|
رد: لبيه يالحد الجنوبي -بقلمي
البارت (32)؛
بالبيت- جوري:شجاع وين رحتوا وخالد وينه شجاع:جوري تعالي بقولك شي جوري:وش فيك قول صاير شي شجاع:جوري كوني قويه تركي اخوك جوري:شفيه تركي شجاع كان مع العيال شجاع:وهم تصرفوا صح وانقذوه جوري:وينه طيب شجاع:انطعن بذراعه والحين بالمستشفى جوري:وكيفه ومن معه شجاع:خالد معه بنروح وناخذ انوار جوري:متى نروح شجاع:بكره باذن الله جوري:ليش مش الحين شجاع:الحين تحت البنج بعده جوري:من معه شجاع:خالد عنده جوري:تكفى شجاع ماقدر أنتظر شجاع:جوري قلت بكره باذن الله يعني بكره -عَصّب جوري: ياربي رحمتك غنى:ماما بابا اول مره يعصب وحنا خفنا يوم خالو تعور جوري:بس انتو ياماما سويتو صح انقذتوه جنى:والله خفنا حيييل ياماما جوري:تعالو نروح عند خالتو انوار وخالتو نجد-شالت مطلق جنى:نواف نايف نمتو نايف:ماقدرت أنام غنى:وانت نواف نواف:حتى انا ابي اروح لخالو المستشفى-دمعت عينه غنى:نواف لا تبكي قلوبنا معه نواف:ايه والله نجد:جوري تركي شفيه جوري:انصاب بطعنه الله يقومه بالسلامة ان شاء الله نجد:خالد ماقالي ليش جوري:انا دريت من الصغار وشجاع معصب الله يعين نجد:قلقانه الله يستر بس-تتصل لخالد خالد:هلا نجيد تستاهلون سلامه تركي نجد:خالد طمني شلونه تركي خالد:بخير ابشرك الحمدلله لا تقلقون على وشك يصحصح نجد:كلمك شي خالد: لا بس يهذي. من البنج نجد:تكفى خالد بشوفه تكفى طلبتك خالد:ماقدر اخليه وارجع لكم بكرا باذن الله نجد:خالد طلبتك تجي خالد:ماقدر اجي يا نجد ماقدر صوت انين تركي؛؛؛؛ تركي:امممم خالد:تركي الحمدلله على سلامتك ياخوي تركي:ت ع ب ان وينهم الصغار خالد:بالبيت وهم اللي انقذوك تركي:هم بخير -بالم خالد:ايه الحمدلله المهم انت كيفك تركي:تعبان ويدي ثقيله خالد:من الضربه خيطو جرحك وجبسوها تركي:الحمدلله يوم الصغار بخير خالد:الحمدلله الحمدلله تركي:خالد امي شلونها خالد:بخير بس مادرت للحين وامي مزنه بعد تركي:انوار ابي اكلمها-يدق لاخته انوار:تركي وينك ياخوي انتظرتك ماجيت تركي:لا تخافين بالمستشفى انوار:وش تقول بالمستشفى شفيك تركي:صار حادثة بسيطه لا تخافين انوار:يعني انت بخير تركي شلون اجيك تركي:مايدخلو احد الا الصبح بأذن الله عندي خالد انوار:استودعتك الله انتبه لنفسك تركي:لا تحاتين ونامي عشان تقعدين معي انوار:ان شاء الله خالد:ريحت قلبك تركي:ايه والله عشان انوار ما تقلق خالد:أيه تمام ،،،. |
رد: لبيه يالحد الجنوبي -بقلمي
البارت(33)؛
بيت عساف- عساف:البندري تعبان حيل البندري:تمسح شعره-سلامتك يا عساف عساف: والله شايل هم بالبندري البندري:الحمدلله انه غادة بخير عساف:الحمدلله وينها جودي البندري:نايمة عند امها عساف:اجل بروح المستشفى دوامي شفت ليلي الى الصبح البندري:الله يحفظك بس تبي تشوفهم عساف:بروح اشوفهم لازم البندري:بتقرا لها عساف:ايه لانه خلصت القرايه عند الراقي البندري:الحمدلله عساف:الحمدلله-دخل لاخته غادة:هلا عساف تبي شي عساف: لا بطمن عليك قبل لا اطلع غادة: لا تحاتي عساف:برقيك غادة-بدا يقرا غادة:عساف يكفي وقف قراية عساف:البندري جيبي مويه البندري:لبيه ابشر-جابت مويه عساف:يقرا-غادة اشربي مويه غادة:ليه عساف:اشربي بسرعه غادة غادة:شربت المويه- عساف عساف:البندري السله بسرعه البندري:عساف هذي هي عساف:ان شاءالله ماعليها شر البندري:عساف ماني فاهمه ولا شي عساف:لا تخافين شيلي جودي بنروح البندري:وين عساف:المستشفى البندري:نمر عمتي صح عساف:لا ،،،،،،،،،،، عند تركي؛ خالد:تركي بشرني شلونك تركي:ابشرك طيب بس بعدني تعبان خالد:الحمدلله يوم انك بخير-هلا نجد نجد:خالد بشرني شلونه خالد:احسن الحمد لله بجيكم بسرعه نجد:جاهزين حنا شجاع راح مع جوري وانوار خالد:ايه احسن عشان اقدر اطلع لكم نجد:بانتظارك لا تتاخر خالد: لا تخافين هلا شجاع شجاع:هلا خالد ها بيطلع صح خالد: لا بكره باذن الله شجاع:انوار روحي عند تركي انوار:شايله مطلق-طيب تررركي تركي:هلا انوار شلونك انوار:الحمدلله على سلامتك خفنا عليك تركي:لا تخافي ابشرك اليوم احسن الحمد لله انوار:الحمدلله بتطلع تركي:بكرا باذن الله انوار:الحمدلله |
رد: لبيه يالحد الجنوبي -بقلمي
البارت(34)؛
بالمطار: راكان:سوزان بابا تعالي سوزان:راكان شوف هناك بندر صح راكان:ههههههه ايه بندر روحي له سوزان:بندر بندر احنا بنسافر بندر:هلا والله -يدور بها وين سوزان:بنروح مع راكان عنده شغل بندر:الله يحفظكم يابابا لا تصيرين مشاكسه طيب سوزان:طيب راكان:بندروش احوالك بندر:يختم الجوازات-ابشرك بخير الله يوفقكم راكان:والله ياخوي بشتاقلك بندر:استودعتك الله راكان:واياكم ان شاء الله-يلا سوزان اريام اريام:يلا-شالت سوزان راكان:نامت صح اريام:ايه احسن راكان:تعرفين وين بنروح اريام:لا وين راكان:بنروح لامي مزنه اريام:تدمع عينها-راكان صدق راكان:وه شفيك تدمعين اريام:دموع الفرح هههههه راكان:اسمعي ترا ماحد يدري اريام:ليش فيهم شي بسم الله راكان:اخو جوري ونجد في المستشفى اريام:الله يعينهم راكان:يعني منها نشوفهم ومنها نشوف امي مزنه فهمتي اريام:ايه راكان:هاتي سوزان عنك اريام:لا بتصحى خلها راكان:هههههه مبسوطه معك اريام:ايه ،،،،،،،،،،، بالمستشفى ؛ انوار:تركي شلونك تركي :انوار لا تروحين-يغمض عيونه انوار:تركي فيك شي تركي-تلمس راسه تركي:تعبان -يرتجف انوار:شجاع ياخوي ماعرف وش فيه شجاع:اقولك جيبي مويه وتعالي انوار:بس تركي يرتجف شجاع:مسخن لكذا يرتجف انوار:خايفه عليه شجاع:لا تخافي طبيعي لانه مسوي جراحه انوار:يعني مابيطلع صح شجاع: ايه عشان لازم يخف السخونه وبعدين يطلع انوار:تمسح على راس تركي-بسم الله عليك ياخوي تركي:بصوت متقطع-س ل ط ان س ل ط ان انوار:بسم الله عليك تبي شيء تركي:س ا ط ا ن خالد:انوار يقول سلطان نجد:وش يعني خالد خالد:يمكن يبي سلطان يجيه نجد:يمكن لا زم نكلمه خالد:ايه لازم من بيقعد شجاع:انا بجلس انتم روحوا انوار:انا مابروح تركي تعبان وانا ماقدر اشوفه كذا ،،،،،،،،،،،،،،،،، عند عساف:: جزاع:هلا عساف بشر شلونكم عساف:الحمدلله ابشرك بخير بس تعبت غادة البارح جزاع:وش سويت عساف:اللي قلتلي سويته رجعت قبل لا اجي اقرا لها جزاع:وعقب وش صار عساف:الله يكرمك استفرغت لذلك جبتها جزاع :زين سويت بعدك ارجع اقرا لها عساف:الحين قلق عليها جزاع:ماعليه لازم متابعه وفحوصات عساف:ايه اكيد جزاع:وش جديدك عساف:مثلما تشوف ياخوي الحمد الله جزاع:الحمدلله عساف بسمي عليك ان شاء الله عساف:ان شاء الله جزاع:وش فيك منت على بعضك عساف:ماعرف وش اسوي بجودي لانه فتره تنويم امها بتطول جزاع:جبها عندي عادي عساف:بشوف غادة يلا جزاع:يلا عسى ان شاء الله خير عساف: ان شاء الله البندري:بسم الله عليك غادة عساف:البندري قلقان البندري:بسم الله عليك شفيك وش طلع معها عساف:يتنهد-معها كانسر يالبندري البندري:عساف صدق عساف:ايه البندري:الله المستعان وش بتسوي عساف:بسافر بها وانتي معي البندري:طبيعي ماقدر اخليها عساف:ماعرف وشلون أقولها البندري:الله كريم عساف:والله خايف وان شاء الله خير ،،،،،،،،،،، |
رد: لبيه يالحد الجنوبي -بقلمي
البارت(35)؛
بالطائف- سلطان:بصوت نايم-هلا انوار اخباركم انوار:سلطان بتجي سلطان:وين وش فيكم انوار:بالمستشفى تركي تعب علينا بيدخلونه العنايه سلطان:يرمي اللحاف-العنايه ليششششششش انوار:تعال وبتعرف وخبر سعود سلطان:طيب طيب يلا سعود:مانمت سلطان سلطان:تجهز بنروح بسرررعه تركي بيدخلونه العنايه سعود:وش ليششش سلطان:مادري بسررررعه بس سعود:يلا يلا سلطان:خايف سعود سوق انت سعود:طيب ،،،،،،، بالمستشفى ؛ غادة:عساف جودي صوت الباب-عساف:هلا غادة شلونك غادة:طلعني عساف أبي العمره عساف:ابشري ان شاء الله بوديك اهدي بس غادة:عساف جودي بخير عساف:اخذتها لبيت عمتي ام فهيد غادة:ليش عساف عساف:احسن لها من قعده المستشفى غادة:عساف صاير شي صح اكيد الوليد فيه شي عساف: لا بس تعبتي شوي غادة -يناظر البندري البندري:شفيك عساف عساف:تعالي شوي غادة برجع لك البندري:عساف فيك شي عساف:خايف يصير شي لغادة البندري:لا تحاتي لازم تدري عساف: خلاص خليني أنتي معها البندري:خلاص تمام عساف:غادة بقولك شي غادة:ايش في عساف عساف:بنسافر قريب للعلاج غادة:مابروح بدون جودي عساف: لا تخافي جودي بعد. ،،،،،،،،،،،،،،،،،،،،، بجناح تركي ؛ انوار:تركي انت بخير تركي:يحرك راسه-تعباااان انوار انوار:اسم الله عليك تركي:انوار بموت انتبهي على نفسك انوار: لا تقول كذا -تشاهق شجاع:انوار وش فيك ليش تبكيين انوار:تركي ماهوبخير يقول بموت شجاع: لا تخافين بينقلونه العنايه انوار:ليش شجاع ياخوي ليش شجاع:بسبب الحرارة يا انوار بيحطونه في الملاحظة انوار:يعني عنايه صح شجاع:عنايه صغرى بس ؛؛؛؛؛؛؛؛؛ بالمطار- سعود:سلطان برجع سلطان: لا والله سعود:هونت ما بروح سلطان:ماهوب كيفك تخليني بروحي سعود:قلبي مايقوى ياخوي اخاف سلطان:تخاف ههههههه انت ياسعود سعود:خايف على تركي سلطان:ايه والله-هلا انوار انوار:سلطان عجل ياخوي وينك سلطان:وش فيك وينك انوار نفس المستشفى اللي قبل صح انوار:ايه اللي كان نوافي فيه بالضبط سلطان:خلاص جايكم ومعي سعود انوار:بسرعه لانه بينقلونه العنايه الصغرى سلطان:زاد به شي انوار:الحرارة ارتفعت معه لكذا سلطان:عسى خير باذن الله انوار: لا تتاخرون سلطان: لا لا تونا طالعين جايينكم ،،،،،،،،،، |
رد: لبيه يالحد الجنوبي -بقلمي
البارت(36)؛
وصلوا سلطان واخوه- انوار:سعود سلطان توهم بيطلعونه سعود:ماعليه شر إن شاءالله -يمسح دموعها انوار:سعود كان يقولي بموت سعود:من الحراره كان يهذي يمكن ان شاءالله ماعليه شر سلطان:يارب عفوك انوار امي شلونها جت هنا انوار:ايه جو وراحو سلطان:شرايكم انتي وسعود تروحون سعود:وين نروح سلطان:البيت عند امي والبنات سعود:يلا انوار بوصلك انوار: لا مابروح سلطان:انوار روحي. للبيت ارتاحي انوار:مش قبل ما أشوف تركي سلطان: لا انوار مابيدخلونا الحين يلا روحو سعود:يلا انوار الصبح بنجي له انوار:تناظر الشباك-استودعتك الله سعود:خير من استودعتيه ،،،،،،،،،،،،،،، بالبيت ؛ نجد:جوري وش رايك جوري:في شنو هههههه نجد:نروح لتركي جوري:مدري نجد نجد:شلون ماتدرين جوري:تعالي شوفي-تناظر الشباك نجد:هذا سعود وانوار شفيهم جوري:الله يستر نجد:جوري باخذالصغار واشيل مطلق جوري:ماما غنى روحوا عند نيوف ونواف انتي واختك غنى:طيب ماما دخل سعود-انوار خفي على روحك ياقلب اخوك جوري:شفيها ياسعود سعود:من دخلو تركي العنايه وهي تبكي جوري:طيب شلونه تركي سعود:ان شاء الله بخير جوري:يارب بترجع سعود:لا الصبح بيرجع سلطان وانا بروح ،،،،،،، بالمستشفى ؛ عساف:غادة انتي تحبين الله صح غادة:صح وينها جودي عساف:نايمه عند عمتي ام فهيد بيجيبونها غادة:عساف طلعني عساف:ماقدر ياغادة أخاف تنتكسي غادة:وش يعني عساف:يعني ترجعي تتعبي -هلا فهيد فهيد:هلا عساف أقولك عندي قمورة تبيك عساف:عمتي معك فهيد:لا كلنا جايين عساف:ههههههههه طيب وينكم فهيد:لا تجي حنا جايين عساف:ههههههههه شفتك خلاص شفتك فهيد:ههههههههههههه شفيك تضحك بشرني شلونها عساف:ماعليها الحمدلله فهيد:الحمدلله والله ياخوي خايف عساف:ليش فهيد:بسبب جودي امس كله تصيح وتدورها عساف:طبيعي مش متعوده تفارقها ….. |
رد: لبيه يالحد الجنوبي -بقلمي
البارت(37)،
بالمطار، راكان: اريام هاتي الملحف_يغطي سوزان اريام:اشيلها عنك راكان:لا خليها ماصدقت تنام بنروح اريام : وين بيت شجاع وخالد صح راكان: ايه مارح نخبرهم ههههه اريام: ههههه تتوقع بيفرحون راكان: اكيد طبعا امسكي… يدخل الشنط اريام: خلصت راكان راكان: خلصت تبين شي اريام : بس شنطه سوزان راكان: تصدقي شايل هم كبير اريام: الله يكفينا الشر ليش راكان: تركي ولد عمتي اريام: انوار والله شايله همها ياراكان راكان: المهم نروح شقه وعقب نروح لهم اريام:ماعرف والله راكان: مشينا _اوص اريام هذا شجاع يتصل اريام:بتقوله راكان: ايه _هلا شجاع شلونك شجاع: ابشرك بخير وينك راكان: توني واصل عندكم شجاع: البيت بتروح راكان: ايه معي اريام وسوزان شجاع: انتبه للطريق راكان:لا تخاف بروح شقه والصبح اروح البيت شجاع:لا راكان صعب تكون لحالكم يلا روح البيت راكان: اللي تبي ابشر- يناظر اريام اريام:شفيك مارضى راكان: ايه مارضى بنروح البيت اريام: ايه ابي انوار راكان:بقولك شي بس لا تعلمين احد اريام: شدت على يده- وش فيك راكان:بتزوج ههههه اريام:اكيد انوار صح راكان:ان شاء الله اريام:حماس هههههه راكان:عسى خير ان شاء الله ؛؛؛؛؛؛؛؛؛؛؛؛ بالبيت ؛ سعود:انوار قومي يلا انوار: سعود و ش في سعود:كلي يلا ما كليتي شي وانا مالي خلق حتى اكل بدونك انوار:بنروح سعود:اذا كلتي وما بكيتي بنروح يلا انوار:والله اني افكر بتركي سعود: قلبي معه يلا كلي-يصب الحليب يلا انوار انوار:مالي نفس ياسعود سعود:لا بتاكلين …هلأ سلطان سلطان:هلا سعود شخبار انوار سعود:ماعليها مش راضيه تاكل سلطان :لا بتأكل لاتتاخر طيب سعود:طيب شخبار تركي سلطان: إن شاء الله بيفيق سعود: ان شاء الله ،،،،،؛؛،، وين التفاعل عشان الحماس |
رد: لبيه يالحد الجنوبي -بقلمي
<= جاي عن طريق صندوق المحادثات
الجوري ماشاءالله الموضوع واصل 37 بارت يبي لها مخمخه شوي عشان القراءه مااحب اقراء ع السريع لازم اركز وان شاءالله لي باك لاحقاً ويعطيك العافية وماقصرتي تحياتي |
رد: لبيه يالحد الجنوبي -بقلمي
• . أكملي يا جوري :87: . |
رد: لبيه يالحد الجنوبي -بقلمي
مبدعه ياجووووري وبقووووة
اهنيشششش وانا اول اداعمين لش استمري يالغلا بقلمش حبيت الروايه من عنوانها :lo2: شويات بقراهااااا البارتات ...:10ل0: |
رد: لبيه يالحد الجنوبي -بقلمي
البارت( 38)؛
بمعسكر التدريب … سفيان: الوليد متحمس ههههه الوليد: هههههه جدا من قلب سفيان:بس كانك مش على بعضك تفكر وصامت الوليد: ايه افكر ياسفيان بجودي سفيان: منهي جودي من قرايبك الوليد:لا قطعه من قلبي ووحيدتي سفيان: تشوف خوانها ان شاء الله الوليد: ان شاء الله القائد فارس: يلا شباب وقت التدريب الوليد: كتب لغادة _ استودعت الله فيكم دعواتكم غادة: الله يحفظكم وييسر مهمتكم ودعناكم الله البندري: زين رجعت الضحكه الحلوة الحمدلله غادة: اشتقت له يالبندري البندري:الوليد الله يحفظه غادة: ايه البندري احس انه عساف مخبي شي البندري:لا من قالك عساف يفكربك بس وباله مشغول عليك غادة:تضغط على كليتها-البندري اممم الم قوي البندري:بسم الله عليك شفيك-ترن الجرس عساف:وش صار البندري البندري :شايله جودي-مادري بس تتالم بقوه عساف:عبير مسكن بسرعة غادة لا تخافين-يضربها الابرة(عبير الممرضة ) غادة:عساف الالم مش طبيعي اول مرة كذا يصير عساف:طبيعي غادة لا نك ما تشربين مويه صآرلك كذا غادة:بطلع صح عساف:لا بنروح غسيل كلى غادة:عساف وش تقول مافهمت عساف:غادة حبيبتي انتي معك فشل كلوى بس ان شاء الله بتتعافين غادة:والله توني اقول للبندري عساف مخبي عني شي عساف:خفت عليك لكذا المهم انك بخير غادة:عساف الوليد وش بتقوله عساف:مصيره بيدري…… عند الوليد … سفيان:الوليد المعنويه كيف الوليد:توب التوب الحمدلله سفيان: مشتاق لاهلك الوليد:للمشاكسه ههههههه سفيان: الله يخليها لك ان شاء الله الوليد: ان شاء الله القائد فارس: العزيمه قويه بإذن الله للوليد: باذن الله ها سفيان سفيان:على قولتك توب التوب هههههه الوليد:ههههههه ان شاء الله ،،،،،،،،،،،،،، |
رد: لبيه يالحد الجنوبي -بقلمي
البارت(39)؛
بالمستشفى تحديدا جناح تركي… سلطان:تركي تسمعني يخوي تركي:يحاول يفتح عيونه-صوت انين سلطان:تركي شد على يدي تركي: ا ن و ا ر…يحرك راسه سلطان:انوار بخير بس تعبانه عشان تعبك تركي: ان و ا ر ج ي ب ه ا سلطان: ان شاء الله المهم سلامتك ياخوي تركي: ابي انوار …يتسارع تنفسه سلطان:خلاص تركي لا تتكلم عشان جرحك-يمسح راسه تركي:غفى-ينادي انوار انوار سلطان:بسم الله عليك ياخوي -طلع هلا سعود سعود:هلابشر شلونه تركي فاق سلطان:الحمدلله وتكلم بس ينادي انوار سعود:انوار تكسر الخاطر ياسلطان بس تصحى وتبكي وتنام سلطان:لا حول ولا قوة الا بالله ابيك تجيبها سعود سعود:يقول الدكتور هذي حاله انهيار لانها تعبت من تعب تركي سلطان:انت وين بنفس المستشفى سعود :بالطواري من البارح سلطان:تنومت يعني سعود:كنا بالطواري ونوموها سلطان:طيب كنت كلمتني الله يهديك سعود:والله ماعرفت وش اسوي سلطان:خلاص. تعال لي عند تركي وانا بروح سعود:انوار مامعها احد سلطان: يعني امي مش معكم سعود:لا تعبت واخذتها ماكان فيه احد سلطان:طيب اسمع سعود روح لتركي انت وانا بجي لانواربتطلع هي سعود:ايه ان شاء الله سلطان:يلا جاي ……………… بالبيت ؛؛؛؛؛ نجد:يمممه ام سلطان:يمه شفيك نجد:يمه بموت الم يروح ويرجع يروح ويرجع ام سلطان:بسم الله عليك نفس اللي جاك يوم جو نايف واخوه نجد :يمه بس اقوى من اول ام سلطان: بنطلب الاسعاف-يمه جوري اطلبي الاسعاف جوري:لبيه يمه وش فيه ام سلطان:اختك بتولد الله يسهل جوري:اروح معها يمه ام سلطان: لا والصغار وامي مزنه جوري: نكلم العيال ام سلطان: لا يمه بعدين نكلم اخوانك جوري:خلاص يمه روحو الله يسهل ام سلطان:يلا يمه نجد نجد:تتصل لخالد-بروح المستشفى خالد خالد:متى بتروحين فيك شي نجد:تعبانه وشكلها ولادة خالد:انا توي وصلت يلا يلا نجد:خالد جو الاسعاف خالد:خلاص اجيب خالتي واجي نجد: لا امي معي بس تعال انت خالد: لا تخافي بجيك نجد: ان شاء الله …… |
رد: لبيه يالحد الجنوبي -بقلمي
البارت(40)؛
بجناح الولادة 0000 صوت المغذي…. خالد:نجيد أنتي بطله وبتمر سهالات نجد:ان شاء الله خالد عيالي امانتك خالد: لا تخافين مابيصير الا الخير نجد:خالد تسمع صوت ههه خالد:تذكرين نفس الشي يوم نايف ونواف نجد:تتالم-خ ا ل د بيسوو عمليه صح خالد: لا احتمال بس نجد:قلق خالد: لا لا تقلقين -ضغط يدها نجد:خالد ماعاد اتحمل لانه الالم يزيد خالد:بسيطة ان شاء الله نسيتي يؤم نيوفي واخوه نجد:تتألم-خالد تعباااانه ماعاد اتحمل خالد: لا تخافين تنفسي تنفسي يلا نجد:بترجع خالد:ايه نجد:خالد الالم يزيد خالد:ماعليه هانت هانت هههه تذكرين نفس الموقف كاني اشوفهم قدامي نجد:منهم نيوفي واخوه خالد:بالضبط مررره الدكتورة:مبرووووووووك لاحلى ام نايف خالد:وش جابت الدكتورة:بنوته قمر ماشاء الله نجد:تشاهق-خاالد لا تروح خالد:مابروح بقعد لين ينقلونكم الجناح نجد:وش بنسميها خالد:حزري وش نجد:ماعرف خالد: س ا ر ه نجد:ساره خالد:ايه نجد:الحمدلله خالد:شفتي الله عوضنا بساره نجد:الحمدلله خالد:الحمدلله الدكتورة:بننقلهم الجناح يومين ويطلعون خالد: باذن الله نجد: لا تروح خالد خالد:انوار بتجلس معك نجد:ان شاء الله طلع خالد شجاع:شلونها أم نايف خالد:جت سارة ياشجاع الحمدلله شجاع: قرت عينك الحمدلله خالد:الحمدلله جوري :يصير ندخل معها صح خالد:بيطلعونها الجناح شجاع بنمشي شجاع:اصبر بنشوف بيبي سارة خالد:الحمدلله …… بجناح تركي تركي:س عود سعود:لبيه الحمدلله على سلامتك تركي:الله يسلمك بنطلع سعود:مابعد جا الدكتور تركي:وين امي سعود:امي عند نجد تركي:ولدت صح سعود:جت سارة الحمدلله تركي:الحمدلله سعود:شوي تركي واجيك-هلا سلطان سلطان:هلا سعود بشرني شلونه سعود:يبي يطلع ابشرك بخير شخبار انوار سلطان:ماعليها الحمدلله بيطلعونها سعود:سلطان انوار فيها شي صح مخبي علي سلطان:لا مافيها شي _جلس جنبها لا تناظري الابره بيفكونها انوار:دمعت عينها-سلطان توجعني سلطان: لا تناظرينها خلاص بنروح لتركي بيطلع بعد انوار:امي وينها سلطان سلطان:امي عند نجد بنسوي لها مفاجاة انتي وتركي. هلا سعود بيطلع سعود:ايه ههههههه المهم بتروح البيت انت سلطان:لامفاجاه لا تخبر تركي سعود:ههههه تركي درى عن نجد اصلا سلطان:طيب عندي انوار مادرت لاتعلم مفاجاه سعود:هم مش مشكلة الصغار هههههه سلطان:ههههه يصير خير يلا انوار اجيب لك كرسي انوار:نجد وش فيها. سلطان:بنروح وتعرفي مفاجاة انوار:نروح لتركي قبل سلطان:بيطلع ويجي انوار:بجلس صح سلطان:إيه انوار:سلطان تعبتكم سلطان: لا لا تقولي كذا ………… عند نجد ,,,, نجد:يمه راحو صح ام سلطان:الله يحفظهم يازينها يازينها _شايله ساره نجد:يمه تهبل ماشاءالله ام سلطان:ايه ماشاء الله الله يصلحها نجد:يمه ولهت على انوار ام سلطان:بتجيك لا تخافين نجد:يمه بيجون نواف ونايف ام سلطان:ههههههه لا خليها مفاجاة لهم صوت الباب ,,, تركي:يمه يمه الحمدلله على سلامتهم الحلوين _حب راس اخته نجد:يمه تركي الحمدلله على سلامتك تركي:وا زينهم الحلوين ماشاءالله نجد نجد:لبيه تركي:في مفاجاة لك نجد:شايلة ساره…وش هي تركي:اصبري شوي دخلت انوار…الحمدلله على سلامتك نجيد_تبكي نجد:ياقلبي وش فيك الحمدلله على سلامتك وش ليش تبكيين انوار:اشتقت لك نجد:هذي بنتك طيب ههههه انوار:طيب هههههههه |
رد: لبيه يالحد الجنوبي -بقلمي
البارت(41)؛
عند نجد… نجد: انوار وش فيها بيبي سارة انوار:اخذوها يسوون تحليل وبيرجعوا نجد :انوار خذيني عندها أنوار: لا ماقدر خالد قايل لي لا تروح نجد:ههههه بالله. قلبي معها أنوار: لا تخافي تحليل بسيط وتجي سويره الحلوه ههههههه صوت الباب-دخلت الممرضة الحمدلله كل امورها تمام بس معها صفارشوي نجد:بتجيبوها الممرضة:ايه بس بالشاشه هي بنجيبها معك انوار:وش يعني الشاشه نجد:هذي نفس اللي بالحضانه بس بيجيبونها الممرضة: وجت الحلوه لأمها نجد نجد :انوار تذكرين يوم غيبوبه نواف انوار:ههههه الله لا عاده ذاك اليوم نجد:شفتي الممرضة انوار:صوت سلطان بعدين اوكي-هلا والله سلطان:يلا جوري هلا انوار هههههههههه انوار:هلا بالمشاغبين وحشتوني -يمه يمه شالت مطلق نايف:ماما جت اختنا نجد:ايه ياماما وين اخوك نواف:الحمدلله على سلامتك ماما نجد:الله يخليكم لي ان شاء الله جوري:وحشتيني ياوخيتي الحمدلله على سلامتك نجد:الله يسلمك بتقعدين جوري وين البنات جوري:بيجونك مع تركي وامي مزنه نجد: لا تروحين ابيك ههههههه جوري:ابي افهم وش يضحكك نجد:بعلمك علم صبري علي جوري:هاتي وش العلم وترا بيبي سويرة بنتي نجد:وعيالك عيالي بعد لا تنسين جوري:الخاله ام يا نجد نجد:ايه والله المهم جوري:والاهم بجلس معك نجد:انوار بتروحين صح انوار:ايه برجع مع سلطان جوري:الله يحفظكم سلطان بتروحون سلطان:ايه تبون شي وهالسكر مطلق معنا جوري:الله يحفظكم انوار:ودعتكم الله ،،،،،،،،،،،،، وقت التدريب سفيان:الوليد جاهز الوليد:باذن الله سفيان:استودعتك الله الوليد:بسم الله-قفز مظلي رايد:سفيان صوت ضربه سفيان:وش يعني رايد وش تقصد الوليد صار له شي رايد:الله اعلم بس خايف عليه سفيان:ياعمليات اصابه عسكري مظلي غرفه العلميات:استلمت علم سفيان:رايد الوليد طاح وانصاب رايد:الله يطمنا ان شاء الله ويطمن اهله سفيان:فارس اسعفوه صح فارس:استودعناه الله-هلا معاذ معاذ:هلا فارس شفيك فارس:بنروح المستشفى معاذ:وش فيه فارس:يثبت حزام الامان-اخوك الوليدفي المستشفى معاذ:وش صار له ومتى فارس:طاح وقت الإنزال المظلي وانكسرت رجله معاذ:الله يستر ،،،،،،،، |
رد: لبيه يالحد الجنوبي -بقلمي
البارت(42)؛
بالطوارئ عساف:جزاع ياخوي لازم عمليه جزاع:عساف بتقول لأم جودي عساف:مش الحين بعد الافاقه جزاع:الله يتمم عافيته ان شاء عساف:ان شاء الله المهم بروح بسرعه وارجع جزاع:وين بتروح عساف:بكلم اهله وارجع للعمليات جزاع:لا تتاخر بسرعة عساف:معاذ وينك معاذ:عساف بالطريق تكفى شلونه عساف:بيسوي عملية عشان جاه كسر برجله معاذ:ابي اشوفه عساف:اعطيناه مسكن قبل العمليه بسرعه تعال معاذ:يلا يلا وصلت مع فارس عساف:وجودي تنتظرك ههههه معاذ:ههههه - دخل لاخوه الوليد الوليد:م ع ا ذ ج ودي معاذ:بتقوم بالسلامة وتشوفهم ان شاء الله عساف: بنروح العمليات يا معاذ معاذ:ان شاء الله عساف:امنتك الله يالوليد معاذ: بتروح معه عساف عساف:انا دكتوره يا معاذ معاذ:يتصل لاخوه-عزوز عبدالعزيز:هلا وش فيه صوتك وينك فيه معاذ:ماني بخير ياخوي عبدالعزيز:معاذ وش فيك معاذ:بالمستشفى الوليد عبدالعزيز:وش فيه معاذ:طاح وانكسرت رجله عبدالعزيز:والحين شلونه معاذ:بالعلميات تعبان يا خوي عبدالعزيز:يلا بجيك معاذ:لا حد يشوفك عبدالعزيز:يلا يلا ،،،،،،، عند غادة … غادة:اووش اوووش جودي الحلوه جودي الحلوه البندري:شفيكم غادة ما نمتو غادة: مادري وش فيها عجزت فيها تنام تبكي البندري:عساف قال بيتاخر قالك غادة: لا ممكن مشغول البندري:يمكن عطيني جودي يمكن تنام غادة:تبين الصدق انا قلبي ياكلني الله يستر البندري: لا تخافين ……… |
| الساعة الآن 05:01 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2026 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~