يـا حــمـــــــــــــامـــه

[مزن المشاعر]

يا حمــــامــه


يا حــمــامـه فــوق بـرج الفـيـصــليّــه
مع شـروف الشمس في رووس النوايف

يا هـديــل ٍ شــدّنــي مـن راعـبـيـــّه
كـنّـها اللـي فـاقــد ٍ شـوف الـولايـف

ظـنـّـتـي فيبحّـتــك عـلّــه خـفــيــّـه
وش حـصــلّـك يا حـمــامـه من كسايـف

كــنّ صــوتـك في هــديلك ســامريه
صــحّـت الهــاجـوس في عـوج ٍ نحـايـف

يـوم شــفت الــزيـن كـلّـه قــابـلـيّــه
مع حــلاتـه جــامـع ٍ كلّ الـوصــايـف

لـيـت رجــلّـي مـا وطــت بالـقـيـصـريّـه
ومـا ذكـرنا وش حـصـل يــوم المـصــايـف

من غــزال ٍ شــفـتـها وقــت ضْــحـويّـه
فــوق جـيــب ٍ أبـيــض ٍ غالي كلايـف

عـارضــتـنـي يا حـمــامـه بـالـحــويّــه
في محــطــه كانــت الشـوفه خـفـايـف

ثـمّ قــفّـت يـا حـمــامه مع صـبـيــّـه
مع طــريـقـه قـلـت يالله بالخــلايـف

لـيـتــنـي يـا نــاس بالـرحـلّـه خـويّــه
والـعـيـون اتْـشــوف عـيـنـه والشـفايـف




مزن المشــاعر

[القارظ العنزي]

دام بس الشوف سبب لك ..... بلية
اجل لو حبتك وش يجري بالطايف
تهتز القيعان والمزن ........... بردية
وتسيل الشعبان وتغطي .. النوايف
والحوية ذيك ما فيها ........ حوية
زلزلة يا صاحبي بنار ... الشفايف
يا عربنا ياهل الدار .......... العذية
حبكم جاب الخطر بين ... الولايف
الرومانسي ما ينوح يصبر ... شوية
يبدا حبه في حنان وفي ... لطايف
عشقكم يا صاحبي يبي ..... بدوية
يبي زول ما يهاب ولا هو ... خايف
طرقا ترعى فالغنم وسط .. الشغية
والسوالف عذبة مثل ...... القطايف
وان حصل لك وصلها دون الضحية
اللم مغفور ذنبه .......... والخفايف

[رآنيا]

سلم نبض قلمك شاعرنا المتألق مزن
وأسعد الله قلبك ع الابيات الجميلة
دمت بكل خير

~

[عمر]

الله على جمال الابيات
صح منطوقك يامزن على الابيات الجميلة

[جنرال]

صح لسانك ،،، وعلا شاااانك ،،
منطوق جميل ،، وأبيات زاهية ،،،
أبدعت ،،
شكري وتقديري ،،،

[الجوري]

رائعه

[قروشه]

صح لسانك اخوي مزن
جاك الرد من العنزي:)
صح لسانه
ولاهنتو

[عآزفّ النّآي]

صح لسانك وجاد بنانك
نص جميل ورائع استمتعت بــ قرائته

تحياتي .

[مسترٍيَحٍ آلُبآلُ]

صح لسانك يالامير ما قصرت ذووووق :10ل0:

[عاشق البداوه]

ابدعت بكلماتك اخوي مزن
صح لسانك وعلا شأنك
سلامة قلبك ونظرك
الله يعطيك العافيه
ننتظر جديدك الراقي

[المعتفس]

يالجمال البحر والقافية والمعنى

صح لسانك ملايين

[مزن المشاعر]

دام بس الشوف سبب لك ..... بلية
اجل لو حبتك وش يجري بالطايف
تهتز القيعان والمزن ........... بردية
وتسيل الشعبان وتغطي .. النوايف
والحوية ذيك ما فيها ........ حوية
زلزلة يا صاحبي بنار ... الشفايف
يا عربنا ياهل الدار .......... العذية
حبكم جاب الخطر بين ... الولايف
الرومانسي ما ينوح يصبر ... شوية
يبدا حبه في حنان وفي ... لطايف
عشقكم يا صاحبي يبي ..... بدوية
يبي زول ما يهاب ولا هو ... خايف
طرقا ترعى فالغنم وسط .. الشغية
والسوالف عذبة مثل ...... القطايف
وان حصل لك وصلها دون الضحية
اللم مغفور ذنبه .......... والخفايف



صح بدنك وصح إلسانك يالجزل


نظــرته يا صاح بالطـعـنـه قويـّـه
عين حــر ٍ لا نزل للصـيــد شايف

من ثلاث ســنين هي تطري عليّه
لا ذكــرته صار في قلبي رجـايف

كـنّ جسـمي صابته برد بْــرديّـه
صـابني بالعـين وحـدود الرهـايف

لا تـلـوم القـلب فيها جـاذبـيـّـه
لكـن الأيّـام ما تعـطي نـصـايـف

والليـالي مانصفتني بالهــديّـه
والهــدايـا ما تـجـي ابْلـيّـا وصايـف

روّحـت يا خــوك والسأيق وخـيّـه
يــمّ ديـره ما عـرفنــاها حسـايـف



مزن المشــاعر

[مزن المشاعر]

سلم نبض قلمك شاعرنا المتألق مزن
وأسعد الله قلبك ع الابيات الجميلة
دمت بكل خير

~



الله يسلمك أستاذتي رانيا
ويسعدك والجمال بتواجدك .

دمتي بسعاده
مزن المشاعر

[مزن المشاعر]

الله على جمال الابيات
صح منطوقك يامزن على الابيات الجميلة

أستاذي عمر حياك الله
صح بدنك
اسعدني حضورك اللطيف
والجمال بهذا التواجد الكريم

مزن المشاعر

[مزن المشاعر]

صح لسانك ،،، وعلا شاااانك ،،
منطوق جميل ،، وأبيات زاهية ،،،
أبدعت ،،
شكري وتقديري ،،،



يا هلا بك يالجنرال نورت
تشرفت بهذا الحضور الكريم

صح بدنك وسلمك الله
تقديري واحترامي لشخصك

مزن المشاعر

[مزن المشاعر]

رائعه



يا هلا بك يالجوري
الروعة بتواجدك طال عمرك

أحترامي
مزن المشاعر

[مزن المشاعر]

صح لسانك اخوي مزن
جاك الرد من العنزي:)
صح لسانه
ولاهنتو



يا هلا بك قروشه
صح بدنك
وجاه الرد اللي يليق بقلمه ولا هنتي أنتي .

تقديري واحترامي لك
مزن المشاعر

[مزن المشاعر]

صح لسانك وجاد بنانك
نص جميل ورائع استمتعت بــ قرائته

تحياتي .



يا هلا بك أستاذتي
صح بدنك وسلمتي

الروعة في تواجدكم الكريم
تقديري واحترامي لشخصك

مزن المشاعر

[مزن المشاعر]

صح لسانك يالامير ما قصرت ذووووق :10ل0:



يا هلا ومرحبا أخي مستريح البال
نورت بتواجدك وصح بدنك

تقديري واحترامي وباقة وردي لشخصك
مزن المشاعر

[مزن المشاعر]

ابدعت بكلماتك اخوي مزن
صح لسانك وعلا شأنك
سلامة قلبك ونظرك
الله يعطيك العافيه
ننتظر جديدك الراقي



يا هلا وحياك أخوي عاشق
نورت بتواجدك الكريم
صح بدنك ولا هنت
الله يسلمك ويحفظك

تقديري وودي واحترامي لك
مزن المشاعر

[مزن المشاعر]

يالجمال البحر والقافية والمعنى

صح لسانك ملايين



المعتفس يا هلا ومرحبا نورت
صح بدنك .
صدقت هو من البحور الجميلة والعذبه وتناس مثل هذا النص .

شكرا على الإطراء شاعرنا العزيز
أحترامي وودي لك

مزن المشاعر

[خآبت ظنوٰني]

صح لسانك
يعطيك العافيه

تحياتي لك