((يا حيف يالجمهور مروا عليه))

[القارظ العنزي]

يا حيف يالجمهور مروا ... ... عليه
والا قولوا لي يع واقول ....... لبيه
واشطب على القيفان بكامل يديه
واغادر الموقع على خير ... . يا بيه
صعب اتحمل جفوة ..... الغشمرية
الصاحب اللي دايم الدوم .. نرجيه
تحطمت روحي وروح ...... الشقية
والكل منا جاير الوقت ... . مشقيه
الترفة اللي ما لقينا ............ حليه
ولا ظنتي بالقى شبيهن .. حواليه
قولوا لها تصبر عليه ... ...... شوية
عسى الولي يفرج علينا .. ونرضيه
انا اشهد انه بالغوالي ......... رضية
مير الحسد هو السبب في خوافيه
ربك يجازي السبب .......... بالاذية
الله يشله في يدينه ..... .. ورجليه
والا يشويه بنار تشعل ... .. اضويه
والا يشل الشوف منه ...... ويعميه

القارظ العنزي

[عبير]

ابيات رائعة
سلمت اناملك

[سيدة الحرف]

صح لسانك
شاعر المكان بلا منازع
مليون صح كلك
اجزلت النظم ياسلطان الحرف

احترامي

[القارظ العنزي]

الروعة في مرورك نور الصبايا

[القارظ العنزي]

صح بدنك احلام
اشكرك يالذوق

[مزن المشاعر]

الشيح والقيصوم بارض ٍ نديّـه
في روضة المرباع ديمك يساقيه

أرضك جفاف اليوم ماهي عذيه
ما تعرف الخبيّز لو كان تسقيه

واللي يميّـز في رياضك هـديّـه
لكن ظروف الوقت ما هي تخليه

ما يفهم المقصود غيرك عليّـه
ردّ ٍ كتبته في عيـون ٍ تراعيه

يالله عسـاها ما تجي فيك سيّـه
هذا مقولي واحفظ اللي تسميه



مزن المشـاعر

[القارظ العنزي]

يا مرحبا باللي فقدنا ....... مجية
له مدة غايب يا مرحبا ....... فيه
الشيح والقيصوم ربك ....... وليه
هو الذي يسقي دياره ... ويسقيه
يا صاحبي صدقت برض .... بليه
فيها البشر كل يغني ........ بغاليه
وانا نسيني صاحبي .... يا خطية
راح وتركني يجذبه صوت حاديه
تعال يالمطنوخ روح ......... عليه
في ديرة تفرح بشوفك . وطاريه
بالوالمة نبداك ........... بالشاذلية
ومن عقبها واجبك كبش . مغذية
كبش حجزته للنشاما .. .... هدية
لمزن المشاعر نذبحه ثم . نشويه
يا مزن يا مشكاي حالي ..... ردية
الله لو تدري بهم صديقك يعانيه
فرقى الحبايب ايضا فرقى البلية
شبل صغير للمراجل ........ مربيه
ابيه ياخذ على العدوان ...... هيه
اللي غدوا بحقوق عوده وواليه
يدرع بهم مثل الوحش . بالشلية
حتى يتقطع جمعهم بين . أياديه
هذا يبوس الراس مثل .... الهفية
وهذا يبوس ايديه واقدام رجليه

القارظ العنزي

[مزن المشاعر]

كفو ومليون نعم أخوي القارظ وعزيمتك وصلت .
والله يحفظ لك الذيب وتشوف خيره .
صح إلسانك يالجزل

مزن المشاعر

[شو]

صح بوووحك
تالقت وابدعت
تقيمي وختمي ...

[القارظ العنزي]

كفوك الطيب مزن المشاعر

[القارظ العنزي]

صحة ايامك شوق المها

[رآنيا]

ابدعت وسلمت على هالابيات الجميلة ولا حرمنا مِن جديدك

~

[القارظ العنزي]

يسلم عمرك رانيا عودا حميدا

[خآبت ظنوٰني]

صح منطوقكك يالشاعر أبدعت


تحيآتي لك

[القارظ العنزي]

صح بدنك خابت ظنوني