رد: • أكتب بيت شعر عـلى ذوقك •❥
 

وصِرْنا نَرَى أَنَّ المُتارِكَ مُحسِنٌ
‏وَأَنَّ صَديقاً لايُضِرُّ خَليلُ

رد: • أكتب بيت شعر عـلى ذوقك •❥
 

يبقى البني آدم مجرد ومخلوق
ملك ولكن في الحقيقة بلا ملك

رد: • أكتب بيت شعر عـلى ذوقك •❥
 

لنَ ترى معادن الناس بالشكل الصحيح
لين تبلغ، مجريات الظروف آشدّها

عبدالله السراهيد

رد: • أكتب بيت شعر عـلى ذوقك •❥
 

رد: • أكتب بيت شعر عـلى ذوقك •❥
 

تمرني عوجا الرفيق السنافي
واصد عن عوجاه ماكني اشوف

مرزوق الثبيتي

رد: • أكتب بيت شعر عـلى ذوقك •❥
 

بين الثقه والغرور براس الانسان .. خيط
يالشاعر الي تشوف اهل الشعر من علو

تدري وش الشعر يالي تغرفه من محيط ؟
انك بملح المحيط .. اتجيب بيتً .. حلو

- عبدالله آل لزيوح

رد: • أكتب بيت شعر عـلى ذوقك •❥
 

اقدار ما ندري على وين تجري
‏لكن عساها بكل الأحوال خيره .

رد: • أكتب بيت شعر عـلى ذوقك •❥
 

،.

الخيال ، أحلى كثيير من الحقيقه
كل ما تشتاق لاحبابك .. تخيّل ..!

رد: • أكتب بيت شعر عـلى ذوقك •❥
 

رد: • أكتب بيت شعر عـلى ذوقك •❥
 

الصمت لامنّ التحدث وجب ذنب
وحلمك بعد يوم احتمى الرمي غادي

تبطي ْشعرة معاوية ماغدت طنب
ولا ينّطح بالخيزران المعادي

- نجم جزاع الاسلمي

رد: • أكتب بيت شعر عـلى ذوقك •❥
 

كم شيخ قوم يصب الماء على ناره
اللي من اول هبوب العز تسعرها

- عبدالله بن زويبن رحمه الله

رد: • أكتب بيت شعر عـلى ذوقك •❥
 

ايه اعشقك ان كان ما عندك خبر
‏واني احبك موت وجيت أخبرك

رد: • أكتب بيت شعر عـلى ذوقك •❥
 

رد: • أكتب بيت شعر عـلى ذوقك •❥
 

اعاتبها ويلمع دمعها واغير الموضوع
‏انا الغلطان دام السالفه تاصل مدامعها

رد: • أكتب بيت شعر عـلى ذوقك •❥
 

رد: • أكتب بيت شعر عـلى ذوقك •❥
 

احيان ودي بك ولا ودي اشغلك
احترت ما بين الجرأه والاحراج

اخاف ابعد وتحسبني اتجاهلك
واخاف اقرب واصير مصدر ازعاج

رد: • أكتب بيت شعر عـلى ذوقك •❥
 

رد: • أكتب بيت شعر عـلى ذوقك •❥
 

علينا المشاغل والضغوطات ملتمّة
لكن ما جعلنا عامل الضغط شماعة

- جابر النشيرا

رد: • أكتب بيت شعر عـلى ذوقك •❥
 

العاقل اليوم حاله مثل : حال الغريب
يستغرب الناس من حوله وتستغربه

تلقاه في مسرح الايام مثل : الأديب
اللي قصيد أكثر الشعار مايطربه

- حزمي بن سعد

رد: • أكتب بيت شعر عـلى ذوقك •❥
 

رد: • أكتب بيت شعر عـلى ذوقك •❥
 

ً
ً

" روحي تحبك غصب عني تحبك
والمشكله حبك بروحي جرحني "



ِ

رد: • أكتب بيت شعر عـلى ذوقك •❥
 

‏
‏اكثر قلوب البشر لو شفت مافيها
‏ما عاد تقبل مقابلها و لو ساعه

رد: • أكتب بيت شعر عـلى ذوقك •❥
 

،.

وجهٍ رغم سود الصّواديف نيّر
كنّه يقول لـ طاري الجرح .. لا باس ..!

رد: • أكتب بيت شعر عـلى ذوقك •❥
 

كنه يقول لطاري الجرح لاباس
الله الله

رد: • أكتب بيت شعر عـلى ذوقك •❥
 

اللي مع نفسه .. ترى ماهو وحيد
‏ترى الوحيد اللى مع الناس الخطأ

رد: • أكتب بيت شعر عـلى ذوقك •❥
 

شرايد الزين مدري وين اعيّنها
ماهيب في زحمة الأيام مدروكة

جيناتها مرمسة وابطى مجيّنها
يطق بيبان مفتوحة ومصكوكة

من الرقاق العذاب اختار ليّنها
ماهيب بالقرص والمعمول مفروكة

تعب عليها وعدلها وزيّنها
كل التفاصيل مضبوطة ومحبوكة

الألماس واللول خافيها وبيّنها
وفي منجم الواحد وعشرين مصكوكة

ماهيب عند ازين العربان واشينها
ماكنّها الا بطاقة بنك في بوكه

مقفل دونها ماحدٍ يعاينها
وجسور الآمال بالبوكلين مدكوكة

- مبارك عبدالله آل خليفه

رد: • أكتب بيت شعر عـلى ذوقك •❥
 

"من همهمات الوداع لصوت ترحيبك
راحت مع الوقت والنِسيان همشها

نسوك حتى الطواري عيت اتجيبك
والذاكرة ماتعرفك لين اغششها

حتى الشعر كل ما اجبرته يغنيبك
عطاني اردى البيوت وقال طرشها"

رد: • أكتب بيت شعر عـلى ذوقك •❥
 

اللي يدنق راسه لخاطر الناس
‏لا ينصدم لا داسوا الناس راسه

رد: • أكتب بيت شعر عـلى ذوقك •❥
 

ماني بكسر بيت والفق ابيات
ذخيرتي حيه وتملا حزامي

وفي كل علمٍ يرفع الراس والذات
عليه توقيعي وبصمة ابهامي

- فيصل بن هدلان

رد: • أكتب بيت شعر عـلى ذوقك •❥
 

،.

أنت ، يا أثمن ما وراء صدري ملحقنّي كلايف
كيف الحقّ شرهتي بعدك ثمين إذا تنكّر ..

كلّ ليل تحاول الرّيح في الباب المسايف
لا قدرت تقطع رجا اللّي من وراه ، ولا تسكّر ..!

رد: • أكتب بيت شعر عـلى ذوقك •❥
 

يروح إللي يروح من ( العمر ) وإللي بقى لازال
‏ويبين إللي يبين من الغلا والخافي .. الخافي !

رد: • أكتب بيت شعر عـلى ذوقك •❥
 

إن كان ما ترث يدينا فعايل
تحرم علينا شربة الشاذلية

والزعفران وحب سمر الجدايل
وحط الشحم وسط البيوت الذرية

تركي ابن حميد

رد: • أكتب بيت شعر عـلى ذوقك •❥
 

رد: • أكتب بيت شعر عـلى ذوقك •❥
 

يارب أنا طالبك بعد الحياة و عمري الفاني
‏المَغفره والعفو .. و الستر و الجنَّه

رد: • أكتب بيت شعر عـلى ذوقك •❥
 

رد: • أكتب بيت شعر عـلى ذوقك •❥
 

،.

ولو النبات يطلعّه دمعة هِيام
شفتوا في وجهي ورود وبساتين ..!

رد: • أكتب بيت شعر عـلى ذوقك •❥
 

في وجودك لو يغيب الكل ما افقد احد
‏وفـي غيابـك كـل شـي بخيـر إلا أنـا

رد: • أكتب بيت شعر عـلى ذوقك •❥
 

رد: • أكتب بيت شعر عـلى ذوقك •❥
 

ألف بسم الله عليك من اتفه أوجاعك
يا جعل التعب لا من نواك انحنى لي
م/ن

رد: • أكتب بيت شعر عـلى ذوقك •❥