((يا طير ياللي مع القيفان متعلي))

[القارظ العنزي]

يا طير ياللي مع القيفان .......... متعلي
ياللي غدا بالعرب قافه ..... .. وطاروقه
وش حيلتك باللي حظه طاح . . ومولي
من صاحب معلنن بالغدر . ...... والبوقة
من عقب ماني حبيب يفترش .. .. ظلي
مع الكسد والكرونا منتعش ....... سوقه
باع الوفاء باعه كله وباعني ......... كلي
بانت علومه وبين بالبلا ............. عوقه
يا صاحبي صويحبي يا صاحبي . ياللي
انت الامل والرجاء وذوقي على .. ذوقه
وش حيلتك في بلايه عجل ...... وقلي
وش حيلتك باللي ضاعت جملة حقوقه
انا ارفع ايديني لله ربي ......... واصلي
وادعي على الغادر يهلك سوقه .. ونوقه
والا احتسب في مصيبة . شوقي وخلي
والقى العوض عقبها بالبيض . ممشوقة
الياشافت القارظ صاحت مرحب وتهلي
واليابغينا لنا درب بدا ............... فوقه
له ضحكة من حلاها ناقف ........ نحلي
مع شامة تشتعل بالخد ..... .... مدقوقة
ارسل جوابك يخفف دمع . ......... يهلي
دمع محرق نظير ومحترق ......... موقه

القارظ العنزي

[رآنيا]

صح لسانك واعتلى شانك شاعرنا المبدع والمتألق القارظ
وسلمت من كل شر

~

[القارظ العنزي]

صح بدنك وتسلم روحك رانيا

[عمر]

صح لسانك على الابيات

[القارظ العنزي]

صح بدنك عمر لاهنت

[عاشق البداوه]

له ضحكة من حلاها ناقف ........ نحلي
مع شامة تشتعل بالخد ..... .... مدقوقة

الله الله عالوصف الرائع
سلمت يداك
صح لسانك وعلا شأنك
لا عدمنا جديدك
الله يعطيك العافيه

[القارظ العنزي]

صح بدنك عاشق البداوة لاهنت

[مزن المشاعر]

صح إلسانك يالجزل

يا حي طير ٍ على المشراف متعلّي
من كفّ صقار كبده حيل محروقه

والحل عند الحبايب كان ما زلّي
سوق المشاعر عليها واطلق سبوقه

يالقارظ اسْـمع ردوده قبل تنحلّي
ما بين قلبك وقلبه تفرط عْـذوقه


مزن

[القارظ العنزي]

يا مزن راحت ما بها قول ..... تنحلي
اختارت اللي يروق الترف ... وتروقه
وبقيت احاتي يابن الاجواد في ظلى
ولا هي غريبة طيرنا قطع ... سبوقه

سعيد جدا بمرورك مزن
شاعر كبير مثلك نفخر
بمروره وحضوره وصداقتك
ايضا لاهنت ولا هان منطوقك

[موفي الوافي]

سلمت يمينك وصحت السانك ملايين

:write:

[القارظ العنزي]

صح بدنك موفي لاهنت