى ماذا فعل؟؟؟ |
رد: انثى معجونة ب ماء الحب
الي تقريبا تسع ايام وانا بنتظر شي معين
وتعبت من الانتظار وكل يوم ببكي لانو ما عم بجيني الشي اللي بنتظره صايرة حد م بنطاق دايما نايمة .دائما ساكتة .دائما معصبة حتى هون مو عارفة اشارك شاغل بالي الموضوع كتير وكتير مآثر ع نفسيتي |
رد: انثى معجونة ب ماء الحب
مش غلط الواحد يكون بيوم من الايام
ضحية ل حب من طرف واحد لانو ببساطة م النا سلطة ع قلوبنا هي بتنبض لشخص معين دون سواه والقلب بنعمي عن غيره وكانو ما في مخلوق بالدنيا سواه بس الغلط والغباء انو نستمر بهالحب او بالاحرى نشحذ الحب من قلب عمره م نبض النا الغلط انو نحاول بكل فرصة نبين للطرف الاخر حبنا وهو بكل م اوتي من قوة برفض مشاعرنا رفض قاطعع حتى هو بالنهاية مالو ذنب مو ذنبه لانو كمان قلبه مالو سلطة عليه بعترف اني طرقت كل الابواب ... كنت دايما المبادرة كنت بكل فرصة ابين حبي بسلامي بكلامي بخوفي وبعترف اليوم اني انهزمت وانكسرت وبعترف انو من هاللحظة رح اطوي هالصفحة للابــــــــــــــــــــــد |
رد: انثى معجونة ب ماء الحب
من اقوال #دوستويفسكي :
"كان عليك أن تغادر منذ انقباضة صدرك الأولى، لكنك غامرت!" لكن في موقف اخر قال "لقد رأيت الثقب في سفينتك منذ اليوم الأول للرحلة، ولكنني قررت الإبحار معك ظناً منّي بأن الحب يصنع المعجزات ." ! فهل كان دوستويفسكي مخطئاً حين قال ذلك !؟ بترك لرواد مدونتي الاعزاء الاجابة |
رد: انثى معجونة ب ماء الحب
عندما ينعدم الشغف والرغبه أمام الأشياء نصبح أشخاص لا نمتلك إلا مشاعر البرود....
لذلك يقول #تولستوي في رواية البعث : "لقد تساوى كل شيء في نظري و أصبحت لا أهتم لشيء ، هل هناك أسوأ مما أنا فيه !" وبحزن اعمق يقول #دوستويفسكي : " لو أنَّني أعرفُ كلمةً أعمقُ من كلمةِ "انطفأتُ".. لقلتها , أنا لم أشعُر من قبلُ بإنطفاء رُوحي مثلما أشعُرُ بها الآن. " |
رد: انثى معجونة ب ماء الحب
عن العلاقات مع الآخرين
يقول #تولستوي : "عشت من أجل الآخرين، فحطمت حياتي كلها نهائياً. إنني منذ أن بدأت العيش من أجل نفسي شعرت، على العكس، بأعظم قسط من الراحة والهدوء" اما #كافكا فيقول : "في علاقتي مع الآخرين جزء طفيف مني يتوسل المواصلة، جزء هائل مني يرغب في الهروب" اما #دوستويفسکي فقال: لم أطلب يداً تمسح دموع الفزع و لم أُوقظ أحداً ليعانقني كي أهدأ ، علام يجب أن أكون ممنوناً ؟ لقد عشت أسوأ اللحظات بمفردي . وأنتم رواد مدونتي ماذا تقولون؟؟؟ |
رد: انثى معجونة ب ماء الحب
أعرف انك لن تنساها
ولن اصل يوما لمستواها دون قصد ستظل اسيرا لهواها ... أعرف بعض الحكايات اكبر من القلم وحكايتي معك حكاية عملاقة في الألم هي تملأ انحاءك ولم تترك ذرة فيك قابلة للحب بعدها لن تراني ضئيل قدري...امامها... أعرف |
رد: انثى معجونة ب ماء الحب
ما بعرف كون إنسان بارد،
ما بعرف كيف اتأخر بالرد أو أغلط بدون ما أعتذر، ما بعرف احكي لحدا كلمة تجرحه بدون ما حس فيها ولا عندي القدرة الي تخليني غيب عن حد بدون سبب مقنع أو مبرر، طول حياتي كنت بحط نفسي مكان الشخص الي قبالي سواء كان كويس معي أو سيئ، مشان هيك بتمنى الاقي إنسان بيشبهني أو حتى يعاملني بالطريقة الي بعامل فيها الناس تمثلني حرفيــــــــــــــــاً |
رد: انثى معجونة ب ماء الحب
في عنا ظرف طارىء بالبيت بتوجب ع ماما واختي الكبيرة يسافروا عند اخوي ع قطر لمدة شهر بشهر رمضان
اخوي حابب كتير بابا يروح معاهم وبابا رافض الفكرة بتاتا .... بس اليوم وهلا تحديدا انصدمت من سبب رفضه انو يروح مع امي واختي حكا انو م بأمن عليي يتركني عند خواتي لاني كتير عصبية وبخاف اعمل شي اللهم بغيابهم على قد ما انجرحت بحياتي على قد م بكيت بحياتي واتمنيت الموت ع قد م فكرت بالانتحار على قد ما انقهرت واتوجعت بحياتي كلها وانخنقت وانقهرت بدنيتي كان هالشي اكتر شي مظلم وقاسي انحكى الي بحياتي خصوصا انها طلعت من بابا اتعودت ه كره ماما وخواتي الي وظلمهم الي واستفزازهم الي وقهرهم الي بعرف ومتاكدة من عدم محبتهم الي كان اللي يعيني عالحياة صداقتي مع بابا وأخوي محمد .مع اني مدللته وكل العيلة بتعرف اني المفضلة عنده حتى زمان بس كانت خالتو الله يرحمها عايشة وبس كنت اروح عندها كان يحكيلها خدي اي بنت عندك بس خليلي شهد هي الوحيدة اللي بتسهر معي وما بحب الا قهوتها والوحيدة اللي بتصحيني عصلاة الفجر يمكن كلام ماما وخواتي أثروا عليه ما بعرف ليه هيك حكي كتير مخنوقة الله يرحمك يا خالتو كنت الوحيدة اللي شايفاني عحقيقتي ما حد فهمني بالدنيا غيرك ولا حد عاملني بالحب اللي بستاهلو غيرك انتي ليه رحتي ليه تركتنيني اشتقت لحنانك ...اشتقت تحضنيني اشتقت تحكيلي يما يا الله شو اشتقتلك انا ككككككتير بحاجتك زوريني بالمنام الليلة اشتقتلكككككككك |
رد: انثى معجونة ب ماء الحب
اللي بمر ع حزنك مرور الكرام
وما بترك وراه اي كلمة مواساة اتاكد تماما انو مااااااااااااااا بحبك |
رد: انثى معجونة ب ماء الحب
من اول ما بدا هالشهر
وانا حاسة بضيق وخنقة وغصة كمان 15يوم تحديدا بصير بدو يمر سنة ع وفاة خالتي الله يرحمها كانت اليوم ماما ترتب مع خالتي التانية واخوالي مشان نعمل سنوية لخالتو الله يرحمها نتجمع ونقرا ختمة قران ونعمل اكل ونوزع عن روحها تفاصيل مرضها محفوووور براسي حفر ولا اي تفصيل وقت كنت ازورها بالمستشفى عم يروح من عقلي وقلبي وذكريات اخر يوم شفته فيها عم تحرق قلبي حرق ما كنت اعرف انو حيكون اخر يوم الي معها بس انا حسيت وحياة الله حسيت كان الها شهرين بالمستشفى شهرين قضتهم بال icu كانوا يمنعوا عنا اي حد ينام عندها بس كانوا يسمحولنا بالزيارة من الصبح للساعة تسعة ونص بالليل .مع انها كانت بال icu بس ضحكتها ما كانت تفارق وجهها رغم الوجع الكبير اللي كان يوكل جسدها يمكن كانت غلطتنا انو خبينا عليها انو الكانسر اللي شفيت منه قبل تلات سنين رجع بكل شراسة وانتشر بالكبد بشكل سريع هي م كانت تعرف كانت تحكيلي يا شهد بدي تروحي عداري انتي وخواتك وتنزلولي البرادي واغسلوهم مشان بس اطلع كانت تحكيلنا انا ما فيني شي صح كانت مفكرة انو هي بالمستشفى مشان الاصفرار اللي كان معها .كانت تحكيلنا رح اطلع قبل رمضان صح كانوا الدكاترة مفهمينا حقيقة وضعها الصحي تماما كنت كل مرة اروح فيها عندها تستقبلني بضحكتها الدافية وحضنها الحنون وكل ما يسؤلوها الممرضات مين هدول اللي عندك تطلع عليي انا وخواتي وتبتسم ابتسامتها الحلوة وتحكي بصوت بفوح منه الحنية دخول بناتي .ما كانت تحكي انو نحنا بنات اختها كانت بس تشوفني تمدلي أيدها مشان امسكهم واضل ماسكة بايديها طول فترة الزيارة .الأربع ساعات أو الخمس ساعات اللي كنت اقضيهم عندها كنت طول الوقت واقفة عرجلي ماسكة ايديها وما افلتهم ابدا حتى وقت تنام ما كنت أفلت أيدها اخر مرة رحت ازورها كانت تعبانة ككككككتير كانت موجووووووووعة ككككككككككتير وقتها بتزكر اني طلعت من الغرفة خمس مرات اعيط لانو حسيتها بتودع قلبي قبضني ما قدرت اشوفها وهي عم تتوجع بس سلمنا عليها انا وماما واختي وحمود حكينالها بكرة منرجع نشوفك كانت آخر كلمة حكتلنا إياها والله بتزكر سلمولي ع هشام اللي هو بابا لما روحنا سألنا بابا كيف خالتكم رديت بيني وبين نفسي خالتو بتنازع غصيت كككككككتير مو قادرة اكمل الله يرحمك يا خالتو الله يرحمك يا امي ايه كنتي امي واحن إنسانة بالدنيا عليي حتى صوري وانا وبيبي وانا صغيرة كانت بحضنك انتي يا حبيبتي يا الله شو اشتقتلك يا خالتو يا الله شو نفسي ازور قبرك يا الله شو ندمانة اني ما ودعتك اكتر شي حارق قلبي انك رحتي وكنتي لحالك ما كنا حواليكي الله يرحمك يا روح روحي |
رد: انثى معجونة ب ماء الحب
لقد كان فراقاً عادياً يزول أثره مع الوقت أو لايزول ،
لكن السؤال الذي يؤرقني دوماً محاولاً طرده من رأسي : كنتُ دائماً أضيئك،كيف استطعت إطفائي؟" |
رد: انثى معجونة ب ماء الحب
لِمَ لمْ تُعاتبهم هذه المرَّة كعادتِكَ؟
فأقولُ لكَ: كنتُ أعاتبهم لأني كنتُ أريدُ أن أبقى! أما الآن فقد اكتفيتُ وأريدُ أن أغادر، وأنا حين أُغادرُ أقفلُ الباب خلفي بهدوءٍ وأمضي.... يُصبحُ المرءُ بارداً لشدَّةِ ما احترقَ |
رد: انثى معجونة ب ماء الحب
الي فترة مو منزلة مواضيع وحابة انزل تحليل جديد
لهيك عم بلعب اختبارات تحليل شخصية مشان اعتمد موضوع حلو ومناسب لادرجه هون من بين الاختبارات اللي عملتها اختبار بعنوان شو هي القصيدة اللي الفها نزار قباني من اجلي وهيك نتيجتي طلعت يبدو أنكِ إمرأة صبورة جداً في حبك , وتتحملين الكثير من الحماقات والتفاهات فقط كي يظل حبك ساكناً ولا تتخلي عنه بسهولة لذلك قال عنك نزار قباني وغني إليك كاظم الساهر :ff1 (152)::ff1 (152): " يا إمرأة أعطتني الحب بمنتهى الحضارة وحاورتني مثلما تحاور القيثارة تطير كالحمامة البيضاء في فكري إذا فكرت تخرج كالعصفور من حقيبتي إذا أنا سافرت تلبسني كمعطف عليها في الصيف والشتاء أيتها الشفافة اللماحة العادية الجميلة أيتها الشهية البهية الدائمة الطفولة " :393: |
رد: انثى معجونة ب ماء الحب
تجربتي الجميلة لاحد مواضيع وايت المميزة
للي بدو يتسلى هي الرابط منقول من موضوع وايت https://www.bing.com/images/create?FORM=GENILP غرفة احلامي https://scontent.famm10-1.fna.fbcdn....ZA&oe=65FED6A2 https://scontent.famm10-1.fna.fbcdn....wQ&oe=65FEE6A4 https://scontent.famm10-1.fna.fbcdn....Ig&oe=65FEE093 https://scontent.famm10-1.fna.fbcdn....ng&oe=65FEE364 بيت احلامي https://scontent.famm10-1.fna.fbcdn....TQ&oe=65FEDBAD https://scontent.famm10-1.fna.fbcdn....bA&oe=65FF08B9 https://scontent.famm10-1.fna.fbcdn....sw&oe=65FEF73E انا وشخصي المفضل https://scontent.famm10-1.fna.fbcdn....vg&oe=65FEEEEA https://scontent.famm10-1.fna.fbcdn....fg&oe=65FF0DB2 |
رد: انثى معجونة ب ماء الحب
بطتك الشلبية يا خالتو صار اب وجاب توام اولاد
وبطتك الشلبية التانية يا حبيبتي صارت عمة من اول ما بابا صار جد وماما صارت تيتا وانا صرت عمة وحمود حبيبك صار عم وابو هشام أجاه توام وانتي ما بتروحي من بالي عشتي عمرك مستنية هاي الفرحة تحملي اولاد ابو هشام بين ايديكي كنتي اكتر حد بتشاركينا فرحتنا ما كنتي خالة كنتي امي وصديقتي واختي وحافظة أسراري كنتي الحضن الحنون اللي بنسى فيه قسوة الدنيا امبارح جتيني بمنامي حضنتك بكل قوتي يا خالتو وبككككككيت وبكيت كككككككتير وانا حاضناكي شكلو قلبك حسك انو في عنا شي اأأااااخ يا خالتو شو انو فراقك موجع قلبي وروحي تتخيليش شو اشتقتلك اشتقت اضحك معك اشتقت تحضنيني اشتقت تبوسيني اشتقت اتطعميني بايديكي وشو اشتقت تحكيلي (سمايل يما)ههههه كنتي دائما تحكيلي هيك وقت تشوفيني معصبة الله يرحمك يا روح روحي الله يرحمك يا حبيبتي |
رد: انثى معجونة ب ماء الحب
هاي اول عيد بحياتي بمر عليي
وماما بعيدة عنا لما بابا حكي معها اليوم صار يعيط ههههههه وما قدر يكمل المكالمة ونادى ع اختي مشان تكمل مع ماما بعدين حكي معها بس قدر وعيدنا هالمرة عيدين بوجود اولاد اخوي حبايبي هشام والبراء :11::11::11: الف الحمد لله والشكر الك يا رب والله يرحمك يا خالتو ويسكنك فسيح جناته اي فرحة بحسها ناقصة بدون وجودك اشتقتلك يا حبيبتي زرتيني الليلة بالمنام :11: |
رد: انثى معجونة ب ماء الحب
مع اني ما بتابع مسلسلات ب رمضان
بس هالسنة لفتت نظري مسلسل يمكن لانو مسمين ممثلة بالمسلسل ع اسمي الحقيقي فكرت دورها ثانوي بالاول هي شابة غنية وطموحة وطيبة وفخر لاهلها والكل بحبها لطيبتها مرت الايام وحبت شخص(بطل المسلسل) كانت جريئة واعترفت اله بحبها (منطقها بشبه منطقي بهالمطرح هههه) لكن الشاب كان قلبو معلق ببنت تانية ورفض حبها ومو بس هيك صارحها انو بحب واحدة تانية ورح يتزوجها وانسحبت من حياته لكن بتدور الايام وبتصير احداث كتير وبتتغير موازين كل الاشياء حبيبته بتتخلى عنه باكتر وقت هو محتاج الها وما بتمسك فيه الا هالانسانة اللي حبته بس تشوفه وحيد والكل اتخلى عنه بتروحله وبتدعمه وبتوقف جنبه وبتسنده وبتطلعه من حالة اليأس اللي عاشها ومرته ما بعرف ليه بحكي هالقصة هههه بس هالمسلسل اعطاني شوية امل حبك ل حبيبك خوفك عليه وقوفك معه عالمرة قبل الحلوة ممكن يغير احساسه تجاهك مع الايام ممكن بعد ما رفض حبك يحس فيك .يحس اديش قيمته عندك كبيرة يحس اديش انت بتحبه فعلا المهم المسلسل كان لزيز ونهايته عسل وكتير اتفائلت فيه ههههههههه :ff1 (43): |
رد: انثى معجونة ب ماء الحب
فهمت كل شيء
كل شيء عدا مشاعرك تجاهي احياناً تهتم بي الى ان ارى الحياة ضياء ثم تتغير على حين غفلة وتتجاهلني كيفما تشاء مرة تسأل عني وعن احوالي واخرى تقطع فيها الحديث معي الى ان اشك باني فعلت شيئاً لك يُساء تارة تعاملني وكانني العالم بالنسبة لك وتارة تشعرني انني في حياتك العدم انت لا تعلم عمق الألــــــــــــــــــم ان تترك انسانا تائها بين شعورين لا اعلم ان كنت في حياتك كل شي او اللاشيء يليه احبك نعم لكن سيأتي يوم يعلو فيه صوت كرامتي على صوت حبي وعندها لن اعــــــــــــود |
رد: انثى معجونة ب ماء الحب
كنت عم تابع يمدونة متأمل
ولفتت نظري تدوينة كتير جميلة وحبيتها بتقول: ليست هناك كراهية هناك قوة دفع نحو الانعتاق بلمسني اي شي بحسه بيشبهني أو بشبه حالة معينة بمر فيها وانا وصلت لهاي المرحلة تحديدا كراهية ابدا ما حتكون اولا لانو اللي بحب بجد مستحيل يكره وتاني شي ما فينا نكره انسان لانو ما بادلنا مشاعرنا هو مالو سلطة ع قلبه ليتحكم فيه حتى نحنا بوقت من الأوقات تجاهلنا حب أحدهم النا لنفس السبب انو قلوبنا مالنا سلطة عليها الحب لازم يموت عند تكبر الآخر حبنا لشخص معين لازم يندفن وقت رفض الاخر النا ومن الغباء نضلنا نجري ورا وهم مش كراهية لكن صار وقت الانعتاق فعلا والتحرر من هالحب اللي ما جاب غير النزيف ووجع القلب |
رد: انثى معجونة ب ماء الحب
لسا بحبك
لسا بحسك انا محتاجلك نفسي اضمك بس انااااااا قلبي شايل منك مش قادر يسامحك كل ما اجي اصالحك الاقي قصادي جرحك حبيبي نفسي احكيلك نفسي اشكيلك عللي تاعبني منك ...ليك قلت أنا ح ابعد مش قادر ابعد نفس ارتاح ف حضن عينيك بس اناااا قلبي شايل منككككگ مش قادر يسامحككككگ |
رد: انثى معجونة ب ماء الحب
لكل إنسان فينا قدرة معينة عالتحمل
قدرة معينة من العطاء حبيت انسان وكانو قطعة من روحي خفت عليه وكانو ابني بخاف من حزنه .بخاف من وحدته بخاف من صمته كنت اتقرب منه دائما لاشيل همه لاسمعه .أفهمه .اكون اله إنسانة جنبه تعينه ع تعبه .تواسيه وقت حزنه تشيل كل همه لا طالبت كون صديقة أو حبيبة فقط إنسانة حست بحزن انسان أنا إنسانة بعنيني حزنك ما بحب اشوفك حزين أو وحيد أذنبت بهالشي ...كفرت ؟؟؟؟ بس انا اليوم تعبت تعبت . اصعب شي بالحياة تحب قلب حجر أو بالاصح تحب قلب ميت |
رد: انثى معجونة ب ماء الحب
|
رد: انثى معجونة ب ماء الحب
يوجد ألــــــــــــــــــــــــــــــم غير معقول في قلبي
|
رد: انثى معجونة ب ماء الحب
يا لي من سيئة الحظ يا الله
|
رد: انثى معجونة ب ماء الحب
والله ماأذيناهم بشق تمرة.... ولكنهم اذونا بحجم الكون..!!
#ثم______ماذا لم أتجاوز وأيضًا لم أتأقلم مازلت ابكِي على نفس الشيء كل ليلة...!! |
رد: انثى معجونة ب ماء الحب
يا الله شو اشتقتلك يا خالتو
يا الله شو اشتقت لضحكتك الدافية شو اشتقت تحضنيني شو اشتقت تحكيلي (سمايل يما سمايل) شو اشتقت اصحى ع بوسة منك وتحكيلي بصوتك قومي افطري معي يما انا فقدت امي بموتك كنتي انتي وبس امي كنتي الوحيدة اللي حبتيني بالدنيا والوحيدة اللي بتحني عليي ليش تركتيني لحالي وسط اهلي اللي بيكرهوني يا رب انا مش قادرة اتحمل ظلمهم وكرههم يا رب ريحني وخدني منهم لعند خالتو يااااا رب الله يرحمك يا حبيبتي الله يرحمك |
رد: انثى معجونة ب ماء الحب
التلاتة الوحيدين اللي الهم مكانة بقلبي
بابا وأخوي محمد وابن اخوي هشام وباقي كل الناس اكست عليهم اما حبيبتي خالتو الله يرحمها متربعة بقلبي لاخر يوم بعمري اشتقتلك يا حنونة |
رد: انثى معجونة ب ماء الحب
عدنا والعود احمد
:174: أنا لم أفعل شيئًا ضارًا بأحد ، لم أبتعد يومًا عن أحدٍ إلاّ وقد فعل شيئًا يستحق أن يُستبعد من أجله، ولم أفلت طوال حياتي يدًا شدّت على يدي كلّ الذين ما عادوا معي هم أوّل من تخلّوا. وما كنتُ أبدًا لأفعل هذا بإنسانٍ أحبّني .. تمثلني حرفيــــــــــــــاً |
رد: انثى معجونة ب ماء الحب
رحم الله ملامح لا تغيب عن البال
اللهم إن عيني اشتاقت لرؤيتها ومسمعي حن لسماع صوتها ربي إنها أعز وأغلى ما فقدت ف أكتب لنا لقاء في جنتك اللهُم ارحم من مات بالدنيا ولم يمت في قلبي اللهم وسّع قبرها بنعِيم لايفنى واغفر لها السنة التانية لوفاة خالتي الغالية في مثل هذا اليوم رحلت الى وطن النائمين طويلا بات كل شيء مختلف منذ رحيلها ربي اجعل مقامها في الفردوس الأعلى عدد ما نبض قلبي شوقا لها اللهم ارحم من أغلقت عيناها ورحلت عنا اللهم لا تطفئ نور قبرها و اجعله اجمل مسكن تغفو به عيناها اللهم ارحمها رحمة واسعة واسكنها فسيح جناتك واغفر لها ما تقدم من ذنبها وما تأخر وارزقها اللهم الفردوس الأعلى اللهم اغفر لها و ارحمها و عافها و اعف عنها و أكرم نزلها اللهم اجعل قبرها روضة من رياض الجنة يا رب العالمين :140::140::140: |
رد: انثى معجونة ب ماء الحب
المشاعر التي غيرها الإدراك
لا تعود المدرك لا يعود لا يعود ابدا قرءت هالاقتباس بأحد المواضيع هون وكتير عجبني هالكلام وفعليا صار معي هالحكي وبامن فيه جدا كنت بحب انسان من طرف واحد قعدت سنة اعبرله كل يوم عن مشاعري حتى وإن كان هالشي غير مباشر بس هو كان يفهم عليي ما لاقيت غير الصد منه وبعد سنة كاملة وصلت لهاللحظة لحظة إدراك باني ماشية بطريق مسدود وانو هالحب دمرني وتعبني نفسيا بدرجة كبيرة وكان بايدي القرار اكمل بالطريق ولا أعمل خطوة تريحني من هالعذاب وبعدت عن المكان اللي هو فيه وعملت بالمقولة اللي بتقول اعتزل ما يؤذيك والحمد لله اتعافيت كليا كان باقي خطوة لازم اعملها ارجع لنفس المكان كرمال اختبر نفسي ومشاعري وايقنت وقتها انو المدرك فعلا لا يعود لا يعود ابدا الحمد لله ع نعمة النسيان والتخطي |
رد: انثى معجونة ب ماء الحب
قبل ٣٠ سنة
اتوفى عم الي بشهر رمضان ما كان فيه ولا اي شي .كان يومها سهران عند خالي وكان بابا معاه كل واحد روح ع بيته ومبسوطين .بعد ساعتين بالزبط وعالساعة ٢ ونص بالليل رن تلفون البيت كان صوت بنات عن يصرخوا ويعيطوا ما كنا فاهمين شو فيه صحيت يومها ع صوت عياط ماما وخواتي وقرايبنا اللي بالعمارة اللي عايشين فيها كان عمره ٣٧ سنة وترك خمس بنات أكبرهم بنت عمي بصف الثامن كانت والصغيرة كان عمرها شهور .كانت صدمة للكل خصوصا لبابا صديق عمره وأخوه ورفيقه عشنا عمر بحالو وبابا مش متخطي هالصدمة صحيح هو مؤمن ودائما راضي بقضاء ربنا وقدره بس الموت عزيز بطفي روح الواحد فينا وهداك اليوم سبب الي عقدة صرت اخاف من اي تلفون بساعة متأخرة ن الليل كنت كل ما يجي شهر رمضان احس انو رح يخطف حد قريب تاني من عيلتنا كرهت الأكلة اللي كنا طابخينها بهداك اليوم .لانها صارت مرتبطة عندي بحدث سيء وبعرف انو هالشي حرام بس هالخوف اللي سيطر عليي وقتها بأيام طفولتي بعدو. مرافقني لليوم مش بتخطاه وبرمضان هاي السنة تكرر السيناريو نفس الليلة اللي اتوفى فيها عمي قبل ٣٠ سنة اتوفى عمي الله يرحمه بذات الليلة ١٣ رمضان حتى بنفس الوقت الساعة ٢ ونص بالليل اجانا اتصال من ابن عمي بحكي لبابا انو عمي دخل بغيبوبة وانو الأطباء حكوا ما في امل وحكوا لابن عمي ازا بتحب تخبر اخوانه أو اي حد قريب يجي مشان يودعوه راح بابا ودعه وبعد ساعتين من وداعه اجانا خبر وفاته من وقت وفاة عمي الله يرحمه عايشة بحالة نفسية سيءة جدا صايرة افكر انو الموت لسا حوالينا لسا رح يخطف حد فينا ....الي اسبوع ما بنام من التفكير بذات الموضوع .مقهورة اني عم افكر هيك قلة ايمان الواحد هيك يفكر بس ما بعرف مالي اشي قابض عروحي ...خايفة كتير وطول الوقت صاحية وقلقانة وما عم نام صرت اخاف من اي حد بمرض عنا ولو حتى مرض خفيف . يا رب صبر قلب بابا يا رب صبر قلب زوجته وابنه يا رب رضينا بقضاءك وقدرك وسامحني يا رب بس الموت عزيز وشوفة الوجع والدموع بعيون الغوالي فوق طاقة تحملي |
رد: انثى معجونة ب ماء الحب
قبل كم يوم كنت كتير مخنوقة كتبت بمشاركة الي
نفسي ازور قبر خالتي الله يرحمها مبارح اجتني بمنامي يا الله شو متزكرة تفاصيل الحلم مع انو كان مخربش شوي . بذكر أنها أعطت بابا مصاري خمسين دينار وجابتلنا غدا واجت اتطل ع بابا لاننها سمعت انو مريض كنت بالمطبخ بعمللها قهوة فاتت عليي اختي الكبيرة واعطتني عشرين دينار حكتلي هدول من خالتو مشان عيد ميلادك. بعدين صرخت صرخة كتير كبيرة وصرت ابكي ككككتير واحكي ل اختي انا ما كنت اعرف انو خالتو ميتة هيها عايشة عايشة وموجودة عنا وطلعت من المطبخ وحضنت خالتو وضليت ابكي بصوت مسموع جدا وفقت وانا عهاد الحال بالعادة بس احلم فيها وفيق وتستوعب أنه مجرد حلم بضل ابكي بس اليوم اول ما فقت من النوم ابتسمت و حسيت براحة حسيت انو الحضن اللي كان بالحلم خفف ككككتير من اشتياقي ل حضنها الدافي خالتو الإنسانة الوحيدة اللي حضنتني بهالدنيي . بكل سلام كانت توخدني بحضنها الله يرحمها وتناديني بطتها الشلبية كانت الله يرحمها الوحيدة اللي حبتني بهالدنيي. كانت احن واطيب واكرم قلب بالوجود كلو ما بتزكر انو ماما أو حد من خواتي حضنوني شي نهار عنا عادات عجيبة وغريبة انا و عيلتي ههه المهم في حد فيكم بعرف سر حلمي المتكرر بالاموات؟؟؟ تيتيا الله يرحمها بعد ما اتوفت ب ٢٠١٦ كنت كل اسبوع الله يرحمها احلم فيها . وكذلك خالي الله يرحمه٢٠١٩.ومن بعده عمي الله يرحمه٢٠٢٠.وبنت عمي الله يرحمها ٢٠٢٠ خالتو الله يرحمها ٢٠٢٢ حتى خوالي الاتنين٢٠٢٥ وعمي ٢٠٢٥اللي اتوفوا هاي السنة حلمت بكل. واحد اكتر من حلم كل اسبوع الا ما اشوف حد ميت بمنامي او حتى اقل كل هول فقدناهم خلال سنين كتير قليلة الله يرحمهم جميعا ويسكنهم فسيح جناته ويعطي بابا وكل اهلي الصحة والعافية :549: |
رد: انثى معجونة ب ماء الحب
"تغضب كأنها ستدُمر كل شيء لكنها تبكي...تبكي فقط."https://static.xx.fbcdn.net/images/e...1/16/1f940.pnghttps://static.xx.fbcdn.net/images/e...1/16/1f494.png
|
| الساعة الآن 05:00 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2026 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~