رد: حكــاية قصيــرة ❥
 

السالفه اللي صارت لي أمس شاغله بالي،، و ودي القى حل و انفصل منها..
المشكلة انها حاله شعوريه ،، ما تدري من وين تجي
ودي احكيها احد،، و يقولي انا اتوهم أو صدق،،

شكلها مالها الا صديقتي الروحيه نوره،،
ودي اطب عليها بكره في بيتها بعد الدوام :ff1 (133):

بس اذا بروح لها لازم اسوي كوكيز و الا تذبحني بنتها :56:

رد: حكــاية قصيــرة ❥
 

في وحده جالسه تطبطب على قلبي من دون لا تدري
جالسه اتفق معها في شي تسويه لي و جالسه تسوي لي اشياء تعجبني و احبها
جاتني في الوقت المناسب :11:

رد: حكــاية قصيــرة ❥
 

الحمدلله ،، على كثير النعم و جزيل العطايا..
الحمدلله اولا و آخراً، الحمدلله في البدايات و الحمدلله على تمام الأمور..
عوض الله لما يجي ينسيك الدنيا و ما فيها،، تنسى انك تعبت..
و تحس انك ولدت من جديد،،
تحس بحب عظيم لكل الناس،، سامحت الكل،،

و نورة اليوم ولدت من جديد :11:

رد: حكــاية قصيــرة ❥
 

:ff1 (37):



يمكن الشعور قد عاشوه ناس كثير قبلي،،
و فرحتنا انا و خواتي لا توصف..

بس انا،،. احس الحدث بالنسبه لي كأنه تعويض من الله..
ربي يقولي شوفي الأشياء الجميلة اللي صارت لك.. خلاص عيشي حياتك الباقيه بتسليم و رضا،،

من ناحية فرحتي لأخوي و ربي عطاه و عوضه،،
و من ناحيه ثانيه انه سماها نوره،،
و اختيار الاسم كان من زوجته،،

ما انسى لما حضنتني و قالت انا ادعي الله اجيب بنت و اسميها نوره ،،
قلت لها يكفينا انك العوض الجميل لأخوي،،
الفرحه مو بالاسم،، الفرحه أعمق من كذا،، حكايه بداخلي و شعور
ما اقدر اوصفه و لا احكيه.. لأي أحد،،

كنت يوم من الايام منهاره عشانه..
و ربي طيب خاطري :ff1 (37):

و على فكرة انا كنت مختاره لهم اسم "فرح"
بس ربي أراد و صارت نوره،، النور اللي ينور حياة اخوي..
و ينور حياتنا..

رد: حكــاية قصيــرة ❥
 

انت عايش في الحياة تحارب و تجاهد ..
و مستمرين فيها بكل حب و رضا ،، بأمر الله ..
تصبر و تحتسب لله كل أمر عسير و كل كلمه ضرتك ،، و كل شعور آذاك
و الله جالس ينصفك على قد صبرك ،،

كيف بالله ما نعيش مطمئنين و راضين ..
ليه ما نبطل نكد و نعيش مبسوطين أن الله بيعطينا ..

الحمدلله ان اقدارنا بيد الله .. و هو عارف اللي داخلنا و حاس فينا ..



صباحكم حب و رضا :11:

رد: حكــاية قصيــرة ❥
 

الحمدلله ان بكرة سبت ،،
لاني هذا الويكند اجهدت بشكل كبير ..
ماني مستعده اني اداوم :454:

رد: حكــاية قصيــرة ❥
 

تدرون انها ترد الروح فيني :ff1 (244):

رد: حكــاية قصيــرة ❥
 

اكره عدم الاهتمام و عدم الالتزام،،
و للأسف أن هذي الصفه في أقرب الناس لي،،

اليوم موقفها ولعني مرره،، لدرجه اني بكيت :452:
كنت مستعدة اطلع كل غضبي عليها
لكن تمالكت نفسي دخلت الغرفه و قفلت على نفسي..
بكيت الين شبعت :ff1 (198):

و الحين بنزل اسوي فطوري قبل اروح الدوام..
ابي اروق قبل اروح الدوام لا اقلب عليهم الدنيا،،


وقت الزعل عندي خاصيه تحديد الكل،، عادي ازعل على كل الناس


كان عندي كلام سوداوي مررره بس قلت افضفض احسن من اللي كنت بكتبه..


ما اقول الا الله يرزقني على قد تعبي :ff1 (37):

رد: حكــاية قصيــرة ❥
 

اعرف الأشياء اللي تصحيني فجأة من النوم،،
لأنها مو مره و لا ثنين و لا ثلاثه،، كثير صارت لي،،
ممكن انا اتوهم بس احساسي يقول انها هي،،

ليه يصير كذا ما ادري،،
هالمره صحيت ثلاثه،، قلت برجع انام..
و كل ما احاول انام شي يقولي قومي صلى الوتر و ادعي لي
ارجع اتجاهل الصوت،، بس انه يتكرر بشكل غريب خلاني اصحى و اتوضى و اصلي،،


دعيت الله، بالسعادة و تيسير الأمور لما فيها صلاح لأنفسنا،،
دعيت الله بالخير لي و من أحب :ff1 (210):


و صباحكم خير.. :11:

رد: حكــاية قصيــرة ❥
 

تجربتي الثانيه لتزيين الكيك

https://g-lk.com/up/do.php?imgf=17070576162821.jpg


يبيلي أتقن الكتابه و الخطوط.. يدي فجأة تهز :98:



في الليل ما احبها و الصباح تعجبني :98:

رد: حكــاية قصيــرة ❥
 

اخيرا قررت أصلح لابتوبي..
اخذته معي اليوم و بوديه المستشفى :ff1 (40):

اشتقت اشتغل عليه و اشتقت اصمم فوتوشوب و اشتقت اكتب فيه
الظاهر اني فاقده الشغف بدونه :ff1 (40):


أن شاءالله يتصلح ما يكون قيمه التصليح لابتوب جديد :104:
هنا انا ارجع افقد الشغف .. و يارب لا .. لاني ودي ارجع زي اول :261:

رد: حكــاية قصيــرة ❥
 

اعتقد ان لابتوبي خاف من طاري المستشفى ,, خخخ
و الحين اكلمكم و انا في الدوام ,, و ماشي معي تمام .. برجع البيت و اشوف بيستهبل و الا لا :ff1 (126):


https://g-lk.com/up/do.php?imgf=170714050908351.jpg

رد: حكــاية قصيــرة ❥
 

فيه ناس تدهن سيري و انا فاهمه و عاجبني الوضع خخخ
كل يوم تجيب لي قهوه على حسابها :129:

هل يعتبر هذا رشوه :ff1 (53):

رد: حكــاية قصيــرة ❥
 

لما تجي في بالي فكرة حلوة مرره و تتبعاتها جدا جميلة نفسياً
لكن الفكرة تحتاج دراسة من جميع النواحي ..
و مو اي دراسه .. دراسه عميقه ..


الله يسهلها لي أن شاءالله :11:

رد: حكــاية قصيــرة ❥
 

من اليوم قررت اني اسوي جدول ثابت لحياتي ..
و كتبته في مخي و لازم اكتبه على الورق ،،
لاني بيني و بينكم طفشت من حياتي و طفشت من الدوام
و طفشت من التسويف ..
مافي شي ثابت كل شوي ااجل و الخبط و الإنجاز صفر حتى لنفسي و صحتي

ودي اكتبه لكم و ما اصمل و اتفشل من نفسي قبل اتفشل منكم

بكتبه و اذا مشيت عليه تمام الين يجي رمضان علمتكم فيه
عشان و اذا جا رمضان و ما علمتكم اعرفو اني ساحبه عليه :277:

رد: حكــاية قصيــرة ❥
 

اليوم ماراح اتذمر من شي ، و لا راح اشتكي ، و لا راح اعصب
كل شي بيكون رايق و هادي و حلو .. بإذن الله ..


صباحكم هاديء

رد: حكــاية قصيــرة ❥
 

تأملت نفسي و عرفت ان اللي لاعب في نفسيتي فكرة طرت لي ف لحظه ..
و الفكره هذي ماهي مرتبطه فيني لحالي .. يعني لو صار لها كذا انا اسوي كذا ..
و للامانه انا ما اثق فيها ميه بالميه .. و بيني و بينكم ما اثق أن أحد يرسم لي طريق حياتي ..
انا احب اخطط و ارسمه بنفسي و لا اعتمد على احد ..

اول شي راح اسويه اني اشيل الفكره من بالي .. عشان تعدي السنين على خير ..
و ثاني شي بحاول اشغل نفسي ب أشياء ثانيه
بنسى ذيك الفكره

رد: حكــاية قصيــرة ❥
 

:129:

ما عاد ابي اعطي نصايح ,, انتم انصحوني .. فكرو عني و خططو عني :442:
اليوم خليت وحده من البنات تختار لي اجازه حلوة ,, و اختارت لي يومين حلوه و اشبكها مع اجازه يوم التأسيس ..:ff1 (32):

عادي الواحد يفقد الذاكره و يتنازل عن عناده شوي :ff1 (32): ,,
مشكلتي هالفتره ماخذه الامور بجديه و مشخصنتها مرره :159:


بحاول اهدي اللعب :98:

رد: حكــاية قصيــرة ❥
 

حملت الفوتوشوب بعد فتره انقطاع طويله ..
فقدته كثير و فقدت التعبير بالتصميم عن شعور ما ينكتب و لا ينوصف ..


تصميم سميته السقوط للحياة ..


https://g-lk.com/vb/showthread.php?t=24285




نسقط لنعيش ,
ننهار لتعود الحياة لمسارها الطبيعي ..


^

مرات كثير لازم نفكر بالعكس ممكن تتعدل الامور بالشكل اللي يناسب احداث الحياة

رد: حكــاية قصيــرة ❥
 

لما وصلت لعمر الاربعين كان فجأه ما حسيت ..
مرت الاحداث الكثيرة بسرعه ,, و تقلبت الحياة و الاحداث كانت كثيره

فجأة و انا احتفل بيوم ميلادي الاربعين وسط ذهول و فرحه

الحين ابي الخمسين و الايام تمشي بشويش .. يمكن عشاني مركزه
احاول ما اركز بس غصب عني اجلس اركز و اعد الايام و السنين
مابي خمسين ابي 49 :ff1 (100):

قد شفتو احد وده يكبر بسرعه خخ <- و الله من الدلاخه بس :48:


عطيتكم شوي من حديث النفس :ff1 (49):

رد: حكــاية قصيــرة ❥
 

اعرف و متيقنه تمام اليقين ,, انك لما تفكر بفكره سلبيه انت تجذب الاحداث السلبيه لك
كل شي يكون قدام عينك اسود و مو حلو و كئيب .. و كل الاحداث اللي تصير تزعلك ..


و العكس صحيح ,, كل ما كانت افكارك ايجابيه و حلوة .. و عندك خطه لأيامك
نفسيتك و حياتك تصير حلوه ..

حتى لو ان الروتين ما تغير


هذي انا خلال الايام هذي ..

بس قررت اغير افكاري و جدولي .. تغيرت نفسيتي ..
صرت ابي اسوي اشياء جديده .. و صرت اروح الدوام ما اتذمر على ان الضغط زي ماهو


سبحان الله قد ايش لعقلك قوة عجيبه على جسدك و نفسيتك

رد: حكــاية قصيــرة ❥
 

من الاشياء اللي بطلت منها مدة سنه و نص تقريباً ..
هي اني اقرأ ..

كنت في فتره لازم اقرا في اليوم لا يقل عن نص ساعه ,,
و اكون وقتها مسويه عنايه لبشرتي ,, و اكون حاطه ماسك اثناء القراءة
اليوم قررت ارجع اعيد نفس الفعل القديم و استرجع الشعور ..
و للامانه شعور جميل , خلاني رايقه و هادئه زي ما احب


https://g-lk.com/up/do.php?imgf=170809323817491.jpg



و الشي الثاني ,, اني ارجع ادون و اكتب كل شي يدور في بالي و نفسي زي اول ..
:ff1 (174):

رد: حكــاية قصيــرة ❥
 

يسعد صباحكم .. و يومكم سعيد ان شاءالله ..
حلو الواحد يرجع زي ما كان يمارس طقوسه القديمه ,,
يسوي الاشياء اللي كان يسويها زمان

من الاشياء اللي كنت اسويها زمان اني اراقب نومي :ff1 (152):
ايوه اراقب نومي .. :259:


البس الساعه اللي تحسب لي عدد ساعات النوم ..
و كم ساعه نمت نوم عميق و كم ساعه نمت نوم خفيف ..

هذي الساعه ساعدتني ان نومي يكون منظم و مرتب
و خلتني انام في وقت محدد و اصحى فوقت محدد ..

و هذا ينعكس على صحتي و مزاجي طبعاً
و احس نفسي مرتبه


اتذكر اول ما بديت البسها و كنت اراقب نومي .. كان ساعات النوم الخفيف اكثر من العميق
و صرت ابحث كيف انام بعمق ..و سبق كتبت عنه موضوع في مدونتي


هنا





على فكره المدونه من زمان ما جددتها .. من 2022 و انا ناسيتها تماما او مزاجي ماله خلق لها
لكن اثارت فيني الحنين :11:

رد: حكــاية قصيــرة ❥
 

اهلا , و يسعد صباحكم :131:

اخذت يومين اجازه و صرت اوصل غاده للمدرسه ,, و اطلع امشي ع البحر ..
و اليوم اجازه و كنت بطلع للبحر ,, بس قلت اريح شوي ورانا فعاليات في الليل

اليومين اللي راحت كانت من اجمل الايام في حياتي ,,
قضيتها بهدوء بدون دوام و قلق ,,
ريحت مخي و تفكيري من كل شي ..

و كنت حاطه ببالي شغله استمر عليها 40 يوم .. و امس كان اليوم الاربعين و الحمدلله ,,
شعور الاطمئنان جميل ,, و يخليك تنسى همومك و مشاكلك و لا تكبرها


الحمدلله

رد: حكــاية قصيــرة ❥
 

في بالي رحلة تغيير ..!

رد: حكــاية قصيــرة ❥
 

طلبوني بنات خالتي اسوي لهم كوكيز ,, و حده منهم قالت كم بدفع لك ..
قلت الحين فري .. قالت طيب متى ترجعين تفتحين المتجر ,, فجأة بدون تخطيط قلت لها بعد العيد
و ان شاء الله اشارة للعودة من جديد ,, و بما اني ما سويت كوكيز من زمان
قلت اروح اشتري الاغراض عشان اسوي لهم كميه
رحت اشتري الاغراض .. و لأول مره من فتره طويله ما حسيت بتثاقل ..


هالفتره في داخلي شعور مختلف تجاه الاشياء ..
شعور كنت احس فيه قبل سنتين ..


قلت مدام هذا الشعور عندي خلني استغله و ارجع اسوي اشياء بطلت منها
و اشياء في بالي من فتره طويله بس انها تتأجل

و عشاني وحده احب اكتب كل شي .. رحت ادور في الدفاتر شي يناسب للفتره
لقيت هالمفكره عندي من 2022 و لا استخدمتها و لا شي
قلت ارجع اكتب فيها الاشياء اللي ابي انجزها و احدد لها وقت انجاز , و الله بيساعدني


https://g-lk.com/up/do.php?imgf=170867761281511.png

رد: حكــاية قصيــرة ❥
 

يسعد صباحكم ,,
احب شعور الانجاز ,,

صحيت الصباح و نزلت موضوع عن سحر الامتنان ..
و انا من الاشخاص اللي جربت الامتنان بشكل يومي ..
بالضبط كان رمضان قبل سنتين ..
كنت كل يوم امتن لشي في حياتي ..
اهلي , صحتي , عملي ,, يعني ما خليت شي بحياتي الا شكرت الله عليه ,,
و كانت تأثيره علي جداً رائع ,, غير لي نفسيتي .. خلاني اتقبل اشياء ممكن انها تدخلني بحاله حزن
عدت كل الامور بخير و سلام
https://g-lk.com/vb/showthread.php?t=24365

و قلت اشارككم التجربه من اليوم الى نهايه رمضان ..
و اللي حاب يلتزم معي ,, احب اعرف شعوره نهاية الفتره ,,

خلصت من الموضوع رحت سويت كوكيز و براونيز .. البراونيز سويته بشكل مختلف عن الطريقه العاديه .. يعني كان فيه شغل كثير ..

و حطيت ملابسي في الغساله ,,

و الحين جلست اكتب لكم و الساعه 11 :15:

ما احكيكم عن الشعور جداً مريح و حلو ..

شكلي من الحماس بقوم ارتب غرفتي :368:

رد: حكــاية قصيــرة ❥
 

كتبت حلطمتي و تذكرت اني مقرره ما اتحلطم :ff1 (36):
الله يهونها، و يساعدني :ff1 (244):

رد: حكــاية قصيــرة ❥
 

https://g-lk.com/up/do.php?imgf=170937360137571.png


متحمسين !! :440:

رد: حكــاية قصيــرة ❥
 

:ff1 (32):

اعلان

https://g-lk.com/up/do.php?imgf=170937360137571.png

https://g-lk.com/vb/showthread.php?t=24442


:129:

رد: حكــاية قصيــرة ❥
 

https://g-lk.com/vb/showthread.php?t=24425


الابله تقولكم تعالو اول درس :368:

رد: حكــاية قصيــرة ❥
 

https://g-lk.com/up/do.php?imgf=170961045512511.jpg


الإعلان عن الورشه شي عظيم صراحه ..
و يدق في قلبي كل ما ادخل المنتدى ..

ماهي الا تجارب شخصيه و تطبيقات لكلام انا جربته
و اكون سعيده لو احد ناقشني في شي .. ممكن اغير قناعتي او تغير قناعتك
الحياه تجارب .. و تبادل افكار
يارب أفيدكم فيها لو بشي بسيط ..

رد: حكــاية قصيــرة ❥
 

https://g-lk.com/vb/showthread.php?t=24422

موضوعنا لليوم خفيف و ظريف .. يولع لمبة في عقلك ..
انتبه تقفلها الين تحقق الهدف من الموضوع

تبي تعيش بعقلبة فقير او عقلية غني و كيف تشوف نفسك

رد: حكــاية قصيــرة ❥
 

ضرسي مكسور .. و لي فتره خايفه من دكتوره الاسنان ..
يمكن مرتين اللي رحت دكتور الاسنان و كنت مضطره :ff1 (142):

و هذي المره الثالثه و مضطره بعد و خايفه يكبر الكسر في ضرسي
هو ما يألمني الحين .. بس رمضان جاي و مابيه يألمني في رمضان :ff1 (78):


ان شاءالله يكون الكسر بسيط و ما يحتاج اشياء كثيرة :110:

رد: حكــاية قصيــرة ❥
 

متخيلين أن رمضان بعد ٥ ايام :ff1 (4):
الله يبلغني و اياكم الشهر الكريم . . لا فاقدين و لا مفقودين ..
و كل عام و انتم بخير ..

:261:

رد: حكــاية قصيــرة ❥
 

موضوع اليوم للتسليه

https://g-lk.com/vb/showthread.php?t=24427


تعالو اختارو ،، و نشوف اختياركم وش تعني

رد: حكــاية قصيــرة ❥
 

تسلينا مع بعض ،، يالله نرجع للجد :159:



https://g-lk.com/vb/showthread.php?t=24434

رد: حكــاية قصيــرة ❥
 

انا من عشاق كريمات اليدين .. و من كثر حبي لها اعرف اميز ايش الحلو منها
و ايش المفيد منها اكثر ..

https://g-lk.com/up/do.php?imgf=170988127746861.png

هذي هي .. في مشغل اعطاها لبنتي تجربها <- و هي اللي جربتها ..:ff1 (155):
انا بحثت عنها كثير ما القاها الا في مواقع روسيه .. و اتوقع انها كريمات كوريه ..


قوامه خفيف و مو لزج .. فجأه تحس كأنه يتحول لمويه .. بعدين يتشربه الجلد ..
للامانه شي سحري :11:

رد: حكــاية قصيــرة ❥
 

كل اختيارتي نفس الشي خخخ
بيتي فوق الغيمه بس انا بالغلط ضيعت الطريق و جيت للارض :ff1 (202):

رد: حكــاية قصيــرة ❥
 

موضوعنا ما قبل الاخير .. :426:


https://g-lk.com/vb/showthread.php?t=24436