رد: حكــاية قصيــرة ❥
 

يالله انت تعلم ، و نحن لا نعلم ،
اكتب لنا من خير الايام و اجملها ،،
:ff1 (37):

رد: حكــاية قصيــرة ❥
 

في ايام تمر عليك تختبر، مدى نضجك و وعيك،،
تقول في نفسك معقوله صرت كذا،
صرت اقدر أقرر بسرعه قرار جيد بدون تردد و لا ندم

تذكرت الان مقطع تعلم متى ترحل


https://youtu.be/C2mIztoHalI?si=z8gYiEOb8dD0dbHd


صرت اعرف الان متى اجلس في المكان و متى امشي
متى اكون مع الأشخاص و متى ما اكون معهم،،

و هذي مهاره تكونت مع الايام و السنين و الخبره،،




و صباحكم جميل.. :70:

رد: حكــاية قصيــرة ❥
 

https://youtu.be/DTyRhvlMug8?si=4pgsyy9d3oDY8MKK



كلامه مقنع و مؤثر بدرجه كبيره،،
و حبيت اني ابدأ صباحي في لاني مقبله على مرحلة مختلفه في حياتي
و اشارككم ألفيديو،، من زمان ما شاركتكم أشياء حلوة :85:

رد: حكــاية قصيــرة ❥
 

حلمت اليوم ان شعري طويل و مرتب بطريقه حلوة .. و كان اسود مرره
كأني كنت معزوم على زواج و مصلحته ،،
و اقول في نفسي اول مره يطلع شعري حلو كذا
كنت فرحانه و مبسوطه فيه ..


الله يجعله خير :11:

رد: حكــاية قصيــرة ❥
 

يصير لو نتبادل الاوجاع!
اعطيك اوجاعي و الأمي، ، و تعطيني اوجاعك
و نجرب نحس و نشعر ب اوجاع بعض ..
و بعد الفتره اللي تبادلنا فيها نبدأ نقيم اوجاع بعض


<- وحده تبي تعطي رأسها لأحد خخخ

برتاح منه شوي و اخذ اوجاع احد ثاني و عادي اتألم بداله :ff1 (124):

رد: حكــاية قصيــرة ❥
 

https://up6.cc/2023/12/170300383380841.jpg


ما راح تاخذين الا الأعاصير و الزوابع..
و أوقات تحسينه بيت أشباح ما تسمعين فيه الا أصوات الرياح
و من ثقله تحسين شايله شخص معك..


و الا راتبي في حسابي ي عمري ما هو ف راسي
<- عند الفلوس نخسر بعض خخخ

رد: حكــاية قصيــرة ❥
 

بنتي بعد ما كبت العشا، و قالت سواليف و خرابيط البنات
تندمت و قالت : ماما ليه ما جبتي لي اخت!!
يعني اخت تسولف معها و تقولها الأسرار و كذا،،
قلت انا اختك قولي كل شي افهمك و لا بشره عليكم،،
و عشان اعرف اقولك صاحبي فلانه و لا تصاحبين فلانه


بس انتفخ راسي فوق ما هو منفوخ من سوالفها :428:

رد: حكــاية قصيــرة ❥
 

٢٠٢٣

كانت سنه سريعه جدا،،
و كنت احس اني اركض ورا الايام و هي تبتعد أكثر

صارت فيها أحداث حلوة و سعيده كثييير.. حبيتها بكل تفاصيلها

بس ك إنجازات ما فيه،، ممكن الكتب اللي قريتها ف هالسنه اربعه أو خمسه..
و كل ما احاول امسك كتاب،، ما اعرف اركز فيه.،،
ما كنت مركزه على شي.. كثر ما ركزت اني انبسط بالأحداث
ابدا ما حققت شي يذكر


عشان كذا كانت سريعه،، لأنها مافيها إنجازات و تحديات،،


لكن بحاول اغير من نفسي،، ارجع احط لي أهداف و تحديات،،
و انا ما انبسط في الحياة إلا لما يكون لي أهداف أسعى لها..


من العادات اللي بديت اركز عليها من قبل ٣ شهور،،
اني ما يعدي يوم الا انا قريت سوره من القرآن أو عدة أجزاء،،

دايم تمر ايام و انا ما مسكت المصحف و اجلس اقرأ و مركزه
و كنت أخاف هذا يكون هجران للقرآن.. و ارجع اقرا و انا خايفه من هجرانه..

كل شهر اخصص سورة معينه و اقراها يوميا،،
اتدبر في آياتها و ابحث عن تفسير الأشياء اللي ما اعرفها
و التكرار يساعد على الحفظ،، و تذكر الآيات،،
لي الان ٣ شهور و انا ما وقفت ،،
و للامانه أكثر عاده انا ارتحت نفسيا فيها،،
أحس ب اطمئنان كبير،، و يارب ما اوقفها،،


ثاني شي،، وقفت اسوي رياضه،، و قررت اني ارجع للنادي،،
كل الامراض رجعت لي لما وقفت عن الرياضه،،
و طفشت من نفسي و هذا حافز لي اني ارجع..


و برجع اتعلم أشياء جديدة تخص شغلي بالدرجه الأولى


و أشياء ثانيه ودي ارجع لها بس لازالت الحرب قائمة بيني و بين نفسي
ما اعرف ليه... و ما اعرف وش يردني عنها.. لكن لازم اشوف لها حل


و شغله مهمه : ودي ارجع اكون اجتماعيه
و ابطل اعتزل الناس، و ارجع اسولف..
لاني حرفيا الفتره هذي بس ابي اكون لحالي
حتى سوالف في المدونه لي فتره مبطله





متفائلة خير بأن أيامنا كلها حلوة،،
و ربي بيعطينا اللي نتمنى و أكثر،،

رد: حكــاية قصيــرة ❥
 

٢٠/١٢/٢٠٢٣



اول قرار قررته اليوم و نفذته على طول
اني احذف الالعاب من جوالي ،،
:368:

رد: حكــاية قصيــرة ❥
 

على يقين أن الايام القادمه كلها خير ،،


:ff1 (244):

رد: حكــاية قصيــرة ❥
 

حكايه انا كنت طرف فيها ،، تدخلت فيها من حب ..
و الاصح كنت اسأل عن أحوالهم.. الى ان وقعت بداخل المعمعه..
تحملت المسؤلية لأن بدايه الحكايه كانت باختياري و اصراري ..

شهرين و انتهت الحكاية ، لكن تأثيرها علي جداً قوي ..
تأنيب ضمير ، خذلان ، صدمه ، الم ، غير كذا شايله هم غيري ..

عشر سنوات ،، و انا شايله هالهم ،، و كل ما تنفتح السالفه
اكون أنا الملامه ،، ليه سويتي و ليه سويتي ،،


تحملت و سكتت ، ينفتح الموضوع و اسكت ،،
صرت ما أتدخل في اي قرارات ،، ما يخصني فقط
و عشت حياتي ..

تغيرت و تغيرت مفاهيم كثيره عندي .. اختلفت نظرتي للناس ..
ما صرت اتوقع ان كل الناس فيهم خير و طيبين ..لابد يطلع لك أشخاص في الحياه غير جيدين ..

ارتفع الوعي عندي ،، و اشتغلت على نفسي و طورت منها
تغيرت الحمدلله للأفضل، ،


الحكايه كانت درس قوي لي و لغيري ..
خلتنا صبورين، اقوياء ، نعرف نتخذ القرارات الصح


و بعد العشر سنوات ربي كافأنا على الصبر .
و أعطانا الخير و الحب :405:



الحمدلله

رد: حكــاية قصيــرة ❥
 

في الصباح تُثار كل المشاعر،،
استدعيها ب اغنية، بذكرى، بصورة..
و اعيش كل هذه المشاعر بلحظه واحدة..

رد: حكــاية قصيــرة ❥
 

اللهم قدراً جميلاً ، و خيراً كثيراً ..
ينسينا تعب الايام و الشهور و السنين ،


:ff1 (206):

رد: حكــاية قصيــرة ❥
 

بعد ما قررت احذف الالعاب ،، وحذفتها ،،
حرفيا كنت مدمنه عليها و ما يمر يوم الا امر على ثلاثه منها زي فرض الصلاه ..

اليوم ببدأ اليوم الثالث ،، من بعد ما حذفتها

اول انجازاتي اني اشتغلت على موضوع من زمان ودي اشتغل عليه ..
صممت التصاميم و سويت ثلاث مواضيع ،،


فقدانها ما أثر على حياتي بشكل سلبي ،، بالعكس حسيت فيه فراغ ودي اعبيه ب أشياء حلوة ..


أن شاءالله اكمل و لا ارجع أحملها..

رد: حكــاية قصيــرة ❥
 

قررت اكون كذا ، و انهي كل موضوع يتعبني مع اول اخفاق ..
ماعاد عندي النفس الطويل ، في المحافظه على الأشياء اللي ما تبيني

عادي جدا امسح كل اللحظات ، كل المواقف و ابدأ من جديد ، شيء نظيف و هاديء ..
ماعاد عندي طاقة للمشاكل و الدخول مهاترات لا تسمن و لا تغني من جوع ،،


كل هدفي اعيش ايامي بهدوء و روقان ، و اسوي الأشياء اللي تسعدني ،،


و ٢٠٢٤ ،،


بتكون مدعومه بالفكرة، ،

:131:

رد: حكــاية قصيــرة ❥
 

تحاول الحياة أن تأخذني في مسارات عدة
و انا اتأرجح بين المشاعر لمواكبة هذه المسارات
فبعضها تأخذني الى قمة السعادة
و البعض منها يجعلني اغط في حزن عميق
و ادخل معها في دهاليز العزلة


في حيت إنني لازلت احارب ، و لازلت أرغب بالعيش في سعادة
اغسل روحي بكل ما يعلق بها و يشوه صفاءها

انا هنا ،، اتعلق بالله
اشكو حزني و همي الى الله
احصن نفسي بكلامه
اتوكل عليه ، و ادعوه بأن يكتب لي الخير :11:




صباح السعاده ..

رد: حكــاية قصيــرة ❥
 

https://up6.cc/2023/12/170369953960021.jpg


بمناسبة العام الجديد ،، حبيت اهدي بنات فرعي شيء بسيط ..
هي عبارة عن وردة دائمه لمدة سنه ما تذبل ،،

سنه راحت كانت حافله ،، و سنه جايه تكون أفضل و أجمل، ،
:11:

رد: حكــاية قصيــرة ❥
 

طلعو ام كلثوم من دماغي ،،
جالسه تلعب بمشاعري :ff1 (187):

رد: حكــاية قصيــرة ❥
 

انا جالسه احتفل بنهاية السنه مع الصديقات اللي احبهم ..
اليوم مع وحده ،، على بالي بقابلها شوي و خلاص ،،
يعني ساعتين سوالف ،،

لكن المواضيع اللي فتحناه امتدت الى خمس ساعات بدون توقف ،،
و لولا الحياء من اهالينا جلسنا للفجر :1333:


من الوناسه الحين مابي انام ..

فضفضنا و حشينا :281: ،، و دعمنا بعض ،،
جلسه من أجمل ما يكون...


الله لا يحرمني من صديقاتي اللي احبهم .. :464:

رد: حكــاية قصيــرة ❥
 

يارب ،، اعلم كل ما يحدث لي هو خير ..
كل الأشخاص اللي يكونون معي هم خير ،،
و الأشخاص اللي ابتعدوا هم خير ..
الأحداث اللي تصير خير ،، و الأحداث اللي ما تصير خير ،،

لذلك أنا مؤمنه بالله اولاً ،، ثم بنفسي و اختياراتي
حتى الاقدار اللي تصير لي انا مؤمنه فيها ..

عشان كذا ربي معي في كل لحظه ،،
و اي شي اتوقع يصير ،، يخليني اؤمن اكثر .. يخليني مرتاحه اكثر ..

‏‎
الحمد لله عدد خلقه ورضا نفسه وزنة
عرشه ومداد كلماته.



صباح الرضا .. :11:

رد: حكــاية قصيــرة ❥
 

في بيت اخوي عندهم ،، فازه او مزهيه اللي تسمونها ..
على المكتبه عندهم ،، و كل ما اجيهم عيني عليها و انبسط فيها ..
معلقين فيها كلامي اللي اكتبه لهم :405:


يوم تزوج اهديته ابيات ، و للامانه توقعته انها راح تكون في الدرج :159:

https://g-lk.com/vb/showthread.php?t=21262
هذي ..


ثاني عباره كتبتها و اهديتهم باقة ورد كبيره

https://up6.cc/2023/12/170382954081261.jpg

https://up6.cc/2023/12/170382954082692.jpg




ك غيمه امطرت حباً
من بعدها أشرق الكون




بس ،،، احب الناس اللي تقدر شعوري :405:
ممكن عندي ما تقدرني بس قدر شعوري .. <- هي ما تجي بس شعوري بالدرجه الأولى..

رد: حكــاية قصيــرة ❥
 

كثير تساؤلات تدور ببالي ،،

رد: حكــاية قصيــرة ❥
 

قلبي كطير يرفرف بين يدك ، رفقاً به .. :421:

رد: حكــاية قصيــرة ❥
 

هي دعوات ارسلها الى السماء ،
و تأتيني بكل خير :ff1 (35):

رد: حكــاية قصيــرة ❥
 

رحمة الله تحيط بنا ، استشعروها ،، :15:

رد: حكــاية قصيــرة ❥
 

احسس ببكي و ممكن افصل على كل الناس

رد: حكــاية قصيــرة ❥
 

صباح خير ، و رضا ،،
صباح الامنيات السعيدة التي دعوت الله بها ..


يارب لي و لكم كل الخير و السعادة و الحب و الرضا :11:

رد: حكــاية قصيــرة ❥
 

كلنا نمر بظروف و مشاكل، و اكيد مو عاجبتنا لانها عكس للي نطمح له
نبي حياة هادئة و رايقة، سعيدة و كلها أفراح،،

و الظروف هذي تروح ب إرادة الله، الا اذا احنا حابين نجلس فيها و ننغمس في السلبية..


الإنسان لازم يتغير للأفضل،. لازم يجدد حياته حتى ما يوصل لمرحلة العزلة السيئة و الاكتئاب،،


و تغيير نفسك يكون بيدك مو بقرارات احد غيرك،،

في الأول وقبل كل شي استعن بالله، راقب الإشارات اللي يرسلها لك و تأملها،،
اغتنم أوقات الدعاء المستجابه،،

بقولكم شي عن نفسي و كيف الله يبيني ادعيه أكثر و اتوسل إليه،،
بما اني كان من أهدافي اقرأ سورة البقرة كل يوم.. صار لي اليوم ٣٣ يوم
بعد ما أنهى قرائتها ادعي الله و احمده اني اتممت القراءة..
و افتح جوالي و اتصدق لو بريال واحد
بنيه التيسير و التوفيق،،

الإشارة اللي ارسلها الله لي عشان ادعيه أكثر
صرت اصحى فجأة على الساعة ٣ الفجر..
و على طول امسك الجوال الين ارجع انام،، يتكرر علي هذا الشيء

اخيرا قلت بنفسي الله ما صحاني هذا الوقت عبث
قومي يابنت صلى الوتر و اجلسي على سجادتك و ادعي الله بإمنياتك

فيه اشياء كثيره في حياتي موقفه مدري ليه
و فيه اشياء سعيت فيها و ما صارت لي لسى،، و ان شاءالله ابشركم فيها
و فيه اشياء اتمناها من زمان و ربي ما كتبها لي،،
و كثير ناس نحبهم و نبي لهم الخير

كلها تحتاج منا الدعاء،، لقطت الاشاره و صرت اقوم الليل
و أدعي الله اللي بخاطري،،
ادعي بالخير و الله يقربني منه، و يكفيني الشر و يبعده عني،،


و مع الله انت ما ترجع خايب،، راح يجبرك بالسعاده اللي تستحقها،،


هذي أهم خطوات التغيير




الخطوة اللي بعدها تعتمد عليك انت،، بإصرارك و رغبتك في التغيير
يعني ما اقول انا بتغير و اجلس مكاني ما اسوي شي،،
احط أهداف ابي اوصل لها و الخطه اللي بمشي عليها،،

كثير ناس ما تحب الخطط و الأهداف و تشوف مالها داعي و تمشي على البركه،، و تحسب ان هذا الشي الصح،،
لكن للأسف مو صح و حياة بدون هدف هي بدون إنجاز،،
ما اقول الكلام من فراغ،، انا جربت سنتين بدون أهداف
و السنتين هذي كانت فاضيه و بدون إنجاز يذكر
سنتين كانت سريعه جدا،، و ما كانت ممتعه الا في أحداث معينه،،
بعد الحدث السعيده ارجع على طول للرتابه للجمود،،


لذلك الحياة بدون هدف و خطه ماهي حياة،، هي تكون عايش على هامش الحياة..


انت تصنع حياتك بأمر الله،،
اصنعوا ما تشاؤون من البهجة و الحب،،


كلام من القلب، و اكيد راح يصل للقلب :11:

رد: حكــاية قصيــرة ❥
 

انتهت طاقتي بالكلام ،، :ff1 (36):

رد: حكــاية قصيــرة ❥
 

ادعي الله تجي يوم 1-7-1445 :139:

رد: حكــاية قصيــرة ❥
 

عيش الحياه بكل تفاصيلها ،، و لا تنتظر شي من احد ..
لان الحياة اللي يكتبها لك الله هي ألافضل و الأنسب لك ..
و لا تزعل على شي ما صار لك .. ممكن هذا الشي مو خير لك ..


اقتناعك بأن اللي يصير لك هو الخير ،، يزيد من اطمئنانك و هدوءك


:401:

رد: حكــاية قصيــرة ❥
 

في لحظة هدوء و انسجام،
تحدثت مع نفسي كثيراً، و ملئت أوراقي ب امنياتي الصادقة
قراراتي و تطلعاتي المستقبلية،،

اعترفت أمامي نفسي، بالمشاعر المؤذيه المزيفة، و انفصلت عنها،،

فقط في دفتري و على أوراقي، حافظة أسراري، ملجأي و انتمائي

انشد السلام، و لن أتوقف عن ذلك،
و لا أرحب الا بمن يعزز روح السلام بداخلي،،


:11:

رد: حكــاية قصيــرة ❥
 

لما تكون قيمتك الأساسية، هي "السلام و الهدوء"
يزعلك، الضجيج و الصراع اللي يصير في حياتك،،
و تفكر في الطريقه اللي تخلصك من هذا الصراع،،

و تكون عزلتك هي الوسيلة اللي تساعدك..
تفكر مع نفسك، و تبدأ تشطب من حياتك اللي مسبب لك تشويش،،

و ترجع تبطل تشارك الناس أفكارك الخاصة اللي يشوفونها مو مهمة
ماله داعي أشارك احد أهدافي و تطلعاتي حتى لو هم أقرب الناس لي..

و راح ارجع لحالة الصمت و الهدوء :11:

رد: حكــاية قصيــرة ❥
 

تلك الأمنيات تركتها على رف النسيان،
ومضيت اهيم بكل اتجاه
لا قِبلة لي،
و لا بوصلة تهديني الطريق،،


سلكت الطريق المظلم المهجور،،
يدي على قلبي، و الأخرى ترشدني كي لا اتعثر،،


هي آخر حكايات الحزن،
ارويها لكم،

رد: حكــاية قصيــرة ❥
 

هذه الصفحه من حياتي لم تنطوي ،،
و كأنني انتظر الرياح كي تطويها لي ،، و الأجواء ساكنه ،،

رد: حكــاية قصيــرة ❥
 

https://up6.cc/2024/01/170551316052861.jpg



صح انا اسوي كيك .. و ازينها و تزييني على قدي ..
بس كان مستواي احسن من كذا

لكن انا حبيت النتيجه لدرجه اني وريتها كل الناس خخخ
و تحمست اسوي الكيكه مره ثانيه و اتعلم على الرسم اكثر


في الكيكه هذي عرفت اغلاطي ،،
اولا الكريمه رائعه و من أفضل الكريمات اللي جربتها للحلويات
لكن كانت صعبه علي في تغطية الكيكه لأنها خفيفه مرة
و انا انسانه يدي مو خفيفه و ما عندي تركير على الشغلات الصغيرة


و من زود الطناخه انا ماخذتها لصاحباتي في الدوام :ff1 (198):



على فكره كنت نايمه مو عاجبتني مره
صحيت و انا فخورة فيها :11:

رد: حكــاية قصيــرة ❥
 

هالفتره يتكرر على اذني اسم مرره كثير .. و اشوف هالاسم في اماكن كثيره ..
اليوم في الدوام .. عميلة بتطلع من الفرع و تنادي الاسم اكثر من مره و بصوت عالي
فجأه اللي جنبي تقول الاسم و تكرره مرتين . . في لحظتها امسك الجوال و اشوف الاسم ..


في لحظه اقول ايششش فييه :ff1 (9):
غريب هالتكرار اليوم غير عن كل الايام :ff1 (208):

رد: حكــاية قصيــرة ❥
 

محتاره بين أمرين،،
اني اقوم أرتب الغرفه..

و الا اروح اسوي كيكه؟


و الله يستر ما اسوي شي :ff1 (202):

رد: حكــاية قصيــرة ❥
 

اللي جالس يصير في حياتي مرره غريب،،
اسمع بالتخاطر و مؤمنه فيه،، بس بالشكل هذا شي مخيف،،


و انا جالسه في قمة هدوئي و اصفي ذهني عشان اكتب مشاعر حلوة
و أرتب أفكار لهديه لضيفتنا الجديدة،، و جالسه اتفق مع وحده و نتبادل الأفكار،،
تسألني عن ثيم الهديه و ما فهمتها،، تقوم ترسلي صوره توضيح
بس الصوره جابتها في مقتل خلت عيوني طايرة من الفجعه

ودي اقول هي مقصوده و الا ايش خخ بس البنت اول مره اتكلم معها ما تعرفني،،


:395:


و الله أشياء غريبه تصير لي،، بس بنتظر نهايتها
و ان شاءالله خير :1222:

رد: حكــاية قصيــرة ❥
 

هي مزاجية شعور،
تجدها في قمة السعادة، تغني فرحاً،
و في لحظة آخرى غاضبة، من تغير مسارات خطهها،
و في اللحظة ذاتها تضحك من نكتة تافهه، أو تعليق سخيف،
تحزن في أوقات يجب أن تكون فيها سعيدة
تحب عزلتها كثيرا، و تخيفها فكرة الظهور،،
و بعد دقائق تواعد صديقتها لمشاهدة فيلم كوميدي..

قلبها أرق من النسمة، و تقود حربها الشنعاء مع الحياة
و لم تعد تخاف شيئاً