انا جنون الهوى ياكل وجداني

[ملآئكيه]

الموعد اللي عليه الشوق وداني
ياحيه وحي منهو فيه. لاقاني

ابطيت عنه وانا داري به وخابر
اني مثل ماتباطيته تباطاني

اسابق الوقت والموعد على شانه
مشتاق والشوق سراني وعناني

وصلت للموعد الراقي قبل وقته
ودي اشوفه واشوف ايشلون يلقاني

ولقيته من الحنين وصادق اللهفه
تسابق الريح خطواته على شاني

وضميته لصدري ودمعي نزل مني
يامجمل الشوق لامن صار متفاني

وحارت حروفي وعيني بس تناظرله
ومن الخجل ماعرفت اقول وش جاني

وحاولت ارتب كلامي وانطق حروفي
وذكرتلي بيت قلته قبل يجفاني

ارحب هلابك عساك بخير وشلونك
يالغايب اللي خذيت القلب واشجاني

تعال وقرب وسولفلي عن اخبارك
وعن غيبتك وينها يالقاطع الجاني

ماهزك الشوق محدن جابلي طاري
ماسمعوك اخر ابياتي وقيفاني

من دونك الناس ماتسوى ولا حاجه
ماغيرك اللي سكن قلبي وشرياني

في حبك انا غديت العاشق الهايم
انا جنون الهوى ياكل وجداني

تعال ودي عن غيابك اسولفلك
وشلون عشته وكيف البعد شقاني

كني غريبن يعيش الغربه المره
يقضي الوقت والايام وحداني

ولا يتيمن نزل دمعه عشان امه
فاقد ومن جور ماهو فاقد يعاني

اساير الوقت لو هو دوم يهزمني
ولو ثقل حملي تشيله عني امتاني

يكسرني الشوق لامن غبت عن عيني
وادورك واعرف انك ساكن اجفاني

كتبت فيك القصيد اللي يسريهم
الين صرت الحزين بواقع احزاني

واليوم ياحيك وياحي هالموعد
ياللي خذيت الغرام وصادق اشجاني

[فراشة الربيع]

طرح أكثر من رائع
روعه وجدتها هنا
استمتعت به
و نطمع بالمزيد من طروحاتك الجمييله
شكري لك ,

[رآنيا]

نقل رائع جدا
صح لسان شاعرها وناقلها
ولا حرمنا من جديدك

~

[تساهيل]

يعطيك الف الف عافيه
موضوع رااائع وجهود أروع
ننتظر مزيدكم بشوووق

-

[ملآئكيه]

سرني حضوركُم
في صفحتي اشكركُم على إطرائكُم
فرائحة حضوركُم البهيه طغت على المكان
مني لـ روحكُم تحية ود
كل الشكر مودتي لكُم:رحيق:

[فتى سامي]

سلم ذوووقك وروحك وشكراً لك على طيب ذوووقك


وجمال أختيارك الرائع ولقد أحسنتي الأختيار وأبدعتي يامبدعة


والله يعطيك الصحة والعافية ودمتي في خير وصحة وسعادة

[طيف المحبه]

الله اختيار جميل
شكرا لج ع القصيدة الجميلة

[قصيَميَہ رٍزهہَ♚]

-




آلله يعطيك آلعافيه ع آلنقل..:128::162:

[ملآئكيه]

سرني حضوركُم
في صفحتي اشكركُم على إطرائكُم
فرائحة حضوركُم البهيه طغت على المكان
مني لـ روحكُم تحية ود
كل الشكر مودتي لكُم:رحيق:

[مفاهيم الخجل]

كل الشكـــر لك على هالطرح الأكثــر من رااائــــع ..
لا عدمنا هالتمييز و الابدااع ,,
بأنتظااار جديدك بكل شوق
تقــــديري و آحتــرآمي