ينابيع الغلا

[علي]

جفت ينابيع الغلا / ناحت الورق
واقلق دروب الغيم موسم هطوله

غربت من ضيقة صدر والهوى شرق
وفي داخلي لك شي مقدر اقوله

الحرف مجدافً وبحر الجفا طرق
وعيونك الموج و ضفافك ميوله

بيني وبينك لو حصل بالهوى فرق
بعض الصعود احيان يشبه نزوله

وغصن اليباس اللي كشف كسره البرق
هذا آخر أوجاعه وآخر فصوله

من يطعم الاضلاع مع نبضة العرق
فرحة / رجل ما عاش معنى الطفولة

من حرّم الضحكة/ ومن حلل السرق
يقفي ولو خطوات رجله خجولة

ما طحت ذا متني على هامتي أرق
دامك ملك/ صدري من الشوق دوله

.

للشاعر/ سلطان ناجي الأسيمر
المصدر: جريدة الراي الكويتية

[رآنيا]

جميل جدًا ما اخترت ونقلت
سلمت ويعطيك العافية يارب

~

[عآزفّ النّآي]

أبيآت جميله أخ على انتقاء مميز كعآدتك
أنتظآر جديد ذائقتك

دمت بخير ،,

[علي]

مرحبا بالجميع
الله يسلمكم ويبارك فيكم