مجتمع غلاك - عُــــــزّلَـــــة

.

صباح الطمأنينة يا رفاق:28:.

قبل ابدأ ثرثرتي الخفيفة معاكم
بقلكم حاجة..

أنا ممتنة جداً ع معرفتكم .. ممتنة لأرواحكم
ممتنة لروحي كذلك..وممتنة لكل شي جميل من حولي :28:..

الإمتنان نعمة حلوة والله ..
مارسوها كل يوم وبتشعروا بمشاعر جميلة ..

مممم
لي كم يوم ف بالي موضوع
نفسي اتكلم فيه هنا
وان شاءالله ان دا هو وقتو :28:.

اختيار كلماتنا ...

تصدقوا بالله
من أواخر 2020 قعدت ألاحظ كل يوم كلماتي وأشوف واقعي كيف..
مسوية اني اجرب يعني :d..
ف يجي يوم اتحلطم ولا اتكلم بسلبية
وأكل ع راسي ف نفس اليوم ..
يجي يوم تاني أغير تفكيري
مجرد مجرد مرور فكرة سلبية ف خيالي
آخد نفس عميق لمدة 7 ثواني
أتخيل الفكرة السلبية كاملة ..
واعمل شهيق بهدوء وأتخيل إن الفكرة خرجت من داخلي مع نفسي..
لا وأتخيلها كالرماد يعني

دي ف حال فكرة فقط..

لمن يحصل موقف يضايقني او يزعلني
صحيح بازعل واتضايق
بس اتعامل معاه بحكمة بعد كده..
أول شي
اتكلم مع الموقف ..
كيف .؟
بخيالي أيضاً ..
أول شي "شكراً لك أيه الموقف ع مرورك
بطريقة أو بأخرى أنا استفدت منك ..درس او حكمة معينة"
تاني شي "إن كنت بحاجة للبكاء أبكي ماخليها ف خاطري"
وآخر شي بدل م اكتب عن الموقف كلام "حلطمة" يعني
أكتب شي أتمناه عكس هالموقف .. أو اتأمل وأتخيل مواقف أحلى ..

وإذا مرة مرة ..أفرغ طاقة زعلي بأي شي
كتابة الموقف وحرق الورقه <<أسهل حاجة وفعّالة جداً

طيب إش باقي.؟

باقي الموضوع الأساسي هنا
"اختيار كلماتنا"

أنا أتوقع أنه سيأتي يوماً ما أكون مرشدة روحية :82:..!

قال علي كرّم الله وجهه : كل متوقع اتٍ فتوقع ما تتمنى.

أثر كلماتنا على انفسنا وواقعنا عظيييم

م كنت مُدركة هالشي قبل ..
لين حصل موقف ف آخر 2020 ..
خلاني انصدم بس صدمة حلوة..

كنت جالسة مع اخواني ف الصالة
ونتناقش كنوع من تغيير نفسياتنا بس..
قلت لأختي قولي كده كده <<دعوة معيّنة
وقالتها من باب انها تسايرني وانا كررتها وراها
لا وخليت البقية يعيدوها.!
تعرفوا اش حصل.؟
دعواتنا كانت 3 العصر تقريبا ..
الله يشهد ع ما أكتب هنا ..
قال "الله أكبر آذان العشاء" الدعوة صارت ف الواقع ..
كلامنا شفناه ..!
والحمدلله ان كلامنا كان حلو:28:..

من بعدها اختلفت نظرتي للحياة تماماً..

لدرجة لمن يحصل حدث او اكون ابا شي معيّن
أختي بس تقول :تخيلي ...
أقلها أسكتي
إن كنتي بتقولي شي سيءوفريه ..

أمس حصل موقف قالت لي تخيـ...
قلت ايش.؟
قالت لا خلاص صرت كل مابقول كلام سلبي افتكر انك معايا وأسكت :54:

هههههههههه والله ضحكت وقتها بس حلو ..صارت معايا ابد م تنطق بسلبية ..
وان شاءالله يتطور معاها الامر ومع اخواني لين يتركوا الكلام السلبي..

تعرفوا حاجة..
كنت من الأشخاص الي مايستغنوا عن فيس القلب المكسور عرفتوه صح.؟
الآن صرت لا شفت أحد يحطوا مقدر أمسك نفسي وما أقلو يستبدلوا بقلب او فيس آخر..
طاقة هالقلب مو حلوة
الله يجبر قلوبنا جميعاً ياسميع ياعليم :82:

يارب إني قدرت أوصلكم هدفي بطريقة لطيفة:28:..

وبس والله