رد: حكــاية قصيــرة ❥
 

يصير لو نتبادل الاوجاع!
اعطيك اوجاعي و الأمي، ، و تعطيني اوجاعك
و نجرب نحس و نشعر ب اوجاع بعض ..
و بعد الفتره اللي تبادلنا فيها نبدأ نقيم اوجاع بعض


<- وحده تبي تعطي رأسها لأحد خخخ

برتاح منه شوي و اخذ اوجاع احد ثاني و عادي اتألم بداله :ff1 (124):

رد: حكــاية قصيــرة ❥
 

https://up6.cc/2023/12/170300383380841.jpg


ما راح تاخذين الا الأعاصير و الزوابع..
و أوقات تحسينه بيت أشباح ما تسمعين فيه الا أصوات الرياح
و من ثقله تحسين شايله شخص معك..


و الا راتبي في حسابي ي عمري ما هو ف راسي
<- عند الفلوس نخسر بعض خخخ

رد: حكــاية قصيــرة ❥
 

بنتي بعد ما كبت العشا، و قالت سواليف و خرابيط البنات
تندمت و قالت : ماما ليه ما جبتي لي اخت!!
يعني اخت تسولف معها و تقولها الأسرار و كذا،،
قلت انا اختك قولي كل شي افهمك و لا بشره عليكم،،
و عشان اعرف اقولك صاحبي فلانه و لا تصاحبين فلانه


بس انتفخ راسي فوق ما هو منفوخ من سوالفها :428:

رد: حكــاية قصيــرة ❥
 

٢٠٢٣

كانت سنه سريعه جدا،،
و كنت احس اني اركض ورا الايام و هي تبتعد أكثر

صارت فيها أحداث حلوة و سعيده كثييير.. حبيتها بكل تفاصيلها

بس ك إنجازات ما فيه،، ممكن الكتب اللي قريتها ف هالسنه اربعه أو خمسه..
و كل ما احاول امسك كتاب،، ما اعرف اركز فيه.،،
ما كنت مركزه على شي.. كثر ما ركزت اني انبسط بالأحداث
ابدا ما حققت شي يذكر


عشان كذا كانت سريعه،، لأنها مافيها إنجازات و تحديات،،


لكن بحاول اغير من نفسي،، ارجع احط لي أهداف و تحديات،،
و انا ما انبسط في الحياة إلا لما يكون لي أهداف أسعى لها..


من العادات اللي بديت اركز عليها من قبل ٣ شهور،،
اني ما يعدي يوم الا انا قريت سوره من القرآن أو عدة أجزاء،،

دايم تمر ايام و انا ما مسكت المصحف و اجلس اقرأ و مركزه
و كنت أخاف هذا يكون هجران للقرآن.. و ارجع اقرا و انا خايفه من هجرانه..

كل شهر اخصص سورة معينه و اقراها يوميا،،
اتدبر في آياتها و ابحث عن تفسير الأشياء اللي ما اعرفها
و التكرار يساعد على الحفظ،، و تذكر الآيات،،
لي الان ٣ شهور و انا ما وقفت ،،
و للامانه أكثر عاده انا ارتحت نفسيا فيها،،
أحس ب اطمئنان كبير،، و يارب ما اوقفها،،


ثاني شي،، وقفت اسوي رياضه،، و قررت اني ارجع للنادي،،
كل الامراض رجعت لي لما وقفت عن الرياضه،،
و طفشت من نفسي و هذا حافز لي اني ارجع..


و برجع اتعلم أشياء جديدة تخص شغلي بالدرجه الأولى


و أشياء ثانيه ودي ارجع لها بس لازالت الحرب قائمة بيني و بين نفسي
ما اعرف ليه... و ما اعرف وش يردني عنها.. لكن لازم اشوف لها حل


و شغله مهمه : ودي ارجع اكون اجتماعيه
و ابطل اعتزل الناس، و ارجع اسولف..
لاني حرفيا الفتره هذي بس ابي اكون لحالي
حتى سوالف في المدونه لي فتره مبطله





متفائلة خير بأن أيامنا كلها حلوة،،
و ربي بيعطينا اللي نتمنى و أكثر،،

رد: حكــاية قصيــرة ❥
 

٢٠/١٢/٢٠٢٣



اول قرار قررته اليوم و نفذته على طول
اني احذف الالعاب من جوالي ،،
:368:

رد: حكــاية قصيــرة ❥
 

على يقين أن الايام القادمه كلها خير ،،


:ff1 (244):