... في غيابك .. دمعة عيوني نزلت ...

[نجم ضاوي]

البارحه بي .. هواجيسي . سرت
وقمت في نضم القصايد تسليت


من يوم ذكراها . على بالي طرت
اشوف نفسي .. في الثريا تعليت


في غيابك . . دمعة عيوني نزلت
وأنا عمري .. في حياتي ما بكيت


لو صورتك . مرت ببالي وحظرت
ابتسم واقول . . منك لا .. خليت


ارتقت صورتك . في عيني وعلت
مرني طيفك .. خذاني لك سريت


من جفن عيني نومي إللي له خذت
يزورني طيفك . . ولو ساعه غفيت


لو ذكرتك . هاضت عيوني وبكت
وإنت سالي .. عن بكايه ما دريت


النفس حبيتك . ولكن .. ما ادركت
هالمصيبه .. يوم انا . فيك ابتليت


في غيابك .. بايخه . حتى النكت
صرت عايش .. بس جواي . ميت


كنها عيني .. عقب فقدك .. عمت
عطشان شوفك وفي غيابك مرتويت


خايف تعوّد لي .. وتلقاني .. متت
وقتها ماينفع . . إن جيت وبكيت


... وسلامتكم ...

بقلمي : أخوكم الشاعر ... نجم ضاوي ...

[القارظ العنزي]

مبدع ويشوقني ماطريت
وصح السانك ملايين

[عمر]

صح لسانك شاعرنا
ابيات جميله كعادتك

[ملامح يوسفيه]

خايف تعوّد لي .. وتلقاني .. متت
وقتها ماينفع . . إن جيت وبكيت



هذا أجمل بيت فنظري لأن معناه مخالف لظاهره .

قد يخطر فبال البعض أن البيت يحمل قسوة على حب كان له مكانة عميقة وحان وقت القصاص والانتقام.

ولكن البيت مختلف تمام بل هو التشريف الكامل لهذا الحب العذري الراقي.


اعتقد أن عشقا كهذا لا يمكن أن يقسى عليه أحد الطرفين .
ربما لك رأي آخر ولكن إن خلت بقلبك أظنه راح يقول
لا أستطيع إلا أن أسامح عاشقي
لأن عشقا كهذا طغى على كل مفاهيم التجريح والالم والفراق.

صح لسان شاعرنا وما أقول إلا ...أي قلب تحمل !!!!!

لوحة رغم قتامة ألوانها إلا انها تحمل معاني كثير
وإبداع يفوق الخيال أبدعتِ وتميزتِ

تقبل مروري
خيتك بحه


:lo2:

[الجوري]

ابداع

[alwafa]

•'










في غيابك . . . دمعة عيوني نزلت
وأنا عمري .. في حياتي ما بكيت
بگيتت ،


صح لسـانكك
هالمره ابياتكك عشت بمعانيها
حزينـهه ححيل و فيها من الشووق طاغي ،

كلمات نابعه من قلب

انتظر يديدك ي نجم

[القارظ العنزي]

حاولت اعدل خطا مطبعي
عند غاليتنا الوفاء وما نجح
تحول ردها بأسمي صح
السانك ثانية نجم

[قصيَميَہ رٍزهہَ♚]

-


جبتهآ عع آلجرح ي نجم..
صصح آلله منطوقك ولآهنت ..

[إكتفآء]

-



في غيابك . . دمعة عيوني نزلت
وأنا عمري .. في حياتي ما بكيت

/
كم هو مؤلم الغياب
كسر لقلوبنا
ونزف لدموعنا .!

الشاعر المتميز نجم ضاوي
ماروعها من قصيده
ابيات جميلة نالت الاعجاب
صح بوحك شاعرنا القدير
وتسلم يمينك لاهنت
كل التقدير الاحترام لك .،

[سيدة الحرف]

حاولت اتناسى الغلا......ماقدرت
بالحنايا يا هوى البال....... حليت

شرق غرب في أي وجه.... رحلت
في خفوقي وين مارحت. وجيت

همي وهمة يا غناتي.........شلت
وعنك يابعد عمري..... ما تخليت

عاود والله اني من الفرقا.. تعبت
يمرني طيفك كل........ما غفيت

تعب قلبي من سنين وما. ارتحت
في غيبتك على حياتي... جنيت

حيرت الصبر من كثر ما... صبرت
عايش بين الخلق وكني حي ميت

الشاعر القدير
نجم ضاوي

ابدعت
صح لسانك مدد بلا عدد
تقبل مجاراتي المتواضعه


احترامي

[رآنيا]

خايف تعوّد لي .. وتلقاني .. متت
وقتها ماينفع . . إن جيت وبكيت

رغم مابها من مشاعر مؤلمة الا انك ابدعت وامتعت
صح لسانك شاعرنا المبدع الجزل ولا حُرمنا من جديدك

~

[موفي الوافي]

في غيابك .. بايخه . حتى النكت
صرت عايش .. بس جواي . ميت


كنها عيني .. عقب فقدك .. عمت
عطشان شوفك وفي غيابك مرتويت


سلمت يمناك ولاعدمناك


:write:

[ERROR]

ماشاء الله ابداع الله يعطيك العافية

[ابو الملكات]

كنت هنا مع حرفك الانيق استمتع بروعه كلماتك
دوماً انتظر جديدك المتميز اكيد احلى وأجمل
كل الود

[خآبت ظنوٰني]

صح لسانك اخوي
ابدعت .،يعطيك العافيه

تحياتي لك