رد: حكــاية قصيــرة ❥
 

السالفه اللي صارت لي أمس شاغله بالي،، و ودي القى حل و انفصل منها..
المشكلة انها حاله شعوريه ،، ما تدري من وين تجي
ودي احكيها احد،، و يقولي انا اتوهم أو صدق،،

شكلها مالها الا صديقتي الروحيه نوره،،
ودي اطب عليها بكره في بيتها بعد الدوام :ff1 (133):

بس اذا بروح لها لازم اسوي كوكيز و الا تذبحني بنتها :56:

رد: حكــاية قصيــرة ❥
 

في وحده جالسه تطبطب على قلبي من دون لا تدري
جالسه اتفق معها في شي تسويه لي و جالسه تسوي لي اشياء تعجبني و احبها
جاتني في الوقت المناسب :11:

رد: حكــاية قصيــرة ❥
 

الحمدلله ،، على كثير النعم و جزيل العطايا..
الحمدلله اولا و آخراً، الحمدلله في البدايات و الحمدلله على تمام الأمور..
عوض الله لما يجي ينسيك الدنيا و ما فيها،، تنسى انك تعبت..
و تحس انك ولدت من جديد،،
تحس بحب عظيم لكل الناس،، سامحت الكل،،

و نورة اليوم ولدت من جديد :11:

رد: حكــاية قصيــرة ❥
 

:ff1 (37):



يمكن الشعور قد عاشوه ناس كثير قبلي،،
و فرحتنا انا و خواتي لا توصف..

بس انا،،. احس الحدث بالنسبه لي كأنه تعويض من الله..
ربي يقولي شوفي الأشياء الجميلة اللي صارت لك.. خلاص عيشي حياتك الباقيه بتسليم و رضا،،

من ناحية فرحتي لأخوي و ربي عطاه و عوضه،،
و من ناحيه ثانيه انه سماها نوره،،
و اختيار الاسم كان من زوجته،،

ما انسى لما حضنتني و قالت انا ادعي الله اجيب بنت و اسميها نوره ،،
قلت لها يكفينا انك العوض الجميل لأخوي،،
الفرحه مو بالاسم،، الفرحه أعمق من كذا،، حكايه بداخلي و شعور
ما اقدر اوصفه و لا احكيه.. لأي أحد،،

كنت يوم من الايام منهاره عشانه..
و ربي طيب خاطري :ff1 (37):

و على فكرة انا كنت مختاره لهم اسم "فرح"
بس ربي أراد و صارت نوره،، النور اللي ينور حياة اخوي..
و ينور حياتنا..

رد: حكــاية قصيــرة ❥
 

انت عايش في الحياة تحارب و تجاهد ..
و مستمرين فيها بكل حب و رضا ،، بأمر الله ..
تصبر و تحتسب لله كل أمر عسير و كل كلمه ضرتك ،، و كل شعور آذاك
و الله جالس ينصفك على قد صبرك ،،

كيف بالله ما نعيش مطمئنين و راضين ..
ليه ما نبطل نكد و نعيش مبسوطين أن الله بيعطينا ..

الحمدلله ان اقدارنا بيد الله .. و هو عارف اللي داخلنا و حاس فينا ..



صباحكم حب و رضا :11:

رد: حكــاية قصيــرة ❥
 

الحمدلله ان بكرة سبت ،،
لاني هذا الويكند اجهدت بشكل كبير ..
ماني مستعده اني اداوم :454: