انا معك

[علي]

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

،

ان قلت لك ترضى بعد والا تبي تزعل بعد
تصبح تناقضني وناقض هرجتك في كل قول

ان قلت انا معك وانا معك تراني مستعد
خل التناقض بالسلوم ولايجي حول الاصول

اللي شهد بالزور لاتحسب احساب انه ولد
فكر بعقلك وش يبيه وش يبي منك ينول

لاصار خاين للضمير ومغضبٍ واحد احد
فكر بعقلك وانتبه تلقى لها عندك حلول

اسلك طريق الحق لايهمك عدد واكثر عدد
واللي على السنه محارب كل يوم وكل حول

احمد شهد بالحق وضده كم جمع اللي شهد
وهذا دليل الحق ينصر لو قسى الظالم يطول

واللي بغى الجنه ترا يبغى لها صدق وجهد
خلك على السنه وخل اللي عن السنه ميول

يوم الجزا تلقى الوعد عند الاله اللي وعد
يارب ترحمنا وتجعل للعمل عندك قبول

واللي ترك ملة محمد بس قلي وش وجد
الويل يوم الويل يوم الويل له ويلٍ يهول

ولاتحتقر واحد حليقٍ بس لربه مجتهد
كبر اللحى ياصاحبي مازودت نقص العقول

اللي زرع واللي حصد واللي زرع ولاحصد
عموما ابن آدم ترا طبعه على الدنيا عجول

كم من نصيحة مصطنع ياصاحبي هدت بلد
وكم من نصيحة ناصحاً سورٍ عن الفتنه تحول

بس اترك العالم ترا مالك وراها من سعد
وترا السعد هدي النبي اقراء وطبق مايقول

واختامها صلاة ربي عد مايرعد رعد
على الشفيع الهادي المبعوث للامه رسول

.

منقول
شعر: مساعد بن مزعل العنزي

[راما]

،.
كلمات عميقه
من شاعرٍ فذّ
سلمت علي
صحّ لسانه
وصحّ ذوقك
:123:

[معزوفة]

ذائقة جميلة وكلمات جميلة
سلمت يداك

[رآنيا]

جميلة جدا
الله يقويك ويعطيك العافية ع الطرح الجميل

~