رد: حكــاية قصيــرة ❥
 

اليوم كان جداً ثقيل،، و ابتديت يومي بأكثر شغلة ممله ممكن اسويها...
بعدها جات شغلة صعبة بس اخف من اللي قبلها..
هي كمهمة مو صعبة فعل قد ماهي متابعه من اكثر من جهه..
يعني بالعربي شي غثيث..

و كمل يومي على هذا المنوال،، و انا احاول ما اركز.. بس بدون فايدة..
عجزت اشتت انتباهي و اطرد هالفكرة من راسي..
بس الحمدلله عدى بسلام بس بدون حب:ff1 (169):

اعرف انه لازم نتعايش مع بيئة العمل و نبعد المشاعر،،
لكن في مشاعر مو حلوه تكون منتشرة في الجو، و تضطر انك تتقمصها و انت مو كذا..
و تصير جاف و ردودك جافه و لا هو من طبعك.. بس يجبرونك تكون كذا،،

كثير فكرت اطلب نقلي من المكان بس وش عذري،، ما يحبون بعض؟!
ما عندهم شغف للعمل، يسبون كثير!

من الاطباع اللي اكرهها، هي السب و الدعاء على الناس و الردود الجافه،،
اكثر من مرره اقولهم لا تدعون،، بس سبحان الله هو طبع ف الشخص
اذا تعود على السب، و المشكلة الاعظم تكون من بنت،
ربي خلقك انثى و حنونه و تطلع منك هالالفاظ


مرره انصدمت من وحده جات معصبه عندي و تقول مين ال**** اللي طلب كل هالشيكات!!

انا طالعت فيها وقلت وين المشكله؟ ما علقت على كلمتها بس باين على وجهي اني متقرفه من الكلمة..
و بطلت تقولها قدامي،،

انا وصلت لهالعمر في كلمات دارجه بين الناس و سبات يقولونها لبعض انا ما انطقها و لا استسيغها،،

هو مو ادب قد ما هو احترام للمتلقي،،
الله يجعلني كذا الين اموت :ff1g (12):


عدا اليوم الحمدلله، و متحمسه لبكرة..
يارب يكتب لي يوم جميل و سعيدة.. :ff1 (104):


تصبحون على حب
:510:

رد: حكــاية قصيــرة ❥
 

بعد ان تعثرت لم اعد استطيع الوقوف، الا متكئة على حلمٌ هش،،
سيتهشم تحت يدي، في اي وقت يعجز عن تحمل كسري،
و في اي محاولة للتجاهل و الوقوف ، يئن و يذكرني كم كنت حمقاء،
حمقاء تلملم ما تبقى لها من اعتزاز، و تمسح بقايا دمع سال حتى خلف الأثر،
تركت كل تلك الجروح، و باتت تضمد جرح لا شفاء له،
و تصرخ ب اعلى الصوت،، عودي تلك الوردة الزاهية،
فالسواد لا يليق بك،

رد: حكــاية قصيــرة ❥
 

رغم كل شي غداً، يوماً مشرق
:510:

رد: حكــاية قصيــرة ❥
 

اوقات تحتاج عزلة،
لما تكون مقهور على نفسك و ما فيك تفضفض لأحد..
انقهر على نفسي لما اثق ثقة عمياء فيك و ف معلوماتك و اكتشف انها غلط.
و الغلط هذا هو اللي أخرني خطوة لورا

راضيه، لان اللي صار اكيد فيه خير لي ما اعلمه..
الحمدلله على كل شي،،

رد: حكــاية قصيــرة ❥
 

نمت على قرار و صحيت على عكسه،
و اقول في نفسي ماني جاهزة اني انفذه اليوم..
لانه كان نومي مو تمام و افكاري تودي و تجيب..
ما عاد بسمع نصيحة احد بتبع قلبي وش يقول،،
لذلك قررت اتراجع عن هذا القرار لليوم بس
لاني قررته و انا زعلانه على نفسي

انا انسانه هادئة بس اذا تحمست لشي كلامي يصير كثير زي الاطفال
و تصرفاتي تصير متهوره..

اهدي لنفسي اغنية تركد لا تفز بساع :ff1 (93):


و صباحكم اجمل و اهدأ من صباحي :ff1 (136):

رد: حكــاية قصيــرة ❥
 

اول مره شربت فوار كنت صغيرة.. مدري انا اول ابتدائي او ما دخلت المدرسة
يا خمس سنوات او سته او سبعه في هذي الحدود..
اتذكر كيف طعمه كان مقرف خلاني استفرغ و اكره كل الادويه..
هذا من المواقف اللي ما نسيتها لانه جرحني و حسيت امي خدعتني ذاك اليوم خخخ

اليوم تذكرته و رجعت لي الذاكره عشان جالسه اشرب فوار سولبادين و طلع نفس الطعم..

بس :ff1g (12):