ستاند أب كوميدي - رحلتي في التيك توك: من تريند رقص لهدية على طبق فول

[SaMeH-Des]

🎤
"يا جماعة… التيك توك ده مش برنامج… ده *سلسلة صدمات* 😅

تدخل كده أول ما تصحى من النوم، تلاقي واحد بيقولك:
(في 3 خطوات هتخس 20 كيلو في أسبوع)
… يا عم أنا لو طلعت 4 مرات السلم بيتعب نفسي، إزاي هخس 20 كيلو؟!

تسيب الفيديو وتفتح اللي بعده…
تلاقي بنت قاعدة بتعمل لايف وهي بتاكل مكرونة بشاميل… والناس باعتلها هدايا!
طب أنا يا جماعة لو صورت نفسي وأنا باكل فول… حد هيبعتلي هدية؟ ولا هبقى تريند في شارعنا بس؟

وفيه ترندات بقى غريبة جدًا…
تلاقي 3 عيال بيرقصوا في نص الشارع… والعربيات وراهم بتزمر!
أنا في يوم وقفت في إشارة لقيت شباب بيرقصوا تريند جديد… قلت يمكن العربية هي اللي غلطانة مش أنا!

والكارثة… الناس اللي بيفتحوا لايف ويقعدوا يعيطوا!
واحدة تلاقيها قاعدة تقول: (أنا محدش حاسس بيا 😭)… وتبص تلاقي في نفس اللحظة وصلتلها هدايا بـ500 جنيه!
أنا شخصيًا لو كل مرة عيطت جالي هدية… كنت زماني بعمل لايف وأنا بذاكر رياضة من تالتة إعدادي!

والأخطر من ده كله… إنك تفتح التيك توك تقول: (هتفرج 10 دقايق بس)…
تفاجأ إنك بعد 4 ساعات بقيت حافظ أسماء كل الكلاب والبسس اللي في التطبيق… وناسي اسم ابن خالك اللي كان بيبات عندك امبارح!

يعني باختصار… التيك توك مش بيسرق وقتك… التيك توك بيعملك *خطف عالهواء مباشرة!*"

[نجمة]

الكوميديا الساخرة عندك رائع
النص جميل ولطيف ويأخذ قضية بطريقة محببة

احسنت ^^

ع فكرة انا ما عندي تيك توك ولا مفكرة بيوم ولا عندي فضول اشوفه ابدا :244:

[SaMeH-Des]

الكوميديا الساخرة عندك رائع
النص جميل ولطيف ويأخذ قضية بطريقة محببة

احسنت ^^

ع فكرة انا ما عندي تيك توك ولا مفكرة بيوم ولا عندي فضول اشوفه ابدا :244:

يسعدني إن النص عجبك 🌹 والكوميديا هدفي منها تكون خفيفة وقريبة للقارئ. بالنسبة للتيك توك عادي جدًا، كل واحد له اهتماماته، ويمكن ده اللي مخلّي وقتك أثمن بعيد عن دوشة السوشيال ميديا 😅👏

[احساس غريب]

بصراحة انا ماليش في هذا التطبيق نهائياً بس الصدق
ذا التطبيق مهبل بخلق ربي اكثر من ما هم مهابيل و كل شيء يقلدونه
و في ناس تجري وراء المكاسب الماديه بـ اي وسيلة للاسف
على العموم ما نبي نتعمق في ذا الامور
بس يعطيك العافية اخوي سامح على الكوميديا اللطيفه

[روح]

😂👏👏
يا عم إيه الحلاوة دي؟
خليتني أعيش رحلة التيك توك معاك خطوة بخطوة وكأني أنا اللي باكل الفول على لايف 🤣.

حقيقي الكلام مظبوط… تيك توك مش مجرد تطبيق، ده “حفلة مفاجآت” طول اليوم!
تدخل تلاقي واحد بيديك كورس تخسيس، بعدها على طول واحدة بتاكل كنافة وتحصد هدايا، وانت الوحيد اللي قاعد قدام الموبايل جعان ومش لاقي غير كباية شاي 😂.

وأجمد punchline بقى بتاعة “أنا لو كل مرة عيطت جالي هدية، كنت زماني بعمل لايف وأنا بذاكر رياضة من تالتة إعدادي”… دي لازم تتحفر عالجدار 👌🤣.

إبداع × ضحك × واقع مرير 😂👏

[SaMeH-Des]

بصراحة انا ماليش في هذا التطبيق نهائياً بس الصدق
ذا التطبيق مهبل بخلق ربي اكثر من ما هم مهابيل و كل شيء يقلدونه
و في ناس تجري وراء المكاسب الماديه بـ اي وسيلة للاسف
على العموم ما نبي نتعمق في ذا الامور
بس يعطيك العافية اخوي سامح على الكوميديا اللطيفه

الله يعافيك يالغالي 🌹
فعلاً كلامك صحيح، صار التركيز كله على المكاسب المادية حتى لو على حساب المحتوى 😔
والحمد لله وجود ناس مثلك يعطوا رأي صريح وبدون مجاملة 👌
نورت الموضوع بطلتك 🌺

[SaMeH-Des]

😂👏👏
يا عم إيه الحلاوة دي؟
خليتني أعيش رحلة التيك توك معاك خطوة بخطوة وكأني أنا اللي باكل الفول على لايف 🤣.

حقيقي الكلام مظبوط… تيك توك مش مجرد تطبيق، ده “حفلة مفاجآت” طول اليوم!
تدخل تلاقي واحد بيديك كورس تخسيس، بعدها على طول واحدة بتاكل كنافة وتحصد هدايا، وانت الوحيد اللي قاعد قدام الموبايل جعان ومش لاقي غير كباية شاي 😂.

وأجمد punchline بقى بتاعة “أنا لو كل مرة عيطت جالي هدية، كنت زماني بعمل لايف وأنا بذاكر رياضة من تالتة إعدادي”… دي لازم تتحفر عالجدار 👌🤣.

إبداع × ضحك × واقع مرير 😂👏

😂😂😂 يا سلام عليك! ردك ده لوحده ينفع يتعمل ستاند أب كامل على المسرح 👏
فعلاً التيك توك بقى عامل زي السيرك المتنقل، كل شوية مفاجآت أغرب من اللي قبلها 🤹‍♂️.
وموضوع الكنافة وانت بكباية الشاي دي قتلتني ضحك 🤣.
تحياتي ليك يا نجم، إنت أضفت للموضوع جرعة ضحك زيادة فوق الوصف 👌🔥.

[راما]

،.


ظاهره تستوجب المناقشه
التّيك توك عالم ذو رتم سريع
وسلاح ذو حدين ممكن يُستفاد من جانب كبار العقول والعكس

طرح قيّم
سامح
يعطيك العافيه
ويخُتم + 200 نقطه
:123:

[SaMeH-Des]

،.


ظاهره تستوجب المناقشه
التّيك توك عالم ذو رتم سريع
وسلاح ذو حدين ممكن يُستفاد من جانب كبار العقول والعكس

طرح قيّم
سامح
يعطيك العافيه
ويخُتم + 200 نقطه
:123:

الله يعافيك ويسعدك 🌹
فعلاً كلامك في الصميم 👌، التّيك توك فعلاً سلاح ذو حدّين، واللي يعرف يستغلّه بوعي ممكن يطلع منه فايدة كبيرة، والعكس صحيح.
شاكر مرورك الراقي و +200 نقطة على راسي 🌟

[نقاء الورد]

تفاجأ إنك بعد 4 ساعات بقيت حافظ أسماء كل الكلاب والبسس اللي في التطبيق… وناسي اسم ابن خالك اللي كان بيبات عندك امبارح!

والله كلام مزبوط
يمكن انت كتبته بطريقه كوميديه
لكن هو واقع للأسف
ودمر اجياااال
بدايه من الاطفال للشباب و وو
حاجه مزعجه فعلا لكنه واقع انفرض علينا
واحنا بغبائنا الحقناه وتابعناه
كل الشكر سامح
كتاباتك هادفه بأسلوب لطيف جداً
دمت بسعاده