رد: حكــاية قصيــرة ❥
 

قبل اربع سنوات كنت ماشيه صح مع نفسي ..
و كنت مركزه عليها تماماً ،،
لكن مع ظروف الحياة و الانهزامات الكثيرة .. و الضعف
تغير عندي اشياء كثيرة في نفسي ما كنت واعيه لها ..
هي صارت غصب عني و انسقت لمشاعر الحزن و التعب ..


لما رجعت اقرا كتاب "السماح بالرحيل"
استوعبت الحياة اللي مريت فيها و المشاعر الكثيرة اللي اجتاحتني ..

و قررت افرمت مخي من جديد :389:
و ابدا من جديد و ارجع نفسي قبل اربع سنوات :11:


عشان كذا انا احب كتاب السماح بالرحيل
و يناسبني كثييير .. و يعجبني ..
حبيته اكثر :11:

رد: حكــاية قصيــرة ❥
 

دائما اللقاء مع رفيقة الروح مختلف تماماً
في كل مره انا اكتشف في نفسي شيئاً جديداَ بصحبتها ..
احب كلامها ، ابتسامتها الهادئة ، و صوتها الحنون ..

نوره شبيهتي و صديقتي الروحيه :11:

https://g-lk.com/up/do.php?imgf=172330398287041.jpg

رد: حكــاية قصيــرة ❥
 

اهلاً ، صباح الخير ..
كيفكم ، وحشتوني :730:

رد: حكــاية قصيــرة ❥
 

يسعد صباحكم ..
للامانه مدري وش اقول ..!
الكلام اللي يدور بداخلي كثير , و التجارب اللي مريت فيها مثريه
ممكن احكيكم عن التجربه و ممكن ما احكيكم <- حركات تشويق خخ
الاحداث اللي مرت اثرت بشكل بسيط او كبير و غيرت مفاهيم و رتبت الاولويات ,,
حطيت حدود , عززت فكرة "نفسي اولاً" .. اذا ريحت نفسي اقدر بالتالي اريح اللي حولي ..



بس انا سعيده اليوم , بعد اكثر من 21 يوم ما استخدمت اللابتوب
نفضت الغبار عنه و فتحته ,,
اشتقت اكتب من خلاله ,, لاني احس الكتابه تكون انسيابيه و الكلام يطلع بدون ما تحس ..


اللي اقولها الان اني ممتنه لكل شي مر في حياتي ,,
و لكل شخص اثر فيني بطريقه مباشره او غير مباشره ..
اكثر شي ممتنه لنفسي الهادئة اللي رغم الظروف لازالت متماسكه
هذا بفضل الله قبل كل شيء ..



:401:

رد: حكــاية قصيــرة ❥
 

في الوقت اللي انت فيه ما تدور احد و لا تسأل عن احد ..
و ما ودك تكبر دائرتك الاجتماعيه ..

فيه ناس تجيك و تدخل فيك من حب و اهتمام ..
يشوفونك لازلت مشرق و تحب الحياة ..
و انت في داخلك منهزم بس تكابر على نفسك ..

هذولا الناس انا احطهم في اعلى قائمة الاصدقاء ..
اكلمهم بكل اريحيه
و اقدر وجودهم في حياتي ..

لانهم يساعدوني ارجع انتعش و احب الحياة
و ما انسى فضلهم ابد ابد ..


الله يسعدهم يارب :11:

رد: حكــاية قصيــرة ❥
 

مزاجي يبي يشتري سيارة :390:
تطورت الحاله النفسيه و صار ما يطبطب عليها الا مشتريات ثقيله :113:

من امس افكر اشتري سيارة و ابي اسوق ..
جيت الدوام اليوم و ادور على عروض السيارات ..

الله يجعلها افكار خير :11:

:177: