رد: حكــاية قصيــرة ❥
 

صباحكم خير و راحة بال ..

ودي اكتب لكم حكمه الصباح ،
بس مخي فاضي :774:

:202:

رد: حكــاية قصيــرة ❥
 

كنت بسوي لكم لعبه ،،
بس تهاوشت مع ناس و قفلت اخلاقي شوي خخ


بكرة ان شاءالله :288:

رد: حكــاية قصيــرة ❥
 

{وَيَنصُرَكَ اللَّهُ نَصْرًا عَزِيزًا}
[سورة الفتح: 3]

ايه استوقفتني اليوم ..
و الا انا كل يوم اقرا سورة الفتح الصباح ..
بس ما وقفت عليها زي اليوم ..


عشان اعرف و اتيقن ان النصر يأتي من الله
و لا احد في الحياة بيوقف معك و ينصرك غير الله ..

لذلك انا اسلم امري لله و اتوكل عليه ،،
و احارب و الله بيكون معي ،،


الله ينصرني :599:

رد: حكــاية قصيــرة ❥
 

شكرا من القلب لتفاعلكم مع العابي البسيطه ..
سويتها عشان اغير جوي و اشاركم شي من طقوسي ،،
و طبطبتكم و مشاركتكم تعني لي الكثير ،،


انا اسويها في عز الضغط ،و المشاكل و الهواش
بس باقي مضاربه و شد شعور عشان تكمل ،،
و لاني صرت انسانه ما اتحمل و لساني طويل
لازم ارد و ما اسكت ،،

بس العجيب اني فجأه اقلب طيبه و لطيفه :635:


عندي انفصام في الشخصيه و بايعتها شوي ،،:699:

رد: حكــاية قصيــرة ❥
 

تحمل في صدرك الكثيير , و لا تبوح
تحزن , و لا تعاتب , تشقى و لا تتذمر
تعيش بصدر رحب , متقبل , راضي
تبحث عن الامان و لا تجده الا في معية الله


صباحكم امان , و لطف من الله :599:

رد: حكــاية قصيــرة ❥
 

انا متهاوشه مع وحده من الموظفات عندي ,,
اصلا العلاقه بيني و بينها متوتره من 2019 ,, قد اشتغلت معها في احد الفروع
المهم صارت عندي في الفرع لها فتره طويله ..
و كنا نحاول نتقبل بعض .. نلطف اجواء بعض ..
على ان شخصيتها ما تناسبني تماما ,, و لا هو موضوع حديثي الان ..

المهم في اليومين اللي راحت قبعت بيني و بينها
الظاهر اني ما عاد اتحمل اني اسكت و اسلك زي اول
قلت اللي عندي و قالت اللي عندها ..
و كل مشاكلنا ترا تقييم و عن الشغل ..
ابدا ما بيننا شي شخصي الحمدلله ..
هي كبرت الموضوع و اشتكتني لمديرة المنطقه و لمديرتي ,, و انا ساكته ,,
مااحب حركات المبزرة اروح و اشتكي

يوم الخميس الوضع هادي بيني و بينها و نسولف عادي ببرود ,,
قلت يا نوره انتي الكبيره العاقله و سلكت المواضبع , على ان الفرق بيني و بينها 7 سنوات بالعمر .. يعني كلنا عاقلين و كبار ..


السالفه مو هنا ..

السالفه اني حلمت حلم اليوم و كان مشترك بيني و بينها
حلمت اني ماخذه اجازه و كان عندي مشاوير
و بعدين جاني خبر ان انا و هي فايزين ب اعلى تقييم في المنطقه ..
ارجع الفرع ابي اقرا الايميل .. بس رجعت لفرع ثاني مو فرعي !!
انا قالو لي الخبر و ماكنت مبسوطه مره اقول في نفسي الحين تمن علي و تقول انا السبب في ان تقييمك عالي ..
في الحلم شفت مديرتي و وحده من البنات اللي هم اعز صديقاتي
و هي ما شفتها ..

صحيت من النوم و اقول الله لا يحطني في شي مشترك معها ..
الله يستر عليها هي شاطره بس ما يناسبني شغلها , و لا عقليتها ..

يهمني في الشغل الاحترام بالدرجه الاولى ..


و بس طرا لي احكيكم الحلم :414:


احلامي كثيره هاليومين :621:
و بعضها مو حلو و احتفظ فيه لنفسي :588: