آحضنك علن ,!

[alwafa]

https://l.top4top.io/p_1731z1wz31.png



يسعَد ليَ مسـآأكم م ,
آشحـآألكم , ؟ عسآكم بخير . !!


حلو التفتح و التططور ’:97:
بشرط يكّون بحدود الالتزآم الاسلآم و مـآأ نتعداه , :539:


صرنـآأ نشوف التطور هالايـآأم م كلَ يوم يزيد
حتى الوأحد قآم يفصخ الحيـآأء, ....!!

معقولّه وصلنـآ لـ مرحلـهه :

1_ عآدي الرجل يظهر آختـهه و زوجتــهه
قدآم آصدقـآئه ه ’’’....؟


2_ صآرت الحرمـهه تحضن زوجـها
قدآم النآس علن ف المطآأر ولا فيَ مكآن عام ,......؟

.
.



.
.
شو موقفكَم


- لو شفتو هالشي قدآم عينكم, ؟
- كيف رآح تكون ردت فعلكم م ...؟
- هل هالتصرف طبيعي ,!؟






رآيكَم ب هالأمر ,............!!









https://c.top4top.io/p_1731b7b733.png

[كلمات]

1_ عآدي الرجل يظهر آختـهه و زوجتــهه
قدآم آصدقـآئه ه ’’’....؟

لا مو عادي.
__




2_ صآرت الحرمـهه تحضن زوجـها
قدآم النآس علن ف المطآأر ولا فيَ مكآن عام ,......؟

مهما كان السبب المفروض الاماكن العامة لها احترامها
والاحضان بين الزوجين تكون بعيدة عن هذي الاماكن.

_


شو موقفكَم


- لو شفتو هالشي قدآم عينكم, ؟

ما اتخذ موقف،
لان هذي تصرفات اصحابها احرار فيها.


- كيف رآح تكون ردت فعلكم م ...؟

عادي مثل ماقلت قبل هما احرار
مع استنكاري لهذي التصرفات.


- هل هالتصرف طبيعي ,!؟

الناس تختلف كلاً حسب مبادئه
ومدى تفتحه وتطوره،
انا اشوفه غير طبيعي.
___


الوفا..
طرح ممتع للنقاش ~

[آلهيمانة]

،

حي الله خيتي العزيزه ،

ف نظري ، حلو التفتح و التطور مطلوب ،
الواحد مايتم واقف على نقطة معينه ف حياته ،
لازم يتطور ، و يواكب العصر ..

لكن مش معناه يفل امها فل وينسى قيمة
مبادءه فالحياه ..


اتوقع الشخص الي عادي عنده يطلع حرمتة
بالاخص اهله ، مع احترامي له هذا انسان
مافيه نقطة غيره على شرفة .. ولا فيه احترام ،

والحرمة الي تحضن زوجها قدام الناس ،
هاذي انقول العتب ع زوجها الي معطيها وجه ..


منقود ، عند العرب ،
لو هالموقف قدامي ، بشوفهم بنظرة احتقار ،
ومثل هالناس اطيح من عيني و اتوقع نظرة
المجتمع نقول عنهم { فاصخين الحيا }

الله يهديهم ، نتطور لكن بحدود معقولة ،

والي يسوي مثل هالتصرفات
نتوقع يسون اخس عن جي ،

ترى مش جو ورومنسيه لو حضنته
جدام الناس ولا شوو انك اتظهر اهلك ،




الرب يعطيهم العقل هذا الي اقدر اقوله ،

سلمتي عزيزتي ،
لاهنتي الساع ،



كل الود لج
،

،

[شو]

مساش اسعد
اشكرش يالوفاء علئ هاطرح الرائع بصراحه ...

بـبــدا


1_ عآدي الرجل يظهر آختـهه و زوجتــهه
قدآم آصدقـآئه ه ’’’....؟
لا اكبر غلط هالشي وين الغيره
مهما يكون ذي من محارمك فـ عليك الحرص ياهذاا



2_ صآرت الحرمـهه تحضن زوجـها
قدآم النآس علن ف المطآأر ولا فيَ مكآن عام ,......؟

هنا حسب الجنسيه بصراحه بعضهم اجانب وعادي عندهم
اما الي نفسنا فحظرو للمكان له احتـرام ولاصحابــه ..

شو موقفكَم
موقف يقزز الواحد فعلينا ان نصبر علئ هالنوعيه

- لو شفتو هالشي قدآم عينكم, ؟
اغض البصر وكن لم ارئ شي

- كيف رآح تكون ردت فعلكم م ...؟
عليه الصمت واكمل المشوار وكن شي لم يحدث ...

- هل هالتصرف طبيعي ,!؟
مو طبيعي وراح استغرب ومليون علامه تعجب !!!!!!!!!!!!!!!



<<الله يهديهـم ويصلحهـم مـن مـر علـئ هالمســار~_~


كلمــتــي / مهما كانت التطورات لاننسئ ماهي عداتنا وتقاليدنا ..






دمتي بسعــاده ..

[عتب خرساء•]

وعليكم السلام ورحمة الله وبركاته ،
شاكره لك على هالطرح الرائع ، هذا اولا
وثانيا:
لو يصير هالشي قدامي
صراحه ، انا اشمئز
وأزرى اي احد يصلح هالحركات ، في نفسي واعماقي
ترفض هالاشياء، التودد الملحوظ، وحركات الغزل الملحوظه قدام الله وخلقه
ما احس ان لها داعي ، عرفنا زوجتك على سنه الله ورسوله وماقلنا شي ولا اعترضنا ولكن
بغض النظر عن انو عيب، فيه بنات او رجال ربي ما رزقهم النصيب، ولو حدث
هذا المنظر قدامهم ، اكيد بيدخل في نفوسهم الغبظه لهم ، والحسره ، وقد يكون هناك حسد
وامور مالها اول ولا اخر، فترك بعض الامور ، افضل
من اثارة الشبهات،

ردة فعلي
الصمت ، والنظر فقط، انا ما احب احشر نفسي
في شي مالى فيه ومالى دخل فيه من الاساس، ولكن
لي حق اني استنكر هالشي في داخل نفسي ، ومحد له علاقه
في نظرتي الشخصيه، سوا كانت على مزاجه او مزاجي ،
.اما سالفة اني انصح وكذا كا اتوقع تجيني الجرائه هذي
هم شخصين عاقلين ويعرفون وش قاعدين يصلحون ، فماهم محتاجين النصح
او الارشاد،
وهل هالتصرف طبيعي ؟!
طبيعي برا ، خارج الدول الخليجيه والعربيه بصفه عامه
دينا يحث على التستر والتعفف والحياء في كل مكان وزمان ،
ممكن حنا نشوف كثير من الخوارج في كذا منظر ، ومانستنكر هالشي الان هالشي صار
شي روتيني وعادي عندهم ، بل قد نجدهم اكثر عفه وحياء منا، واخلاق ،
ولكن لو صدر من جنسيه عربيه خليجيه ، معروف عن هالبلد انها ذات قيم واخلاق ، وتحكمها
العادات والتقاليد ، مهما بلغ الانفتاح، ما نفصخ الحياء ابدا، فهو جمال تتزين به كل امراه عربيه
خليجيه سعوديه،فترك بعض الامور افضل ، ودرى لشوبهات والقسل والقال .
وبس هذا رايي ،
اسفه جدا على الاطاله.

[مسترٍيَحٍ آلُبآلُ]

كمجتمع خليجي قليل جدا اشوف هالموضوع بس يكثر بالمطار هههه

كمجتمع عربي الوضع احسه عندهم عادي وفري الدعوه على حسب

ما تعودو عن نفسي شخصيا ماحبذ هالشي موليه احس في شي غلط

الوفا موضوع قوي جدا بدعتي

[قروشه]

هالتصرف اشوفه مخالف للذووق العام وماله اي داعي في الاماكن العامة
ومالي ردة فعل غير اسلم على يدي وجه وقفى واقول الله لايبلانا
بس اعذر المسافرين وقت لقاء احبتهم
هذي الحاله الوحيدة والمستثناه اللي اتقبلها لمن اشوفها في المطارات
وللامانة دايم تصير معي بعد العودة من متابعه حالتي الصحيه
وقتها مشاعر كثير تتحكم فينا سواء انا اقبلت على عالتصرف او احد من اهلي

[مستحيل]

اهلا وسهلا
بالوفا

سالفة يظهر اخته او زوجته او احد من محارمه
عند ربعه واصدقائه

اعتقد ما احد يختلف على ان هالشي مخالف للشرع
جملة وتفصيلا


سالفة الحضن بالمطار

هذي تعتمد على وشلون حضن يعني

لو جات زوجة ومتستره ومتحشمه وقابلت زوجها او اخوها او ابوها اللي مستقبلها بالمطار وعانقته هل نسمي هذا عيب واحتضان ؟

فا فيه فرق بالاحضان
فيه احتضان غلط وعيب
وفيه عناق محترم يعني شوي


راي شخصي

[همس الآيام]

ليت بس كذا يالوفاء :200:

اشيا، واشياء تغيرت من حولنا وللأسف صرنا نشوفها عادي

ولا نستغربها ~

طبعا انا ولله الحمد ماتستهويني الأماكن المختلطة او ذات الموسيقى

العالية اتجنبها قدر الامكان ومع ذلك اشاهد في اماكن عامة بعض الظواهر

التي ذكرتيها وفي بعضها واضح الاصطناع او التعمد من اجل لفت الانتباه لهم

ماقول الا الله يسترنا دنيا وآخره :lo2:

موصوع جميل غاليتي شكرا لك ~