رد: اكتب بيت شعر على اخر حرف قصيده الى قبلك
 

ياصاحبي وش مزعجك من مديحي
يعني ليا ذموني العالم ارتحت

تقلط على هيلي وهبات ريحي
وعلى ارحب لياجيت وابقه ليا رحت

مالك شبيه الا قرون الوضيحي
الله خلقها فوق وفعولها تحت

ياماكثر اللي ودهم في مطيحي
لكن لاطاحت عزومي ولاطحت

سالم بن جخير

رد: اكتب بيت شعر على اخر حرف قصيده الى قبلك
 

تبرد الدنيا وترتاب القلوب من السكينه
لا شوارعها دروب ولا مساكنها مباني

واتضايق لين ما القاني على اطراف المدينه
ما لسمعي غير غصّات النسم بين المحاني

رحت مثل اليائس اللي تكتم انفاسه يدينه
لين ما مرّت علي احداث عمري في ثواني!

عشت يا صوتٍ يعود الليل ذكراه وحنينه
قالو العالم نساك وقلت والله ما نساني

ناصر مناحي

رد: اكتب بيت شعر على اخر حرف قصيده الى قبلك
 

يا حصاني اللي بعمره ما تقهقر وكن
اضرب على الكايدات و فوقها علني

هلال سلمان الشرفات

رد: اكتب بيت شعر على اخر حرف قصيده الى قبلك
 

رد: اكتب بيت شعر على اخر حرف قصيده الى قبلك
 

،.

لو عصافير حيّك ما تشوفك حبيب
ما بنت في نوافذ غرفتك ،، عشّها ..!

رد: اكتب بيت شعر على اخر حرف قصيده الى قبلك
 

الكرامه شي عقلي والمحبه شي قلبي
انت عاد اللي تحدد يا محبه يا كرامه

محمد دعيرم العجمي