علي
07-24-2025, 01:30 PM
بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
،
على مقامٍ يدهله .. كل قرناس
يقول من عدّى على راس عالي
الليل هذا .. ليل مسرى وهوجاس
قد شفت وجهه في قديم الليالي
بدايه نكبه .. وتاليته افلاس
وانا مولّي يا الرفيق الموالي
في خاطري لجّه وفي عيني نعاس
وقلبي ما يرحم ضيقتي وانشغالي
شفني تعبت من المشاعر والأحساس
ومن واقعٍ .. تحت تصرف خيالي
ومن شبهة الفرحه ومن كتمة الياس
وكذبي على نفسي وصدق انفعالي
راحت سنه وانا بعزله عن الناس
مسوي بروڤه .. لحفل اعتزالي
المجتمع حساس والوضع حساس
وانا على نياتي .. وطيب فالي
كثرت من / هين / وعادي / ولا باس
وقصرت في حقي .. وطولت بالي
كنّي لهب من حولي القوم جلاس
انا احترق .. وقلوبهم ما تبالي
حتى هذاك معرب الراس والساس
لو قلت كيف الحال ؟ شكّ بسؤالي
يشاور ابليسه ويعطيه وسواس
ويجرجره مع حزبه الإنفصالي
يدور الشهره لو إنها بتكساس
ولا عنده إلا ثوب و الثوب خالي
وعبادة الشهره ولكاكة الساكس
سوى سوى ما فيهم أول وتالي
ولا بماديهم .. معزّه ونوماس
على حسب حاجتهم تصير غالي
(تعرضوني بكلمةٍ بين الأقواس
وعرضتها متن الهبوب الشمالي)
أطمر وإذا وصلت لتدنيقة الراس
والله ما اداري لوم عمي و خالي
أقطع علاقتهم مثل قطع الأنفاس
مجامل الرديان .. ماهو مجالي
(عاد إنت يا اللي لك ورا الصدر مجلاس
يفدا وقوفك راسي .. وراس مالي)
على الطريق اللي يهابونه الناس
كمل معي .. ولا بكمل لحالي
.
منقول
للشاعر/ حمود ابو عوينه
اللهم صل على محمد وعلى آله وصحبه أجمعين
السلام عليكم ورحمة الله وبركاته
،
على مقامٍ يدهله .. كل قرناس
يقول من عدّى على راس عالي
الليل هذا .. ليل مسرى وهوجاس
قد شفت وجهه في قديم الليالي
بدايه نكبه .. وتاليته افلاس
وانا مولّي يا الرفيق الموالي
في خاطري لجّه وفي عيني نعاس
وقلبي ما يرحم ضيقتي وانشغالي
شفني تعبت من المشاعر والأحساس
ومن واقعٍ .. تحت تصرف خيالي
ومن شبهة الفرحه ومن كتمة الياس
وكذبي على نفسي وصدق انفعالي
راحت سنه وانا بعزله عن الناس
مسوي بروڤه .. لحفل اعتزالي
المجتمع حساس والوضع حساس
وانا على نياتي .. وطيب فالي
كثرت من / هين / وعادي / ولا باس
وقصرت في حقي .. وطولت بالي
كنّي لهب من حولي القوم جلاس
انا احترق .. وقلوبهم ما تبالي
حتى هذاك معرب الراس والساس
لو قلت كيف الحال ؟ شكّ بسؤالي
يشاور ابليسه ويعطيه وسواس
ويجرجره مع حزبه الإنفصالي
يدور الشهره لو إنها بتكساس
ولا عنده إلا ثوب و الثوب خالي
وعبادة الشهره ولكاكة الساكس
سوى سوى ما فيهم أول وتالي
ولا بماديهم .. معزّه ونوماس
على حسب حاجتهم تصير غالي
(تعرضوني بكلمةٍ بين الأقواس
وعرضتها متن الهبوب الشمالي)
أطمر وإذا وصلت لتدنيقة الراس
والله ما اداري لوم عمي و خالي
أقطع علاقتهم مثل قطع الأنفاس
مجامل الرديان .. ماهو مجالي
(عاد إنت يا اللي لك ورا الصدر مجلاس
يفدا وقوفك راسي .. وراس مالي)
على الطريق اللي يهابونه الناس
كمل معي .. ولا بكمل لحالي
.
منقول
للشاعر/ حمود ابو عوينه