حيالله ذاك الصباح إلى أنفاسه..تبتديبك

[سيدة الحرف]

يا حيالله ذاك الصباح إلى أنفاسه..تبتديبك
ذاك الصباح إلى نوره مايشبه بالكون... نور

والله اني بشوقي اسافر يم ديرتك واجيبك
وان سروري ذاك اليوم بك مايشبه... سرور

أنا ودي وبخاطري بس خوفي من. الاعيبك
خوف القى العواذل بنو مابيني وبينك سور

ليت الي صابني من الشوق والوجد. يصيبك
وتجي تدور حناني وتقطع فيافي... وبحور

ياعساي القاك قربي واهتنيبك... واهتنيبك
وابني لك بين الحنايا مرج من الغلا وقصور

ياغلاي دون البشر ما خطأ عندي.......يعيبك
قلبي دون حبك صحرا مابه احساس وشعور

[عمر]

صح لسانك شاعرتنا على الابيات الرائعة

[نور الشمس]

قصيدة جميلة جدا
حروف ساحرة
صح لسانك
سلمت اناملك

[شو]

-


صح لسانش حرف راق لي
استمري عزيزتي
الله يعطيش العافيه ..

[جنرال]

صح لسانك .. سيدة الحرف ،،،
قصيدة منتهى الجمال ،،،
أبيات راقية ،،،
شكري وتقديري ،،،

[سيدة الحرف]

صح لسانك شاعرتنا على الابيات الرائعة

مشكور اخي عمر
ماقصرت يغالي

ودي وباقة ورد

[سيدة الحرف]

قصيدة جميلة جدا
حروف ساحرة
صح لسانك
سلمت اناملك

نور الشمس
أنرت متصفحي بمرورك الراقي
ودي واكثر

[المعتفس]

متميزة بحرفك كالعادة

صح لسانك

[ابو الملكات]

كنت هنا مع حرفك الانيق استمتع بروعه كلماتك
دوماً انتظر جديدك المتميز اكيد احلى وأجمل
كل الود

[رآنيا]

صح منطوقك وسلمتِ يالغلا

~