مغتر في نفسه ..✍🏽

[موفي الوافي]

زرعت في قلبي من اعوام واشهور
‏محبته يوم الغلا اخذ مده

حميت انا واسقيت والود مبذور
باقصى الضماير والحنايا تحده

واينع غلاها في الصدر جاله زهور
واذراه انا في قيض وقته وبرده

واثمر غلاها خاطري منه مسرور
عقب التعب باقطف ثماره وورده

‏وزاد الجفى واصبحت انا منه مقهور
‏ولا عاد لي في صاع حبه ومده

خله على حاله اليا صار مغرور
مغتر في نفسه ولا احدٍ بقده

ياهيه يالي صرت بالناس مشهور
اللي سواتك جعل مالله رده


.
وسلامتكم

[القارظ العنزي]

صح السانك لاهنت

[رآنيا]

صح لسانك شاعرنا المبدع وافي

~

[سيدة الحرف]

وزاد الجفى واصبحت انا منه مقهور
‏ولا عاد لي في صاع حبه ومده

خله على حاله اليا صار مغرور
مغتر في نفسه ولا احدٍ بقده

الله كم هي مؤلمه هاذي الابيات
صح لسانك يالوافي
أبدعت وربي ابدعت
صح لسانك مدد بلا عدد
لك ودي واحترامي

[نجم ضاوي]

سلمت يمناك ولا عدمناك ...

[نور الشمس]

صح لسانك
كلمات جميلة

[همس الآيام]

صح لسانك وعلى شانك ~