... إهداء خاص / لها ...

[نجم ضاوي]

روحي تجر الحان . . والقلب سهران
غرقان باحزانه . . وزادت . . جراحي


ياليته اللي كان . . من قبل . . ما كان
ما كان قلبي . . من علاليه . . طاحي


مهموم .. سالي .. بينها فرق شتان
مثل الليالي .. المظلمه .. والصباحي


ضايع . . ادوّر وين . . والبال حيران
كربه لفاني . . من جميع . . النواحي


سهران راسي . . بالتفاكير . . مليان
الضيق ثوبي . . والهواجس وشاحي


غريب وسط اهلي وارضي والاوطان
اكتم همومي . . لكن الهم . . فاحي


ترا طريق الكذب . . تاليه . . خسران
امشي طريق الصدق تلقى النجاحي


ليت الليالي . . تعود وتعود الازمان
ايام كان الحب . . مالي الضواحي


واشوف ذيك اللي . . شفا كل عيّان
بنت الكحيلا . ام العيون .. الملاحي


مثل القمر .. لا من بدت .. ووجهها بان
يشع نوره . . عم .. كل . . الفساحي


كن الشفايف توت . . خالطه . . رمان
والريق خمره . . داخ به .. كل صاحي


ٍمزيونةٍ . . والزين .. من زينها . . زان
فارق حلاها . . كنها . . البرق . . لاحي


ٍفي وصفها تاهت . حروفي والاوزان
احبها . . في . . جدّها . . والمزاحي


شاميّة القامه . . تمايل . . كما البان
تهتز . . لامن . . داعبتها . . الرياحي


احبها والحب . . أكبر . . من إدمان
وبحبها . . كل .. المتاعب . . تزاحي


... وسلامتكم ...

أخوكم الشاعر .. نجم ضاوي ..

[نبض غلاك]

ابيات رائعه
نجم ضاوي
قلم جميل

دام نبض بوحك
دمت بسعاده

[رآنيا]

يا اهلا بشاعرنا المبدع نجم
صح لسانك وسلم نبض قلمك ويراعي
ودمت شاعرًا رائعاً

~

[آلهيمانة]

،

صح السانكك يالشاعر ،
حروف غاويه ،

لاهان قلمك ،

،

[نور الشمس]

كلمات جميلة جدا و ساحرة
صح لسانك
سلمت اناملك
ننتظر جديدك

[رايــق]

صح لسانك

شاعر مبدع

مميز ومتألق

أينما ذهبت ..كنت نجماً ضاويا

كل الشكر و التقدير لك

دمت بخير

[مسترٍيَحٍ آلُبآلُ]

صح لسانك يالاميرر بدعت:)

[ملآئكيه]

:
حرفِك ماتع حدّ اللّا حد
أشَكرِك عَلى المجهُود الكبيـرَ و المُتميّز
ممُتنه لك
مِن ضُفاف القُلب لك التُحايا كما تليقَ..

[-]

الله الله

صح لسانك ياشاعرنا

من يومك نجم يانجم

استمر

لك الفايف ستارز.

[عتب خرساء•]

صح لسانك اخوى
ويعطيك الف عافيه
وتستاهل

[ابو الملكات]

كنت هنا مع حرفك الانيق استمتع بروعه كلماتك
دوماً انتظر جديدك المتميز اكيد احلى وأجمل
كل الود
استاذي الفاضل
بصدق وامانة درر حروفك الماسية تدرس في جامعات الحب