رد: حكــاية قصيــرة ❥
 

اكثر شخص يفرحني ، هو نفسه اكثر شخص يزعلني
المشكله انه جزء لا يتجزأ مني

رد: حكــاية قصيــرة ❥
 

الاسبوع هذا عدا بسرعه ,,
و بكره نهاية الشهر .. و تقريباً حققت 90% من مستهدفات الفرع ,,
كنت اتمنى اني احقق 100% ,, بس الموضوع مجهد و صعب ..

انك تنرمي وسط المعمه ,, تلف يمين و يسار .. تحاول ان تضبط اعصابك قبل ما تضبط الناس اللي حولك ..


التغيرات اللي قاعده تصير فيني مبهره و غريبه بالنسبه لي ..



ممتنه لله اولاً , ثم للاحداث اللي تصير لي ,
للاشخاص اللي اصادفهم الان , جالسين يساعدوني و يتعبون معي بدون اطلب ..
بس اطلب العون و المساعدة من الله في كل صباح



اهم شي المشكله اللي صارت في بدايه شهر 7 اول ما مسكت الادارة ..
و اتصلت و دورت على المعلومه ,, الين ربي سخر لي احد يساعدني و يهتم و يصعد ايميلاتي
معاناتي مع الادارة ,, كأنهم اصنام .. اسأل بالايميلات و يردون بشكل آلي .. و انا احتاج احد يفهمني و يفهم وش اقول ..

احداث مع عميلات صارت لي , تعاطفت معهم و مع مشاكلهم الى حد البكاء
و كنت اتأخر في الدوام بس انتظر الحل

شهر اوقست كان حافل جدأ ..


باقي لي شهر و ترجع مديرتي .. اعد الايام ,, بس عشان تهدأ الدوشه اللي براسي ..
و جهزت لي اجازتين محترمه :ff1 (195): و كل ما انضغط اقول يالله هانت ما بقى شي ..



وحده ابي اروح الرياض , و الثانيه للطايف ,, :ff1 (195):
يارب سهلها لي ..

رد: حكــاية قصيــرة ❥
 

https://l.top4top.io/p_280230kl20.jpg


يالظالمه أربعين مره مهاجمتني :122:
ترا لو ما تهجدين ما اهجد :122:

رد: حكــاية قصيــرة ❥
 

https://k.top4top.io/p_2803ky67p0.jpg


و الله افتريت فيك بس انتي بديتي خخخخ

اللي ما تعرفينه عني اني حقودة و غيورة
لا تقربين شي لي و تبيني اسكت ،، و الله لأقلب الدنيا
و كم اقولكم اهجدو لاني اعرف هذا الشي فيني و ما تهجدون


بالله وش اسوي <- تدمرين العالم ايه خخخ



بس تراني طيبه:445:
بسمح لك تهجمين ثلاث مرات بعدها اتحول لوحش خخخ


شوفي عيوق هجدت عني و هجدت عنها و اتعدتني في البناء
انا الحين اغار ليه تعدتني خخخخ <- ياليل خخخ

رد: حكــاية قصيــرة ❥
 

لما بدا العد التنازلي للفرج ،، جسمي بدا ينهار من التعب
اتمنى تعدي هالاسبوعين على خير و ارتاح ..

رد: حكــاية قصيــرة ❥
 

بدأت اعدادات جسمي تخرب :150:

رد: حكــاية قصيــرة ❥
 

في اعتقادي أن يوم غد حافل للغايه :274:
من اليوم و انا احدد مواعيد مع صديقاتي الجميلات :53:

رد: حكــاية قصيــرة ❥
 

بعد يوم حافل جدا جدا جدا
اتا سعيدة جدا ، و منهارة من التعب
طالعت وجهي المرايه و حزنت على نفسي ، الى اي درجه من التعب واصله ..

رغم التعب
ممتنه يالله لكل لحظات السعادة اللي مريت فيها :11:

رد: حكــاية قصيــرة ❥
 

كنت اعتقد انها لن تمر بهذه السرعة , و مرت ..
مرت كلمح البصر , و انا اركض في كل اتجاه ,,
و رحمة الله تلفني , تمدني بالقوة ,,


ثلاث شهور و انا في دوامة ,,
تقمصت الدور و تشبعت فيه ,,

و انا في عز المعمعه ,
كنت اطبطب على نفسي و اخطط لاجازات ابيها اقصيها ب استمتاع و هدوء
كان هذا احد الاسباب اللي خلاني اصير قوية

و في نهاية المطاف ايقنت , ان الحياة ما تستمر على وتيرة واحد ,,
وانها حلوة بمتغيراتها , و كل ما تقبلت الظروف , يهونها عليك الله بطرق مختلفه ,


و صباحكم خير :111:

رد: حكــاية قصيــرة ❥
 

حالة شعورية , تُبعث .. بعد سبات طويل
تتلبسني , ك حُلم مر في ليلة عابرة


تلك الخطوط , وجدت فقط لنجدد الشعور :ff1 (244):

رد: حكــاية قصيــرة ❥
 

تصير اوقات نكون متمسكين ب اشياء تعني لنا كثير و ما نبي نغيرها
و هذي الاشياء ما تفيدك بشي بس لحبك لها مخليها جنبك و ترافقك
و ما تخليك تتقدم .. واقف مكانك و تبي هذي الاشياء تساعدك بس ما تساعدك
هي بدون روح و انت تعتقد انها تحميك و تساعدك و تعتقد انها شي مميز و تجلب لك الحظ ..


و لما فجأة ,, تقول وش يعني راح اتركها و اجرب اعيش الحياة بدونها
تلقى الامور تسهلت بدونها .. و بشكل انت ما تتخيله ..

كيف كذا انا ضليت كم سنه و انا اعتقد انها مصدر قوه لي و هي بالاساس لا ..!!
هي شي حلو و لطيف ,, بس مو مصدر قوه ,,


هي مالها روح و انت الروح و الحياة ..
لذلك اعرف انك الاساس في هذي الحياة .. مصدر القوة
القوة اللي بداخلك لا يمكن احد يكسرها لو انت اقتنعت بنفسك


و لا تتمسكون ب اشياء مالها فايدة , الحياة سهلة و بسيطه





لحظة تأمل و ادراك
:162:

رد: حكــاية قصيــرة ❥
 

بعض الأماكن عاديه جداً ،
لكن ذكرياتها مبهجة
مشاعرنا هي من تصور لنا ذلك و ليس الأشياء المحسوسة


في لحظه تشعر بأنك تنتظرهم،
و لكن لا يأتي احد ،

رد: حكــاية قصيــرة ❥
 

*تعديل:


مشاعرنا هي من تصور لنا ذلك و ليس الأشياء الملموسه

رد: حكــاية قصيــرة ❥
 

من كثر ما اطلب الهدوء و السلام ، و صار يجيني اوقات كثيره
و اوقات انا اتصنع عشان اعيش في هذي الحاله من الهدوء ..
و يكبر عندي الشعور لما اكون في اجازة و بعيدة عن الأشخاص اللي تزعلني و تسبب لي توتر ..
مهما حاولت أتجاوز انزعاجي منهم إلا أنه يظهر في لحظه الضغط ..


لما تتوسع عندي حاله الهدوء و الانسجام .. و اكون في قمة الروقان
و ارجع للدوام ،، تصير حاله من التوازن و الرضا ،،

تقتنع انك لا يمكن تعيش دايم في أجواء هادئة منسجمه .. طول الوقت
خصوصا في هالفترة من الحياة ..
الفترة اللي اكون فيها بقمة النضوج و الحياد من اي مواقف تصير ..


هالفتره من الحياة انا ابحث عن ما يسعدني و يحسسني بالسلام ..




و صباحكم خير و سلام و سعادة :11:

رد: حكــاية قصيــرة ❥
 

لي فتره طويله ابي اسوي كوكيز ,, بس مرره اكون تعبانه و مره متكاسله
و الشغف ميت ,, و حالتي مزريه خخخ ,,
لما كانو بنات اختي عندنا كانو يطلبوني و انا كل يوم اصرفهم و اقول بكره ..
راحو من عندنا و لا جا بكره ..
لدرجه قلت لهم خلاص اخر يوم اسوي لكم و تاخذونه معكم الرياض
و سحبت عليهم سحبه قويه :209:


ولي اسبوع الان ابي اسوي الكوكيز و اتسحب تسحيب .. :ff1 (33):
كل يوم اجيب لي شي من المقادير .. ارجع البيت و اقول يووه هذا ناقص ما جبته
و اقول خلاص بكره اكمل الناقص ,, و على هالحال ثلاث ايام بدون مبالغه

مسافره الرياض الاسبوع الجاي و لازم اخذ كوكيز معي ,, تعبو البنات من كثر ما يطلبوني :ff1 (71):

و الحين صار التأجيل بالساعات <- يعني فيه امل خخخ
قلت بنفسي اول ما اصحى اسوي ..
جات الساعه سته و ما سويت .. قلت خلاص الساعه سبعه ..
و تكاسلت و قلت اجلس في المنتدى شوي .. و اقول بنفسي خلاص الساعه ثمانيه اسويه
الحين باقي عشر دقايق على ثمانيه ..


تتوقعون ااجل بعد :86:


مدري و الله عني :19: هذا و توني قريت موضوع الاصرار لهمس الجواهر :19:


ان شاءالله تضبط معي و اكسر حاجز الكسل و الخوف و التحجج بالتعب .. :ff1 (71):
اخذت حبة المسكن .. و بتوكل على الله


بس ادعو لي :445:

رد: حكــاية قصيــرة ❥
 

ساعه و نص و سويت نوع واحد من الكوكيز ،،
و انا اسوي تطلع لي افكار و بجربها أن شاءالله تضبط ..
و يطلع في بالي افكار تصوير فيديو .. و صورت جزء من الفكره
و باقي الجزء الثاني ..


كل هذا يصير بدون شغف .. يمكن اكون اتحايل على الشغف عشان يرجع ..!

افكار كثير تدور ببالي و ذكريات تمر علي في ذيك اللحظات ..
يالله كيف يتغير شعور اللحظه مع مرور الايام و تبدل الظروف ..



https://www12.0zz0.com/2023/09/29/06/459433845.jpg



هذا الدفتر له ذكريات حلوه ..
شريت دفتر جديد على اساس انقل الوصفات فيه بشكل حلو و مرتب
بس ما قدرت اتخلى عنه ..


بس لازم اتخلى عنه و افك التعلق بذيك الايام اللي ماراح ترجع نفسها
ممكن نرجعها بشكل ثاني مختلف ..

بفك التعلق زي ما فكيته مع رقم الحساب ،، اللي اخترته بتاريخ ميلادي
بس للاسف كان الأمور تتعكس فيه و كنت ما اقدر اوثقه في منصه اعمال
فتحت حساب ثاني و خليت النظام يختار لي رقم حساب
و الحمدلله اختار لي رقم حلو <- عندها اشكاليه مع الأرقام المميزه خخخ


و بعد ما غيرت رقم الحساب توثق في منصه اعمال بكل سهولة و يسر ..
و اتوقع اني بسوي نفس الشي مع الدفتر و انهيه و انهي ذكرياته و ابدا ذكريات حلوة و جديده ... :69:

رد: حكــاية قصيــرة ❥
 

قاعدة في امان الله انتظر ابرتي .. و اقرأ كتابي
تدخل الممرضه مستغربه تسألني اذا انا المريضه :392:

رد: حكــاية قصيــرة ❥
 

لما تحب لكن في معيقات،،
و انت احتفظت بالشعور، وحاولت تبعد.. لأنه مافي مجال يتعدل الموضوع
لأن الاشكاليه كبيره..

و على مضض انت تنازلت..

لكن فجأة و بدون مقدمات قلت ليه ما احاول و حاولت و نجحت..
في قلبي صار فراشات،، :405:


هذا بالضبط شعوري مع هواوي،،،
انا انسانه احب شركه هواوي،، و أجهزة الجوال تسحرني.،،
لأن تصويرها جدا بطل،، و استخدامها مريح و جميل،،


اللي صار..
عندي تابلت هواوي،، و فتحته بعد ما خرب لابتوبي الين يتصلح..
و جالسه اتصفح و أحاول أحدث التطبيقات..

اول ما بديت بالتويتر،،

من اول التطبيقات ما تتحمل بشكل عادي و لازم برامج مساعده و كذا
اللي يستخدم هواوي بيعرف،،

تحمل التطبيق عااادي،، انبسطت و لمعت في عقلي فكررة

قلت ليه ما احمل قوقل ماب و اشوف،، بالعادة اجهزه هواوي الجديدة مافيها قوقل ماب و إذا حملته ببرامج مساعده ماتقدر تفتح حسابك فيه
حملته و دخلت بحسابي و ضبط الموضوع...
قلت عشان اتطمن أكثر بحمل اليوتيوب.. حملته و دخلت بحسابي:296:

على طول زي المجنونه رحت أدور على جهازي الهواوي و شغلته
و المجنونه نفسها راحت تبحث عن آخر إصدار لجوالات هواوي :359:


الحقيقه انا سعيدة للغايه..
و الآن أنا اشحن جوالي هواوي و بنقل عفشي فيه :296:

رد: حكــاية قصيــرة ❥
 

الله لو كل الأشياء اللي حبيناها،، تتعدل معيقاتها زيك ي هواوي :392:

رد: حكــاية قصيــرة ❥
 

بعض المراحل في حياتي كانت مصيريه لدرجه انها لعبت دور كبير في تغير شخصيتي
و لما عديت سن معين انا تجاوزت الموقف لكن ما تجاوزت الشعور..
يتجدد معي،، في كل مره نسترجع الذكرى،،
و اقول يالله كيف كنت كذا!!!
اتذكر لما كنت اقول احب الصور.. بس الصوره اللي شفتها اليوم لي
خلتني احس بفررراغ كبير..

و فوق اننا جلسنا نسترجع الذكرى،،
رجعت لجوالي اللي فيه صور السنه اللي راحت..
بكيت على ذيك اللحظات،، و كيف اني إلى الآن ما تجاوزت المها
الحمدلله عايشين و طيبين..

بس فيه شي بداخلي يقول يوووه قد ايش تعبنا و المتنا ذيك الايام..
الله لا يعيدها من ايام..

رد: حكــاية قصيــرة ❥
 

هي الفرحه المنتظرة..
انتظرها من سنوات،

هي حب عميق
روح، جديدة، ستغير مجريات السعاده من حولي،،

هي رحمة الله :11:

رد: حكــاية قصيــرة ❥
 

بعد ١٦ سنه
رجعت ابحث عن ملابس الأطفال

:339:

رد: حكــاية قصيــرة ❥
 

تثيرها الدهشة،
تنظر الى عيناي حين اتحدث و كأنها تبحث عن الحقيقة خلف ضحكاتي
تبحث عن الصور و تترجمها إلى حروف لم تقال لكنها تلامس الشعور


لكن لم يخبروها بأن لا تنبش الجراح...!

رد: حكــاية قصيــرة ❥
 

كثير كنت أكرر "لا" في حياتي ،، حتى في اللحظات الجميله و السعيدة .
اخرب اللحظه بكلمة لا ...! بحجج واهيه كنت اخترعها في مخيلتي و لا لها اساس من الصحه


وحده من صديقاتي كانت دايم تطلب مني كوكيز ،، و اخيرا سويت لها
و قلت اخذه معي و بعد الدوام اروح اوصله لها و ارجع البيت ،،
جيت عند بيتها و قلت خلي احد يجي ياخذه .. قالت بذوق و ادب ليه ما تطلعين و تجلسين عندي
بالعادة بقوول لا برجع البيت تعبانه و الا امي تنتظرني ،، أو أي عذر واهي ..
على طول قلت طيب و نزلت لها ،،

نزلت عندها و تغديت من طبخها ،، جلسنا شوي و شربنا الشاهي اللي تحبه ،،
كل ما تسألني وش ابي ،، اقولها انا ابي اجرب طقوسك ،،

و على بالي ساعه و اطلع من عندها ، لكن جلست ثلاث ساعات ..
لولا الحيا سهرت عندها ،، :263:


بس كان أجمل ثلاث ساعات قضيتها اليوم ..


يومي كان جميل استقبلته بروقان و حب ،، و انتي بذات الحب و الحمدلله ..

انتو ب افكاركم ترسمون يومكم كيف بيصير ..

:85:

رد: حكــاية قصيــرة ❥
 

الدعوات الطيبه من الأشخاص الطيبين، َلها تأثير كبير على النفس،،
انك تخدم شخص عمره في حياته ما بخل عليك بمعلومه بمساعده،،
و انت سعيد بهذي الخدمة و ودك انك تقدم له أكثر،،
و هو بالمقابل يشكرك و يمتن لله عشان ساعدته،،

هذا بحد ذاته و عظيم العطاء و يقابله كثير الثناء،،
إذا هذا الشعور بين الأشخاص،، فما بالك بالعطاء و الثناء بين العبد و ربه،،


يالله لك الحمد و الشكر،، اني قابلت في حياتي مثل هذي الانسانه،،
الخدمة اللي سويتها لها جداً بسيطه و سهلة، بالنسبه لي
بس مردودها جداً عظيم سواء الان او مستقبلاً


لو كنت فاقده أشياء كثير،، و ما كسبت من الحياة إلا الأثر الطيب و العطاء الجميل،،
يغنيك عن كل شي فقدته :11:


احنا في الحياة،، مترابطين في العطاء
تعطي راح تأخذ اكيد،،، و ان ما جاك من البشر
بيجيك من الكريم الله سبحانه و تعالى...

رد: حكــاية قصيــرة ❥
 

و فتحنا الشنطه و بديت أرتب أغراض الرحله،، :72:
اولاً شحنت سماعتي،، و حطيت مظلاتي :183:<- مستعده للأمطار :ff1 (13):
و جهزت الكوكيز :11:
اممم وش بعد :ff1 (126):

ايوه طلعت لي ثلاث كتب،، ابي اختار منها شي لطيف يناسب الاجواء


هذي اجازتي الثانيه اللي من قبل ثلاث شهور و انا اخطط لها..

ابي ارجع من هذي الاجازه و انا مستعدة للتغيرات اللي راح تصير،،
مستبشره خير بالايام الجايه،، و احس أحداث جميلة راح تصير لي،،

:401:

رد: حكــاية قصيــرة ❥
 

ودي اسوي لنفسي استعادة ضبط المصنع و ارجع نوره القديمه
اللي الحين تروع ما تهجد خخخ


انا وين ..!

رد: حكــاية قصيــرة ❥
 

الاثنين بنكهة الخميس :ff1 (244):


احب السفرات اللي انا اخطط لها ،،
رسمتها و الله يجعلها زي ما تمنيت ..
مداومه و بعد الدوام بروح الطايف :ff1 (244):
اجازه مختلفه في عز البرد و فيه أعالي الجبال :ff1 (244):


الأشياء الأساسية اللي حرصت أخذها كتاب و كوكيز :ff1 (53):

https://up6.cc/2023/11/170045425977181.jpg

وقع اختياري على هذا الكتاب ،،


و بس ،، يسعد صباحكم ..

رد: حكــاية قصيــرة ❥
 

اغنيه هذا الشهر "جمرة غضى"
ياني اسلطن عليهاا بقووة ..:85:

رد: حكــاية قصيــرة ❥
 

مرورك بالإمكان القديمه يثير فيك الحنين لأشخاص وجودهم كان فرح و بركه ،،
اليوم و احنا نمر بالإمكان القديمه في الطايف ،، لامكان كنت اجيها انا و امي نوره "ام امي" الله يرحمها..
كانت كل رمضان العصر تسوي صدقتها و تطلع توزعها ..
اذكر ذيك الايام بدقه و اذكر شعورها ،، و الروحانية فيها ..

اليوم و انا امر بنفس الأماكن ،، بكيت من الحنين ،، اشتقت لأمي نوره
الله يجمعني فيها في جنات النعيم :11:


https://up6.cc/2023/11/170056756063361.jpg

رد: حكــاية قصيــرة ❥
 

يالله أسألك خير مافي هذا اليوم و خير ما بعده . ..
يارب ارزقني الفصاحة في القول و الطلاقه في الكلام ..

على مفترق الطرق ،، اما ان أسير في نفس مساري و اما ان اسلك مسار جديد

دعواتكم :ff1 (66):

رد: حكــاية قصيــرة ❥
 

الحكايات القصيرة، تجعلك تستمر بالشعور، بالرغم من بتر الاحداث

رد: حكــاية قصيــرة ❥
 

هجرت ذاك الشعور، حين أيقنت انه لا يدوم،
حين تأكدت انه ناقص و انا احب الكمال،، و لا يحتمل التشويه

اغمضت عيني، على الرضا،، الهدوء، و راحة البال
و تشبعت من هذه المشاعر

و فتحت عيني و تلونت دنياي بها..

رد: حكــاية قصيــرة ❥
 

في الأول من ديسمبر وقفت اتأمل السنين الماضية
منذ بداية قرار التغيير،. و انا بين طلوع و نزول..
هزائم و انتصارات،، أحزان و أفراح،، اختلاف مبادئ و آراء و قرارات..
أمنيات ركضت خلفها،، و أمنيات لازالت حبيسة الذاكرة و القلب،،
أهداف كثيرة، و إنجازات قليلة..

نحن هنا على نهاية عام و بداية عام آخر
نقف عند كل اخفاقاتنا، و نحاول تعديلها و استبدالها بالأفضل..
و نشد على أيدينا، و نصفق لأنفسنا على كل مراحل الإنجاز و التغيرات الجميلة..


خطط جديدة، و قرارات جديدة،
و رحلة مميزة ستبدأ من الآن :11:

رد: حكــاية قصيــرة ❥
 

@White

نبارك لنا المدير الجديد،،
و نترقب القرارات العبقريه
و الخطط الرهيبه..

رد: حكــاية قصيــرة ❥
 

لي يومين اتبع عاده حلوة و جميلة.. ي قبل النوم و الا لما اصحى،،
بس في هاليومين نومي غريب،، كأني نايمه و مو نايمة..
ما احس اني مغمضه عيوني،، اشوف نور ..
و مقرره اني اكمل هالعاده ٤٠ يومآ،، و اشوف نتيجتها على حياتي،،
بس انتهى منها.. ان شاءالله اشارككم فيها :85:

رد: حكــاية قصيــرة ❥
 

اقولكم وش رايكم ترجعوني نجم الأسبوع،،
عجبني اللون الذهبي:189:


بما ان مديرنا جديد عادي تعيدونها معي <- ي شييخخ خخخ

رد: حكــاية قصيــرة ❥
 

انا صانعه كوكيز ، و متذوقه للكوكيز ..
اليوم اكلت اسوء كوكيز ممكن تذوقونه في حياتكم ..
يحاول يقلد ماركه معروفه للكوكيز ،، لكن فشلت فشل ذريع ..
و المشكله انه ب ١٣ ريال

رد: حكــاية قصيــرة ❥
 

و انا اقرأ كتاب،، وصلت لصفحه مكتوب فيها "اعتزل ما يشتتك"
و لي تقريبا اسبوع ما قلبت الصفحة!! قولكم وش التفسير لهذي الحاله!!

يعني مابي اعتزل اللي يشتتني!! < شخصنتها خخخخخخ


:35:

رد: حكــاية قصيــرة ❥
 

طاقة الأماكن مرتبطه بأول الأحداث التي حصلت فيه
و بالأشخاص اللي قابلتهم لأول مره في هذا المكان..
متزامنه مع شعورك و أحداث حياتك في تلك الفتره..
و شكل المكان و ترتيبه له دور..


لذلك ممكن نقول عن مكان طاقته حلوه و مكان لا
أو بتعبير ابسط،، مكان نرتاح له و مكان لا،،


تصير لي هذي المشاعر مع أماكن معينه دون غيرها،،
فرع من الفروع انا ما احبه مرره،،
لما رجعت الفتره اللي اشتغلت فيه،، على الصعيد الشخصي ما كانت حياتي جيدة..
كنت أيامها ابحث عن نفسي،، و اكتشف أشياء جديدة فيها..
غير كذا الأشخاص اللي دخلو حياتي بذيك الفترة ما اضافو لي شي
لذلك المكان ارتبط عندي بكل هذي الأشياء،،
فصرت اقول طاقة المكان مو حلوة و ما ارتاح له

على أنه الان مختلف تماما عن السابق في الشكل و الأشخاص اللي يشتغلون فيه..
لكن شعوري ناحيته هو نفسه ما تغير،،
و دليل تأثيره على،، اني رجعت من الدوام نمت إلى أن صحيت الفجر،،
و ما احب الأماكن اللي تسوي لي كذا،،


فضفضه صباحية،، و صباحكم سعيد :ff1 (244):