رد: اكتب بيت شعر على اخر حرف قصيده الى قبلك
 

،.

يعمّ الهدوء ويستثير السّكون الصّوت
وانا بين صوت العقل واحساسي الجايش

ما ضيّعتي وذوقني الموت قبل لا اموت
إلاّ عقلي المتحرّص وقلبي الطّايش

اشوف الحياة جنازة في بطن تابوت
لكنّي رغم كلّ الصّعوبات .. متعايش

ترا ما أصعب من الموت واللّي خلاف الموت
إلاّ الفتره اللّي : لا انت ميّت ولا انت عايش..!!

رد: اكتب بيت شعر على اخر حرف قصيده الى قبلك
 

شفت لك صورة على عز الشباب
وابتسمت أول ما لاحظت الشبه

لين راودني: سؤال ..!! بلا جواب
وقتها كم كان عمرك ..؟ يا يبه ؟!

- عبدالله السراهيد

رد: اكتب بيت شعر على اخر حرف قصيده الى قبلك
 

هذا زمان الفشخرة والتباهي
والمؤمن الواعي فواده يدله

عندي دوافع للقصيد ونواهي
ولاينحسب شعرٍ على غير ادله

ماني عن حقوق الرياجيل ساهي
كلٍ يسجل ماقفه في سجله

لـ معوض بن سودان

رد: اكتب بيت شعر على اخر حرف قصيده الى قبلك
 

،.

هذا الزّمن لا عاد تشره على النّاس
ولا تعاتب كل ما شفت زلّه ..

كثر التّشره والعتب يوجع الرّاس
من جاز لك جز له ومن شان خلّه ..!

رد: اكتب بيت شعر على اخر حرف قصيده الى قبلك
 

هذا وقت تلقى فيه من يدعي الإصلاح
يمارس جحود الحق وإفساد ذات البين

علي بن نايف الغامدي

رد: اكتب بيت شعر على اخر حرف قصيده الى قبلك
 

،.

نعيش الحياة بطيب نيّه وصدق شعور
ونحفظ مقام الكفو ونقدّر الخوه ..!