((انا نصحتك واحذر الناس يا طير))

[القارظ العنزي]

...... خلك مع الداشر يزيدك مداشير
يمنحك من اللي يشتعل في ضميره
......... الدشرة اللي عندكم كلها خير
......... كل على طبعه يلاقي عشيره
.. انا نصحتك واحذر الناس يا طير
...... احذر من اللي يخدعك بالاميرة
...... الكلمة اللي تجلب الضير للضير
...... فيها الخطر والسم ونار سعيرة
بعض العرب في مظهره يكثر الخير
... . . وعلمه عند اللي عالم بالسريرة
.... خلك مع الوافين ولو تكنس البير
....... ولا عشرة التجار لو هي وثيرة
.. اخشى يبيعك بيعة القمح واشعير
عقب الذهب تصبح حياتك .. شعيرة
.. جتك النصيحة يا بشر توك اصغير
... خذها نصيحة مخلص مع صغيرة

القارظ العنزي

[مزن المشاعر]

صح إلسانك على النصيحة


ابيات جزله من جزيل المعايير
فيها نصيحه والمعاني كبيره

منظر نشوفه بالصباحات وعْـصير
غرّ ٍ يفرّ السوق ما به ستيره

وين المساجد والنّصح بالمنابير
وإلا مجالس من رجال ٍ خبيره

لكن عسانا نهتنـي بالتبـاشير
وانشوف جيل ٍ للمصانع يديره


مزن

[القارظ العنزي]

ايامنا صعبة وظروفنا .............. غير
يا سيدي المطنوخ ذيب ....... العشيرة
حنا بلانا من سموم ........... ومعاصير
قامت تهب وتشتهيها ............. منيرة
وان قلت يا منيرة لا تجين .. الطوابير
ما لك برجال ما يبون .......... الستيرة
قامت تزعل هرجنا يزعل ........ الطير
عزي لطير قام يهدد ... .. ...... عشيره
يا صاحبي صبرك على بعض المحاذير
والكون يا مشكاي ربك .......... يديره

صح السانك مزن لاهنت

[موفي الوافي]

.. اخشى يبيعك بيعة القمح واشعير
عقب الذهب تصبح حياتك .. شعيرة
.. جتك النصيحة يا بشر توك اصغير
... خذها نصيحة مخلص مع صغيرة


سلمت يمينك

[القارظ العنزي]

ومن قال يسلم موفي

[قروشه]

نصايح من ذهب
صح لسانك يالقارظ
ولاهنت

[القارظ العنزي]

صحة انفاسك قروشة

[المعتفس]

صح لسانك مبدعنا القارظ
ولاعدمنا جديدك

[القارظ العنزي]

صح بدنك لاعدمنا
حضورك ايها الفذ
المعتفس

[رآنيا]

بعض العرب في مظهره يكثر الخير
... . . وعلمه عند اللي عالم بالسريرة

ابيات جزلة من شاعر جزل
ابدعت وكفيت ووفيت شاعرنا المبدع
وبيض الله وجهك وصح لسانك

~

[القارظ العنزي]

انت الكفو رانيا
صحة انفاسك
واسعدني مرورك
العطر احترامي

[خآبت ظنوٰني]

صح لسانك اخوي
ابدعت .،يعطيك العافيه

تحياتي لك

[عزة رجل]

صح لسانك يا مبدع

سلمت يداك يالقارظ